КР Өкмөтүнүн (Кыргыз Республикасынын карантиндик фитосанитардык чараларын лабораториялык жактан камсыздоо системасын Кыргыз Республикасынын Евразия экономикалык бирлигине кирүүдө кабыл алынган Евразия экономикалык бирлигинин талаптарына шайкеш келтирүү жөнүндө) буйругу

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2018-жылдын 8-октябры № 349-б Кыргыз Республикасынын карантиндик фитосанитардык чараларын лабораториялык жактан камсыздоо системасын Кыргыз Республикасынын Евразия экономикалык бирлигине кирүүдө кабыл алынган Евразия экономикалык бирлигинин талаптарына шайкеш келтирүү максатында, Кыргыз Республикасынын Бюджеттик кодексинин 115-беренесине, «Кыргыз Республикасынын Өкмөтү жөнүндө» Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Айыл чарба, тамак-аш өнөр жайы жана мелиорация министрлиги төмөнкү жумуштарды аткарууга заказчы болуп аныкталсын:

- төмөнкү даректерде жайгашкан өсүмдүктөрдүн карантини боюнча 2 лабораторияны куруу жана жабдуу боюнча:

Баткен облусу, Баткен шаары, М.Солихов көчөсү, 61/1; Жалал-Абад облусу, Сузак району, Сузак айылы, Сатвалды-Палван көчөсү, 52 «б»;

- төмөнкү даректерде жайгашкан фитосанитардык контролдоо боюнча 3 өткөрмө пунктун жабдуу боюнча:

Жалал-Абад облусу, Жалал-Абад шаары, Токтогул көчөсү, 1, «Жалал-Абад темиржол»; Баткен облусу, Лейлек району, Кулунду айылы, «Кулунду автожол»; Баткен облусу, Кадамжай району, (Кызыл-Кыя-Фергана а/ж 3 км), «Кызыл-Кыя автожол».

2. Кыргыз Республикасынын Финансы министрлиги белгиленген тартипте:

а) Кыргыз Республикасынын Жогорку Кеңешинин Бюджет жана финансы боюнча комитети менен макулдашып, ушул буйруктун 1-пунктунда аталган өсүмдүктөрдүн карантини боюнча лабораторияларды куруу жана жабдуу, фитосанитардык контролдоо боюнча өткөрмө пункттарын жабдуу үчүн Кыргыз Республикасынын Айыл чарба, тамак-аш өнөр жайы жана мелиорация министрлигине 62 109 684 (алтымыш эки миллион жүз тогуз миң алты жүз сексен төрт) сом бөлүп берсин, анын ичинде:

төмөнкү даректерде жайгашкан өсүмдүктөрдүн карантини боюнча лабораторияларды курууга жана лабораториялык каражаттар менен жабдууга:

- Баткен облусу, Баткен шаары, М.Солихов көчөсү, 61/1 -27 206 646 (жыйырма жети миллион эки жүз алты мин алты жүз кырк алты) сом;

- Жалал-Абад облусу, Сузак району, Сузак айылы, Сатвалды-Палван көчөсү, 52 «б» - 28 221 300 (жыйырма сегиз миллион эки жүз жыйырма бир миң үч жүз) сом;

фитосанитардык контролдоо боюнча өткөрмө пункттарын жабдууга жана жайгаштырууга:

- Жалал-Абад облусу, Жалал-Абад шаары, Токтогул көчесү, 1 дареги боюнча жайгашкан «Жалал-Абад темиржол» - 2 227 246 (эки миллион эки жүз жыйырма жети миң эки жүз кырк алты) сом;

- Баткен облусу, Лейлек району, Кулунцу айылы дареги боюнча жайгашкан «Кулунду автожол» - 2 227 246 (эки миллион эки жүз жыйырма жети миң эки жүз кырк алты) сом;

- Баткен облусу, Кадамжай району, (Кызыл-Кыя-Фергана а/ж 3 км) дареги боюнча жайгашкан «Кызыл-Кыя автожол» - 2 227 246 (эки миллион эки жүз жыйырма жети миң эки жүз кырк алты) сом;

б)«Кыргыз Республикасынын 2018-жылга республикалык бюджети жана 2019-2020-жылдарга болжолу жөнүндө» Кыргыз Республикасынын Мыйзамына өзгөртүүлөрдү киргизүү тууралуу» Кыргыз Республикасынын Мыйзамынын долбоорун Кыргыз Республикасынын Өкмөтүнүн кароосуна белгиленген тартипте киргизсин.

3. Кыргыз Республикасынын Айыл чарба, тамак-аш өнөр жайы жана мелиорация министрлиги ушул буйруктун 1-пунктунда аталган өсүмдүктөрдүн карантини боюнча лабораторияларды куруу жана жабдуу, ошондой эле фитосанитардык контролдоо боюнча өткөрмө пункттарын жабдуу менен байланышкан зарыл болгон чараларды белгиленген тартипте көрсүн жана аларды андан ары иштетүүнү камсыз кылсын.

4. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын финансы жана кредит саясаты бөлүмүнө, агроөнер жай комплекси жана экология бөлүмүнө жүктөлсүн.

Премьер-министр

М.Д.Абылгазиев