КР Өкмөтүнүн (Кыргыз Республикасы менен Ислам өнүктүрүү банкынын ортосундагы Түндүк-Түштүк альтернативдүү автомобиль жолунун 159-183 км реконструкциялоо долбоору (Балыкчы ш. Жалал-Абад ш.) (KYR-0052 долбоору) боюнча Кредиттик макулдашуунун долбоорун жактыруу тууралуу) буйругу

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2016-жылдын 18-февралы № 62-б

1. Кыргыз Республикасы менен Ислам өнүктүрүү банкынын ортосундагы Түндүк-Түштүк альтернативдүү автомобиль жолунун 159-183 км реконструкциялоо долбоору (Балыкчы ш. - Жалал-Абад ш.) (№ KYR-0052 долбоору) боюнча Кредиттик макулдашуунун тиркелген долбоору жактырылсын.

2. Кыргыз Республикасынын Финансы министрине принциптүү эмес мүнөздөгү өзгөртүүлөрдү жана толуктоолорду киргизүү укугу менен Кыргыз Республикасынын Өкмөтүнүн атынан жогоруда аталган Кредиттик макулдашуунун долбооруна кол коюуга ыйгарым укук берилсин.

Премьер-министр

Т.А. Сариев

Долбоор №: KYR-0052 Кыргыз Республикасы жана Ислам өнүктүрүү банкынын ортосунда Түндүк-Түштүк (Балыкчы ш. - Жалал-Абад ш.) альтернативдүү автожолунун 159-183 км реконструкциялоо долбоору боюнча КРЕДИТТИК МАКУЛДАШУУ

Бул Кредиттик макулдашуу (Макулдашуу) _____/_________ 1436Х түзүлгөн, _____/_________/2015-ж. туура келет. Кыргыз Республикасы (мындан ары "Алуучу" деп аталуучу) жана Ислам өнүктүрүү банкынын (мындан ары "Банк" деп аталуучу) ортосунда Алуучу жана Банк мындан ары өз алдынча "Тарап" жана чогуу "Тараптар" деп аталышат. Мунун негизинде,

A. I тиркемеде көрсөтүлгөндөй Алуучу Банкка Түндүк-Түштүк (Балыкчы ш. - Жалал-Абад ш.) автожолунун 159-183 км реконструкциялоо долбоорун каржылоого көмөк көрсөтүү өтүнүчү менен кайрылган (мындан ары "Долбоор" деп аталуучу);

B. Банктын максаттарынын бири катары катышуучу-мамлекеттердин өнүктүрүү долбоорлорун каржылоого кредит берүү жолу менен көмөк көрсөтүү болуп эсептелет; жана

C. Банк төмөндө баяндалган шарттарда Алуучуга 2-беренеде көрсөтүлгөндөй 25/08/1436Х (22/12//2015-ж.) кредит берүүнү жактырды (мындан ары "Кредит" деп аталуучу);

D. Долбоорду Алуучу, Сауд өнүктүрүү фонду (СӨФ) жана Азия өнүктүрүү банкы (АӨБ) бирге каржылашат.

Жогоруда баяндалгандарды эске алып Тараптар төмөндөгүлөр тууралуу келишимге келишти: 1-берене. Жалпы шарттар, аныктамалар жана чечмелөөлөр

1.1. Тараптар, бул Макулдашууда толугу менен баяндалгандай күчтө жана таасирде Жалпы шарттардын бардык жоболорун кабыл алышат.

1.2. Эгер контекстте башкасы талап кылынбаса, анда Жалпы шарттарда жана бул Макулдашууда аныкталган терминдер бул Макулдашуудагы аларга берилген мааниге ээ.

Андан тышкары, төмөндөгү терминдер аларга берилген мааниге ээ болушат:

1.3. Аныктамалар:

Консультант

Долбоордун ишке ашырылышын көзөмөлдөө үчүн бул Макулдашуунун жоболоруна ылайык тандалып алынган өз алдынча консультант, ошондой эле консультациялык фирма.

Төлөмдөрдүн жол-жобосу

Банктын колдонуудагы "Төлөмдөрдүн жол-жобосу", ошондой эле андагы ар кандай түзөтүүлөр.

Төлөм

Бул Макулдашууга ылайык каржылана турган компоненттердин наркын төлөө үчүн Кредиттин каражатын ар кандай алуу.

Аткаруучу агенттик

Макулдашуунун 6.1 бөлүмүндө аныкталган, Алуучунун атынан жана Алуучу үчүн Долбоорду ишке ашырууга жооптуу орган.

Биринчи төлөм:

Бул Макулдашууга жана төлөмдөрдүн жол-жобосуна ылайык күчүнө киргенден кийин жүргүзүлгөн биринчи төлөм.

Жалпы шарттар

Банктын аткаруучу директорлорунун Кеңеши тарабынан жактырылган (резолюция СИД № 47/BED/96/10(27), 8/11/1976 "Банктын кредитине жана Кепилдик берүүчү макулдашууларына колдонулган Жалпы шарттар".

Кредит/Кредиттин суммасы

2-беренеде көрсөтүлгөндөй, Алуучуга Банк берүүгө макул болгон сумма.

Негизги сумма

бул Макулдашууга ылайык Төлөмдөрдүн жалпы суммасы.

Сатып алуулар боюнча колдонмо

Банктын "Товарларды жана тейлөөлөрдү сатып алуу боюнча колдонмосу".

Долбоор

жогорудагы А-пунктунун декларациялык бөлүгүндө берилген долбоор.

Санкцияга туура келген аракеттер:

ар кандай коррупциялык практика, мажбурлоо практикасы, көмүскө бүтүм чыгаруу практикасы, алдамчылык же тоскоол болуучу аракеттер: (i) Коррупциялык практика: башка тараптын аракеттерине укуксуз таасир тийгизүү максатында тикелей же көмүскө түрүндө кандайдыр бир баалуу нерсени сунуштоо, берүү, алуу же опузалоо болуп эсептелет. (ii) Мажбурлоо практикасы: башка тараптын аракетине укуксуз таасир тийгизүү максатында ал тарапка же ал тараптын мүлкүнө тикелей же көмүскө түрүндө залал же зыян тийгизүү, же залал, зыян тийгизүү коркунучун алып келген аракеттер же аракетсиздик. (iii) Көмүскө бүтүм чыгаруу: башка тараптын аракетине укуксуз таасир тийгизүүгө, укуксуз максаттарга жетүүгө багытталган эки же андан көп тараптардын ортосундагы келишим эсептелет. (iv) Алдамчылык практикасы: кайсы бир тарапты финансылык же андан башка пайда көрүү, же милдетин аткаруудан баш тартууда атайы же жоопкерчиликсиз түрдө адаштыруу же адаштыруу үчүн аракет кылуу максатындагы, фактыларды бурмалоону кошкондогу аракет же аракетсиздик. (v) Тоскоолдук кылуучу аракеттер: төмөндөгүлөрдү билдирет (а) коррупция, алдамчылык, кысым көрсөтүү же көмүскө бүтүм чыгаруу айыптары коюлган учурда Банк тарабынан изилдөө жүргүзүү учурунда башка тарапка кысым көрсөтүп, изилдөөгө тиешелүү маалыматтары бар жакка ошол маалыматты жарыялоого тоскоолдук кылуу максатында кайсы бир тарапты коркутууда жана мажбурлоодо изилдөөгө тоскоолдук кылуу максатында изилдөө жүргүзгөн адамдарга жалган маалымат берүү; же изилдөөгө маанилүү болгон маалыматтарды атайы жок кылуу, алмаштырып салуу же жашыруу, бурмалоо, же (b) коррупция, алдамчылык, кысым көрсөтүү же көмүскө бүтүм чыгаруу айыптары боюнча Банк тарабынан изилдөө жүргүзүүгө байланыштуу контракттын алкагында Банк үчүн керектүү маалыматтарды алууга тоскоолдук жараткан аракеттер.

Тейлөөлөр үчүн төлөм:

Жалпы шарттардын 3.02 жана бул Макулдашуунун 3.2-бөлүмүнө ылайык Банктын Кредитти башкаруудагы кеткен административдик чыгымдарын жабууга болгон төгүм.

1.4. Чечмелөөлөр:

(i) "тиркеме", "график" - эгер башкасы көрсөтүлбөсө, тиркемеге, макулдашуунун графигине же мындай шилтеме кездешкен документке шилтеме катары чечмеленет; (ii) "бирге" - "чектөөсүз" шилтемеси катары чечмеленет; (iii) бул Макулдашуу же башка бир Макулдашуу же документ бул Макулдашууга шилтеме катары чечмеленет же учурдагы абалга жараша мезгили менен оңдоого, өзгөртүүгө, индекстөөгө же кошумча киргизүүгө туура келген же туура келүүчү башка бир Макулдашуу же документ. (iv) "Берене", "Бөлүм", "абзац" же "преамбула", эгер башка көрсөтүлбөсө, бул Макулдашууда көрсөтүлгөндөй чечмеленет; (v) бул Макулдашуунун мазмуну жөн гана ыңгайлаштыруу максатында көрсөтүлгөн жана бул Макулдашуунун кандайдыр бир мааниде тил маанисин же көлөмүн өзгөртүү, чектөө же жогорулатуу максатында чечмеленбейт же ага арналбайт; (vi) жекелик сан көптүк санды камтыйт, жана тескерисинче; жана (vii) "күн" жана "жыл" - бул григориандык календары боюнча күн, ай жана жыл. 2-берене. Кредит

2.1. Банк Алуучуга 8750000,00 ИД (сегиз миллион жети жүз элүү миң ислам динары) эквивалент түрүндө болжол менен 12000000,00 АКШ долл. (он эки миллион АКШ доллары) өлчөмүндөгү суммадан ашпаган Кредит бөлүп берет.

2.2. Банктын бул макулдашуунун алкагында Кредит берүү милдети төмөнкү шартта аткарылат:

(i) эгер Банк мөөнөттү узартуу чечимин кабыл албаса, Макулдашуунун датасынан 180 (жүз сексен) күн өткөндөн кийин Макулдашуу күчүнө кирет; жана (ii) биринчи төлөм үчүн суроо-талап күчүнө кирген күндөн кийин 180 (жүз сексен) күндүн ичинде жиберилет же Алуучу менен Банктын ортосундагы макулдашылгандан кийинки күндөрдө жиберилет.

2.3. Кредиттин каражатынын эсебинен каржыланууга тийиштүү Товарлар жана тейлөөлөр, Банк башкасына макулдугун берген учурларды кошпогондо, сатып алуулар боюнча Колдонмого ылайык сатып алынат. Ушуга байланыштуу Алуучу Ислам Конференциясынын Уюмунун бойкот эрежелерин аткарат.

2.4. Төлөм күчүнө кирүү күнүнөн баштап жүргүзүлө баштайт жана 01/12/2020-ж. чейин (Жабуу күнү). Алуучу тарабынан Төлөмдөргө ар кандай суроо-талаптар бул Макулдашуунун II тиркемесинин С графигине жана бул Макулдашуунун, Жалпы шарттардын жана Төлөмдөр жол-жобосунун башка жоболоруна ылайык келиши керек.

2.5. Кредиттин эсебинен Алуучу тарабынан алынган бардык суммалар Долбоордун гана максаттары үчүн пайдаланылышы керек.

2.6. 2.7-бөлүмүнүн шартында, бул Макулдашуунун алкагында берилген Товарлар жана тейлөөлөр үчүн бардык төлөмдөр, төлөмдөр жол-жобосуна ылайык тикелей төлөм менен жүргүзүлүшү керек.

2.7. Зарыл болгон учурда, Алуучунун Улуттук банкында же Банкка туура келген жергиликтүү коммерциялык банкында Долбоорго ыңгайлуу жана өз убагында төлөө үчүн АКШ долларында Атайын эсеп ачылат. Атайын эсептеги эң жогорку сумма 500000,00 (беш жүз миң АКШ долл.) ашпашы керек. Атайын эсепти толтуруу жана башка маселелерди чечүү Атайын эсепти ачуу колдонмосуна ылайык жүргүзүлүшү керек.

3-берене. Негизги сумманы төлөө жана тейлөөлөр үчүн төлөмдөр

3.1. Алуучу Негизги сумманы 25 (жыйырма беш) жылдын ичинде төлөп бүтүшү керек, 7 (жети) жыл жеңилдетилген мөөнөт менен, бул Макулдашуу күчүнө кирген күндөн баштап II тиркемесинин А графигине ылайык кийинки 36 (отуз алты) жарым жылдык төлөмдөр аркылуу.

3.2. II тиркеменин Б графигинде көрсөтүлгөн тартипте Алуучу тейлөөлөр үчүн баштапкы баалангандай 532047,95 ИД (беш жүз отуз эки миң кырк жети ислам динары жана токсон беш халала) төлөп берет. Тейлөөлөр үчүн төлөм бул Макулдашуу күчүнө кирген күндөн баштап жүргүзүлө баштайт жана Банктын Кредиттер боюнча тейлөөлөр үчүн төлөмдөрдү эсептөө жана алуу боюнча Колдонмосуна ылайык эсептелүүгө жана алынууга тийиш.

3.3. 3.2-бөлүмүндө эскертилген тейлөөлөр үчүн төлөм суммасы божомол менен берилген, бул болсо долбоорду ишке ашыруу учурунда жана кредиттин суммасын төлөө учурунда бул жерде каралгандай болот дегенди билдирет. Тейлөөлөр үчүн төлөмдүн иш жүзүндөгү суммасы Долбоор ишке ашкандан кийин эсептелет, бирок бул сумма жылына эсептөөдө Кредиттин суммасынан 1,5% (бир жарым пайыз) ашпоого тийиш.

3.4. Бул Макулдашуунун алкагында жүргүзүлгөн төлөм, ошондой эле Негизги сумма үчүн төлөм, Банктын бул максаттар үчүн көрсөткөн эсебине которулуп берилсе, анда бул суммалар бекитилген тартипте төлөнүп берилди деп эсептелет.

3.5. 3.4-бөлүмүндөгү жоболорго терс таасирин тийгизбей, бул Макулдашуунун чегинде аткарылган ар кандай төлөм бекитилген тартипте аткарылды деп эсептелинет, эгерде төмөндө көрсөтүлгөн Банктардын бири мындай төлөмдү кабыл алгандыгы жөнүндө ырастаса:

АКШ долл. эсеби:

Фунт стерлинг эсеби:

Евро эсеби:

No: GB36SINT60928000159111 Gulf International Bank (UK)

No: GB13SINT60928000159137 Gulf International Bank (UK)

No: FR76438990000196965001510 88

Ltd One Knightsbridge London SW1X7XS United Kingdom Telex No. 8812261/2 Swift Code: SINTGB2L

Ltd One Knightsbridge London SW1X7XS United Kingdom Telex No. 8812261/2

Union De Banques Arabes Et Francaises (UBAF) 92523 Paris, Neuilly Cedex France Telex No. 610334 UBAF

3.6. Эгер Алуучу тарабынан тиешелүү валютада төлөм жүргүзүү күнү Банктардын расмий түрдө операцияларды жүргүзүү үчүн жабык болгон күнүнө туура келип калса, анда мындай төлөм банктын операциялар үчүн ачык болгон кийинки күнүндө жүргүзүлүшү керек.

3.7. Бул Макулдашуунун чегинде каралган кайсы бир сумманы төлөө Алуучу тарабынан кечиктирилсе, Алуучу каралган суммага кошумча Ислам шариатынын мыйзамдарына ылайык:

(a) Банкка төлөм кечиктирилгендин натыйжасында Банк тарткан (кайсы бир юридикалык же коллекторго кетирген чыгымдар менен чектелбестен) иш жүзүндө кандай гана чыгым, зыян болбосун компенсация кылып берүүгө тийиш. (b) Мөөнөтүнөн өткөн сумма боюнча төлөм үчүн Банкка комиссия төлөө, ар кайсы мындай мөөнөтүнөн өткөн төлөмгө комиссия эсептелет жана Банк аныктаган төмөнкү көрсөтүлгөн формула менен эсептелгенден кийинки сумма колдонулат:

Бул жерде: "А" төлөнбөгөн сумманы билдирет; "В" жылына 0,1%; жана "С" төлөмдүн күнүнөн баштап жана ошол күн кошулган күндөрдүн саны, ошондой эле иш жүзүндө берилген төлөмдүн күнүн кошуп (чечимге чейин жана кийин). Банк тарткан бардык иш жүзүндөгү чыгымдарды алып салгандан кийин бул Беренеге ылайык кандайдыр бир сумманы Банктык фондунун Вакф эсебине киргизет.

Эсептин №:

0000 100 102

Банктын аталышы:

The British Arab Commercial Bank

SWIFT коду:

BACMGB2;

IBAN:

GB69BACM 4051 3200 100 102

3.8. Эгер Алуучунун төлөмдү убагында төлөй албай жаткандыгы өзүнүн милдетин аткаргысы келбегендигине байланыштуу эместиги тууралуу Банкты ишендире алса, Банк мөөнөтүнөн өткөн төлөм үчүн 3.7 (b) Беренеде аныкталган комиссияны албайт.

4-берене. Күчүнө киргендиги тууралуу жарыя Бул Макулдашуу жана Банктын бул Макулдашуу боюнча милдеттери, Алуучу тарабынан Банкты канааттандырган төмөндөгүлөр тууралуу документтерди тапшырмайынча күчүнө кирбейт: (i) бул Макулдашууну түзүү жана тариздөө Алуучунун атынан бекитилген тартипте Алуучунун ыйгарым укуктуу органы тарабынан авторизацияланышы же ратификацияланышы тууралуу далилди; (ii) Банк үчүн алгылыктуу болгон, бул Макулдашуунун III тиркемесиндеги формага ылайык түзүлгөн Алуучу үчүн бул Макулдашуунун жоболору милдеттүү түрдөгү юридикалык күчү бар милдеттенмени түзөт деген Алуучунун башкы юридикалык жана/же сот органы тарабынан берилген юридикалык корутундуну; (iii) (а) Финансы министрлиги же Алуучунун башка бир ыйгарым укуктуу органы тарабынан Алуучунун Улуттук банкына жолдонгон, бул Макулдашуу боюнча Алуучунун Негизги сумма боюнча жана тейлөөлөр үчүн төлөмдөрү, төлөөгө туура келген күнү, Улуттук банк тарабынан жүргүзүлөт деген нускама/ыйгарым укук берүү каты; жана Улуттук банктын бул нускама/ыйгарым укук берүү катын алгандыгы жана бул каттагы нускамалар боюнча иш алып бараары тууралуу ырастамасын; же Алуучу өзүнүн Финансы министрлиги аркылуу же башка бир ыйгарым укуктуу органы аркылуу Банкка тышкы карыздар менен иштеген тиешелүү башкармалык же бөлүм тиешелүү мөөнөттө тейлөөлөр үчүн Төлөмдү жана Негизги сумманын төлөмүн жүргүзүүгө нускама алгандыгы тууралуу тастыктаган катын жибериши керек; жана (iv) Алуучуга башка бир кредит боюнча (бул Макулдашуу күчүнө киргенден тышкаркы), каражат алуу үчүн укук берген бардык шарттар аткарылган. 5-берене. Аракетти токтотуу, жокко чыгаруу жана бузуу

5.1. Банк Алуучуга билдирүү жиберүү менен бул Макулдашууну жана Тараптардын бардык милдеттерин буза алат, эгер 2.2-беренесине ылайык жана андагы берилген эрежеден тышкары шарттар болгон учурда:

(i) эгер Банк бул Макулдашуунун мөөнөтүн узартууга чечим чыгарбаса, бул Макулдашуу күнүнөн тартып 180 (жүз сексен) күндүн ичинде күчүнө киргендиги тууралуу жарыяланган эмес; же (ii) эгер Банк бул Макулдашуунун мөөнөтүн узартууга чечим чыгарбаса, күчүнө кирген күндөн тартып 180 (жүз сексен) күндүн ичинде Алуучу Биринчи төлөм үчүн суроо-талабын көрсөткөн эмес.

5.2. Жалпы шарттардын VI беренесинин жоболоруна кошумча, эгер Долбоорду ишке ашырууга карата ар убакта бул Макулдашуудан улам түзүлгөн ар кандай контрактты же сатып алууну кошуп, Банк кандайдыр бир жак же орган санкцияга туура келген аракеттерге тиешеси бар экендигин аныктаса, жана Алуучу абалды оңдоо үчүн өз убагында Банкты канааттандыра турган талаптагыдай чараларды көрбөсө, Банк кырдаалды оңдоо же кырдаал келип чыкканда, аны жөнгө салуу максатында Алуучуга билдирүү менен Кредитти же анын бир бөлүгүн токтотуп жана/же жокко чыгара алат.

6-берене. Долбоорду аткаруу

6.1. Алуучунун Транспорт жана коммуникациялар министрлиги Аткаруучу агенттик болуп эсептелет.

6.2. Долбоорду ишке ашыруу Макулдашуу күчүнө кирген күндөн тартып 4 (төрт) жылдын ичинде аякталышы керек.

6.3. Алуучу милдеттендирилет:

(i) Долбоорго тиешелүү Банк тарабынан жактырылган бюджеттер, пландар жана спецификацияларга ылайык квалификациялуу жана тажрыйбалуу жетекчилердин жана кызматчылардын көзөмөлүндө, ак ниеттүү административдик, финансылык, инженердик жана экономикалык тажрыйбага ылайык талаптагыдай жоопкерчилик жана эффективдүүлүк менен Аткаруучу агенттик аркылуу өз операцияларын жана иштерин аткарып, Долбоорду ишке ашырууга; (ii) Долбоор боюнча иш алпарган жана/же тейлөөлөрдү аткарган же товарларды алып келген бардык подрядчылар жана консультанттар Долбоор боюнча өз иш-аракеттерин Банкты канааттандыра турган жоопкерчилиги менен, эффективдүү жана ак ниеттүү техникалык, экономикалык, финансылык, башкаруучулук, экологиялык жана социалдык тажрыйба жана стандарттар менен, ошондой эле Алуучуга колдонулуучу коррупцияга каршы директивалардын жоболоруна ылайык аткарышын камсыздоого же буйрук берүүгө; (iii) Аткаруучу агенттик ар дайым Банкты канааттандыра турган ченем жана талаптар боюнча иштешине тиешелүү чараларды керет жана Долбоордун жоопкерчиликтүү жана эффективдүү ишке ашуусунда зарыл болгон ыйгарым укук, жетекчилик жана администрацияга ээ болууга тийиш; (iv) Банк тарабынан негиздүү талап кылынган Долбоордун ар кандай бюджеттеги, пландагы жана спецификацияда байкаштырылган орчундуу өзгөрүүлөрүнө, ошондой эле Долбоорду аткарууга тиешелүү болгон, ар кандай контрактта же тейлөө же товарларды сатып алуудагы өзгөртүүлөрдү Банкка анын жактыруусуна жибериши керек; (v) Алуучунун өкүлү тарабынан же андан башка каражаттарды алуучу тарабынан санкцияларга туура келген Аракеттер тууралуу жобосунда каралган учурлар кездешип калса, жана Алуучу бул маселени колго алуу үчүн өз убагында Банкты канааттандыра турган тиешелүү чараларды көрбөгөн деп Банк аныктаса, Кредиттин каражаттары кандайдыр бир чыгымдарды каржылоо үчүн колдонулбастыгын камсыздоого. 7-берене. Күбөлөндүрүү Алуучу төмөндөгүлөрдү билдирет: (i) Макулдашууда каралган, ыйгарым укук берүү үчүн же жоопкерчиликтерди күчүнө киргизүү же укук тарабынан камсыздоо үчүн зарыл болгон, бардык мамлекеттик уруксат берүүлөр жана ар түрдүү мүнөздөгү чаралар алынып жана аткарылып, тастыкталып жана толук күчүнө киргендигин; (ii) Кыргыз Республикасынын мыйзамы боюнча бул Макулдашуунун күнүнө Банктын Алуучуга каршы доосу Алуучунун ар кандай карыздарын камсыздабай, башка бардык кредиторлордун доолору менен pari passu боюнча классификацияланышы керек; жана (iii) тышкы карыздарды тейлөө жаатында иштеген тиешелүү башкармалык же бөлүм бекитилген мөөнөттө Негизги сумма үчүн жана тейлөөлөр үчүн төлөмдөрдү жүргүзүүгө тапшырма алууга тийиш. 8-берене. Өзгөчө шарттар

8.1. Алуучу зарыл болгон учурда, кечиктирилгис тартипте, Банкты канааттандырган шарттарда Долбоорду ишке ашыруу үчүн талап кылынган бардык сумманы, анын ичинде жергиликтүү валютада керектелүүчү сумманы берет. Долбоор аяктагандан кийин, Алуучу баштапкы жоболорго зыян келтирбестен, тиешелүү эксплуатациялоо жана тынымсыз күтүү үчүн жеке булактарынын эсебинен керектүү каражатты бөлүп берүүгө милдеттенет.

8.2. Банк башка жолдорго макулдугун бербеген учурлардан башка учурда жана сатып алуу боюнча Колдонмонун талаптарына баш ийүү шарттарында, Алуучу Кредиттин эсебинен каржыланган Товар жана тейлөөлөрдү сатып алуу үчүн төмөнкү учурларда контрактты ыйгара алат:

(а) Жарандык иштер: Банктын катышуучу-өлкөлөрү менен чектелген, Эл аралык Атаандаштык тооругу (ЭАТ) аркылуу алдын ала квалификациялоо менен (Банктын жана Сауд Өнүктүрүү Фондунун сатып алуу боюнча колдонмосуна ылайык) жарандык иштер сатылып алынат. (b) Долбоорлоо жана көзөмөлдөө үчүн консультациялык тейлөөлөр: Долбоорлоо жана көзөмөлдөө консультанты Банктын катышуучу-өлкөлөрү арасынан консультациялык фирмалардын кыска тизмеги аркылуу ишке алынат. (c) Кеңсе эмереги, компьютердик жабдыктар жана программалык камсыздоо, ошондой эле долбоорду ишке ашыруу бөлүмүнүн автотранспорт каражаттары: Кеңсе эмереги, компьютердик жабдыктар жана программалык камсыздоо, ошондой эле автотранспорт каражаттары улуттук сатып алуулар аркылуу сатылып алынат. (d) Финансылык аудитор: Финансылык аудитор абройлуу жергиликтүү аудиторлук фирмалардын кыска тизмеси аркылуу жалданып алынат. (e) Долбоорду ишке ашыруу бөлүмүнүн штаты: Долбоорду ишке ашыруу бөлүмүнүн штатын тандоо ар бир кызматтык орунга минимум үч жергиликтүү талапкерлердин квалификацияларын салыштыруу аркылуу ишке ашырылат.

8.3. Алуучу төмөнкүлөрдү ыйгаруу боюнча Банктын алдын ала макулдугун алышы керек:

(i) Товар жана иштерге наркы 150000,00 ИД (жүз элүү миң ислам динары) ашык эквиваленттеги ар кандай контрактка; жана (ii) Консультациялык тейлөөгө бардык контракттарга.

8.4. Бул Макулдашуу боюнча башка жоопкерчиликтерин чектөөсүз түрдө Алуучу Банкка долбоорду аткарууга байланыштуу Товарларды сатып алуу же тейлөө үчүн ар кандай контракттагы ар кандай өзгөртүүлөргө түшүндүрмөлөрдү берүү үчүн жана контракттын мөөнөтүн узартууга негиздүү мөөнөт берет.

8.5. Алуучу тендер өткөрүүнүн бардык документтерине жана контракттарына Банкка алгылыктуу болгон коррупцияга жана алдамчылыкка каршы жоболорду жана Долбоорду аткарууга тиешеси бар бардык агенттиктердин, ошондой эле подрядчынын, жеткирип берүүчүнүн, консультанттын жана башка тейлөөлөрдү аткаруучулардын жазууларын жана эсептерин текшерүү боюнча Банкка укук берүүчү жоболордун камтылышын камсыздоосу же буйрук берүүсү керек.

8.6. Алуучу изилдөөнүн жактырылган жыйынтыктарын, Долбоор боюнча пландарды жана спецификацияларды, аны аткаруу графигин жана ар кандай өзгөртүүлөрдү, Банк тарабынан мезгил-мезгили менен бул маселелер боюнча негиздүү суроо жиберилген учурда кеңири маалыматтар менен бирге кечиктирилбестен Банкка жөнөтүшү керек.

8.7. Алуучу төмөнкүлөр үчүн жетиштүү болгон жазууларды жүргүзөт:

(i) кредиттин суммасынан каржылануучу Товар жана/же тейлөөлөрдү жана алардын Долбоордо пайдаланылышын аныктоого; (ii) Долбоорду ишке ашыруу иштеринин жүрүшүн белгилөөгө; жана (iii) жалпы кабыл алынган тажрыйбага ылайыктуу Аткаруучу агенттиктин операциялар жана финансылык абалынын отчетторун көрсөтүп турууга.

8.8. Алуучу долбоорду аткаруу учурунда жана бул Макулдашуу боюнча бардык өз милдеттерин аткарууга чейин Банктын аккредитацияланган өкүлдөрүнө иш сапары менен келип, Долбоорду жана ага тиешелүү Товар жана ар кандай жазууларды жана документтерди текшерүүгө; ошондой эле, Банктын негиздүү түрдө талап кылган бардык маалыматтарды, Кредиттин каражаттарын сарптоого, Долбоорго, Товар жана операцияларга тиешелүү жана Аткаруучу агенттиктин финансылык абалы тууралуу маалыматтарды берүүгө тийиш.

8.9. Алуучу, Банк тарабынан каржыланган бардык Товарларды жана иштерди, Банкка алгылыктуу түрдө камсыздандыруу компаниялардан тиешелүү камсыздандыруу боюнча буйрук берет же камсыздандырат. Мындай камсыздандыруу рационалдуу коммерциялык практикага жооп бере турган суммага Алуучунун аймагына жана долбоордогу участкага сатылып алынган Товарды жеткирүүгө байланыштуу суу, транзиттик жана башка коркунучтарды жабышы керек. Мындай камсыздандыруу Алуучунун мыйзамдарына ылайык, сатып алуулар боюнча Колдонмого таянып, эркин конвертациялануучу валютада же контракттын валютасында ишке ашырылат.

8.10. Долбоорду аткарууга керектелген, кандай жана качан керек болгон учурда жер участкаларын жана жерге укугун Алуучу бериши керек жана Банктын суроо-талабы боюнча Банкка бул жер участкалары жана жерге болгон укук Долбоордун максаттары үчүн алгылыктуу экендиги тууралуу далилин жиберүүгө тийиш.

8.11. Алуучу тарабынан Долбоорду аткарууда Аткаруучу агенттикке жол бере турган бардык тиешелүү чараларды көрөт, жана бул Макулдашуунун ар кандай жоболорун аткаруудагы же Долбоорду пайдаланууга же аткарууга жолтоо болгон ар кандай аракеттерге уруксат бербейт же чара көрбөйт.

8.12. Эгер Банк тарабынан башка тууралуу чечим кабыл алынбаса, анда Банк тарабынан Алуучуга берилген бардык документтер, корреспонденция жана маалыматтар купуя болуп эсептелет.

8.13. Банк тарабынан каржыланган долбоордун бардык салыктарын, чегерүүлөрүн, жыйымын жана алымдарын Алуучу көтөрөт.

8.14. Алуучу Долбоор үчүн каржылоонун жетишсиздигинин пайда болушуна жол бербейт жана каражаттардын бардык ашыкча чыгымдары үчүн жоопкерчилик тартат.

8.15. Алуучу, Долбоорду ишке ашыруу учурунда бардык участкадагы такталарга, ошондой эле тетик жана документтерге төмөнкү сүйлөмдү көрсөтүп жана Долбоор ишке ашырылып жаткан жерде түшүнүү үчүн пайдаланылган тилге которуу жолу менен Банктын Долбоордогу катышуусу тууралуу көрсөтүлүүсүн камсыздайт.

"Ислам өнүктүрүү банкы тарабынан каржыланган долбоор". 9-берене. Отчеттор

9.1. Тараптар Кредиттин каражаттарын Долбоордун ишине пайдалануу максатында кызматташат жана маалыматтар менен бөлүшөт. Бул маалыматты ар бир тарап Кредиттин жана Долбоордун жалпы статусу боюнча негиздүү түрдө суроо-талапты жиберген учурда беришет. Алуучу тарабынан мындай маалымат финансылык жана экономикалык шарттар жөнүндө, ошондой эле Алуучунун калган төлөмдөрү тууралуу билдирүүлөрдү камтыйт.

9.2. Алуучу Банктын канааттануусу үчүн жана белгиленген мөөнөттө төмөнкү отчетторду берүүнү камсыздоого жана берүү үчүн буйрууга милдеттендирилет:

(a) ар бир квартал бүткөндөн кийин 30 (отуз) күндүн же Тараптардын макулдашылган мөөнөтүнүн ичинде Банк тарабынан мезгили менен көрсөтүлүп туруучу форма боюнча Долбоорду аткаруу жөнүндө отчетторду; (b) Кредиттин каражатынын пайдаланылышы жана Долбоордун жүрүшү тууралуу Банк талап кылган башка отчетторду; (c) Долбоор аяктагандан кийин эле, бирок Жабылган күндөн кийинки 180 (жүз сексен) күндөн кечиктирбей же Банк менен Алуучунун ортосундагы ушул максатта макулдашылган андан кийинки мөөнөттө, Алуучу, Банк негиздүү түрдө сураган көлөмдө жана кеңири түрдө Долбоорду аяктоо жөнүндө отчетту, аткаруу жана биринчи пайдалануу тууралуу отчетту даярдап, Банктын кароосуна жиберет. (ii) Бул Бөлүмдө баяндалган документтер, Банк негиздүү түрдө талап кылгандай, Банктын кароосу боюнча күбөлөндүрүлүшү керек. 10-берене. Талаш-тартыштарды чечүү

1.4. Бул Макулдашууга байланыштуу же жыйынтыгында талаш-тартыштар, анын иштеши же бузулушу жөнүндө кандайдыр бир маселе чыга турган учурда, бул Макулдашуунун жыйынтыгында кандайдыр бир Тараптын башка Тарапка кандайдыр бир доосу болуп, Тараптардын бирөөсүнө билдирилген күндөн тартып 30 (отуз) күндүн ичинде Тараптардын макулдугу менен чечилбесе, арбитраж жана жөнгө салуу боюнча Эл аралык ислам борборунун (IICRA), Дубай, Бириккен Араб Эмираттары эрежелери жана жол-жоболоруна ылайык корутунду жана милдеттендирүүчү чечим үчүн арбитраждык комиссияга берилет. IICRA арбитражынын эрежелери жана жол-жоболору бул Макулдашуунун Тараптарынын ортосундагы талашты же анын жыйынтыгында бир Тараптын башка бир Тарапка болгон ар кандай доосун чечүү үчүн башка жол-жоболорду алмаштырат.

1.5. Эгер арбитраждык чечим Тараптарга берилгенден кийин 30 (отуз) күндүн ичинде бул чечим аткарылбаса, бир Тарап башка Тарапка каршы чечим же чечимдин аткарылышы үчүн компетенттүү юрисдикциядагы сотко кайрыла алат же сот ишин козгой алат, же ушул Макулдашуунун жоболорун, арбитраждык чечимдин аткарылышын башка Тарапка карата ар кандай башка ылайыктуу каражаттарды колдонуп жетишүүгө жол берилет.

11-берене. Координациялоо жана билдирүү

11.1. Жаппы шарттардын 11.03-бөлүмүнүн максаттары үчүн жана бул Макулдашуунун чегиндеги бардык маселелерге жана иш жүзүндө чектөөсүз иш алпаруу үчүн Алуучу Кыргыз Республикасынын финансыларына жооптуу Финансы министрлигин Алуучунун ыйгарым укуктуу өкүлү катары (Алуучунун өкүлү) дайындайт; ошону менен Алуучунун өкүлү төмөнкү иштерди алып барат:

(i) Банк менен тикелей иш алып баруу; (ii) бул Макулдашуунун алкагында Алуучуга жүктөлгөн милдеттер үчүн түздөн түз жоопкерчилик алуу; (iii) бул Макулдашууну ишке ашырууга байланыштуу бардык маселелер боюнча Банк менен болгон байланышка түздөн-түз жооп берүү; жана (iv) ар дайым талаптагыдай, эффективдүү координациялоону жана аракеттенүүнү жүзөгө ашыруу, ошондой эле Алуучу жана Аткаруучу агенттик тарабынан өз милдеттерин аткаруусун камсыздоо.

11.2. Алуучу кат түрүндө Банкка билдирүү менен Алуучунун өкүлүн алмаштыра алат.

11.3. Бул Макулдашуунун алкагында жана Жалпы шарттардын 10.01-бөлүмүнүн максаттары үчүн берилүүгө же түзүлүүгө туура келген ар кандай билдирүү, суроо-талап, жактыруу же башка документ кат түрүндө болууга тийиш жана эгер өз колуна, авиа почта менен, тандалган курьердик почта же факсимилие менен бериле турган Тарапка төмөндө көрсөтүлгөн дарек боюнча же Тараптын башка Тарапка билдирүү менен өзгөртүп көрсөткөн дарекке берилсе, талаптагыдай берилди деп эсептелинет.

Алуучу үчүн: Кыргыз Республикасынын Финансы министрлиги Эркиндик бульвары, 58, Бишкек шаары Кыргыз Республикасы, 720040 Тел.: +996 (312) 62-58-65 Факс: +996 (312) 66-19-55 Кыргыз Республикасынын Транспорт жана коммуникациялар министрлиги (Аткаруучу агенттиги) Исанов көчөсү, 42, Бишкек шаары Кыргыз Республикасы, 720017 Тел.: +996 (312) 31-43-85 Факс: +996 (312) 31-28-11 Банк үчүн: Халид Падыша көчөсү 8111, Аль Нузла Ямания р-ну № 1 Блок Джедда-21432 Сауд Аравия Королдугу Тел.: +996 2 6361400 Факс: +996 2 6366871 E-mail: archives@isdb.org 12-берене. Башка маалыматтар

12.1. Декларациялык бөлүгү жана тиркемелер бул Макулдашуунун ажырагыс бөлүгү болуп саналат.

12.2. Бул Макулдашуу, бардык оңдоолорду эске алганда, документти алмашуу жолу менен аткарылат, ал бардык учурда бир макулдашуу болуп эсептелет. Бул Макулдашуунун көчүрмөсү, түп нуска сыяктуу эле милдеттендирүүчү күчкө ээ, ал эми факс менен же сканерден өткөрүлүп, электрондук почта аркылуу жиберилген Тараптардын коюлган колу аткаруу жөнүндө күбөлөндүрүү үчүн жетиштүү болуп эсептелинет, бирок Тараптар кол коюлган түп нускасы менен жиберүүнү талап кылышы мүмкүн.

12.3. Бул Макулдашуу бир бүтүн келишим болуп эсептелет жана Тараптардын ортосундагы анын маселелери боюнча мурдагы жазуу түрүндөгү же ооз эки келишимдерди, же кат алышууларды алмаштырат. Бул Макулдашуунун Жоболору кандайдыр бири чыныгы эмес, укуктук эмес же мыйзам түрүндө күчү жок болуп, бирок башка жоболордун мыйзамдуу күчүнө, чечмелөөсүнө же укуктук колдонуусуна таасирин тийгизбегендей болуп бөлүнөт.

12.4. Бул Макулдашууга бир гана англис тилинде кол коюлган, ушуга байланыштуу башка тилге которуу Тараптарга жоопкерчилик жүктөбөйт.

12.5. Бул Макулдашууга бир нече нускада кол коюлушу мүмкүн, алардын ар бири түп нускасы болуп эсептелет жана бир Макулдашуу болуп саналат.

12.6. Бул Макулдашууну Тараптардын өз ара жазуу жүзүндөгү макулдугу менен гана оңдоого болот.

12.7. Бул Макулдашуунун бардык максаттары үчүн күчүнө кирүү датасы катары ушул Макулдашуунун Преамбуласында көрсөтүлгөн дата эсептелет.

[БЕРЕНЕЛЕРДИН АЯГЫ] Кол коюу барагы Ушуларды далилдеп, Тараптар ыйгарым укуктуу өкүлдөрү аркылуу тексттин башында көрсөтүлгөн күнү ушул Макулдашууга талаптагыдай кол коюшту. КЫРГЫЗ РЕСПУБЛИКАСЫ ҮЧҮН ЖАНА АТЫНАН ______________________________________________________________ ИСЛАМ ӨНҮКТҮРҮҮ БАНКЫ ҮЧҮН ЖАНА АТЫНАН ______________________________________________________________

I тиркеме Долбоорду баяндоо Узундугу 433 км түзгөн Түндүк-Түштүк (Балыкчы ш. - Жалал-Абад ш.) альтернативдүү автожолу Кыргыз Республикасынын түндүк жана түштүк региондорун байланыштырып, бул жолдордун 268 км реконструкциялоого же реабилитациялоого жана 144 км курулууга муктаж. Бул Долбоор үчүн сунушталган автожолдун участогу 50 км түзөт, алардын 24 км ИӨБ жана Сауд Өнүктүрүү Фондунун (СӨФ) каржылоосу менен курулат. Бул 24 км участок Дыйкан айылынан (159 км) башталып, Кызыл-Жылдыз айылынан (183 км) бүтөт. Бул участокко асфальтталган автожол бар, бирок абдан эскирген акыбалда жана аны II категорияга чейин жакшыртуу сунушталат. Эл жайгашкан аймакта участоктун 7 км жол жалпысынан эки жактуу 4 тилкелүү болот. Бул долбоордун алкагында каржылоого тиешелүү болгон жолдун калган участогу Кочкор а. жана Дыйкан а. ортосунда болжол менен 26 км түзөт жана параллелдүү каржылоо үчүн Азия Өнүктүрүү Банкына (АӨБ) сунушталган. Бул долбоор төмөнкү компоненттерди камтыйт: (а) жарандык иштер, (в) консультациялык тейлөөлөр, (с) Долбоорду ишке ашыруунун мазмуну, (d) финансылык аудит, (е) автожолду кароо жана салмакты контролдоо пункттары, (f) жер бөлүп берүү. Атап кетсек, Долбоор төмөнкүлөрдү камтыйт:

A. Жарандык иштер: Аларга толугу менен негизги жол курулуш иштери (б.а. дренаждык иштер, жасалма курулмаларды орнотуу боюнча иштер, жол жабууну орнотуу боюнча иштер ж.б.), жол коопсуздугунун компоненттери (жол коопсуздугу аудитинин сунуштамасына ылайык), ошондой эле айлана-чөйрөгө таасирин жеңилдетүү иш-чаралары (социалдык жана айлана-чөйрөнү башкаруу боюнча Пландын сунуштамасына ылайык) кирет.

B. Консультациялык тейлөөлөр: (СӨБ жана АӨБ тарабынан каржыланат).

C. Долбоорду ишке ашыруунун мазмуну: Бул компонент ишке ашыруу бөлүмү түзүлүшү үчүн керек болгон бардык чыгашаларды, логистикалык камсыздоону жана эмеректер менен камсыз кылууну, долбоорду башкарууну, ишке ашыруу бөлүмүнүн мүчөлөрүнө керектүү окуу/таанышуу сапарына кошумчалап, ошондой эле долбоорду баштоо боюнча семинар кирет.

D. Долбоордун финансылык аудит тейлөөлөрү: ИӨБдүн өз долбоорлоруна аудитин аткаруу боюнча типтүү шарттарына жараша аудитордук тейлөөлөр көрсөтүлөт.

E. Жолдун 5 жыл ичиндеги каралуусу жана салмакты контролдоо пункттары: Бул компонент жолдун 5 жыл ичиндеги каралуусунан жолдун курулушу бүткөнгө чейинки бюджеттин жана Долбоорду туруктуу камсыздоо максатында салмактык жабдыктарын сатып алууну камтыйт.

F. Жер бөлүп берүү: Бул компонент Кыргыз Республикасынын Өкмөтү тарабынан толугу менен каржыланып, Долбоорго зарыл болгон жер участокторун алууну камтыйт. Долбоорго зарыл болгон участок анча чоң эмес жана элдин көчүрүлүшүн же алардын экономикалык ишмердигин жылдырууну талап кылбайт.

Долбоордун сметалык наркы жана каржылоо планы:

№

Долбоордун компоненттери

ИӨБ

СӨФ/АӨБ

Өкмөт

Жалпы наркы

Суммасы

%

Суммасы

%

Суммасы

%

А

Жарандык иштер

10,5

16,43

47,5

74,33

5,9

9,23

63,9

В

Консультациялык тейлөөлөр

-

-

2,6

100%

2,6

С

Долбоорду ишке ашыруунун мазмуну

0,35

100%

0,35

D

Долбоордун аудити

0,05

100%

-

-

0,05

Е

Жолдорду күтүү жана салмакты контролдоо пункттары

0,5

100%

0,5

F

Жер бөлүү

0,2

100%

0,2

Базалык наркы

10,9

50,1

6,6

67,6

Физикалык каралбагандар

0,5

2,4

0,3

1,8

Нарктык каралбагандар

0,5

2,4

0,1

1,6

Жалпы жыйынтык

12

16%

55

74%

7

10%

74

II тиркеме Графиктер А графиги. Негизги сумманы жабуу

№

Дата

Негизги сумма (ИД)

1

31/12/2022

243,055.56

2

30/06/2023

243,055.56

3

31/12/2023

243,055.56

4

30/06/2024

243,055.56

5

31/12/2024

243,055.56

6

30/06/2025

243,055.56

7

31/12/2025

243,055.56

8

30/06/2026

243,055.56

9

31/12/2026

243,055.56

10

30/06/2027

243,055.56

11

31/12/2027

243,055.56

12

30/06/2028

243,055.56

13

31/12/2028

243,055.56

14

30/06/2029

243,055.56

15

31/12/2029

243,055.56

16

30/06/2030

243,055.56

17

31/12/2030

243,05556

18

30/06/2031

243,055.56

19

31/12/2031

243,055.56

20

30/06/2032

243,055.56

21

31/12/2032

243,055.56

22

30/06/2033

243,055.56

23

31/12/2033

243,055.56

24

30/06/2034

243,055.56

25

31/12/2034

243,055.56

26

30/06/2035

243,055.56

27

31/12/2035

243,055.56

28

30/06/2036

243,055.56

29

31/12/2036

243,055.56

30

30/06/2037

243,055.56

31

31/12/2037

243,055.56

32

30/06/2038

243,055.56

33

31/12/2038

243,055.56

34

30/06/2039

243,055.56

35

31/12/2039

243,055.56

36

30/06/2040

243,055.56

Бардыгы:

8,750,000.00

В графиги. Тейлөөлөр үчүн төлөм

№

Дата

Сумма (ИД)

1

31/12/2015

10640,96

2

30/06/2016

10640,96

3

31/12/2016

30402.74

4

30/06/2017

30402,74

5

31/12/2017

30402,74

6

30/06/2018

30402,74

7

31/12/2018

30402,74

8

30/06/2019

30402,74

9

31/12/2019

30402,74

10

30/06/2020

29794,69

11

31/12/2020

29794,69

12

30/06/2021

29794,69

13

31/12/2021

29794,69

14

30/06/2022

29794,69

15

31/12/2022

29794,69

16

30/06/2023

29794,69

17

31/12/2023

29794,69

18

30/06/2024

29794,69

19

31/12/2024

29794,69

Бардыгы:

532047,95

С графиги. Кредиттен каражаттарды алуу (млн.)

Компоненттер

Жалпы наркы

Салым (%)

ИД

АКШ долл.

Банк

Алуучу

Жарандык иштер

7,721

10,5

16,4

9,2

Долбоорду ишке ашыруунун мазмуну (ДИМ)

0,257

0,35

100,0

0,0

Финансылык аудити

0,037

0,050

100,0

0,0

Под-итог

8,015

18,540

89,7

10,3

Каралбаган чыгымдар:

- Физикалык түрдө

0,368

0,50

- Нарктык

0,368

0,50

Долбоордун жалпы наркы

8,75

12

16,0

10,0

III тиркеме Башкы юристтин жана/же юстиция мекемесинин юридикалык корутундусунун формасы [БЛАНККА ТҮШҮРҮЛҮП БЕРИЛЕТ]

Ислам өнүктүрүү банкы

П.Я. 5925, Жедда 21432

Сауд Аравия Королдугу Урматтуу мырзалар, Кыргыз Республикасынын мыйзамдары боюнча мага жүктөлгөн Кыргыз Республикасынын башкы юристи жана/же юстиция мекемеси катары, өзүмдүн компетенциямдын чегинде, учурда, ____/____/____ X, ____/____/____-ж. туура келген, Кредиттик макулдашуунун 4-беренеси боюнча берилген, Кыргыз Республикасы жана Ислам өнүктүрүү банкынын ("Банк") ортосунда ("Кредиттик макулдашуу") Түндүк-Түштүк (Балыкчы ш. - Жалал-Абад ш.) альтернативдүү автожолун реконструкциялоо Долбоорун каржылоо үчүн, ("Долбоор") 8,750,000.00 ИД (сегиз миллион жети жүз элүү миң ислам динары) суммасынан ашпаган, эквиваленттик түрдө 12,000,000.00 АКШ долл. жакын (он эки миллион АКШ доллары) суммадагы каражатка түзүлгөн бул документ Юридикалык корутундуну түзөт деп күбөлөндүрөм. Бул Юридикалык корутундунун максаттары үчүн мен төмөндөгүлөрдү изилдеп чыктым, (i) Кредиттик макулдашууну; (ii) Кредиттик Макулдашууну түзүүгө жана кол коюуга ыйгарым укук берүүнү; (iii) Кыргыз Республикасынын бардык мыйзамдарын, эрежелерин жана жоболорун, буйруктарын, жарлыктарын жана башкаларды; жана (iv) өзүм зарыл деп эсептеген башка документтерди. Буга ылайык, мен Кредиттик макулдашуу Кыргыз Республикасы үчүн жана анын атынан кол коюлган деген жыйынтыкка келдим ______________________________. (a) колдонуудагы Мамлекеттик жана/же юридикалык жол-жоболорго ылайык талаптагыдай ыйгарым укук берилген, аткарылган, кол коюлган жана ратификацияланган; (b) Кыргыз Республикасынын Конституциясынын жоболорун, мыйзамдарын, эрежелерин, жоболорун, буйруктарын жана жарлыгын бузбайт; жана (с) Кыргыз Республикасынын милдетинин мыйзамдуу, тастыкталган жана юридикалык күчү бар, бул макулдашууда айтылган шарттарына ылайык Кыргыз Республикасына каршы мажбурлап колдонулушу мүмкүн. Кыргыз Республикасында, Бишкек шаарында аткарылган ____/____/____ | X (___/____-ж. тиешелүү). Урматтоо менен Колу | Аты-жөнү | Ээлеген кызмат орду: