КР Өкмөтүнүн (Кыргыз Республикасынын Тышкы иштер министрлиги менен Беларусь Республикасынын Тышкы иштер министрлигинин ортосундагы Кызматташуу жөнүндө протоколдун долбооруна макулдук берүү боюнча) буйругу

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2008-жылдын 9-октябыры № 523-б Кыргыз Республикасынын Тышкы иштер министрлиги менен Беларусь Республикасынын Тышкы иштер министрлигинин ортосундагы Кызматташуу жөнүндө протоколдун тиркелген долбооруна принциптүү эмес мүнөздөгү өзгөртүүлөр жана толуктоолор киргизилиши мүмкүндүгүн эске алуу менен макулдук берилсин.

Премьер-министр

И.Чудинов

Долбоор

Кыргыз Республикасынын Тышкы иштер министрлиги менен

Беларусь Республикасынын Тышкы иштер министрлигинин

ортосундагы кызматташуу жөнүндө протокол

Мындан ары Тараптар деп аталуучу Кыргыз Республикасынын Тышкы иштер министрлиги менен Беларусь Республикасынын Тышкы иштер министрлиги, Достук жана кызматташтык тууралуу Кыргыз Республикасы менен Беларусь Республикасынын ортосундагы 2006-жылдын 27-ноябрындагы Келишимдин жоболорун жетекчиликке алуу менен, тышкы саясат тармагында кызматташууну өнүктүрүү зарыл экендигин эске алып, эки мамлекеттин ортосунда ар кыл чөйрөлөрдө кызматташууну жана өз ара түшүнүүнү андан ары кеңейтүүгө жана тереңдетүүгө көмөктөшүүнү каалап, төмөнкүлөр тууралуу макулдашты:

1-статья

Тараптар тышкы иштер министрлеринин, алардын орун басарларынын жана структуралык бөлүмдөрдүн жетекчилеринин деңгээлинде эки тараптуу мамилелердин маселелери боюнча сүйлөшүүлөрдү жана консультацияларды жана өз ара кызыкчылыкты туудурган эл аралык маселелер боюнча пикир алмашууларды дайыма өткөрүшөт.

2-статья

Зарыл учурларда Тараптар Бириккен Улуттар Уюмунун, башка эл аралык уюмдардын ишмердүүлүгүнүн алкагында, ошондой эле эл аралык форумдарды өткөрүүдө өз ара кызыкчылыкты пайда кылган маселелер боюнча консультацияларды өткөрүшөт.

3-статья

Тараптар сүйлөшүүлөрдүн жана консультациялардын тематикасын, күн тартибин, мөөнөтүн жана өтө турган ордун дипломатиялык каналдар аркылуу алдын ала аныкташат. Кыргыз Республикасынын жана Беларусь Республикасынын тышкы иштер министрлеринин же алардын тапшырмасы менен жолугушкан башка адамдардын жолугушуулары бир жылда бир жолудан кем эмес кезеги менен Бишкекте жана Минскиде өткөрүлүп турат. Конкреттүү маселелерди кароо үчүн өз ара макулдашуу боюнча эксперттик же жумушчу топтор түзүлүшү мүмкүн.

4-статья

Тараптар өз ара келишимдердин негизинде ишмердүүлүктүн бардык чөйрөлөрүндө эки тараптуу өз ара пайда алып келүүчү кызматташууну андан ары кеңейтүү жана тереңдетүүгө көмөктөшөт.

5-статья

Бул Протоколдун жоболорун чечмелөөдө жана колдонууда пикир келишпестиктер келип чыкса, Тараптар аларды консультациялар жана сүйлөшүүлөр жолу менен чечишет.

6-статья

Тараптардын өз ара макулдашуусу менен бул Протоколго өзгөртүүлөр жана кошумчалар киргизилиши мүмкүн, алар анын ажырагыс бөлүгү болуп саналган, өзүнчө токтом менен таризделет.

7-статья

Бул Протокол кол коюлган күндөн тартып күчүнө кирет жана 5 жыл мөөнөткө түзүлөт. Тараптардын бири жазуу жүзүндө экинчи Тарапка Протоколдун ишин токтотуу тууралуу өзүнүн ниетин кезектеги мезгил бүткөнгө 6 ай калганга чейин билдирбесе анын колдонулушу автоматтык түрдө кийинки беш жылдык мөөнөттөргө узартылатрет. Бишкек шаарында 2008-жылдын «___»-октябрында эки түп нускада орус тилинде түзүлдү.

Кыргыз Республикасынын Беларусь Республикасынын Тышкы иштер министрлиги Тышкы иштер министрлиги үчүн үчүн