КР Президентинин ПБ № 272 (Кыргыз Республикасы менен Бириккен Араб Эмираттарынын ортосундагы Соттолгон адамдарды өткөрүп берүү жөнүндө келишимдин мамлекеттик жана расмий тилдердеги долбоорун жактыруу жөнүндө) буйругу

КЫРГЫЗ РЕСПУБЛИКАСЫНЫН ПРЕЗИДЕНТИ БУЙРУК 2019-жылдын 10-декабры ПБ № 272 «Кыргыз Республикасынын эл аралык келишимдери жөнүндө» Кыргыз Республикасынын Мыйзамынын 8-беренесине ылайык:

1. Кыргыз Республикасы менен Бириккен Араб Эмираттарынын ортосундагы Соттолгон адамдарды өткөрүп берүү жөнүндө келишимдин мамлекеттик жана расмий тилдердеги долбоору жактырылсын.

2. Кыргыз Республикасынын Башкы прокуроруна Кыргыз Республикасы менен Бириккен Араб Эмираттарынын ортосундагы Соттолгон адамдарды өткөрүп берүү жөнүндө келишимге принциптүү эмес мүнөздөгү өзгөртүүлөрдү жана толуктоолорду киргизүү укугу менен кол коюуга ыйгарым укук берилсин.

Кыргыз Республикасынын Президенти

С.Ш. Жээнбеков

Долбоор КЫРГЫЗ РЕСПУБЛИКАСЫ МЕНЕН БИРИККЕН АРАБ ЭМИРАТТАРЫНЫН ОРТОСУНДАГЫ СОТТОЛГОН АДАМДАРДЫ ӨТКӨРҮП БЕРҮҮ ЖӨНҮНДӨ КЕЛИШИМ Кыргыз Республикасы менен Бириккен Араб Эмираттары, мындан ары "Мамлекеттер" деп атоо менен, соттолгон адамдарга өз өлкөлөрүндө жаза өтөегө мүмкүнчүлүк берүү менен, аларды коомдо интеграциялоого көмөктөшүүгө ниеттенип, төмөнкүлөр жөнүндө макулдашты: 1-берене Аныктама Ушул Келишимди ишке ашыруу максатында төмөнку сөздөр менен терминдер төмөнкүдөй аныктамага ээ, эгерде башка каралбаса:

1. "Өкүм" - жасаган кылмыш үчүн эркиндигинен белгилүү бир мөөнөткө ажыратууну караган, ар кандай соттук чечим.

2. "Соттолгон адам" - эркиндигинен ажыратууну караган, өкүм чыгарылган Мамлекеттин аймагында ага карата айыптоо өкүмү чыгарылган адам.

3. "Өкүм чыгарган мамлекет" - өткөрүлүп берилүүчү же өткөрүлүп берген адамга карата өкүм чыгарган мамлекет.

4. "Өкүмдү аткарган мамлекет" - соттолгон адамдын мындан ары жазаны өтөө үчун өткөрүлгөн же өткөрүлүп берүүчү мамлекет.

2-берене Жалпы жоболор Ушул Келишимдин жоболорунун шарттарына ылайык, Мамлекеттер мүмкүн болгон деңгээлде соттолгон адамдарды өткөрүп берүү жаатында кызматташууга милдеттендирилет. 3-берене Соттолгон адамды өткөрүп берүү Соттолгон адам ушул Келишимдин жоболорунун шарттарына ылайык, жазаны өтөө мөөнөтүн же калган мөөнөтүн өтөө максатында, Өкүм чыгарган Мамлекеттин аймагынан Өкүмдү аткаруучу мамлекетке өткөрүлүп берилиши мүмкүн

Кыргыз Республикасын Башкы прокурору Ө.Джамшитов 2019ж “05”.12. КР БПнын уюштуруу иштерин камсыздоо жана ченемдик укутук актыларды экспертизалоо башкармалыгынын башчысы

К.Асангельдиев

2019ж “5” 12

4-берене Өткөрүп берүү жөнүндө суроо-талап Ушул Келишимдин жоболоруна ылайык соттолгон адамды өткөрүп )ерүү женүндө суроо-талап Өкүм чыгарган мамлекет же Өкүмдү аткарган дамлекет тарабынан жиберилиши мүмкүн, ошондой эле соттолгон адам же 1нын мыйзамдуу өкүлү Өкүм чыгарган мамлекет же Өкүмдү аткарган ламлекетке берүү жөнүндө каалоосун билдире алышат. 5-берене Борбордук орган

1. Ушул Келишимди ишке ашыруу максатында, Мамлекеттер тарабынан аныкталган Борбордук органдар дипломатиялык каналдар аркылуу өткөрүп берүү жөнүндө суроо-талапка тиешелүү бири бири менен ез ара аракеттенет.

2. Кыргыз Республикасынын Борбордук органы болуп - Башкы прокуратура, Бириккен Араб Эмираттарынын борбордук органы болуп - Юстиция министрлиги саналат.

3. Ар бир Мамлекет тарабынан Борбордук органды өзгөрткөн учурларда, мындай өзгөрүү жөнүндө дипломатиялык каналдар аркылуу жазуу жүзүндө Башка Мамлекетке билдирилет.

6-берене Суроо-талаптар

1. Өткөрүп берүү жөнүндө суроо-талаптар жана тийиштүү документтер жазуу жүзүндө түзүлөт жана дипломатиялык каналдар аркылуу суратылуучу Мамлекеттин борбордук органына жиберилет.

2. Сураган Мамлекеттин мамлекеттик тилине которулган же суратылуучу орган тарабынан кол коюлган жана мөөрү басылган англис тилине которуу менен жиберилген, сураган Мамлекеттин мамлекеттик тилинде түзүлгөн, өткөрүп берүү жана тиркелген документтер жөнүндө суроо-талаптар мындан аркы тастыктоону-талап кылбайт.

Кыргыз Республикасын Башкы прокурору Ө.Джамшитов 2019ж “05”.12. КР БПнын уюштуруу иштерин камсыздоо жана ченемдик укутук актыларды экспертизалоо башкармалыгынын башчысы

К.Асангельдиев

2019ж “5” 12

7-берене Суроо-талаптын формасы жана мазмуну

1. Ушул Келишимге ылайык Өкүм чыгарган мамлекет тарабынан жиберилген суроо-талап боюнча чечим кабыл алуу максатында, Өкүм чыгарган мамлекет Өкүмдү аткарган мамлекетке төмөнкү маалыматтарды жана документтерди берет:

a) толук анкеталык маалыматтар, соттолгон адамдын туулган күнү жана жери;

b) жаза аткаруунун түрү, мөөнөтү жана күнү, ошондой эле жаза өтөөнүн калган мөөнөтүн көрсөтүү менен маалыматтар жана сотко чейинки кармоо же жазадан бошотуу жөнүндө маалыматтар же өкүмдү аткаруу үчүн мааниси бар башка маалыматтар;

c) мыйзамдуу күчүнө кирген соттук өкүмдүн күбөлөндүрүлгөн көчүрмөсү жана колдонулган жазык мыйзамынан көчүрмө;

d) медициналык же социалдык корутунду, эгерде зарылчылык бар болсо, соттолуучу адамга карата башка отчет, ошондой эле Өкүм чыгарган мамлекетте алган дарылануу жөнүндө бардык маалыматтар жана сунуштамалар, ага ылайык Өкүмдү аткарган мамлекетте дарылануу улантылат;

e) ушул Келишимдин 8-беренесинин 5-пунктуна ылайык алынган, өткөрүп берүүгө соттолгон адамдын макулдугу жөнүндө документ.

2. Ушул Келишимге ылайык Өкүмдү аткаруучу мамлекет тарабьшан жиберилүүчү суроо-талап боюнча чечим кабыл алуу максатында, Өкүмдү аткаруучу мамлекет Өкүм чыгарган мамлекетке төмөнкү маалыматтар менен документтерди берет:

a) соттолгон адам Өкүмдү аткаруучу мамлекеттин жараны экендигин тастыктаган маалымат же документ;

b) өкүмдү аткаруучу мамлекетте кылмыш болуп саналган, жасаган аракеттери же аракетсиздиги үчүн чыгарылган өкүмдү күбөлөндүргөн жазык мыйзамынын жоболоруна ылайык көчүрмө;

c) өкүмдү аткаруучу мамлекетте, соттолуучу адам башка иштер боюнча айъшталуучу же соттолуучу болуп саналгандыгы жөнүнде маалыматтар.

d) өкүм чыгаруучу мамлекеттин макулдугу жок, өткөрүп берүү үчүн суратылып жаткан адамга ырайым кылуу актысын колдонбоо жөнүндө милдеттенме.

3. Эгерде Өкүм чыгарган мамлекет Өкүмдү аткаруучу мамлекет тарабынан жиберилген суроо-талапка ылайык соттолгон адамды өткөрүп берүүгө макул болсо, Өкүм чыгарган мамлекет ушул берененин 1-пунктунда көрсөтүлгөн-маалыматтар менен документтерди жиберет.

Кыргыз Республикасын Башкы прокурору Ө.Джамшитов 2019ж “05”.12. КР БПнын уюштуруу иштерин камсыздоо жана ченемдик укутук актыларды экспертизалоо башкармалыгынын башчысы

К.Асангельдиев

2019ж “5” 12

8-берене Өткөрүп берүү үчүн шарттар Ушул Келишимге ылайык соттолгон адам төмөнкү шарттарда өткөрүлүп берилиши мүмкүн:

1) эгерде ал Өкүмдү аткаруучу мамлекеттин жараны болсо;

2) эгерде соттун өкүмү мыйзамдуу күчүнө кирсе жана аткарууга жатса;

3) суроо-талапты алган учурда жаза өтөөге тийиш мөөнөт алты айдан кем эмес болсо, эгерде башка макулдашууга жетишпеген болсо;

4) Өкүм аткаруучу мамлекетте кылмыш болуп саналган, жасаган аракеттери же аракетсиздиги үчүн өкүм чыгарылган болсо,

5) соттолгон адам жазуу жүзүндө өткөрүп берүүгө макулдугун билдирсе. Өткөруп берүүгө өз макулдугун жазуу жүзүндө билдирүү үчүн эмгекке жарамсыз болсо, анда өткөрүп берүүнү анын мыйзамдуу өкүлүнөн, жубайынан же анын жакын туугандарынын биринен сурап алууга болот. Туугандык даражасы ушул Келишимдин мамлекеттеринин колдонуудагы мыйзамдары менен аныкталат.

6) эгерде Өкүм чыгарган мамлекет жана Өкүмдү аткарган мамлекет өткөрүп берүүгө макул болушса.

9-берене Өткөрүп берүүдөн баш тартуу

1. Соттолгон адамды өткөрүп берүүдөн баш тартылат:

а) эгерде өткөрүп берүү Өкүм чыгарган мамлекеттин эгемендүүлүгүнө, коопсуздугуна, коомдук тартибине же башка улуттук кызыкчылыктарына зыян келтирсе;

б) эгерде соттолгон адамга карата өкүм аскердик кылмыш жасагандыгы үчүн чыгарылса;

c) эгерде Өкүмдү аткарган мамлекетиндеги жазанын түрү Өкүм чыгарган мамлекетиндеги жазанын түрүнөн айырмаланса, ал жазаны аткарууга таасир тийгизет, эгерде суроо-талапты аткарууга мүмкүн болгон башка шарттар макулдашылбаса;

d) эгерде Өкүмдү аткарган мамлекет ушул Келишимдин 7-беренесинин 2-пунктунун d пунктчасына ылайык өткөрүлүп берүүгө тийиш болгон адамга ыйгарым кылуу актысын колдонбоо жөнүндө милдеттенме бербесе.

2. Соттолгон адамды өткөрүп берүүдөн баш тартылышы мүмкүн:

а) эгерде соттолгон адам Өкүм чыгарган мамлекетте салынган айып пулдарды, соттук коромжуларды, компенсация же башка мүлктүк өндүрүп алууларды төлөбөсө;

б) соттолгон адамга карата башка мүлктүк талаптарды талап кылуу менен Өкүм чыгарган мамлекеттин сотунда доо бар болсо.

Кыргыз Республикасын Башкы прокурору Ө.Джамшитов 2019ж “05”.12. КР БПнын уюштуруу иштерин камсыздоо жана ченемдик укутук актыларды экспертизалоо башкармалыгынын башчысы

К.Асангельдиев

2019ж “5” 12

10-берене Макулдук берүү жана аныктоо Өкүм чыгарган мамлекет улуттук мыйзамдарга ылайык, ушул Келишимдин 8-беренесинин 5-пунктуна ылайык өткөрүп берүүгө өз макулдугун берген адам өз ыктыяры менен жана мындай аракеттин кесепеттери менен толук таанышкандыгын белгилөөгө тийиш. 11-берене Өкүмдү аткаруу

1. Өкүмдү аткарган мамлекеттин компетентүү органдары улуттук мыйзамдардын жана ушул Келишимдин 12-беренесинин талаптарына ылайык, өкүмдүн аткарылышын камсыз кылышат.

2. Өкүм аткарган мамлекеттин мыйзамдарына ылайык өкүм аткарылат, ал ушул Келишимдин 13 жана 14-беренелеринин жоболорун колдонуу менен тийиштүү чечимдерди кабыл алууга өзгөчө укукка ээ.

12-берене Өкүм аткарууну улантуу Өкүмдү аткарган мамлекет укуктук мүнөздү жана өкүмдү аткаруу мөөнөтүн сактоого тийиш. 13-берене Мунапыс жарыялоо жана ырайым кылуу

1. Соттолгон адамга Өкүм чыгарган мамлекет же Өкүмдү аткарган мамлекет тарабынан берилген жалпы мунапыс колдонулат.

2. Соттолгон адамга Өкүм чыгарган мамлекет тарабынан ыйгарым кылуу жөнүндө акты колдонулушу мүмкүн.

3. Соттолгон адам Өкүм чыгарган мамлекеттин макулдугу жок, Өкүмдү аткарган мамлекет тарабынан ырайым кылууга же шарттуу түрдө бошотулушу мүмкүн эмес.

14-берене Өкүмдү аткарууну токтотуу Өкүмдү аткарган мамлекет өкүм аткарууну токтотуучу ар кандай чечим же чаралар жөнүндө Өкүм чыгарган мамлекет тарабынан кабарланган учурларда, өкүмдү аткаруу токтотулат.

Кыргыз Республикасын Башкы прокурору Ө.Джамшитов 2019ж “05”.12. КР БПнын уюштуруу иштерин камсыздоо жана ченемдик укутук актыларды экспертизалоо башкармалыгынын башчысы

К.Асангельдиев

2019ж “5” 12

15-берене аткарылышы жөнүндө маалымат Өкүмдү аткарган мамлекет Өкүм чыгарган мамлекетке төмөнкүлөр жөнүндө маалымат берет:

1) соттун өкүмү боюнча дайындалган жаза мөөнөтүнүн аякташы тууралуу;

2) соттолгон адам жазасын өтөп бүткөнгө чейин качып кеткендиги жөнүндө, мында Өкүмдү аткарган мамлекет аны кармоо жана Өкүмдү аткарган мамлекеттин мыйзамдарына ылайык жазык жоопкерчилигине тартуу үчүн тийиштүү чараларды кабыл алат.

3) өкүмдү аткарган мамлекет Өкүм чыгарган мамлекеттин суроо-талабы боюнча ар бир конкреттүү учурларда өкүмдү аткаруу тууралуу мезгил мезгили менен отчет берет.

16-берене Жазык жоопкерчилигинин чеги Соттолгон адам Өкүм чыгарган мамлекетте соттолгон кылмыш үчүн Өкүмдү аткарган мамлекетте дага кармоого, сотко берилүүгө же соттолууга жатпайт. 17-берене Чыгымдар

1. Өкүмдү аткарган мамлекет улуттук мыйзамдарга ылайык соттолгон адамды өткөрүп берүү менен байланышкан чыгымдарды тартат, буга Өкүм чыгарган мамлекеттин аймагында тарткан чыгымдар кошулбайт.

2. Эгерде суроо-талапты аткаруу өзгөчө мүнөздөгү чыгымдарды талап кылса, анда суроо-талаптарды аткарууга мүмкүн болгон шарттарды аныктоо үчүн Мамлекеттер бири бири менен кеңешүүгө тийиш.

18-берене Транзит

1. Мамлекет өзүнүн мыйзамдарына ылайык өзүнүн аймагы аркылуу соттолгон адамды жеткирүү жөнүндө суроо-талапты канааттандырат, эгерде мындай суроо-талап бул адамды үчүнчү Мамлекетке өткөрүп берүүгө макулдугун берген башка Мамлекет тарабынан даярдалса.

Транзит жөнүндө—суроо-талап ушул Келишимдин 7-берененин 1-пунктунда каралган маалыматтарды камтууга жана 7-берененин 2-пунктунун "а" пунктчасында каралган документтердин көчүрмөлөрү менен коштолууга тийиш.

3. Транзитке уруксат сурап жаткан Мамлекет, соттолгон адамды, бул аймак боюнча транзит суралып жаткан убакытка гана ушул Мамлекеттин сотунун же башка компетентүү органынын чечиминин негизинде камакта кармай алат.

4. Эгерде транзит аба жолу аркылуу ишке ашырылса жана экинчи Тараптын аймагына конуу пландалбаса, анда транзитти ишке ашыруу үчүн мындай уруксат талап кылынбайт.

Кыргыз Республикасын Башкы прокурору Ө.Джамшитов 2019ж “05”.12. КР БПнын уюштуруу иштерин камсыздоо жана ченемдик укутук актыларды экспертизалоо башкармалыгынын башчысы

К.Асангельдиев

2019ж “5” 12

19- берене Кеңешүү Ушул Келишимдин натыйжалуулугун жогорулатуу үчүн Мамлекеттердин Борбордук органдары бири бири менен кеңешүүгө укуктуу Борбордук органдар ушул Келишимди колдонууда көмөктөшүү үчүн зарыл болгон ар кандай практикалык чараларды даты колдонууга укуктуу. 20- берене Иш-аракеттер Бул Келишим күчүнө киргенге чейин жана андан кийин соттолгон адамдарга колдонулат. 21- берене Талаштарды чечүү Ушул Келишимди чечмелөө жана аны колдонуу менен байланышкан ар кандай пикир келишпестиктер Мамлекеттер ортосунда дипломатиялык каналдар аркылуу консультацияларды өткөрүү жолу менен чечилет. 22-берене Келишимдин күчүнө кириши, узактыгы жана колдонууну токтотуу

1. Келишим ратификацияланат жана ратификациялык грамоталар менен алмашкан күндөн тартып отузунчу күнү күчүнө кирет.

2. Ушул Келишим ал күчүнө киргенге чейин тиешелүү аракеттер же аракетсиздиктер болгонуна карабастан, бардык суроо-талаптарга карата колдонулат.

3. Тараптардын өз ара макулдашуусу боюнча бул Келишимге өзгөртүүлөр киргизилиши мүмкүн, алар Келишим күчүнө кирүү үчүн колдонулган тартипте күчүнө кирет.

4. Ар бир Мамлекет дипломатиялык каналдар боюнча жазуу жүзүндө кабарлоо менен каалаган убагында ушул Келишимдин ишин токтотууга укуктуу. Бул Келишимди колдонуу аны колдонууну токтотуу жөнүндө жазуу күзүндө маалымдоо алган учурдан баштап алты (6) ай өткөндөн кийин токтотулат. Бул Келишимди колдонууну токтотуу аны токтотууга чейин башталган жол-жоболорго жайылтылбайт.

Кыргыз Республикасын Башкы прокурору Ө.Джамшитов 2019ж “05”.12. КР БПнын уюштуруу иштерин камсыздоо жана ченемдик укутук актыларды экспертизалоо башкармалыгынын башчысы

К.Асангельдиев

2019ж “5” 12

УШУНУ ЫРАСТАП төмөндө кол койгондор, өз мамлекети тарабынан тиешелүү негизде ыйгарым укук берилгендер ушул Келишимге кол коюшту. Келишимге 20________-жылдын"_____"_________,__________шаарында кыргыз, араб, орус жана англис тилдеринде эки нускада КОЛ КОЮЛДУ, бардык тексттер бирдей күчкө ээ. Ушул Келишимдин жоболорун чечмелөөдө пикир келишпестиктер келип чыкканда, англис тилиндеги текст артыкчылыктуу күчкө ээ.

КЫРГЫЗ РЕСПУБЛИКАСЫ

БИРИККЕН АРАБ

ҮЧҮН

ЭМИРАТТАРЫ ҮЧҮН

Кыргыз Республикасын Башкы прокурору Ө.Джамшитов 2019ж “05”.12. КР БПнын уюштуруу иштерин камсыздоо жана ченемдик укутук актыларды экспертизалоо башкармалыгынын башчысы

К.Асангельдиев

2019ж “5” 12