КР Өкмөтүнүн (Фермерлер - сүт өндүрүүчү зайымчы топтордун мүчөлөрү менен зайым келишимдерин түзүү жөнүндө) буйругу

КЫРГЫЗ РЕСПУБЛИКАСЫНЫН ӨКМӨТҮ БУЙРУК (КР Министрлер Кабинетинин 2022-жылдын 26-апрелиндеги № 222-т тескемесинин редакциясына ылайык) 2019-жылдын 24-сентябры № 352-б Кыргыз Республикасы менен Эл аралык өнүктүрүү ассоциациясынын (Дүйнөлүк банк) ортосунда 2017-жылдын 10-августунда Бишкек шаарында кол коюлган жана Кыргыз Республикасынын 2017-жылдын 28-декабрындагы № 220 (25) Мыйзамы менен ратификацияланган "Кыргыз Республикасында сүт секторунун өндүрүмдүүлүгүн комплекстүү жогорулатуу" долбоору боюнча каржылоо жөнүндө макулдашууну ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине, Кыргыз Республикасынын Бюджеттик кодексинин 3-беренесинин 3-бөлүгүнө ылайык:

1. Кыргыз Республикасынын Финансы министрлиги "Кепилдик фонд" ачык акционердик коому (мындан ары - "Кепилдик фонд" ААК) менен биргеликте төмөнкүдөй шарттарда фермерлер - сүт өндүрүүчү зайымчы топтордун мүчөлөрү менен зайым келишимдерин түзсүн:

зайымдын суммасы - бир фермерге - сүт өндүрүүчү зайымчы топтун мүчөсүнө сомдук эквивалентте 1200 АКШ долларынан ашык эмес; зайымдын мөөнөтү - 10 айдан 3 жылга чейин; зайым боюнча пайыздык ставка - 0 пайыз; фермерлердин - сүт өндүрүүчү зайымчы топтордун мүчөлөрүнүн чогуу жоопкерчилиги; фермер - сүт өндүрүүчү зайымчы топтордун мүчөлөрү тарабынан жеке салымы - акчалай түрдө 10 пайыздан кем эмес.

2. Зайымдын типтүү келишиминин формасы тиркемеге ылайык формада бекитилсин.

3. Кыргыз Республикасынын Финансы министрлигине караштуу Финансы-кредиттик фонду Кыргыз Республикасындагы фермерлерге - сүт өндүрүүчү зайымчы топтордун мүчөлөрүнө зайым түрүндө берилген каражаттардын толук кайтарылышын камсыз кылат деп белгиленсин.

(КР Министрлер Кабинетинин 2022-жылдын 26-апрелиндеги № 222-т тескемесинин редакциясына ылайык)

4. Кыргыз Республикасынын Финансы министрлиги Сүт секторунун өндүрүмдүүлүгүн комплекстүү жогорулатуу жөнүндө долбоор боюнча кайтарылуучу каражаттарды топтоо максатында Кыргыз Республикасынын Улуттук банкында эсеп ачсын.

(КР Министрлер Кабинетинин 2022-жылдын 26-апрелиндеги № 222-т тескемесинин редакциясына ылайык)

41. Сүт секторунун өндүрүмдүүлүгүн комплекстүү жогорулатуу жөнүндө долбоор боюнча Кыргыз Республикасынын Улуттук банкынын эсептеринде топтолгон кайтарылуучу каражаттар Кыргыз Республикасынын Финансы министрлигине караштуу Финансы-кредиттик фонд аркылуу төмөнкүдөй шарттарда сүт секторун андан ары рекредиттөөгө тийиш деп белгиленсин:

1) максаттуу багыты - сүт өндүрүү же ири мүйүздүү малдын башын көбөйтүү үчүн ири мүйүздүү малды (уйларды) сатып алуу;

2) кредиттин суммасы - сүт өндүрүүнү жүзөгө ашырган же иши сүт өндүрүүгө багытталган айылдык товар өндүрүүчүлөргө 500000 (беш жүз миң) сомдон ашык эмес;

3) сүт өндүрүүнү жүзөгө ашырган же иши сүт өндүрүүгө багытталган фермердик чарбаларга - 1000000 (бир миллион) сомдон ашык эмес;

4) кредит алуучулар төлөөгө жөндөмдүүлүк критерийлерине ылайык келүүгө, алардын оң кредиттик тарыхы болууга жана бюджеттик кредиттер боюнча мөөнөтү өткөн карыздары болбоого тийиш;

5) кредиттин мөөнөтү - 3 жылга чейин, анын ичинде негизги сумманы төлөө боюнча 9 айга чейинки жеңилдетилген мезгил;

6) кредит боюнча пайыздык ставка - жылдык 6 пайыз;

7) финансылык санкциялар - мөөнөтү өткөн төлөмдүн суммасына жылдык 12 пайыз;

8) күрөөлүк камсыздоо;

9) кепилдик берүү менен 150000 (жүз элүү миң) сомго чейин кредит берүү каралат;

10) кепилдик берүүчүлөр ушул пунктта белгиленген шарттарга ылайык келүүгө тийиш.

(КР Министрлер Кабинетинин 2022-жылдын 26-апрелиндеги № 222-т тескемесинин редакциясына ылайык)

5. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын экономика жана инвестициялар бөлүмүнө, агроөнөр жай комплекси жана экология бөлүмүнө жүктөлсүн.

Премьер-министр

М.Д.Абылгазиев

Тиркеме

Форма Зайымдын типтүү келишими № ________

Бишкек ш.

20__- ж. "__" ______________

Мындан ары "Зайым берүүчү" деп аталуучу Кыргыз Республикасынын Финансы министрлигинин атынан ________________________________________________________________________________________________ ________________________________________________________________________________________________ (аты-жөнү, кызматы) Кыргыз Республикасынын Өкмөтүнүн 20__-жылдын "__" _______ № ____ буйругунун негизинде иштейт, "Кепилдик фонд" ачык акционердик коомунун атынан __________________________________________________ ________________________________________________________________________________________________ (Ф.А.А., кызматы) Кыргыз Республикасынын Финансы министрлиги менен түзүлгөн Жүгүртүү фондунун алкагында Зайымдарды берүү маселеси боюнча 20__-жылдын "__" __________ № _____ макулдашуунун негизинде, 20__-жылдын "__" ________ № ______ ишеним кат боюнча иштейт, бир тараптан, жана мындан ары "Зайымчылар" же "Сүт өндүрүүчүлөрдүн зайымчылар тобу", өз алдынча "Зайымчы" деп аталуучу:

1. ________________________________________________________________________________________

2. ________________________________________________________________________________________

3. ________________________________________________________________________________________

4. ________________________________________________________________________________________

5. ________________________________________________________________________________________

6. ________________________________________________________________________________________

7. ________________________________________________________________________________________

жогоруда аталган Сүт өндүрүүчүлөрдүн зайымчылар тобунун мүчөлөрү экинчи тараптан, төмөнкүлөр жөнүндө ушул Келишимди түзүштү:

1. Ушул Келишимдин предмети

1.1. Зайым берүүчү Зайымчыга Кепилдик келишиминин негизинде (ушул Келишимдин № 1 тиркемеси) Сүт өндүрүүчүлөрдүн зайымчылар тобунун мүчөлөрүнүн бири-бирине кепилдиги менен Сүт өндүрүүчүлөрдүн зайымчылар тобунун бардык мүчөлөрүнө эсептелген ____________ (____________________) сом акча каражаты өлчөмүндө пайызсыз зайым берет (мындан ары - "топтук зайым"/"зайым"), ал эми Зайымчылар аны сүт багытындагы малдын өндүрүмдүүлүгүн жана сүттүн сапатын жогорулатуу максатында пайдаланышат жана зайымдын ушул эле суммасын ушул Келишимдин № 2 тиркемесине ылайык график боюнча кайра төлөөгө милдеттенишет.

1.2. Зайымчылардын зайымдарынын суммасы Зайымчылар арасында төмөнкүдөй бөлүштүрүлөт:

№

Аты-жөнү

Дареги

Паспортунун №

Зайымдын суммасы

Бардыгы:

2. Зайымды берүүнүн мөөнөттөрү жана шарттары

2.1. Топтук зайым _____________ (______________________) ай мөөнөткө берилет.

2.2. Топтук зайымды берүүдө ар бир Зайымчы өзүнүн зайымынын суммасынан 10% кем эмес өлчөмүндөгү өз салымын тейленүүчү банкындагы өзүнүн алыш-бериш эсебине төгүшү керек.

2.3. Топтук зайымдын суммасын Зайымчынын алыш-бериш эсебине Кыргыз Республикасынын Финансы министрлигинин кредиттик линияларды башкаруу бөлүмү (мындан ары - КЛББ) которот.

2.4. Эгер ушул Келишимдин шарттарында башкасы каралбаган болсо, зайым берилген күн болуп Зайымчылардын эсебине акча каражатынын салынган датасы эсептелет.

2.5. Кыргыз Республикасынын мыйзамдарында каралган бардык салыктар жана жыйымдар, анын ичинде ушул Келишимдин 8.8-пунктуна ылайык нотариуста күбөлөндүрүүгө кеткен чыгымдар Зайымчылар тарабынан төлөнөт.

3. Зайымчылардын укуктары жана милдеттери

3.1. Сүт өндүрүүчүлөрдүн зайымчылар тобунун мүчөлөрүнүн ушул Келишимде каралган бардык милдеттери бирге болуп саналат.

3.2. Сүт өндүрүүчүлөрдүн зайымчылар тобунун мүчөлөрү ушул Келишим боюнча өздөрүнүн укуктарын жана милдеттенмелерин толугу менен же айрым бөлүгүн башка бирөөгө өткөрүп берүүгө укуктуу эмес.

3.3. Зайымчылар төмөнкүлөргө милдеттенишет:

3.3.1. топтук зайымды Зайым берүүчүгө ушул Келишимдин 1.1-пункту жана № 2 тиркемеси менен каралган суммада жана мөөнөттө кайтарып берүүгө;

3.3.2. өз убагында төлөөнү камсыз кылууга жана зайымды төлөөгө карата Кепилдик келишимине ылайык бирге жоопкерчилик тартууга;

3.3.3. зайымды жабуунун эсебине төлөөлөр жөнүндө Зайым берүүчүнү тейлеген банктан алынган бардык квитанцияларды сактоого. Квитанция Кардар тарабынан зайымды төлөө боюнча төлөмдү тастыктоочу жалгыз документ болуп саналат;

3.3.4. Зайым берүүчүнүн жана Кепилдик фонддун жазуу жүзүндөгү макулдугусуз, ушул Келишим боюнча милдеттенмелерди аткарууга таасирин тийгизе турган, топтук зайым боюнча бересесин толук жаап бүткөнгө чейин өзүнө ар кандай кошумча милдеттенмелерди албоого, анын ичинде башка финансылык-кредиттик уюмдардан жана жеке жактардан зайымдарды албоого, үчүнчү жактар үчүн кепил же кепилдик кылуучу катары чыкпоого, үчүнчү жактар менен зайым келишимдерин түзбөөгө, кепилчилик кепилдиктерин бербөөгө, менчигиндеги бир нерселерди сатпоого же башка жол менен аларды ажыратпоого, өз активдерин (негизги каражаттарын жана башка мүлкүн) чектебөөгө, учурдагы жана келечектеги кирешелерин чектебөөгө; ушул Келишим боюнча мөөнөтү өткөн бересеси болгон учурда таза кирешесин бөлүштүрбөөгө;

3.3.5. зайымды өз убагында кайтарууга таасирин тийгизе турган кандай болбосун фактылар жана жагдайлар, жашаган жерин, фамилиясын же атын, иштеген жерин/бизнестин түрүн же бизнес жүргүзгөн жерин алмаштыруу жөнүндө, ага карата доо арыздар жөнүндө бул жагдайлар келип чыккан учурдан тартып 5 (беш) жумуш күндүн ичинде Зайым берүүчүгө кечиктирбестен жазуу жүзүндө кабарлоого;

3.3.6. алынган зайымды Топтук зайымды алууга өтүнмөдө көрсөтүлгөн максаттуу багыты боюнча пайдаланууга, ошондой эле акча каражаттарын алкоголь, тамеки заттарын өндүрүүгө, курал-жарак, зыяндуу, уулуу жана жарылгыч заттарды жайылтууга жана сатууга, ошондой эле Кыргыз Республикасынын мыйзамдарына каршы келген жана айлана-чөйрөгө зыяндуу ишке пайдаланбоого;

3.3.7. ушул Келишимдин жарактуулук мөөнөтүнүн ичинде зайым боюнча бардык төлөмдөрдү толук төлөгөнгө чейин Зайым берүүчү жана/же Кепилдик фонд жана/же Эл аралык өнүктүрүү ассоциациясы тарабынан зайымдын максатка ылайык колдонулушун контролдоого мүмкүндүк берүүгө, ошондой эле Зайым берүүчүнүн жана/же Кепилдик фонддун жана/же Эл аралык өнүктүрүү ассоциациясынын талабы боюнча зайымдын максатка ылайык колдонулушун тастыктаган кандай болбосун маалыматтарды/документтерди, ошондой эле Зайым берүүчү жана/же Кепилдик фонд жана/же Эл аралык өнүктүрүү ассоциациясы негиздүү талап кылышы мүмкүн болгон башка маалыматтарды/документтерди берүүгө. Текшерүүлөрдүн саны жана алардын мөөнөттөрү Зайым берүүчү тарабынан аныкталат жана Зайымчы менен макулдашылбайт;

3.3.8. өзгөртүп уюштурууда же жоюуда зайым боюнча бересени төлөө жөнүндө келишимдеги мөөнөткө карабастан бересени дароо төлөөгө;

3.3.9. ушул Зайым келишиминин жарактуулук мөөнөтүнүн ичинде зайым боюнча бересенин калдыгын Зайым берүүчү менен салыштырып текшерип турууга.

3.4. Зайымчылар төмөнкүлөргө укуктуу:

3.4.1. зайымды толугу менен же айрым бөлүгүн мөөнөтүнөн мурда төлөөгө;

3.4.2. ушул Зайым жөнүндө келишим түзүлгөндөн кийин жана акча каражаты Зайымчынын алыш-бериш эсебине которулганга чейинки мезгилде зайымды алуудан акысыз негизде баш тартууга.

3.5. Зайымчылар төмөнкүлөрдү кепилдешет:

3.5.1. анын ишкердик жана финансылык абалына олуттуу жагымсыз таасирин тийгизе турган кандайдыр бир макулдашуунун, мүлктүк милдеттенмелердин шарттарын аткарбоо же бузуу, ага каршы соттук териштирүүнүн жок экендигин;

3.5.2. ага тиешелүү мүлктүн бардыгы жана алган кирешелери менен топтук зайымды өз убагында кайтарууну камсыздашат;

3.5.3. Зайым берүүчүгө "Ишеним" кредиттик-маалымат берүү бюросу жоопкерчилиги чектелген коомуна (НМБ ЖАК) (мындан ары - "Бюро") өзү жөнүндө маалыматтарды берүүгө жана/же ачууга макулдугун беришет.

4. Зайым берүүчүнүн укуктары жана милдеттери

4.1. Зайым берүүчү төмөнкүлөргө милдеттенет:

4.1.1. Зайымчыга ушул Келишимдин 1.1-пунктунда көрсөтүлгөн топтук зайымдын суммасын ага кол коюлган күндөн тартып 3 (үч) банк күнүнүн ичинде Зайымчынын алыш-бериш эсебине өткөрүп берүүгө;

4.1.2. Зайымчынын сурамы боюнча 10 (он) жумуш күндүн ичинде алынган зайым жөнүндө кандай болбосун маалыматты берүүгө.

4.2. Зайым берүүчү, Кепилдик фонд (мындан ары - КФ) төмөнкүлөргө укуктуу:

4.2.1. Зайымчылардын кредит алууга жөндөмдүүлүгүн, алардын финансылык абалын жана зайым берүүгө байланышкан башка маселелерди талдоого;

4.2.2. Зайымчылар ушул Келишимдин шарттарын бузган учурда, Зайым берүүчү жана/же КФ талап кылган документтерди бербегенде, ушул Келишим боюнча шарттарды Зайымчылар тийиштүү түрдө аткаруу мүмкүнчүлүгүнө күмөн жараткан жагдайлар келип чыкканда Зайымчыларга зайымды толук же айрым бөлүгүн берүүдөн баш тартууга;

4.2.3. ушул Келишим жарактуу болгон бүткүл мөөнөтүндө кайсы убакта болбосун зайымдын максаттуу пайдаланылышын, ушул Келишим боюнча Зайымчылардын финансылык абалын жана алардын милдеттенмелерин аткаруусун текшерүүгө. Текшерүүлөрдүн саны жана даталары Зайым берүүчү/НТББ/КФ тарабынан өз алдынча, Зайымчы менен макулдашуусуз аныкталат. Ушул Келишимдин 4.2.3-пунктчасында каралган текшерүүлөр Эл аралык өнүктүрүү ассоциациясы тарабынан да жүргүзүлүшү мүмкүн;

4.2.4. төмөнкү учурларда топтук зайымды мөөнөтүнөн мурда төлөөнү талап кылууга:

а) топтук зайым башка максатка пайдаланылса, ошондой эле топтук зайым 3.4.6-пунктка каршы келген максаттарга пайдаланылса;

б) ушул Келишимдин 2.2-пунктуна ылайык сумманы өз убагында төлөбөсө;

в) Зайымчынын мүлкүнүн бөлүгүнө же баарына арест коюлса;

г) Зайымчы топтук зайымды максаттуу пайдаланууга, Зайымчынын финансылык абалына тиешелүү маалыматтарды жана Зайымчыга мониторинг жүргүзүү үчүн керектүү башка маалымдарды берүүдөн баш тартканда;

д) топтук зайымды тариздөөдө же зайымдын мөөнөтүнүн ичинде Зайымчы туура эмес маалыматтарды бергенде;

е) Зайымчы ушул Келишим боюнча башка милдеттенмелерди аткарбаганда же тийиштүү түрдө аткарбаганда;

4.2.5. ушул Келишим боюнча милдеттенмелерди толук же карызга тиешелүү бөлүгүн аткаруусун Сүт өндүрүүчүлөрдүн зайымчылар тобунун мүчөлөрүнүн баардыгынан, ошондой эле ар биринен өз алдынча, өз кароосуна жараша талап кылууга. Зайым берүүчү/НТББ/КФ бир Катышуучудан толук канааттанбаса, Келишимге (Кепилдик келишимине (ушул Келишимдин № 1 тиркемеси) жана Кыргыз Республикасынын Граждандык кодексинин 311-313-беренелерине ылайык, ортоктош береселер катары калган башка Зайымчылардан толук алынбаганын талап кылууга;

4.2.6. ашыкча карызды, өнбөс карыздарды, алдамчылыкты, акчалардын изин жашырууну болтурбоо максатында жана зайымчынын бир финансылык-кредиттик мекемедеги акчалай милдеттенмелерин башка финансылык-кредиттик мекеменин каражаттарынын эсебинен жабуу практикасын болтурбоо максатында, берилген зайымдарга тиешелүү негиздүү чечимдерди кабыл алууну камсыздоо үчүн, ошондой эле Кыргыз Республикасынын Улуттук банкынын лицензиясынын негизинде Кыргыз Республикасында иштеген Бюролордун катышуучулары болгон финансылык-кредиттик мекемелердин жалпы кызыкчылыктарын коргоо максатында Зайым берүүчү/НТББ бардык берилген зайымдар жөнүндө, анын ичинде ушул Келишимдин алкагында берилген зайым боюнча маалыматтарды мыйзамдарда жана ушул Келишимде белгиленген тартипте кредиттик/зайымдык таржымалдар боюнча маалыматтар базасын түзүү үчүн Бюрого берүү укугун өзүнө калтырат. Кардарлардын башка эч кандай коммерциялык же кесиптик маалыматтары Бюрого жана/же анын мүчөлөрүнө берилиши мүмкүн эмес. Бюрого маалыматтарды белгиленген тартипте берүү "Банктык сыр жөнүндө" Кыргыз Республикасынын Мыйзамын бузуу катары каралышы мүмкүн эмес;

4.2.7. ушул Зайым жөнүндө келишим күчүндө болгон мөөнөттүн ичинде Зайымчы менен зайым боюнча анын береселерин салыштырып текшерүү жүргүзүүгө.

4.2.8. Зайым берүүчү ушул Келишим боюнча, ошондой эле Сүт өндүрүүчүлөрдүн зайымчылар тобунун топтук зайымын төлөөнү камсыз кылуу менен байланышкан бүтүмдөр боюнча өзүнүн укуктарын жана милдеттенмелерин толугу менен же айрымдарын КФга өткөрүп берүүгө укуктуу.

5. Топтук зайымды төлөөнүн шарттары

5.1. Топтук зайым боюнча бардык төлөөлөр Кыргыз Республикасынын улуттук валютасында ФМ/НТББнын алыш-бериш эсебине, (алыш-бериш эсебинин №) бересени төлөө графигинде көрсөтүлгөн күндөрү которуу/толуктоо менен Зайымчылар тарабынан жүргүзүлүшү керек. Эгер топтук зайымды төлөө датасы дем алыш күнгө же майрам күнгө туш келип калса, анда топтук зайымды төлөө үчүн сумманы салуу датасы деп андан кийинки жумуш күн эсептелет. Акча каражатын Зайым берүүчүнүн алыш-бериш эсебине салууга чейин жеткирүүгө байланышкан бардык тобокелдиктерди Катышуучулардын бүткүл тобу биргелешип өзүнө алат.

5.2. Зайым боюнча төлөмдөрдү жабуу үчүн акча каражаттарын Зайым берүүчүнүн кызматкерлери аркылуу берип жиберүүгө тыюу салынат. Сүт өндүрүүчүлөрдүн зайымчылар тобунун топтук зайым боюнча бүтүндөй кезектеги төгүмүн бир төлөм менен жабууга жол берилет.

5.3. Тейлөөчү банктын ички ченемдик жол-жоболоруна ылайык, Тейлөөчү банктын операциялык күнү аяктагандан кийин жүргүзүлгөн, ушул Келишимдин шарттарына ылайык кандай болбосун төлөөлөр мөөнөтү өткөн деп саналат жана кийинки жумуш күн менен кабыл алынат.

5.4. Зайымчылар ушул Келишимге кол коюлгандан кийин өзүнүн Келишим боюнча зайымды алууга укугун үчүнчү жактарга өткөрүп берүүгө укугу жок.

5.5. Бөлүп төлөөдө Зайымчы тарабынан төлөнгөн суммалар зайымдын негизги суммасынын карызын жабууга багытталат.

5.6. Зайымчы өз каалоосу боюнча жабуу графигинде белгиленгенден көбүрөөк сумманы төккөн же эртерээк төлөгөн учурда төлөөлөр келерки төлөмдөрдүн эсебине саналат.

5.7. Зайымчы топтук зайымдын негизги суммасы боюнча бересесин мөөнөтүнөн мурда кандайдыр бир айып жазасыз төгүүгө укуктуу.

6. Ал жеткис күчтүн таасири (форс-мажор)

6.1. Тараптардын эркинен жана каалоосунан тышкары келип чыккан, алдын-ала көрө билүүгө же болтурбай коюуга мүмкүн болбогон, атап айтканда: жарыяланган же факт жүзүндөгү согуш, жарандардын толкундоолору, эпидемиялар, блокада, эмбарго, жер титирөө, суу ташкыны, өрт жана башка табигый кырсыктар өңдүү ал жеткис күчтүн (форс-мажор) таасиринин айынан ушул Келишим боюнча өзүнө алынган милдеттенмелерди толук аткарбаганы же айрымдарын аткарбаганы үчүн, эгер бул жагдайлар Келишимдин шарттарын аткарууга түздөн-түз таасирин тийгизсе, Тараптар жоопкерчиликтен бошотулат.

6.2. Ушул Келишимдин 6.1-пунктунда көрсөтүлгөн себептердин айынан өз милдеттенмелерин аткарбаган тарап башка тарапка ушул Келишим боюнча милдеттенмелерди аткарууга тоскоолдук же тийгизген таасир жөнүндө кабарлап, мындай жагдайлардын болуу фактысын тиешелүү документти берүү аркылуу тастыкташы керек, ошондой эле мындай жагдайлардын болуучу таасиринин болжолдуу мөөнөттөрү жана өз милдеттенмелерин аткаруу мөөнөттөрү жөнүндө кабарлашы керек.

7. Зайымды камсыздоо

7.1. Ушул Келишим боюнча зайымды төлөө Зайым берүүчү, КФ жана Кепилчилердин ортосунда ушул Келишимдин 1-тиркемесине ылайык формада 201_-жылы "__" ________ түзүлгөн Кепилдик келишимине ылайык үчүнчү жактардын кепилдиктери менен камсыздалат.

8. Келишимдин жарактуулук мөөнөтү жана талаш-тартыштарды чечүүнүн тартиби

8.1. Ушул Келишим кол коюлган күндөн баштап жарактуу болот жана Зайымчы тарабынан өз милдеттенмелери, ошондой эле ушул Келишимдин шарттары бузулган учурларда акча каражаттарын кайтарып берүү боюнча иш-чаралар менен байланышкан чыгымдар толугу менен төлөнгөн күнү өзүнүн аракетин токтотот.

8.2. Зайым берүүчү, КФ жана Зайымчынын ортосундагы мамилелер өтө купуя мүнөздө болот. Тараптар мыйзамдарда жана Келишимде каралгандан башка учурларда, бул Келишимге тиешелүү маалыматтарды үчүнчү жактарга бербөөгө жана ачыкка чыгарбоого милдеттенишет. Зайым берүүчү/КФ Зайымчы жөнүндө маалыматты тиешелүү мамлекеттик органдардын талабы боюнча, Кыргыз Республикасынын мыйзамдарында каралган тартипте берүүгө укуктуу.

8.3. Ушул Келишимге бардык өзгөртүүлөр жана толуктоолор кошумча макулдашуу менен таризделет жана ушул Келишимдин ажырагыс бөлүгү болуп саналат.

8.4. Талаш-тартыштарды тараптардын макулдашуусу боюнча жөнгө салуу мүмкүн болбогон учурда, алар Кыргыз Республикасынын күчүндөгү мыйзамдарына ылайык сот тартибинде чечилүүгө тийиш.

8.5. Ушул Келишим Кыргыз Республикасынын күчүндөгү мыйзамдары жана Жүгүртүү фонду боюнча колдонмого ылайык чечмеленүүгө тийиш.

8.6. Сүт өндүрүүчүлөрдүн зайымчылар тобунун мүчөлөрү ушул Келишимге кол коюп жатып, төмөнкүлөргө ыктыярдуу макулдугун беришет:

а) Зайым берүүчү/КФ өз каалоосу боюнча брошюраларды, буклеттерди, жылдык отчетторду жана башка маалыматтык-жарнамалык материалдарды чыгаруу максаттарында Зайымчынын бизнеси, үй-бүлөсү жана алган зайымы жөнүндө маалыматты, ошондой эле Зайымчынын фотосүрөттөрүн пайдалануусуна;

б) Зайым берүүчү/КФ мөөнөтүн өтүп кеткен бересе жөнүндө маалыматты жергиликтүү өз алдынча башкаруу органдарына, Зайымчынын туугандарына, ошондой эле Зайымчынын иштеген жерине берүүсүнө.

8.7. Ушул Келишим бирдей юридикалык күчкө ээ болгон ____ нускада: Зайым берүүчү/НТББ, КФ жана Зайымчылар үчүн бирден түзүлдү.

8.8. Ушул Келишим, эгер анын суммасы эсептик көрсөткүчтөн беш жүз эсе аша турган болсо, нотариустук формада түзүлүүгө тийиш.

8.9. Ушул Келишимдин баардык тиркемелери анын ажырагыс бөлүгү болуп эсептелет.

9. Тараптардын юридикалык даректери жана реквизиттери

Зайым берүүчү:

Кепилчилер:

Сүт өндүрүүчүлөрдүн зайымчылар тобунун катышуучулары:

Дареги: _______________________________

1. ___________________________________

2. ___________________________________

3. ___________________________________

_____________________________________

Жетекчиси: ____________________________

_____________________________________

(аты-жөнү)

_____________________________________

______________________________________

_____________________________________

(колу)

_____________________________________

М.О.

"Кепилдик фонд" ААК

Дареги: _______________________________

Жетекчиси: ____________________________

(аты-жөнү)

______________________________________

(колу)

М.О.

Зайымчы топтук зайымды берүүнүн шарттары менен таанышты, Келишимге өз колу менен менин көзүмчө кол койду: __________________________________________________________________________________________ (мобилизациялык компаниянын ыйгарым укуктуу кызматкеринин аты-жөнү)

_____________________________

(колу)

20__-жылдын "__" ___________ № ____ Зайым келишимине № 1 тиркеме

Форма Кепилдик келишими

Офис ____________________

20__-ж. "__" ______________

Мындан ары "Зайым берүүчү" деп аталуучу Кыргыз Республикасынын Финансы министрлигинин атынан ________________________________________________________________________________________ ________________________________________________________________________________________________ (аты-жөнү, кызматы) Кыргыз Республикасынын Өкмөтүнүн 20__-жылдын "__" _________ № ____ буйругунун негизинде иштейт, жана Кыргыз Республикасынын Финансы министрлиги менен түзүлгөн Жүгүртүү фондунун алкагында Зайымдарды берүү маселеси боюнча 20__-жылдын "__" __________ № ____ макулдашуунун негизинде иштөөчү "Кепилдик фонду" ачык акционердик коомунун атынан ___________________________________________________________________________________________________ ___________________________________________________________________________________________________ (аты-жөнү, кызматы) бир тараптан, жана Кепилчилер (алар өздөрү Зайымчылар):

1. _____________________________________________________________________________________

2. _____________________________________________________________________________________

3. _____________________________________________________________________________________

4. _____________________________________________________________________________________

5. _____________________________________________________________________________________

6. _____________________________________________________________________________________

7. _____________________________________________________________________________________

экинчи тараптан, төмөнкүлөр тууралуу ушул Келишимди түзүштү:

1. Келишимдин предмети

1.1. Ушул Келишимге ылайык Зайым берүүчүнүн, Кепилдик фонддун жана Зайымчылардын ортосунда 20__-жылы "__" __________ түзүлгөн № ____ Зайым жөнүндө келишим (мындан ары - Зайым келишими) боюнча Зайымчылардын Зайым берүүчүгө зайымды өз убагында төлөө милдеттенмелерин аткаруусу үчүн Кепилчилер Зайым берүүчүнүн алдында бирге жооп берүүгө милдеттенишет:

1. _____________________________________________________________________________________

2. _____________________________________________________________________________________

3. _____________________________________________________________________________________

4. _____________________________________________________________________________________

5. _____________________________________________________________________________________

6. _____________________________________________________________________________________

7. _____________________________________________________________________________________

1.2. Зайым келишиминин 1.1-пунктунда көрсөтүлгөн Зайым келишими боюнча зайымдын жалпы суммасы ________ (____________) сомду түзөт, төлөө мөөнөтү 2020-жылдын "__" __________.

1.3. Кепилчилер Зайым берүүчүнүн алдында Зайымчы жана/же Зайымчылар кандай жооптуу болсо, ошондой эле көлөмдө жоопкер болууга милдеттенет жана Зайымчы жана/же Зайымчылар өз милдеттенмелерин аткарбаган же тийиштүү түрдө аткарбаган учурда Зайым берүүчүгө карыздын калдыгын төлөөгө милдеттенет.

1.4. Кепилчилер бир Зайымчынын, ошондой эле бардык Зайымчылардын милдеттенмелери боюнча өзүнө тиешелүү бардык мүлкү менен жоопкерчилик тартышат.

1.5. Кепилчинин жоопкерчилиги четки сумма менен чектелбейт жана Зайым келишиминен келип чыккан Зайымчынын кандай болбосун милдеттенмелерин Кепилчи аткаруучу учурда аныкталат.

2. Укуктар жана милдеттер

2.1. Кепилчилер Зайым келишимине, Зайым келишимине кошумча макулдашуу боюнча Зайым берүүчүнүн алдында Зайымчы жана/же Зайымчылар кандай жооптуу болсо, ошондой эле көлөмдө Зайымчы менен бирге жоопкер болууга милдеттенишет.

2.2. Ушул Келишимдин 1.1-1.5-пункттарында каралган милдеттенмелер Кепилчи тарабынан Кепилдик фонд ага кайрылган күндөн тартып үч календардык күндүн ичинде аткарылышы керек. Кепилдик фонд Кепилчиге Зайымчынын Зайым келишими боюнча өзүнө алган милдеттенмелерин аткаруудан баш тартуусун алган күнү кайрылууга укуктуу.

2.3. Кепилдик фонд Зайым келишими боюнча 1.1-пунктта көрсөтүлгөн акчалай каражаттарын төлөө боюнча Зайымчы өз милдеттенмелерин аткарбаганы же тийиштүү түрдө аткарбаганы жөнүндө Кепилчилерге маалымдоосу керек жана милдеттенмелерди аткаруу мөөнөтү келген учурдан тартып 5 (беш) календардык күндүн ичинде бересени төлөө жөнүндө талап коюшу керек.

2.4. Кепилчилер Кепилдик фондунан милдеттенмелерди аткаруу мөөнөтүн аткарбагандыгы жөнүндө билдирүү алган учурдан тартып 5 (беш) календардык күндүн ичинде Зайым берүүчүгө акчалай каражаттарды кайтаруу боюнча Зайымчынын милдеттенмесин аткарууга милдеттүү. Кепилчилер Зайымчынын аласасын төлөө боюнча милдеттенмесин аткарбаган учурда Кепилдик фонд карызды сот тартибинде өндүрүп алуу үчүн сот органдарына доо арызын берет.

2.5. Зайымчынын Зайым келишими боюнча милдеттенмелерин аткарган Кепилчилерге Зайым берүүчүнүн бул милдеттенме боюнча бардык укуктары өтөт.

2.6. Зайым берүүчүнүн алдындагы Зайымчынын милдеттенмелерин Кепилчилер аткарган учурда Зайым берүүчү Кепилчиге Зайымчыга карата талаптарды ырастаган бардык документтерди берүүгө жана бул талапты камсыздаган укуктарды өткөрүп берүүгө милдеттенет.

2.7. Кепилдик менен камсыздалган Зайым келишими боюнча милдеттенмесин аткарган Зайымчы бул тууралуу токтоосуз Кепилчилерге кабарлоого милдеттүү.

2.8. Кепилчи зайымды өз убагында төлөөгө таасирин тийгизе турган кандай болбосун фактылар жана жагдайлар, жашаган жерин, фамилиясын же атын, иштеген жерин/бизнестин түрүн же бизнес жүргүзгөн жерин алмаштыруу жөнүндө бул өзгөрүүлөр келип чыккандан 5 (беш) жумуш күндүн ичинде Зайым берүүчүгө/НТББга/КФга кечиктирбестен жазуу жүзүндө кабарлап турууга милдеттүү. Бул талапты аткарбаган учурда Кепилчинин ушул Келишимде көрсөтүлгөн жашаган жери Кепилчинин акыркы белгилүү болгон жашаган жери болуп саналат.

2.9. Зайым берүүчү ушул Келишим боюнча өзүнүн укуктарын жана милдеттенмелерин Кепилдик фондуна толугу менен же айрым бөлүгүн өткөрүп берүүгө укуктуу.

2.10. Кепилчи ушул Келишим боюнча өзүнүн укуктарын жана милдеттенмелерин толугу менен же айрымдарын өткөрүп берүүгө укуктуу эмес.

3. Ушул Келишимдин күчүнүн мөөнөтү

3.1. Ушул келишим ага кол коюлган күндөн тартып күчүнө кирет. Ушул келишим Күрөө жөнүндө келишимдин 1.1-пунктунда көрсөтүлгөн Күрөө жөнүндө келишимдин күчүнүн бүтүндөй мөөнөтүндө, ал эми Зайымчы Зайым келишими боюнча милдеттенмелерин аткарбаган учурда - ушул Келишим менен каралган бардык милдеттенмелерди Кепилчи жана/же Кепилчилер толук аткарып бүткөн учурга чейин күчүндө кала берет.

3.2. Кепилчилик төмөнкү учурларда токтотулат:

- Зайымчы Зайым келишими боюнча милдеттенмелерди толук аткарган учурда;

- карызды башка жакка которууда, эгер Кепилчи Зайым берүүчүгө жаңы бересечи үчүн жооп берүүгө макулдугун бербесе;

- Кыргыз Республикасынын мыйзамдарында каралган башка учурларда.

4. Башка шарттар

4.1. Ушул Келишим Кепилчи үчүн, ал каза болгон учурда - Кепилчинин мүлкүнүн мураскорлору үчүн аткарууга милдеттүү болуп саналат.

4.2. Ушул келишимге ылайык "Кепилчилер" деп кепилчилер тобунун бардыгы, ошондой эле алардын ар бири өз алдынча түшүнүлөт.

4.3. Ушул келишим 20__-жылдын "__" __________ № _____ Зайым келишиминин ажыратылгыс бөлүгү болуп саналат.

4.4. Ушул Келишим бирдей юридикалык күчкө ээ болгон _____ нускада: Кепилдик фонду, Зайым берүүчү/НТББ жана Кепилчилер үчүн бирден түзүлдү.

4.5. Ушул Келишимге бардык өзгөртүүлөр жана толуктоолор кошумча макулдашуу менен жазуу жүзүндө таризделет жана ушул Келишимдин ажыратылгыс бөлүгү болуп саналат.

4.6. Ушул Келишим боюнча талаш-тартыштар Кыргыз Республикасынын күчүндөгү мыйзамдары менен каралган тартипте чечилет.

5. Тараптардын юридикалык даректери жана реквизиттери:

Зайым берүүчү:

Кепилчилер:

СӨЗТ катышуучулары:

Дареги: _______________________________

1. __________________________________

2. __________________________________

3. __________________________________

____________________________________

Жетекчиси: ____________________________

____________________________________

(аты-жөнү)

____________________________________

______________________________________

____________________________________

(колу)

____________________________________

М.О.

"Кепилдик фонд" ААК

Дареги: _______________________________

Жетекчиси: ____________________________

(аты-жөнү)

______________________________________

(колу)

М.О.

20__-жылдын "__" ____________ № _____ Зайым келишимине № 2 тиркеме

Форма Бересени төлөө графиги Мындан ары "Зайым берүүчү" деп аталуучу Кыргыз Республикасынын Финансы министрлигинин атынан _____________________________________________________________________________________________________ _____________________________________________________________________________________________________ (аты-жөнү, кызматы) Кыргыз Республикасынын Өкмөтүнүн 20__-жылдын "__" __________ № _____ буйругунун негизинде иштейт, жана Кыргыз Республикасынын Финансы министрлиги менен түзүлгөн Жүгүртүү фондунун алкагында Зайымдарды берүү маселеси боюнча 20__-жылдын "__" ________ № ____ макулдашуунун негизинде иштөөчү "Кепилдик фонду" ачык акционердик коомунун атынан _____________________________________________________________________________________________________ _____________________________________________________________________________________________________ (аты-жөнү, кызматы) бир тараптан, Зайымчынын зайымдын суммасын төлөөсү боюнча төмөнкүдөй графикти белгилешти:

№

Сумма (сом)

Транш

Төлөө датасы

1

2

3

Бардыгы:

Зайымчылар:

Зайым берүүчү:

"Кепилдик фонд" ААК

1. ________________________

____________________

____________________

2. ________________________

(Колу)

(Колу)

3. ________________________

4. ________________________

____________________

____________________

__________________________

М.О.

М.О.