Кыргыз Республикасынын Министрлер Кабинетинин (Кыргыз Республикасынын Министрлер Кабинети менен Корея Республикасынын Өкмөтүнүн ортосундагы «Республикалык клиникалык инфекциялык оорукананы функционалдык жакшыртуу» долбоору үчүн Экономикалык өнүктүрүү максатында кызматташуу фондунан (EDCF) кредитке карата макулдашуунун долбоорун жактыруу тууралуу) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ 2023-жылдын 29-марты № 145-т

1. Кыргыз Республикасынын Министрлер Кабинети менен Корея Республикасынын Өкмөтүнүн ортосундагы "Республикалык клиникалык инфекциялык оорукананы функционалдык жакшыртуу" долбоору үчүн Экономикалык өнүктүрүү максатында кызматташуу фондунан (EDCF) кредитке карата макулдашуунун тиркелген долбоору жактырылсын.

2. Кыргыз Республикасынын финансы министрине принциптүү эмес мүнөздөгү мүмкүн болуучу өзгөртүүлөрдү жана толуктоолорду киргизүүнү эске алуу менен төмөнкү документтерге кол коюуга ыйгарым укук берилсин:

- ушул тескеменин 1-пунктунда көрсөтүлгөн Макулдашууга;

- Кыргыз Республикасынын Министрлер Кабинети менен Корея Экспорттук-импорттук банкынын ортосундагы (EDCFтин атынан Өкмөттүк агенттик) "Республикалык клиникалык инфекциялык оорукананы функционалдык жакшыртуу" долбоору боюнча кредиттик макулдашууга.

3. Кыргыз Республикасынын Министрлер Кабинетинин 2021-жылдын 31-декабрындагы № 353 тескемеси күчүн жоготту деп таанылсын.

Кыргыз Республикасынын Министрлер Кабинетинин Төрагасы

А.У.Жапаров

МИД КР исх. № 08-074/4672 от 17.11.2022 "Республикалык клиникалык жугуштуу оорулар ооруканасын функционалдык жакшыртуу" долбоору үчүн Экономикалык өнүктүрүү максатында кызматташуу фондунан (EDCF) берилүүчү насыя боюнча Кыргыз Республикасынын Министрлер Кабинети менен Корея Республикасынын Өкмөтүнүн ортосундагы МАКУЛДАШУУ Кыргыз Республикасынын Министрлер Кабинети менен Корея Республикасынын Өкмөтү (мындан ары Тараптар деп аталып), Бишкек шаарында 1998-жылдын 9-декабрында кол коюлган Экономикалык өнүктүрүү максатында кызматташуу фондунан (EDCF) берилүүчү насыя боюнча Кыргыз Республикасынын Өкмөтү менен Корея Республикасынын Өкмөтүнүн ортосундагы макулдашууга ылайык, төмөнкүлөр жөнүндө макулдашышты: 1-берене.

1. Корея Республикасынын Өкмөтү Кыргыз Республикасынын Министрлер Кабинетине "Республикалык клиникалык жугуштуу оорулар ооруканасын функционалдык жакшыртуу" долбоорун (мындан ары "Долбоор" деп аталып) ишке ашыруу үчүн Экономикалык өнүктүрүү боюнча кызматташуу фонду үчүн (мындан ары - "EDCF") өкмөттүк уюмунун Кореянын Экспорттук-импорттук банкынан (мындан ары "Банк" деп аталып) насыя (мындан ары "Насыя" деп аталып) алуу мүмкүнчүлүгүн берет.

2. Насыя алуучу Кыргыз Республикасынын Финансы министрлиги аркылуу аракеттенүүчү Кыргыз Республикасынын Министрлер Кабинети болуп саналат (мындан ары "Алуучу" деп аталып).

3. Насыя корея вонунда берилет. Насыянын суммасы жыйырма жети миллион АКШ (27000000 млн. АКШ доллары) доллары эквивалентинен ашпоосу керек жана ушул Макулдашуунун ажырагыс бөлүгү болуп саналган Алуучу менен Банктын ортосунда түзүлүүчү Насыялык Макулдашуунун тиешелүү жобосуна ылайык корея вонунда белгиленүүгө тийиш.

2-берене. Насыянын шарты, ошондой эле аны пайдалануу тартиби Насыялык Макулдашуу тарабынан жөнгө салынат, ал төмөнкүдөй принциптерди камтыйт: (а) Насыяны жабуу мөөнөтү он (10) жылдык жеңилдетилген мезгилди кошкондо кырк (40) жылды түзөт; (b) Пайыздык ставка (коюм) жылдык пайыздын ондон бир бөлүгүн (0,1%) түзөт; Алуучу кореялык чакан жана орто ишканалар (ЧОИ) же орто ишканалар менен сатып алууга келишим түзгөндө Насыя бөлүгүнө карата Корея мыйзамдарында жана ченемдик актыларында аныкталгандай жеңилдетилген пайыздык ставкалар (коюмдар) колдонулат, алар курулуш иштерине жана жабдуулар менен курулмаларды сатып алууга кеткен чыгымдарды төмөнкүдөй жабат: (i) эгерде бир же бир нече кореялык чакан жана орто ишканалар (консорциумду же кореялык чакан жана орто ишканалардын биргелешкен ишканасын кошкондо) менен келишим түзүлсө, анда нөлдүк (0%) пайыздык ставка (коюм) колдонулат. (ii) эгерде бир же бир нече кореялык орто ишканалар (консорциумду же кореялык орто ишканалардын биргелешкен ишканасын кошкондо) менен келишим түзүлсө, анда учурдагы пайыздык ставкадан (коюмдан) элүү пайыз (50%) колдонулат. (iii) эгерде консорциум же кореялык биргелешкен ишкана менен келишим түзүлгөн учурда, анда кореялык чакан жана орто ишкананын отуз (30%) же андан көп пайыздык үлүшү болсо, анда учурдагы пайыздык ставкадан (коюмдан) элүү пайыз (50%) колдонулат. Кореялык Консультанттар көрсөткөн консультациялык кызмат көрсөтүүлөрдү жаба турган Насыянын үлүшүнө пайыздар чегерилбейт. (c) Төлөө мезгили же Алуучу менен Банк өзара макулдашкан башка ушундай мезгил Макулдашуу күчүнө кирген датадан тартып кырк бир (41) айды түзөт; (d) Банк тейлегени үчүн, ар бир төлөмдүн суммасынан ондон бир пайыздын (0,1%) өлчөмүндө акы алат; (e) Насыя боюнча каражаттарды төлөөгө, негизги карызды жабууга же Насыялык макулдашууга ылайык Банкка төлөнүүчү пайыздарды төлөөгө байланыштуу банк көрсөткөн кызмат көрсөтүүлөргө бардык банктык жыйымдар жана/же чыгымдар тиешелүүлүгүнө жараша Алуучу менен Банк тарабынан дайындалып, тиешелүү банктардын ортосунда түзүлгөн банк аралык макулдашуунун алкагында жөнгө салынат. (f) эгерде Алуучу Насыялык макулдашууга ылайык Насыянын негизги суммасынын баарын же кайсы бир бөлүгүн же төлөнүүчү бардык башка суммасын төлөй албаса, анда төлөнбөгөн суммага Насыялык макулдашууда көрсөтүлгөн пайыздык ставкага (коюмга) кошумча жылына эки пайыз (2,0%) өлчөмүндө кечиктиргени үчүн комиссия (бышмана) салынат. 3-берене.

1. Насыянын эсебинен каржылануучу консультациялык кызмат көрсөтүүлөрдү кошкондо товарларды жана кызмат көрсөтүүлөрдү сатып алуу үчүн укутуу өлкө болуп чет элдик валюта бөлүгү үчүн Корея Республикасы жана жергиликтүү валюта бөлүгү үчүн Кыргыз Республикасы саналат. Укуктуу өлкөлөрдөн тышкары башка өлкөлөрдөн сатып алуулар, эгерде ошондой өлкөлөр болсо, Насыялык Макулдашууда көрсөтүлүүгө тийиш.

2. Долбоорду ишке ашыруу үчүн керектүү товарларды жана кызмат көрсөтүүлөрдү берүүчүлөр корея фирмаларынын арасынан конкурстук соода жүргүзүү жолу менен тандалып алынат.

3. Консультанттар кореянын консультациялык фирмаларынын арасынан чектелген конкурстук соода жүргүзүү жолу менен тандалууга тийиш.

4. Сатып алууга же консультациялык кызмат көрсөтүүлөргө келишимдер Насыялык Макулдашуу күчүнө кирген датадан тартып он сегиз (18) айдын ичинде түзүлүшү керек.

5. Сатып алуулардын ыкмалары менен жол-жоболору жөнүндө кеңири маалымат Насыялык Макулдашууда көрсөтүлөт.

4-берене. Эгерде Насыянын каражаттары Долбоорду толугу менен ишке ашырууга жетишсиз болсо, Алуучу мындай керектүү каражаттарды табуу үчүн токтоосуз чараларды көрүүгө тийиш. 5-берене. Насыянын каражаттары Насыялык макулдашууда көрсөтүлгөн ошондой сумманын чегинде жана төлөмдүн ошондой мезгилинин ичинде Долбоорду ишке ашыруунун жүрүшүнө ылайык жана Насыялык макулдашууда көрсөтүлгөн төлөмдүн жол-жобосуна ылайык Банк тарабынан Алуучуга же Алуучунун атынан жеткирүүчүгө жана/же консультантка төлөнөт. 6-берене. Насыялык Макулдашууда көрсөтүлүүгө тийиш болгон башка шарттар Алуучу менен Банктын ортосундагы сүйлөшүүлөр аркылуу аныкталат. Насыялык Макулдашуу Алуучу менен Банктын өз ара кат жүзүндөгү макулдугу боюнча өздөрүнүн тиешелүү мыйзамдарына жана ченемдик актыларына ылайык өзгөртүлүшү жана/же толукталышы мүмкүн. 7-берене. Тараптардын өз ара кат жүзүндөгү макулдугу боюнча ушул Макулдашууга өзгөртүүлөр жана толуктоолор киргизилиши мүмкүн, алар анын ажырагыс бөлүгү болуп эсептелген Протоколдор менен таризделет. Ушул Макулдашууга өзгөртүүлөрдү киргизүү, мындай өзгөртүүнү киргизүүгө чейин берилген Насыянын аныктыгына таасирин тийгизбейт. 8-берене. Ушул Макулдашуунун жоболорун түшүндүрүүдө же колдонууда кайчы-пикирлер пайда болгон учурда Тараптар аларды консультацияларды жана сүйлөшүүлөрдү жүргүзүү жолу менен чечет. 9-берене.

1. Ушул Макулдашуу анын күчүнө кирүүсү үчүн зарыл болгон өздөрүнүн ички мамлекеттик жол-жоболорун Тараптардын аткаргандыгы жөнүндө кат жүзүндөгү акыркы билдирүүнү дипломатиялык жолдор аркылуу алган датадан тартып күчүнө кирет жана эгерде Тараптар тарабынан башка макулдашуу болбосо Алуучу менен Банк Насыялык макулдашуу боюнча бардык милдеттерин аткарып бүткөнчө колдонууда болот.

2. Ушул Макулдашууну колдонуу Тараптардын бирөөсү дипломатиялык жолдор аркылуу Тараптардын экинчисинен ушул Макулдашууну токтотууну каалаганын билдирген кат жүзүндөгү билдирмени алган күндөн тартып 6 ай өткөндөн кийин токтотулат.

3. Мындай токтотуунун учурунда жабылбай калган милдеттенмелер, ага карабай, эгерде Корея Өкмөтү тарабынан башка макулдашылган болбосо, ушул Макулдашуунун жоболоруна ылайык аткарылат.

10-берене. Ушул Макулдашуунун бардык башка жобосуна карабастан, Тараптар Насыялык макулдашуудан келип чыккан же ага байланыштуу бардык талаштарды чечүүгө милдеттүү эмес, алар Насыялык Макулдашууга кол койгон тараптар ортосунда жөнгө салынат. Жогоруда айтылгандарды ырастоо менен, ар бир Тараптын кол коюуга тиешелүү ыйгарым укуктуулары ушул Макулдашууга кол коюшту.

Аткарылды [_________________________] (орду), ______________________ (күнү жана айы жазуу түрүндө) _____-жылы ар бири кыргыз, корей, орус жана англис тилинде түзүлүп эки нускада, мында тексттер бирдей аутенттүү болуп эсептелет. Түшүндүрүүдө айырмачылыктар болгон учурда, англис тилиндеги текст артыкчылыктуу күчкө ээ болот.

Кыргыз Республикасынын Министрлер Кабинетинин атынан

Корея Республикасынын Өкмөтүнүн атынан

МИД КР исх. № 08-074/4672 от 17.11.2022 "Республикалык клиникалык жугуштуу оорулар ооруканасын функционалдык жакшыртуу" боюнча Кыргыз Республикасынын Министрлер Кабинети менен Кореянын экспорттук-импорттук банкынын ортосундагы НАСЫЯЛЫК МАКУЛДАШУУ (EDCF атынан Өкмөттүк агенттик) Бул Насыялык макулдашуу 20__-жылдын "__"__________ Кыргыз Республикасынын Министрлер Кабинети (мындан ары "Алуучу" деп аталып) менен Кореянын Экспорттук-Импорттук Банкынын (мындан ары "Банк" деп аталып) ортосунда түзүлдү, Корея Республикасынын Өкмөтү Экономикалык өнүгүү жаатында кызматташуу фондун (Economic мындан ары "EDCF деп аталып) башкарууну Банкка тапшырган. Преамбула: Кыргыз Республикасынын Өкмөтү менен Корея Республикасынын Өкмөтү 1998-жылдын 9-декабрында EDCFthh насыялары жөнүндө Макулдашуу түзүшкөн, анын негизинде насыялар эки өкмөттүн макулдашуусуна тийиштүү долбоорлорду ишке ашыруу үчүн Кыргыз Республикасынын Өкмөтүнө же анын ыйгарым укуктуу органына берилиши мүмкүн. Жогоруда көрсөтүлгөн Макулдашуунун негизинде Кыргыз Республикасынын Өкмөтү менен Корея Республикасынын Министрлер Кабинети ушул Макулдашуунун "Долбоорду баяндоо" 1-Тиркемесинде баяндалган "Республикалык клиникалык жугуштуу оорулар ооруканасын функционалдык жакшыртуу" (мындан ары "Долбоор" деп аталып) долбоорун ишке ашырууну каржылоо үчүн _________ EDCF насыясына тиешелүү Эл аралык макулдашууну бекитишти; ошондой эле Көрсөтүлгөн Макулдашууну жана Эл аралык макулдашууну эске алып, Банк Алуучуга ушул Насыялык Макулдашууда айтылган шарттарда насыя берүүгө макулдугун берди; Банк жана Алуучу төмөнкүлөр жөнүндө макулдашышты: берене. Аныктамалар Бөлүм. Насыялык макулдашуу Төмөнкү документтер ушул Насыялык макулдашуунун ажырагыс бөлүгү болуп саналат: Насыяларына колдонулуучу Жалпы Шарттарга жана жоболорго тиркелүүчү 7-тиркемени эске алуу менен EDCFтин Насыяларына колдонулуучу Жалпы Шарттар, ал ушул Насыялык Макулдашууга тиркелген 7-тиркеме менен алмаштырылат; насыясынын алкагындагы сатып алуулар боюнча колдонмо; iii) EDCF насыясынын алкагында консультанттарды жалдоо боюнча колдонмо; жана iv) EDCF насыясынын алкагындагы төлөм жол-жоболору. Бөлүм. Аныктамалар Эгерде контекст башканы талап кылбаса, EDCF насыялык макулдашууларына карата колдонулган Жалпы жоболордо жана шарттарда аныкталган айрым терминдер (мындан ары "Жалпы жоболор жана шарттар" деп аталып) анда баяндалган тиешелүү маанилерге ээ болот, ал эми кийинки кошумча терминдер төмөнкү маанилерге ээ болот: "Чыккан жерине укуктуу өлкө" тиешелүүлүгүнө жараша чет элдик валютадагы үлүш үчүн Корея Республикасын жана улуттук валютадагы үлүш үчүн Кыргыз Республикасын билдирет. "Пайыздарды төлөө датасы" ар бир жылдын 20-январын жана 20-июлун билдирет. "Насыя" Алуучунун пайдасына берилген насыялык линияны же контекст талап кылгандай убакыттын тиешелүү учурунда төлөнгөн жана төлөнбөгөн насыялык линиянын жыйынды негизги суммасын билдирет. "Долбоордун аяктоо датасы" бул даталардын ичинен эң эле алгачкысын билдирет: (i) насыя боюнча акыркы төлөм жүргүзүлгөн дата, же (ii) акыркы кабыл алуу актысын (FAC) же кепилдик тастыктамасын ж.б. чыгаруу сыяктуу аяктагандык тууралуу далил алынган дата. "Долбоордун агенттиги-аткаруучусу" Кыргыз Республикасынын Министрлер Кабинетинин алдындагы Архитектура, курулуш жана турак жай-коммуналдык чарба мамлекеттик агенттигин билдирет, ал долбоорду ишке ашырууда Долбоордун аткаруучу агенттигине колдоо көрсөтөт. "Долбоордун аткаруучу агенттиги" Долбоорду ишке ашырууга ыйгарым укуктуу Кыргыз Республикасынын Саламаттык сактоо министрлигин билдирет. "Жабуу датасы" бул ар бир алтымыш жарым жылдык (60) ырааттуу даталардын ичинен 20-январды жана 20-июлду билдирет, ал Насыялык макулдашууга кол коюлган датадан кийин жүз жыйырма алты (126) айда келүүчү айдын 20-числосунда болот. "Жеткирүүчү" Жеткирүүчүнү, подрядчыны же консультантты билдирет, андан Насыя каражаттарынын ичинен товарлар же кызмат көрсөтүүлөр сатып алынат. Берене. Насыя Бөлүм. Насыянын суммасы жана максаты

а) Банк Алуучуга Долбоорду ишке ашырууну каржылоо үчүн ушул Насыялык Макулдашууда айтылган шарттарда жыйырма жети миллион АКШ доллар (27000000 АКШ доллары) эквивалентинен ашпаган суммада корей вону менен насыя берүүгө макулдугун берет.

Насыянын суммасы корей вону менен берилет жана Жалпы жоболордун жана шарттардын 3.01-бөлүмүнө ылайык Банк тарабынан белгиленет. Банк андан кийин Насыянын суммасы тууралуу Алуучуга маалымдайт. Бөлүм. Насыянын каражаттарын пайдалануу

а) Алуучу насыянын чыккан жерине тиешелүү укуктуу өлкөлөрдө Долбоорду ишке ашыруу үчүн зарыл товарларды жана кызмат көрсөтүүлөрдү сатып алуу үчүн насыя боюнча алынган каражаттарды пайдаланууга милдеттенет. Насыянын каражаттары "Насыянын каражаттарын бөлүштүрүүнүн" 2-тиркемесине ылайык бөлүштүрүлөт.

b) Ушул Насыялык макулдашууга ылайык акыркы төлөм ушул Насыялык макулдашуу күчүнө кирген датадан кырк бир (41) ай өткөндөн кийин жүргүзүлүшү керек жана андан кийин, эгерде Банк менен Алуучунун ортосунда башка макулдашуу болбосо, Банк андан ары төлөмдөрдү жүргүзбөйт.

III берене. Жабуу жана пайыздар

3.01. Бөлүм. Негизги сумманы жабуу

а) Алуучу ар бир Жабуу датасына алтымыш (60) жарым жылдык төлөм менен корей воналарында төлөнгөн Насыянын негизги суммасын Банкка төлөөсү керек.

b) Жабуу датасы жана жабуунун ар бир Датасында корей воналарында жабууга тиешелүү сумма ушул документке тиркелген 3-тиркеменин формасында жана мазмунунда Төлөм графигинде көрсөтүлүүгө тийиш. Банк Насыянын суммасын белгилегенден кийин, Банк тарабынан төлөм графиги түзүлөт жана Банк ушул Макулдашуунун 2.01 бөлүмүнүн (б) пунктуна ылайык Насыянын суммасы тууралуу Алуучуга кабарлагандан кийин Банк Алуучуга Төлөм графиги жөнүндө кабарлайт.

3.02. Бөлүм. Пайыздарды төлөө

Алуучу жылына нөл бүтүн ондон бир пайыздык (0,1%) ставка боюнча төлөнгөн жана төлөнбөгөн Насыянын негизги суммасы боюнча проценттерди Банкка төлөйт. Мындай пайыздар ар бир өтүп кеткен төлөм датасына карата төлөнөт, эгер пайыздарды төлөө Датасына чейинки алтымыш күндүн аралыгында төлөнгөн ар бир төлөмдүн биринчи пайыздары төлөнгөн шартта пайыздарды төлөө кийинки Төлөм датасында төлөнүшү мүмкүн.

3.03. Бөлүм. Жеңилдетилген пайыздык төлөмдөр

а) 5-тиркеменин 3-пунктунда эскертилген укуктуу консультанттар тарабынан көрсөтүлгөн консультациялык кызмат көрсөтүүлөрдү жабуучу пайыздар Насыянын суммасына чегерилбейт.

b) Алуучу кореялык чакан жана орто ишканалар же орто жана ири компаниялар менен сатып алуу келишимин түзгөндө, курулуш иштерин жана жабдууларды, курулмаларды сатып алууну жабуучу каражаттын бөлүгүндө жеңилдетилген пайыздык төлөмдөр Насыяга төмөнкүдөй тартипте колдонулат:

i) Эгерде келишим бир же бир нече кореялык чакан жана орто ишканалар (консорциум же кореялык чакан, орто биргелешкен ишкананы кошкондо) менен түзүлсө, анда нөлдүк пайыздык (0%) колдонулат.

ii) Эгерде келишим бир же бир нече кореялык орто жана ири ишканалар (консорциум же кореялык орто жана ири компаниялардын биргелешкен ишканасын кошкондо) менен түзүлсө, анда учурдагы пайыздык ставкадан элүү (50%) пайыз өлчөмүндө жеңилдетилген пайыз колдонулат. iii) Эгерде келишим консорциум же биргелешкен ишканалар менен түзүлсө, анда бир же бир нече кореялык чакан жана орто ишканалар отуз пайыздан (30%) кем эмес үлүшкө ээ болсо, анда учурдагы пайыздык көрсөткүчтүн элүү пайыздык (50%) өлчөмүндө жеңилдетилген пайыз колдонулат.

3.04. Бөлүм. Төлөм орду

Ушул Насыя макулдашуусуна ылайык Алуучу тарабынан Банкка Yeouido Gwang Jang EXIM sub Branch of the KEB Hana Bank no адресу 38 же Алуучуга кат жүзүндө кабарлоо менен Банк көрсөткөн башка эсепке которулууга тийиш. IV берене. Сатып алуулар жана төлөмдөр

4.01. Бөлүм. Сатып алуулардын жол-жобосу

а) Насыянын эсебинен каржылануучу бардык товарлар жана кызмат көрсөтүүлөр "Сатып алуулар жол-жобосунун" 4-тиркемесине жана "Консультанттарды жалдоонун" 5-тиркемесинин жоболоруна ылайык Жеткирүүчүлөрдөн сатып алынат.

b) Насыянын каражаттарынын эсебинен каржылануучу бардык товарлар жана кызмат көрсөтүүлөр чыккан жерине Укуктуу өлкөлөрдөн гана сатылып алынат, товарлардын жана кызмат көрсөтүүлөрдүн бир бөлүгү Банктын алдын ала макулдугу менен Насыянын суммасынан жыйырма жети пайызынан (27%) ашпаган чыккан жерине Укуктуу өлкөлөрдөн башка өлкөлөрдөн сатып алынышы мүмкүн.

4.02. Бөлүм. Төлөмдөрдүн жол-жобосу

а) Насыя банк тарабынан 6-тиркемеде көрсөтүлгөн Төлөм жол-жобосунун жоболоруна ылайык кореялык воналар менен берилет.

4.03. Бөлүм. Тейлөөгө төлөм

а) Алуучу Банкка Түз төлөм жол-жобосунун учурунда ар бир төлөмдүн суммасынан жана/же Кепилдик милдети жол-жобосунун учурунда Кепилдик катынын суммасынан бир бүтүн ондон бир (0,1%) пайызына барабар өлчөмдө тейлөөгө төлөйт.

b) Тейлөөгө ушундай эле төлөмгө барабар сумма Насыянын каражаттарынын эсебинен төлөнөт. Банк ар бир төлөмдү күнүнө тейлегендиги жана/же кепилдик кат-милдеттенмени бергендиги үчүн төлөм катарында ушундай эле сумманы өзүнө төлөйт. Насыядан мындай төлөө ушул Насыялык макулдашууга ылайык Насыя боюнча анык которуу катары эсептелет.

V Берене. Өзгөчө шарттар

5.01. Бөлүм Долбоорду аткаруу

(а) Алуучу ишке ашырат же тийиштүү этиятгык жана натыйжалуулук менен долбоорду ишке ашырууга Долбоордун Аткаруучу агенттигин милдеттендирет. (b) Алуучу жалдайт же Долбоорду ишке ашыруу үчүн консультанттарды жалдоого Долбоордун Аткаруучу агенттигин милдеттендирет. (с) Долбоордун Агенттик-аткаруучусу долбоорду ишке ашырууда долбоордун Аткаруучу агенттигине ар тараптуу колдоо көрсөтөт. (d) Эгерде Долбоорду ишке ашыруу үчүн Насыянын каражаттары жетишсиз болсо Алуучу каражаттардын мындай зарыл суммасын берүү үчүн токтоосуз чараларды көрүүгө тийиш.

5.02. Бөлүм. Отчеттор жана маалыматтар

(а) Алуучу Долбоордун аяктоо датасына чейин сатып алууга биринчи келишимди түзгөн учурдан баштап ар кварталдык негизде (ар бир жылдын мартында, июнунда, сентябрында жана декабрында) Долбоорду ишке ашыруунун жүрүшү жөнүндө отчетторду Банк негиздүү талап кыла алгандай формада жана деталдарда берет же Банкка отчет берүүгө Аткаруучу агенттикти милдеттендирет. (b) Алуучу менен Банктын ортосунда макулдашылган Долбоорду аяктоонун датасынан кийинки алты (6) ай аралыгында же бир кыйла кечиккен датада Банк негиздүү талап кылгандай формада жана деталдарда долбоорду аяктоо жөнүндө отчет берет же Банкка отчет берүүгө долбоордун Аткаруучу агенттигин милдеттендирет. (с) Алуучу Долбоорго акыркы бааны жүргүзүү үчүн Банк менен кызматташат же Долбоордун Аткаруучу агенттигин кызматташууга милдеттендирет. (d) Ушул Насыялык макулдашуу боюнча Алуучунун бардык милдеттери толук аткарылмайынча Алуучу Долбоор же Насыя жөнүндө Банк негиздүү талап кылган бардык башка маалыматты Банкка берет. (е) EDCF насыясынын алкагында Сатып алуулар колдонмосунун "Алдамчылык жана коррупция" 1.08. Бөлүмү жана EDCF насыясынын алкагында Консультанттарды жалдоо боюнча колдонмосунун "Алдамчылык жана коррупция" 1.08. Бөлүмү боюнча, эгерде Банк конкурска катышууда же ишти аткарууда соодага катышуучулар, жиберүүчүлөр, подрядчылар жана консультанттар тарабынан болжолдолгон коррупциялык, алдамчылык аракеттери же ак ниеттүүлүк принциптеринин башка бардык бузуулары жөнүндө билсе же маалымат алса Аткаруучу мындай инцидентке тиешелүү бардык фактыларды кошкондо, эгерде ал Алуучунун өкмөтүнүн жана/же мамлекеттик мекемелеринин, жана/же Алуучунун өлкөсүнүн мамлекеттик мекемелеринин бардык кызмат адамына тиешелүү болсо, Алуучу Банк негиздүү талап кылган мындай маалыматты берет же өз жоопкерчилигинин астында Банкка берүүгө Долбоордун Аткаруучу агенттигин милдеттендирет. (f) Эгерде Алуучу же Долбоордун Аткаруучу агенттиги конкурска катышууда же Насыянын каражаттарынын эсебинен каржыланган келишимди аткарууда соодага катышуучулардын, жиберүүчүлөрдүн, подрядчылардын жана консультанттардын кимиси болсо да коррупциялык, алдамчылык аракеттер же ак ниеттүүлүк принциптеринин башка бардык бузуулары менен алектенгендигин билсе же маалымат алса Алуучу тоготпоого же кулагынын сыртынан өткөрүүгө же адаштырууга тийиш эмес. Алуучу бул маалыматты тоготпой же жашырбай же Долбоордун Аткаруучу агенттигин тоготпоого же жашырууга мажбурлабай билдирүүгө тийиш, же мындай аракеттер же бузуулар боюнча бардык тиешелүү фактылар жөнүндө токтоосуз билдирүүгө Долбоордун Аткаруучу агенттигин милдеттендирет. (g) Ушул Насыялык макулдашуунун 5.02 (е) Бөлүмүнө ылайык Алуучу конкурска катышууда же Банктын Насыясынын каражаттарынан, же Алуучу жана/же Долбоордун Аткаруучу агенттиги тарбынан каржылануучу келишимди аткарууда соодага катышуучулар, жиберүүчүлөр, подрядчылар жана консультанттар тарабынан кимиси болсо да коррупциялык, алдамчылык иштерге же ак ниеттүүлүк принциптеринин башка бардык бузууларына шектелген маалыматты берген адамга жана/же компанияга карата адилетсиз же ак ниеттүү эмес мамиле кылбоого тийиш же Долбоордун Аткаруучу агенттигин ушундай мамиле кылууга мажбурлабашы керек. VI Берене. Ар түрдүү маселелер

6.01. Бөлүм. Ыйгарым укуктарды өткөрүп берүү

(а) Алуучу ушул Насыялык макулдашуунун 4.01, 4.02 жана 5.01 бөлүмдөрүнө ылайык талап кылынган же чечилген кандайдыр бир аракеттерди кабыл алуу же бардык макулдашууну түзүү максатында өз агенти катары Долбоордун Аткаруучу агенттигин дайындайт. (b) Ушул бөлүмдүн (а) пунктуна ылайык берилген ыйгарым укуктарга ылайык Долбоордун агенттик-аткаруучусунун колдоосу астында Долбоордун Аткаруучу агенттиги тарабынан көрүлгөн бардык аракеттер же түзүлгөн бардык макулдашуу Алуучу үчүн толук милдеттүү болушу керек жана эгерде алар Алуучунун өзү тарабынан кабыл алынса, ошондой эле күчкө жана аракетке ээ болот. (с) Ушул Насыялык макулдашуу Жалпы жоболор менен шарттардын 11.02. Бөлүмүнө ылайык Банктан билдирүү алынган датадан тартып күчүнө кирет, бирок "Республикалык клиникалык жугуштуу оорулар ооруканасын функционалдык жакшыртуу" долбоору үчүн Экономикалык өнүктүрүү максатындагы кызматташтык фондунан (EDCF) насыя боюнча Кыргыз Республикасынын Өкмөтү менен Корея Республикасынын Өкмөтүнүн ортосундагы Макулдашуу күчүнө кирген убактан эрте эмес.

6.02. Бөлүм. Даректер

Төмөнкү даректер Жалпы жоболор менен шарттардын 12.05. Бөлүмүнүн максаты үчүн көрсөтүлгөн: Банк үчүн Почталык дарек: THE EXPORT-IMPORT BANK OF KOREA 38 eunhaeng-ro, Yeongdeungpo-gu, Seoul 07242 Republic of Korea Көңүл бурууга: КРдагы EDCF Долбоору үчүн жоопту Директорлор, 2 EDCFнин Операция Департаменти. Тел №.: (82-2)3779-[*] Факс №.: (82-2) 3779-[*] Тел №.: Telex №.: К26595 EXIMBK Факс №.: SWIFT BIC: EXIKKRSEXXX Telex №.: Алуучу үчүн Почта дареги: Кыргыз Республикасынын Финансы министрлиги Эркиндик бульвары, 58, Бишкек 720040, Кыргыз Республикасы Көңүл бурууга: Финансы министри

Жогорудагыларды ырастап, ушул Макулдашуунун Тараптары тиешелүү түрдө өздөрүнүн ыйгарым укуктуу өкүлдөрү аркылуу аракет кылуу менен көрсөтүлгөн дата менен жылга өздөрүнүн атынан ушул Насыялык Макулдашууга кол коюшту.

Кыргыз Республикасынын Өкмөтүнүн атынан

Корея Экспорттук-импорттук Банкынын атынан

ААФ

ААФ

Кызматы

Кызматы

1-Тиркеме

Долбоорду сыпаттоо

1. Долбоордун планы

a) Милдеттер:

Кыргыз Республикасынын калкы үчүн жугуштуу ооруларды кесипкөй дарылоонун жана заманбап медициналык кызмат көрсөтүүлөрдүн жеткиликтүүлүгүн камсыз кылуу; Диагностиканын жаңы технологияларына системалуу жана кесипкөй окутуу, жугуштуу ооруларды дарылоо жана жугуштуу ооруларга каршы күрөшүү жолу менен медициналык жардамдын сапатын жогорулатуу; Материалдык-техникалык базаны, медициналык жабдууну жана оорукананын маалыматтык тутумун жакшыртуу жолу менен бейтаптардын канааттануусун жогорулатуу. Жайгашкан жери: Бишкек, Кыргыз Республикасы Долбоордун аткаруучу агенттиги: Кыргыз Республикасынын Саламаттык сактоо министрлиги

2. Долбоор боюнча иштин көлөмү

а) Оорукананын имаратын кеңейтүү жана куруу

b) Оорукананын маалыматтык тутумун (ОМТ) жана инфраструктурасын түзүү (MKT); ОМТ боюнча окутуу

е) Медициналык жабдууну жеткирүү жана монтаждоо; медициналык жабдуу боюнча окутуу программасы

) Жалпы багыттагы товарларды жеткирүү

е) Консуалтинг кызмат көрсөтүүлөрү

Каражаттарга болжолдуу жылдык муктаждык (АКШ долларында миңден) Begin_nocompare

Жылдар

Жыйынтыгы

КЭИБ

КР Министрлер Кабинети

1-жыл

1,716

1,452

264

2-жыл

9,975

1,090

965

3-жыл

13,245

14,323

30

Жыйынтыгы

26,042

24,738

1,259

End_nocompare Эскертүү: Кореянын экспорттук-импорттук банкын тейлөө үчүн күтүлбөгөн чыгымдар, төлөмдөр жана салыктар жана жыйымдар кошулган эмес. Насыя Макулдашуусу күчүнө кирген датадан тартып отуз алты айдан кийин Долбоордун аякташы күтүлүүдө.

2-Тиркеме

Насыянын каражаттарын бөлүштүрүү

1. Бөлүштүрүү

а) Төмөнкү таблицада насыя каражаттарынын эсебинен каржылана турган товарлардын, кызмат көрсөтүүлөрдүн жана башка предметтердин категориялары жана ар бир категория боюнча займдын суммаларын бөлүштүрүү көрсөтүлгөн:

(АКШ долларында миңден) Begin_nocompare

Категория

Эсептик сумма

Чет элдик валюта

Жергиликтүү валюта

Жыйынтыгы

А) Тикелей чыгымдар

8

- Консультациялык чыгымдар

4,774

а) медициналык окутуу

-

1,869

b) консультациялык чыгымдар

2,905

- Сатып алуулар

20,009

а) курулуш

11,337

b) ОМТ

2,182

с) ОМТ боюнча окутуу

-

66

мед. жабдуулар ж.б.

5,278

колдонуу жана тейлөө

1,106

В) тейлөө үчүн төлөм

-

27

С) күтүлбөгөн чыгымдар

21,190

Жыйынтыгы

19,562

7,438

27,000

End_nocompare Эскертүү. Төмөндө жергиликтүү валютада каржылоого тиешеси жок буюмдар келтирилген:

1) жалпы административдик чыгымдар;

2) салыктар жана жыйымдар;

3) жер жана башка кыймылсыз мүлк сатып алуу;

4) компенсация;

5) башка кыйыр (түз эмес) кызмат өңүттөр (позициялар).

Банктын алдын ала макулдугу менен чыккан жерине укуктуу өлкөлөрдөн айырмаланган өлкөлөрдө бардык товарларды жана кызмат көрсөтүүлөрдү сатып алууга мүмкүндүк болсо жана алар займдын эсебинен каржыланса Насыянын суммасынан жыйырма жети (27%) пайызга барабар жети миллион токсон алты миң (7096000) АКШ долларынан ашпоого тийиш. Кайра бөлүштүрүү (а) Эгерде кайсы бир категорияга киргизилген товарларга сметалык чыгымдар азайса, анда ушул категория үчүн бөлүнгөн жана ал үчүн андан ары талап кылынбаган сумма Банк тарабынан (С) категориясына кайра бөлүштүрүлөт. (b) Эгерде (А) категориясына киргизилген статьялар боюнча сметалык чыгымдар көбөйсө, насыянын каражаттарынан каржылана турган мындай көбөйүүнүн бөлүгүнө барабар сумма Алуучунун суранычы боюнча Банк тарабынан валюталык чектөөлөрсүз (С) категориясынан (А) категориясына кайра бөлүштүрүлөт. Бирок, ошол эле валютадагы сумма биринчи кайра бөлүштүрүлгөн шартта гана болот.

3-тиркеме

Төлөм графиги

Төлөм мөөнөтү (корей вону менен)

Сумма

Эскертүү: Насыянын суммасы Жалпы жоболордун жана шарттардын 3.01 Бөлүмүнө ылайык белгиленгенде ар бир төлөм көрсөтүлөт жана Жалпы жоболордун жана шарттардын 3.02 жана 7.05 Бөлүмдөрүнүн (b) пункттарына ылайык акыркы төлөмдөн кийин аяктайт.

4-тиркеме

Сатып алуулардын жол-жобосу

1. Банк башкача макулдашкан учурлардан башка, ушул Тиркеменин төмөнкү пункттарында көрсөтүлгөн жол-жоболор, насыянын каражаттарынын эсебинен каржылануучу товарларды жана кызмат көрсөтүүлөрдү сатып алууга колдонулат. Ушул Тиркемедеги "кызмат көрсөтүүлөр" термини консультациялык кызмат көрсөтүүлөрдү камтыбайт.

2. Товарларды жана кызмат көрсөтүүлөрдү сатып алуулар тиешелүү учурда колдонуудагы редакцияда Алуучуга сунушталуучу "EDCF насыясынын алкагында сатып алуулар боюнча колдонмонун" (мындан ары "Сатып алуу боюнча колдонмо" деп аталып) жоболоруна ылайык жүргүзүлүшү керек.

3. Жеткирүүчү Корея Республикасынын же Кореяда катталган юридикалык жактын өкүлү болууга тийиш.

4. Алуучу конкурстук соодалашууну жүргүзүү менен жогорудагы 2-Тиркемеде көрсөтүлгөн насыя каражаттарынын ичинен каржылануучу товарларды жана кызмат көрсөтүүлөрдү сатып алат.

5. Сатып алуулар ыкмасы Банк тарабынан алдын ала каралууга тийиш.

6. Алуучу жогоруда көрсөтүлгөн соодалашууну өткөрүү үчүн бир этаптан жана эки конверттен турган соода өткөрүү ыкмасын кабыл алат.

7. Конкурстук соодалашуунун негизинде түзүлүүчү келишимдер боюнча сатып алуучу иш-чаралар Сатып алуулар боюнча колдонмонун 1-тиркемесинде белгиленген жол-жоболорго ылайык Банк тарабынан каралат,

8. Долбоорду ишке ашыруу үчүн Насыялык макулдашуунун алкагында Жеткирүүчүлөр тарабынан сунушталган Товарларга жана кызмат көрсөтүүлөргө Кыргыз Республикасында салынуучу бардык салыктарды, алымдарды жана жыйымдарды, ар кандай чет элдик алымдарды жана кошумча наркка салыктарды кошкондо Алуучу жабат.

5-тиркеме

Консультанттарды жалдоо

1. Долбоорду ишке ашырууда консультанттардын кызмат көрсөтүүлөрү пайдаланылышы керек, айрыкча жардам көрсөтүү боюнча:

(1) Курулушту пландаштыруу жана башкаруу: базалык долбоорлоо; толук долбоорлоо жана курулушту башкаруу (CM). (2) Медициналык пландаштыруу жана операциялык стратегия: медициналык планды иштеп чыгуу; Операцияларды моделдөөнү колдоо. (3) Медициналык жабдуу: жабдуулардын тизмесин түзүү, спецификация (өзгөчөлөө), процессти көзөмөлдөө (ташуу, орнотуу, текшерүү ж.б.). (4) БИС: базалык долбоорлоо, ооруканалык ИСтин орнотулушуна көзөмөлдүк жүргүзүү: (5) Окутуу: медициналык жана административдик кызматкерлер үчүн. (6) Тендердик жол-жоболордо колдоо көрсөтүү. (7) Отчетторду, анын ичинде иштин жүрүшү жөнүндө кварталдык отчетторду жана долбоордун аяктагандыгы жөнүндө отчепу (ПКО) даярдоо.

2. Консультанттарды тандоо жана жалдоо тиешелүү учурда колдонуудагы редакцияда Алуучуга сунушталуучу ушул Жобонун жана EDCF насыяларынын алкагында Банк консультанттарын жалдоо боюнча колдонмонун" (мындан ары "Консультанттарды жалдоо боюнча колдонмо" деп аталып) жоболоруна ылайык жүргүзүлүшү керек.

3. Консультант Корея Республикасынын же Кореяда катталган юридикалык жактын өкүлү болушу керек.

Алуучу Консультанттарды жалдоо боюнча колдонмодо көрсөтүлгөн Банктын тандоосунун жалпы жол-жоболоруна ылайык Консультантты жалдайт. Техникалык тапшырма, сунуштарды баалоо жана келишимдин аткарылышы Консультанттарды жалдоо боюнча колдонмонун 1-Тиркемесинде көрсөтүлгөн жол-жоболорго ылайык Банк тарабынан каралууга тийиш. Тандоонун жол-жобосунун ыкмасы Банктын кароосуна берилет. Долбоорду ишке ашыруу үчүн Насыялык макулдашуунун алкагында Консультант тарабынан көрсөтүлгөн Кызмат көрсөтүүлөргө Кыргыз Республикасында салынуучу бардык салыктар, алымдар жана жыйымдар Алуучунун эсебинен жабылууга тийиш.

6-тиркеме

Төлөмдөрдүн жол-жобосу

1. Төлөмдөрдүн жол-жобосу

(а) Насыянын алкагындагы төлөмдөр Кепилдик милдеттеринин жол-жобосунун жана/же Түз төлөм жол-жобосунун алкагында жүргүзүлөт. (b) Тиешелүү учурда колдонуудагы редакцияда Алуучуга сунушталуучу "EDCF насыясынын алкагында төлөм жол-жоболору" Насыянын алкагында төлөмдөрдү жүргузүүдө колдонулат.

2. Банктардын дайындалышы

Төлөм жол-жоболорунун банктар тарабынан белгиленген тиешелүү бөлүмдөрүнө төмөнкүлөр кирет: (а) 2.01-бөлүмдө айтылган төлөөчү банк болуп КЕВ Hana Bank катталган башкы офиси, 35 Eulgiiro, Chung-gu, Сеул, 04523 Корея Республикасы дареги боюнча, же Кореянын экспорттук-импорттук банкы эсептелет. (b) 2.02-бөлүмдө айтылган эмитент банк болуп Логвиненко көчөсү,14, Бишкек шаары, 720040, Кыргыз Республикасы дареги боюнча катталган ОАО "Айыл Банк" болот.

Begin_nocompare

7-тиркеме

Кореянын экспорттук-импорттук банкы Насыялык Макулдашууга юридикалык корутунду Кыргыз Республикасынын Юстиция министрлиги Кыргыз Республикасынын Министрлер Кабинети менен Корея Республикасынын... ортосундагы Макулдашуу боюнча ушул юридикалык корутундуну берет. Ушул укуктук корутунду берүү үчүн төмөнкү документтер каралды: Кыргыз Республикасынын Конституциясы; Кыргыз Республикасынын Эл аралык келишимдери жөнүндө" Кыргыз Республикасынын мыйзамы; кыргыз Республикасынын мыйзамы "_______" (Кыргыз Республикасынын Министрлер Кабинети менен Корея Республикасынын Өкмөтүнүн ортосундагы Макулдашууну ратификациялоо жөнүндө); Кыргыз Республикасынын Министрлер Кабинети менен Корея Республикасынын Өкмөтүнүн ортосундагы Макулдашуу; "___" ________ ______ж. Кыргыз Республикасынын Министрлер Кабинетинин токтому ("Кыргыз Республикасынын Министрлер Кабинети менен Корея Республикасынын ортосундагы Насыялык Макулдашууну ратификациялоо жөнүндө" Кыргыз Республикасынын мыйзамынын долбоору тууралуу); "___" ____________ж. Кыргыз Республикасынын Жогорку Кеңешинин токтому ("Кыргыз Республикасынын Министрлер Кабинети менен Корея Республикасынын Өкмөтүнүн ортосундагы Насыялык Макулдашууну ратификациялоо жөнүндө" Кыргыз Республикасынын мыйзамын кабыл алуу тууралуу); "___" ____________ж. №_____ Кыргыз Республикасынын Министрлер Кабинети менен Корея Республикасынын Өкмөтүнүн ортосундагы Макулдашуунун долбоорун жактыруу жөнүндө Кыргыз Республикасынын Министрлер Кабинетинин буйругу; Жогоруда көрсөтүлгөндөргө негизденип, Кыргыз Республикасынын Конституциясынын 83-беренесине ылайык Кыргыз Республикасынын Министрлер Кабинети аткаруу бийлигинин жогорку органы болуп саналарын белгилейбиз. "Кыргыз Республикасынын эл аралык келишимдер жөнүндө" Кыргыз Республикасынын Мыйзамынын 8 жана 10-беренелерине ылайык ______.ж Кыргыз Республикасынын Министрлер Кабинетинин буйругу менен № _____ Макулдашуунун долбоору жактырылды, ал эми ___________ ушул Макулдашууга кол коюуга ыйгарым укук берилген. "Кыргыз Республикасынын эл аралык келишимдер жөнүндө" Кыргыз Республикасынын Мыйзамынын 12-беренесине ылайык жылдын ___________ Кыргыз Республикасынын Министрлер Кабинетинин токтому менен Республикасынын Мыйзамынын долбоору тууралуу) көрсөтүлгөн Макулдашуу Кыргыз Республикасынын Жогорку Кенешине ратификациялоого киргизилди. Кыргыз Республикасынын Конституциясынын 74-беренесине ылайык _______ж. "___" _______ № _____ Кыргыз Республикасынын Жогорку Кеңешинин токтому менен "______" Кыргыз Республикасынын Мыйзамы кабыл алынган (_________ Макулдашууну ратификациялоо жөнүндө). Кыргыз Республикасынын Конституциясынын 64-беренесине ылайык Кыргыз Республикасынын Президенти тарабынан "____" Кыргыз Республикасынын мыйзамына кол коюлган (____________ Макулдашууну ратификациялоо жөнүндө). Жогоруда айтылгандардын негизинде Юстиция министрлиги төмөнкүдөй корутунду чыгарат: Кыргыз Республикасынын Министрлер Кабинети менен Корея Республикасынын Өкмөтүнүн ортосундагы Макулдашуу тиешелүү түрдө бекитилген, кол коюлган жана ратификацияланган, ошондой эле юридикалык күчкө ээ милдеттеме экендиги анык жана анын шарттарына ылайык аткарылууга тийиш болуп саналат.