КР Өкмөтүнүн (Кыргыз Республикасынын Өкмөтүнүн буйругуна өзгөртүүлөр жана толуктоолор киргизүү:жөнүндө) буйругу

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2017-жылдын 26-апрели № 131-б "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык: Кыргыз Республикасынын Өкмөтүнүн 2016-жылдын 25-мартындагы № 127-б буйругуна төмөнкүдөй өзгөртүүлөр жана толуктоолор киргизилсин:

- преамбула төмөнкүдөй редакцияда баяндалсын:

"Тарыхый-маданий мурас объекттеринин сакталышын, корголушун жана ар тараптан натыйжалуу пайдаланылышын камсыз кылуу максатында, Бишкек шаарында 2016-жылдын 24-мартында кол коюлган Кыргыз Республикасынын Өкмөтү менен Түркия Республикасынын Премьер-министринин Аппаратына караштуу Түрк кызматташтык жана координация агенттигинин ортосундагы протоколго, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:";

- 1-пунктта:

төртүнчү абзацындагы "Музейди реконструкциялоонун кадамдык планын иштеп чыксын жана бекитсин" деген сөздөр "Музейди капиталдык оңдоонун биринчи этабын аяктасын" деген сөздөр менен алмаштырылсын; төмөнкү мазмундагы бешинчи абзац менен толукталсын: "- иштерди жана кызмат көрсөтүүлөрдү сатып алуу боюнча конкурстук комиссия "Мамлекеттик сатып алуулар жөнүндө" Кыргыз Республикасынын Мыйзамына ылайык түзүлсүн.";

- 2-пункт төмөнкүдөй мазмундагы төртүнчү жана бешинчи абзац менен толукталсын:

"- жаңы экспозициянын Концепциясы жана тематикалык түзүмү бекитилсин;

- жаңы экспозицияны Концепцияга ылайык жайгаштыруу уюштурулсун.".

Премьер-министр

С.Ш. Жээнбеков