КР Өкмөтүнүн (Займ алуучулар-күрөө берүүчүлөр жана коммерциялык банктар, банктык эмес финансы-кредиттик мекемелердин ортосундагы маселелерди жөнгө салуу боюнча комиссия түзүлүшү боюнча) буйругу

КР Өкмөтүнүн 2016-жылдын 10-февралындагы № 50-б буйругуна ылайык күчүн жоготту

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2012-жылдын 4-апрели № 129-б (КР Өкмөтүнүн 2012-жылдын 25-декабрындагы № 599-б, 2012-жылдын 29-декабры № 607-б буйруктарынын редакцияларына ылайык) 2010-жылдын апрель жана июнь окуяларынын кесепетинен жабыр тарткан займ алуучулар-күрөө берүүчүлөр жана коммерциялык банктар, банктык эмес финансы-кредиттик мекемелердин ортосундагы маселелерди жөнгө салуу максатында:

1. Займ алуучулар-күрөө берүүчүлөр жана коммерциялык банктар, банктык эмес финансы-кредиттик мекемелердин ортосундагы маселелерди жөнгө салуу боюнча комиссия (мындан ары - Комиссия) тиркемеге ылайык курамда түзүлсүн.

2. Комиссия бир айлык мөөнөттө:

- 2010-жылдын апрель жана июнь окуяларынын кесепетинен жабыр тарткан займ алуучулар-күрөө берүүчүлөр жана коммерциялык банктар, банктык эмес финансы-кредиттик мекемелер менен түзүлгөн кырдаалды талдап чыксын;

- жабыр тарткан займ алуучулар-күрөө берүүчүлөр жана коммерциялык банктар, банктык эмес финансы-кредиттик мекемелер көтөргөн маселелерди жөнгө салуу боюнча конкреттүү чараларды иштеп чыксын жана Кыргыз Республикасынын Өкмөтүнүн кароосуна киргизсин.

3. Комиссиянын Секретариаты болуп Кыргыз Республикасынын Экономика министрлиги аныкталсын.

(КР Өкмөтүнүн 2012-жылдын 25-декабрындагы № 599-б буйругунун редакциясына ылайык)

4. Комиссия зарыл болгон учурда министрликтердин, администрациялык ведомстволордун, жергиликтүү мамлекеттик администрациялардын адистерин ишке тартууга укук берилсин.

(КР Өкмөтүнүн 2012-жылдын 25-декабрындагы № 599-б буйругунун редакциясына ылайык)

5. Бул буйруктун аткарылышын контролдоо Кыргыз Республикасынын биринчи вице-премьер-министрине жүктөлсүн.

(КР Өкмөтүнүн 2012-жылдын 25-декабрындагы № 599-б буйругунун редакциясына ылайык)

Премьер-министр

Ө.Бабанов

Тиркеме

Зайым алуучулардын, күрөө берүүчүлөрдүн жана коммерциялык банктардын, банктык эмес финансы-кредиттик мекемелердин ортосундагы маселелерди жөнгө салуу боюнча комиссиянын Курамы (КР Өкмөтүнүн 2012-жылдын 25-декабрындагы № 599-б, 2012-жылдын 29-декабры № 607-б буйруктарынын редакцияларына ылайык) Кыргыз Республикасынын биринчи вице-премьер-министри, Комиссиянын төрагасы; Кыргыз Республикасынын Улуттук банкынын төрагасынын орун басары, Комиссиянын төрагасынын орун басары (макулдашуу боюнча). Комиссия мүчөлөрү: Кыргыз Республикасынын финансы министринин орун басары; Кыргыз Республикасынын юстиция министринин орун басары; Кыргыз Республикасынын экономика министринин орун басары; Кыргыз Республикасынын Өкмөтүнүн Аппаратынын финансы жана кредит саясаты бөлүмүнүн башчысы; Кыргыз Республикасынын Жогорку Кеңешинин депутаты, Кыргыз Республикасынын Жогорку Кеңешинин Экономикалык жана фискалдык саясат боюнча комитетинин мүчөсү (макулдашуу боюнча); Кыргыз Республикасынын Жогорку Кеңешинин депутаты, Кыргыз Республикасынын Жогорку Кеңешинин Бюджет жана финансы боюнча комитетинин мүчөсү (макулдашуу боюнча); "Кыргызстандын Банктар союзунун" президенти (макулдашуу боюнча); "Чакан финансылык уюмдардын ассоциациясы" юридикалык жактардын бирикмесинин аткаруучу директору (макулдашуу боюнча); "Адилетке жол" коомдук бирикмесинин юристи (макулдашуу боюнча); "Жалал-Абад колдоо" коомдук бирикмесинин төрагасы (макулдашуу боюнча).