КР 2018-жылдын 14- февралындагы № 52-б (Финансылык каражаттар бөлүп берүү жөнүндө) буйругу

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2018-жылдын 14- февралы, № 52-б III Дүйнөлүк көчмөндөр оюндарын сапаттуу даярдоону жана өткөрүүнү камсыздоо максатында, Кыргыз Республикасынын Бюджеттик кодексинин 115-беренесргае, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Финансы министрлиги:

- Кыргыз Республикасынын Жогорку Кеңешинин Бюджет жана финансы боюнча комитетинин макулдугу менен Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттикке III Дүйнөлүк көчмөндер оюндарын жана башка коштоочу иш-чараларды даярдоонун жана өткөрүүнүн алкагында, Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттиктин алдындагы "Этномаданиятты, ат-спорт индустриясын жана асыл тукум жылкы чарбасын өнүктүрүү борбору" мамлекеттик ишканасынын (мындан ары - Ишкана) ишин камсыздоо үчүн. кошумча 10 млн (он миллион) сом өлчөмүндө финансылык каражатты бөлүп берсин;

- "Кыргыз Республикасынын 2018-жылга республикалык бюджети жана 2018-2019-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоорун Кыргыз Республикасынын Өкметүнүн кароосуна белгиленген тартипте киргизсин.

2. Ишканага Ысык-Көл облусунун Бактуу-Долоноту айылында жайгашкан ат майданын, жана анын аймактарын III Дүйнөлүк көчмөндөр оюндарын жана башка коштоочу иш-чараларды өткөрүүгө даярдыгын камсыздоо боюнча зарыл чараларды көрсүн.

3. Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттик Ишканага бөлүнүп берилген бюджеттик каражаттардын максаттуу пайдаланышын контролдоону камсыздасын.

4. Ушул буйруктун аткарылышын контролдоо Кыргыз Республикасынын Өкмөтунүн Аппаратынын билим берүү, маданият жана спорт бөлүмүнө жүктөлсүн.

Премьер-министр

С.Дж.Исаков