КР Шайлоо жана референдум өткөрүү боюнча борбордук комиссиясынын «2016-жылдын 4, 5 жана 7-июлунда өткөрүлгөн жергиликтүү өз алдынча башкаруусунун аткаруу органдарынын башчыларын шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитүү жөнүндө» токтому

КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ ТОКТОМ 2016-жылдын 14-июлу № 127 2016-жылдын 4, 5 жана 7-июлунда өткөрүлгөн жергиликтүү өз алдынча башкаруусунун аткаруу органдарынын башчыларын шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитүү жөнүндө Кыргыз Республикасынын Шайлоо жана референдум өткөрүү боюнча борбордук комиссиясынын 2016-жылдын 15-июнундагы № 110 токтому менен 2016-жылдын 4-июлуна дайындалган Баткен облусунун Лейлек районунун Катран айыл өкмөтүнүн башчысын шайлоо; 2016-жылдын 21-июнундагы № 114 токтому менен 2016-жылдын 5 жана 7-июлуна дайындалган Ош облусунун Өзгөн районунун Мырза-Аке айыл өкмөтүнүн башчысын кайра шайлоо жана Талас облусунун Талас районунун Арал айыл өкмөтүнүн башчысын шайлоо боюнча Лейлек, Өзгөн жана Талас аймактык шайлоо комиссияларынан түшкөн добуш берүүнүн жыйынтыктары жана шайлоонун натыйжалары тууралуу протоколдорунун, "Кыргыз Республикасынын шайлоо жана референдум өткөрүү боюнча шайлоо комиссиялары жөнүндө" Кыргыз Республикасынын Мыйзамынын 7-беренесинин, "Жергиликтүү өз алдынча башкаруу жөнүндө" Кыргыз Республикасынын Мыйзамынын 49-беренесинин негизинде, Кыргыз Республикасынын Шайлоо жана референдум өткөрүү боюнча борбордук комиссиясы ТОКТОМ КЫЛАТ:

1. Баткен облусунун Лейлек районунун Катран айыл өкмөтүнүн башчысын шайлоо өттү деп табылсын.

1.1. Лейлек аймактык шайлоо комиссиясынын Катран айыл өкмөтүнүн башчысын шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилсин.

1.2. Баткен облусунун Лейлек районунун Катран айыл өкмөтүнүн шайланган башчысы болуп Абалов Нургазы Куттузович табылсын.

2. Ош облусунун Өзгөн районунун Мырза-Аке айыл өкмөтүнүн башчысын кайра шайлоо өттү деп табылсын.

2.1. Өзгөн аймактык шайлоо комиссиясынын Мырза-Аке айыл өкмөтүнүн башчысын кайра шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилсин.

2.2. Ош облусунун Өзгөн районунун Мырза-Аке айыл өкмөтүнүн шайланган башчысы болуп Курманкулов Райимберди Аалыевич табылсын.

3. Талас облусунун Талас районунун Арал айыл өкмөтүнүн башчысын шайлоо өттү деп табылсын.

3.1. Талас аймактык шайлоо комиссиясынын Арал айыл өкмөтүнүн башчысын шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилсин.

3.2. Талас облусунун Талас районунун Арал айыл өкмөтүнүн шайланган башчысы болуп Апышов Бактыбек Рыспаевич табылсын.

4. Жергиликтүү өз алдынча башкаруусунун аткаруу органдарынын шайланган башчыларына белгиленген үлгүдөгү күбөлүктөр берилсин.

5. Бул токтом "Эркин Тоо" газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

6. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А.Г.Бекматовго жүктөлсүн.

Төрага

Н. Шайлдабекова