КР Өкмөтүнүн 2014 жылдын 18-сентябрындагы № 400-б («CASA-1000» долбоору боюнча даярдык иш-чараларын координациялоочу жумушчу топ түзүү боюнча) буйругу

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2014-жылдын 18-сентябры № 400-б (КР Өкмөтүнүн 2016-жылдын 20-апрелиндеги № 177-б, 2016-жылдын 21-ноябрындагы № 499-б, 2018-жылдын 17-сентябрындагы № 322-б 2020-жылдын 03-мартындагы № 64-б буйруктарынын редакцияларына ылайык) Бишкек шаарында 2011-жылдын 20-сентябрында Кыргыз Республикасынын, Афганстан Ислам Республикасынын, Пакистан Ислам Республикасынын жана Тажикстан Республикасынын өкмөттөрү тарабынан кол коюлган "CASA-1000" электр энергия берүү долбоорун өнүктүрүү жана Борбордук Азия - Түштүк Азия региондук электр энергия рыногун (CASAREM) андан ары өнүктүрүү тууралуу өз ара түшүнүшүү жөнүндө меморандумду ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. "CASA-1000" долбоору боюнча даярдык иш-чараларын координациялоочу жумушчу топ (мындан ары - жумушчу топ) тиркемеге ылайык курамда түзүлсүн.

2. Жумушчу топтун жетекчисине, ал эми ал жок учурда - жумушчу топтун жетекчисинин орун басарына Афганстан Ислам Республикасынын, Пакистан Ислам Республикасынын жана Тажикстан Республикасынын ушундай жумушчу топтору менен биргелешкен мамлекеттер аралык кеңешмелердин натыйжалары боюнча чечимдерге кол коюу укугу берилсин.

3. Жумушчу топко белгиленген тартипте министрликтердин, административдик ведомстволордун, башка мамлекеттик органдардын, энергия компанияларынын кызматкерлерин, көз карандысыз эксперттерди жана консультанттарды ишке тартуу укугу берилсин.

4. Төмөнкүлөр күчүн жоготту деп табылсын:

- Кыргыз Республикасынын Өкмөтүнүн 2012-жылдын 19-июнундагы № 288-б буйругу;

- Кыргыз Республикасынын Өкмөтүнүн 2013-жылдын 28-майындагы № 212-б буйругу.

Кыргыз Республикасынын премьер-министри

Дж.Оторбаев

Тиркеме "САSА-1000" долбоору боюнча даярдык иш-чараларын координациялоо боюнча жумушчу топтун КУРАМЫ (КР Өкмөтүнүн 2016-жылдын 21-ноябрындагы № 499-б, 2018-жылдын 17-сентябрындагы № 322-б 2020-жылдын 03-мартындагы № 64-б буйруктарынын редакцияларына ылайык)

Чолпонкулов Маратбек Абжалбекович

-

Кыргыз Республикасынын Өкмөтүнүн Аппаратынын өнөр жай, отун-энергетикалык комплекси жана жер казынасын пайдалануу бөлүмүнүн башчысы, жумушчу топтун жетекчиси;

Кадырбаев Айтмамат Тентибаевич

-

Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин төрагасынын орун басары, жумушчу топтун жетекчисинин орун басары;

Назаров Айтмамат Кошоевич

-

"Улуттук энергетикалык холдинг компаниясы" ачык акционердик коомунун башкармасынын төрагасы, жумушчу топтун жетекчисинин орун басары (макулдашуу боюнча);

Тюменбаев Акылбек Рабаевич

-

"Кыргызстан улуттук электр тармагы" ачык акционердик коомунун долбоорлорду ишке ашыруу боюнча аткаруучу директору, жумушчу топтун жетекчисинин орун басары (макулдашуу боюнча).

Жумушчу топтун мүчөлөрү:

Бакыт Асангул

-

Кыргыз Республикасынын Тышкы иштер министринин кеңешчиси - өзгөчө тапшырмалар боюнча элчи;

Матиев Ырысмамат Шералиевич

-

Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин долбоорлорду даярдоо жана ишке ашыруу бөлүмүнүн башчысы;

Мамасыдыков Нурбек Бекболотович

-

Кыргыз Республикасынын Финансы министрлигинин эл аралык кызматташтык башкармалыгынын мамлекеттик инвестициялардын программалары бөлүмүнүн башчысы;

Орозоев Улан Эсенбаевич

-

"Электр станциялар" ачык акционердик коомунун башкы директорунун орун басары (макулдашуу боюнча);

Раимкулов Рустанбек Имашевич

-

"Кыргызстан улуттук электр тармагы" ачык акционердик коомунун долбоорлорду ишке ашыруу тобунун начальниги (макулдашуу боюнча);

Усеков Нурдин Насрединович

-

"Электр станциялар" ачык акционердик коомунун энергияны сатуу бөлүмүнүн начальниги (макулдашуу боюнча);

Жумалиев Кайрат Насерович

-

"CASA-1000" долбоорунун координатору (макулдашуу боюнча);

Иманкулова Жанна Сатовна

-

"Улуттук энергетикалык холдинг компаниясы" ачык акционердик коомунун эл аралык кызматташтык жана долбоорлорду мониторингдөө бөлүмүнүн башчысы (макулдашуу боюнча).".