КР Өкмөтүнүн 2014 жылдын 26 августундагы № 351-б (Кыргыз Республикасынын Ички иштер министрлиги менен Тажикстан Республикасынын Ички иштер министрлигинин ортосундагы Кызматташуу жөнүндө макулдашуунун долбооруна макулдук берүү боюнча) буйругу

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2014-жылдын 26-августу № 351-б Принциптуү эмес мүнөздөгү мүмкүн болгон өзгөртүүлөрдү жана толуктоолорду эске алып, Кыргыз Республикасынын Ички иштер министрлиги менен Тажикстан Республикасынын Ички иштер министрлигинин ортосундагы Кызматташуу жөнүндө макулдашуунун тиркелген долбооруна макулдук берилсин

Премьер-министр

Дж.К. Оторбаев

Долбоор Кыргыз Республикасынын Ички иштер министрлиги менен Тажикстан Республикасынын Ички иштер министрлигинин ортосундагы Кызматташуу жөнүндө макулдашуу

Мындан ары "Тараптар" деп аталуучу Кыргыз Республикасынын Ички иштер министрлиги менен Тажикстан Республикасынын Ички иштер министрлиги, эки мамлекеттин эгемендүүлүгүн жана көз карандысыздыгын урматтап, эки мамлекеттин тең жарандарынын укуктарын жана эркиндиктерин коргоону ишенимдүү камсыздоо, кылмыштуулуктун алдын алуу жана ага каршы күрөшүү жаатында кызматташууну өнүктүрүүгө өзгөчө маани берип, Кыргыз Республикасы менен Тажикстан Республикасынын ички иштер органдарынын ортосундагы кызматташууну чындоонун жана өнүктүрүүнүн эки тараптуу каалоосуна негизденүү менен, эл аралык милдеттенмелерди, улуттук мыйзамдарды жетекчиликке алып, өздөрүнүн компетенцияларынын чегинде, төмөнкүлөр жөнүндө макулдашты: 1-берене

Тараптардын ар бири өздөрүнүн компетенцияларынын чегинде экинчи Тараптын мамлекетинин жарандарынын жана юридикалык жактарынын укуктарын жана эркиндиктерин, мыйзамдуу кызыкчылыктарын жана мүлкүн коргоону камсыз кылат. Тараптар бул органдардын компетенцияларына тиешелүү маселелер боюнча экинчи Тараптын мамлекетинин жарандарынын жана юридикалык жактарынын кайрылууларын ички иштер органдары тарабынан тоскоолдуксуз кабыл алууну жана кароону камсыз кылууга милдеттенишет. 2-берене

Тараптар өз мамлекеттеринин колдонуудагы улуттук мыйзамдарынын негизинде төмөнкү негизги багыттар боюнча кызматташтыкты ишке ашырышат:

- инсандын өмүрунө, саламаттыгына жана аброюна жана менчигине каршы кылмыштар менен курөшүү;

- бандитизимге, эл аралык жана уюшкан кылмыштуулукка каршы күрөшүү;

- ар кандай көрүнүштөгү терроризмге. экстремизмге. ошондой эле сепаратизмге каршы күрөшүү;

- куралдар, ок-дарылар, жарылуучу, уулуу заттар жана радиоактивдүү материалдар менен мыйзамсыз операцияларды жүргүзүүгө каршы күрөшүү;

- баңгизат каражаттарын жана психотроптук заттарды жана алардын прекурсорлорун мыйзамсыз жүгүртүүгө каршы күрөшүү;

- адамдарды сатууга каршы күрөшүү;

- автомобиль же башка автомото унаа каражаттарын мыйзамсыз ээлеп алууга каршы күрөшүү;

- маданий жана тарыхый баалуулуктар объектиси катары саналган кылмыштарга каршы күрөшүү;

- транспорт кылмыштарына каршы күрөшүү;

- маалымат технологиялар чөйрөсүндөгү кылмыштарга каршы күрөшүүгө;

- мыйзамсыз миграцияга байланышкан кылмыштарга каршы күрөшүүгө;

- сейрек кездешүүчү жана тукум курут болуп бараткан жаныбарлардын түрлөрүн мыйзамсыз сатууга каршы күрөшүүгө;

- кылмыштуу жол менен алынган кирешелерди легалдаштырууга (адалдоого) каршы күрөшүү:

- кылмышкерлерди тергөөдөн. соттон жана жаза өтөөдөн жашырынган, дайынсыз жоголгон. ошондой эле алимент төлөөдөн жана доо арызы боюнча соттун чечимин аткаруудан качкан адамдарды издөө;

- таанылбаган өлуктөрдүн. психикасы бузулган белгисиз оорулуу адамдардын жана балдардын ким экендигин аныктоо;

- улуттар аралык мамилеге шек келтирген, мамлекеттин аймактык бүтүндүгүн жана эгемендүүлүгүн бузган, ошондой эле массалык тартипсиздик кылмыштарынын алдын алууга жана бөгөт коюуга багытталган таасирдүү чараларды көрүү, натыйжалуу жана тез жөнгө салуу.

3-берене

Тараптар улуттук мыйзамдарды жетекчиликке алып, өз компетенцияларынын чегинде кызматташтыкты төмөнкү формаларда ишке ашырышат:

- даярдалып жаткан же жасалган кылмыштар жана ага тиешеси бар адамдар тууралуу, эл аралык мааниге ээ болгон өзгөчө кырдаалдар жана оор кылмыштар жөнүндө ыкчам-иликтөө, ыкчам-маалымдоо жана криминалисттик ошондой эле архивдик маалыматтарды алмашуу;

- макулдашылган, ал эми зарыл учурларда биргелешкен ыкчам-иликтөө иш-чараларын жана процесстик иш-аракеттерди өткөрүү;

- ички иштер органдарынын ишин камсыз кылуу үчүн зарыл криминалдык, өрт өчүрүүчү жана атайын техникаларды, буюм-мүлктөрүн, өндүрүштүк-техникалык багыттагы өндүрүмдөрдү, запастык бөлүктөрдү, чыгымдалуучу материалдарды жана башка мүлктөрдү эки тарапка тең өз ара пайдалуу тапшыруу:

- ички иштер органдарынын ишинин маселелери боюнча уюштуруу иштериндеги алдынкы тажрыйбаларды, ченемдик актыларды, окуу адабияттарын жана маалыматгык материалдарды алмашуу. ошондой эле өз ара жардам көрсөтүү негизинде тараптардын атайын окуу жайларында кадрларды даярдоого, кайра даярдоого жана квалификациями жогорулатууга көмөк көрсөтүү;

- атайын жана башка жүктөрдү транзиттик ташууларды ишке ашырууда, камакта кармоо түрүндө жаза чарасы тандалган адамдарды коштоп жүрүүдө жана этапка бөлүүдө көмөк көрсөтүү;

- ички иштер органдарынын ишинин маселелери боюнча илимий-техникалык маалыматтарды алмашуу, илимий жана криминологиялык изилдөөлөрдү, ошондой эле өз ара кызыкчылыктарды жараткан иштеп чыгууларды биргелешип жүргүзүү жана бул максаттарда адистерди алмашуу, биргелешкен семинарларды жана жумушчу жолугушууларды өткөрүү;

- биргелешип жүргүзүү жана бул максатгарда адистерди алмашуу, биргелешкен семинарларды жана жумушчу жолугушууларды өткөрүү;

- санариптик байланышты, ошондой эле тез байланыштын туз каналдарын уюштуруу;

- спорттук жана маданий байланыштарды өнүктүрүү, кызматкерлердин жана алардын үй-бүлө мүчөлөрүнүн санаториялык-курорттордо ден соолугун чыңдоосуна көмөк көрсөтүү;

Борбордук Азия коопсуздугундагы жана туруктуулугундагы жаңы тоскоолдуктар жана коркунучтар жөнүндө эки тараптуу мамилелердин алкагында көп тараптуу форматта белгиленген тартипте өз ара маалымат берүү.

4-берене

Ушул Макулдашууну ишке ашыруу максатында Тараптардын ички иштер органдары өз компетенцияларынын чегинде жана улуттук мыйзамдарда аныкталган тартипте байланышты орното алышат. 5-берене

Тараптардын мамлекеттеринин ортосундагы колдонуудагы жазык иштери боюнча укуктук жардам көрсөтүү жаатындагы эл аралык келишимдерге негизденип жана улуттук мыйзамдарды жетекчиликке алып, Тараптар бири-бирине төмөндөгүдөй жолдор менен көмөк көрсөтө алышат:

- жазык иштери, ыкчам эсепке алуу иштери жана администрациялык укук бузуулар жөнүндө материалдар боюнча суроо-талаптарды аткаруу;

- күбөлөрдү чакыруу жана күбө катары суракка алуу үчүн камакта кармалган адамдарды жеткирүү;

- өткөрүп берилүүчү адамдарды камакка алуу;

- алгачкы тергөө, тергөө жана сот органдарынан жашырынган адамдарды издөө жана кармоо, аларды зарыл учурларда камакка алуу;

- кылмыштуу жолдор менен табылган же кылмыш издери бар, кылмыш куралы болгон предметгерди берүү жана жөнөтүү.

6-берене

Ушул Макулдашуунун 5-беренесинде каралган суроо-талаптар тиешелүү түрдө таризделиши жана төмөнкүдөй реквизиттерде болууга тийиш:

- суроо-талап келген ички иштер органынын аталышы жана ал кайрылган ички иштер органынын аталышы;

- суроо-талап жиберилген иштин жана материалдын аталышы;

- күбөлөрдүн, жабырлануучулардын, шектүүлөрдүн, айыпкерлердин, издөөдөгүлөрдүн, соттолуучулардын жана соттолгондордун аты-жөнү, алардын жарандыгы, иштеген иштери, туруктуу жашаган жерлери же турган жерлери, зарыл учурларда алардын мыйзамдуу өкүлдорүнүн аты-жөнү жана даректери;

- укук бузууну баяндоо жана бул укук бузгандыгы үчүн жоопкерчиликти белгилеген жазык мыйзамдарынын ченемдеринин текста;

- суроо-талаптын мазмуну, ошондой эле аны аткаруу учүн зарыл болгон башка маалыматтар;

Санкцияланган аракеттерди аткаруу үчүн зарыл болгон, талаптагыдай таризделген атайын токтомдор да тиркелет. Суроо-талап сурап жаткан тараптын ички иштер органынын жетекчисинин колу жана гербдүү мөөрү менен бекитилиши керек. Тараптар суроо-талаптарды аткарууда орус тилин пайдаланышат. Суроо-талап жиберген Тараптын мамлекеттик тилинде түзүлгөн суроо-талапка тиркелген документтерге тиешелүү түрдө күбөлөндүрүлгөн орус тилиндеги котормосу тиркелет. Суроо-талапты аткарууда мамлекеттик тилде түзүлгөн документтерди аткаруучу Тарап орус тилине которот. Котормолор компетенттүү мекеменин меөру жана кызмат адамынын колу менен күбөлөнөт. Кечиктирилгис учурларда суроо-талаптар оозеки формада жиберилип, тез арада кат жүзундө, анын ичинде текстти жиберүүнүн техникалык каражатгарын пайдалануу аркылуу ырасталат. Тараптардын ар бири экинчи тарап берген маалыматтар жашыруун мүнөздө болсо же берүүчү тарап алардын мазмунун таратууну каалабаса маалыматтардын купуялыгын камсыз кылышат. Маалыматтардын жашыруундуулук денгээлин берүүчү Тарап аныктайт. 7-берене

Эгерде суроо-талап жиберилген Тарап суроо-талапты аткаруу анын мамлекетинин эгемендигине, улуттук коопсуздугуна. коомдук тартибине же башка олуттуу кызыкчылыктарына зыян келтириши мүмкүн. же болбосо бул мамлекеттин улуттук мыйзамдарына же эл аралык милдеттенмелерине каршы келет деп эсептесе. ушул Макулдашуунун алкагында көмөк көрсөтүүдөн толук же жарым-жартылай баш тартат. Мүмкүнч^лүк болсо суроо-талап жиберилген Тарап ушул берененин биринчи абзацынын негизинде көмөк көрсөтүүдөн баш тартуу тууралуу чечим чыгарылганга чейин, суроо-талап жиберилген Тарап зарыл деп эсептеген шарттарды сактоо менен көмөк көрсөтүү мүмкүнчүлүгү жөнүндө маселени кароо үчүн, суроо-талап жиберген Тарап менен консультацияларды өткөрөт. Суроо-талап жиберген Тарап ага көмөк көрсөтүлүүчү шарттарды сактайт. Суроо-талап жиберген Тарап баш тартуунун себептерин көрсөтүү менен суроо-талапты аткаруудан толук же жарым-жартылай баш тарткандыгы жөнүндө кат жүзүндө кабарлайт. 8-берене

Тараптар 2004-жылдын 26-майындагы жашыруун маалыматтарды өз ара сактоо жөнүндө Кыргыз Республикасынын Өкмөтү менен Тажикстан Республикасыцын Өкмөтүнүн ортосундагы макулдашууга ылайык Кыргыз Республикасынын жана Тажикстан Республикасынын мамлекеттик жашыруун сырларын түзгөн маалыматтарды коргоону жана берүүнү иш жүзүнө ашырат. Тараптар Кыргыз Республикасынын жана (же) Тажикстан Республикасынын мамлекеттик жашырын сырларына кирбеген, бирок Тараптардын мамлекеттеринин улуттук мыйзамдарына ылайык аны жайылтууга жана алууга чектөө коюлган маалыматтарды берүүнү жана сактоону ишке ашырышат. Мындай маалыматтарды алууга жана жайылтууга чек коюу документтердин өзүндө же аларды коштоочу документтерде көрсөтүлөт. Ушул Макулдашуунун негизинде алынган суроо-талапты аткаруунун натыйжалуулугу аларды берген Тараптын макулдугусуз, суралган жана берилген максаттардан башка максатка пайдаланылышы мүмкүн эмес. Ушул Макулдашуунун негизинде бир Тарап алган маалыматты үчүнчү тарапка берүү үчүн, бул маалыматтарды берген Тараптын алдын ала макулдугу талап кылынат. 9-берене

Тараптар бири-бирине зарыл болгон учурларда Тараптардын мамлекетинин улуттук мыйзамдарына ылайык, алардын маалыматтык-издөө жана маалыматтык-маалымдама тутумундагы, криминалдык жана башка эсебин алууларда камтылган маалыматтарды акысыз негизде бири-бирине берүүгө милдеттенишет. 10-берене

Тараптар зарыл болгон учурларда кылмыштуулукка каршы күрөшүүнүн жана коомдук коопсуздукту камсыз кылуунун айрым багыттары боюнча биргелешкен пландарды ишт,еп чыгууда жана ишке ашырууда өз ара аракеттенишет. 11-берене

Тараптар, оз ара келишимдер боюнча өздөрүнүн кызматкерлерин экинчи Тараптын ички иштер органдарына иш сапарга жибериши мүмкүн. Кызматтык иш сапарда жүргөн кызматкерлерди кабыл алган Тарап аларга жүктөлгөн тапшырмаларды аткарууда зарыл болгон жардамды көрсөтөт, керектүү техникалык каражаттарды, авто унааларды жана маалыматтарды, анын ичинде жашыруун мүнөздөгү маалыматтарды берүү үчүн байланыш каналдарын берет. Ошондой эле иш сапар мезгилинде зарыл болгон учурда аларга турак жай берүүгө жана жол кире документтерин алууга көмөк көрсөтүшөт. 12-берене

Тараптар өздөрүнүн Өкмөттөрүнүн чечими боюнча бөөдө кырсыктардын, ири өрттөрдүн, авариялардын жана катастрофалардын, эпидемиялардын жана эпизоотиялардын кесепеттерин жоюуда өз ара жардам көрсөтүшөт. 13-берене

Тараптар ушул Макулдашууну аткаруу боюнча чыгымдарды өз алдынча, өз милдеттерин алардын аткаруусу үчүн зарыл болгон чектерде көтөрүшөт. Тараптар зарыл болгон учурларда ушул Макулдашуу боюнча чыгымдарды бирге көтөрүшүп, бул ар бир конкреттүү учурда тиешелүү өз ара алгылыктуу макулдашууларда же келишимдерде таризделет. 14-берене

Тараптар) ушул Макулдашуунун негизинде кызматташууну ишке ашырууда орус тилин пайдаланышат. Башка тилдерди пайдаланышкан учурларда Тараптар орус тилине оозеки жана жазуу түрүндө которууну камсыз кылат. Ушул Макулдашуунун жоболорун чечмелөө же колдонууга байланыштуу келип чыгышы мүмкүн болгон талаш маселелер жана кайчы пикирлер Тараптардын өкүлдөрүнүн ортосундагы консультациялар же сүйлөшүүлөр жолу менен чечилет. 15-берене

Бул Макулдашуу Тараптардын башка эл аралык келишимдер жана макулдашуулар боюнча милдеттенмелерин козгобойт жана кызматташуунун башка формаларын иштеп чыгууга жана өнүктүрүүгө тоскоолдук кылбайт. 16-берене

Ушул Макулдашуу кол коюлган күндөн баштап күчүнө кирет жана 5 (беш) жылга түзүлөт. Эгерде Тараптардын бири дагы дипломатиялык каналдар боюнча экинчи Тарапка кезектеги мезгил аяктаганга чейин кеминде алты ай мурда аны колдонууну узартпоо ниетин кат жүзүндө билдирбесе, ушул Макулдашууну колдонуу кийинки беш жылдык мезгилге автоматтык түрдө узартылат. Тараптардын өз ара макулдашуусу боюнча ушул Макулдашууга анын ажырагыс бөлүгү болуп саналган өзүнчө протоколдор менен таризделген өзгөртүүлөр жана толуктоолор киргизилиши мүмкүн. Тараптардын кимиси болбосун экинчи Тарапка ушул Макулдашуудан чыгуунун болжолдуу датасына чейин 6 (алты) ай мурда кабарлап коюп, Макулдашуудан чыгууга укуктуу. ____________шаарында______- жылдын_______________эки нускада, ар бири кыргыз, тажик жана орус тилдеринде түзүлгөн, ошондой болсо да бардык тексттер бирдей юридикалык күчкө ээ. Ушул Макулдашуунун жоболорун чечмелөөдө кайчы пикирлер пайда болгон учурларда негиз катары орус тилиндеги текст колдонулат. Ушул Макулдашуу күчүнө кирген күндөн тартып, 1995-жылдын 24-октябрындагы Кыргыз Республикасынын Ички иштер министрлиги менен Тажикстан Республикасынын Ички иштер министрлигинин ортосундагы Кызматташуу жөнүндө макулдашуу колдонулушун токтотот.

Кыргыз Республикасынын Ички иштер министрлиги үчүн

Тажикстан Республикасынын Ички иштер министрлиги үчүн