2-берене. Ветеринардык иштин принциптери

Ветеринардык иш төмөнкү принциптердин негизинде жүзөгө ашырылат:

1) адамдын жана жаныбарлардын өмүрү менен ден-соолугуна, айлана-чөйрөгө, ошондой эле юридикалык жана жеке жактардын мүлкүнө зыян келтирилишин четтетүү;

2) ветеринардык иш-чараларды жүргүзүүдө жаныбарлардын ылаңдарынын алдын алуу артыкчылыгы;

3) ветеринардык иш-чараларды жүргүзүүнүн илимий негиздүүлүгү жана экономикалык натыйжалуулугу;

4) эпизоотиялык кырдаал жөнүндө, анын өзгөрүшү жана эпизоотиялык бакубаттуулукту камсыз кылуу боюнча көрүлүп жаткан чаралар жөнүндө маалыматтардын аныктыгы, жеткиликтүүлүгү жана ачыктыгы;

5) ветеринардык кызмат көрсөтүүлөрдүн жеткиликтүүлүгү;

6) жаныбарлардын амандыгын сактоону камсыз кылуу;

7) жеке ветеринарлар тарабынан жүзөгө ашырылуучу ветеринардык кызмат көрсөтүүлөргө акы төлөө.

(КР 2024-жылдын 29-июлундагы № 150 Мыйзамынын редакциясына ылайык)