Нарын шаардык кеңешинин «Нарын облустук бириктирилген ооруканасынын мурунку урология, травматология жана жугуштуу оорулар бөлүмдөрүнүн имараттарын ошол жерде жашаган саламаттыкты сактоо кызматкерлерине кийин сатып алуу менен жеңилдетилген шартта узак мөөнөттүү ижарага берүү жөнүндө» токтому

НАРЫН ШААРДЫК КЕӉЕШИ ТОКТОМ Нарын шаардык кеңешинин XXVI чакырылыштагы кезектеги VIII сессиясы

2013-жылдын 26-августу № 8

Нарын облустук бириктирилген ооруканасынын мурунку урология, травматология жана жугуштуу оорулар бөлүмдөрүнүн имараттарын ошол жерде жашаган саламаттыкты сактоо кызматкерлерине кийин сатып алуу менен жеңилдетилген шартта узак мөөнөттүү ижарага берүү жөнүндө

Нарын облустук бириктирилген ооруканасынын мурунку урология, травматология, жугуштуу оорулар (инфекция) бөдүмдөрүнүн имараттары Кыргыз Республикасынын Жогорку Кеңешинин 25-апрель 2012-жылдагы № 1877-V токтомун, «Кыргыз Республикасынын мамлекеттик менчикти менчиктештирүү жөнүндөгү» Мыйзамынын негизинде жана Кыргыз Республикасынын Өкмөтүнүн 2012-жылдын 22-февралындагы № 143 токтомуна ылайык 2012-2014-жылдардын мамлекеттик менчиктештирүү (приватизация) программасына кирген.Нарын шаардык мэриясына Кыргыз Республикасынын Өкмөтүнө караштуу мамлекеттик мүлктү башкаруу фонду 2012-жылдын 29-майында № 01-1674 чыгыш каты менен жергиликтүү маанидеги социалдык маселелерди чечүүгө карата жогорудагы аты аталган обьектилерди муниципалдык менчикке кабыл алуу жөнүндө сунуш катын жиберген. Жогорудагылардын негизинде 2012-жылдын 11-июлунда депутаттардын Нарын шаардык Кеңешинин ХХV чакырылыштагы ХХIV сессиясынын №2 - токтому менен Нарын облустук бириктирилген ооруканасынын жогорудагы аты аталган бөлүмдөрүн муниципалдык менчикке кабыл алууга макулдук берилген. Нарын облустук бириктирилген ооруканасынын бөлүмдөрүн муниципалдык менчигине өткөрүү жөнүндө Кыргыз Республикасынын Өкмөтүнүн 2013-жылдын 6- июнунда № 315 токтомунун жана Кыргыз Республикасынын Өкмөтүнө караштуу мамлекеттик мүлктү башкаруу боюнча фондунун 3-июнь 2013-жылдагы № 103-п буйругунун негизинде комиссия түзүлүп, өткөрүп берүү, кабыл алуу актысы түзүлгөн.Кыргыз Республикасынын Өкмөтүнүн токтомунда белгиленгендей, Нарын шаарынын Качкынов көчөсү-5 дарегинде жайгашкан Нарын облустук бириктирилген ооруканасынын бөлүмдөрүнүн балансалык калдык наркы 632023,23 сомду түзгөн. Ошондой эле токтомдо аталган обьектилерди белгиленген тартипте мамлекеттик каттоодон өткөрүү,бөлүмдөрдү кайрадан багытын өзгөртүп профилдөө жана оорукана бөлүмдөрүн жеке менчикке берүүдө ошол жерде жашаган саламаттыкты сактоо кызматкерлерине кийин сатып алуу менен, жеңилдетилген шартта узак мөөнөттүү ижарага берүү жолдору белгиленген. Жогорудагылардын негизинде шаардык Кеңештин сессиясы ТОКТОМ КЫЛАТ

1. Кыргыз Республикасынын Жогорку Кеңешинин 25-апрель 2012-жылдагы №1877-V токтомуна, Кыргыз Республикасынын Өкмөтүнүн 2013-жылдын 6-июнундагы № 315 токтомуна жана Кыргыз Республикасынын Өкмөтүнө караштуу мамлекеттик мүлктү башкаруу боюнча фонддун 3-июль 2013-жылдагы № 103-п буйругуна ылайык Нарын облустук бириктирилген ооруканасынын мурдагы (эски) урология, травматология жана жугуштуу оорулар бөлүмдөрүнүн багытын турак жай катары пайдаланууга профилдөө, өзгөртүү Нарын шаарынын мэри Б.С.Жээналиевге, шаардык муниципалдык менчик департаментинин начальниги М.Мамбетакуновго, Нарын шаардык турак жай башкармасынын начальниги С.Орозобековге тапшырылсын.

2. Нарын шаарынын Качкынов көчөсү-5 дарегинде жайгашкан Нарын облустук бириктирилген ооруканасынын урология, травматология жана жугуштуу оорулар бөлүмдөрүнүн мурдагы имараттарында жашаган саламаттыкты сактоо кызматкерлерине кийин сатып алуу менен, жеңилдетилген шартта узак мөөнөттүү ижарага берилсин.

3. Нарын облустук бириктирилген ооруканасынын урология, травматология жана жугуштуу оорулар бөлүмдөрүн муниципалдык менчик обьекти катары белгиленген тартипте мамлекеттик каттоодон өткөрүү жана «Кыргыз Республикасынын мамлекеттик менчикти менчиктештирүү жөнүндө», «Кыргыз Республикасынын мамлекеттик Мүлккө менчик жөнүндө» Мыйзамдарында каралган талаптарына ылайык чарба жүргүзүү укугу менен иш жүргүзүү Нарын шаардык мэриясына (Б.Жээналиев), Нарын шаардык муниципалдык менчик департаментине (М.Мамбетакунов) жана Нарын шаардык турак-жай башкармасына (С.Орозобеков) милдеттендирилсин.

4. Муниципалдык менчикке өткөн Нарын облустук бириктирилген оруканасынын мурунку урология, травматология жана жугуштуу оорулар бөлүмдөрүнүн өз ара өткөрүп берүү, өткөрүп алуу иштерин Кыргыз Республикасынын Мыйзамдарынын талаптарына ылайык иш жүргүзүү Нарын шаардык муниципалдык менчик департаментине (М.Мамбетакунов) жана Нарын шаардык турак жай башкармасына (С.Орозобеков) тапшырылсын.

5. «Кыргыз Республикасынын мамлекеттик менчикти менчиктештирүү жөнүндө» Мыйзамына ылайык Нарын облустук бириктирилген ооруканасынын бөлүмдөрүн инвентаризациялоо менен балансалык наркында Нарын шаардык турак жай башкармалыгынын балансасына алынсын.

6. Нарын шаарындагы Качкынов № 5 көчөсүнүн дарегинде жайгашкан Нарын облустук бириктирилген ооруканасынын мурунку урология, травматология жана жугуштуу оорулар бөлүмдөрүндө жашап жаткан саламаттык сактоо кызматкерлерине кийин сатып алуу менен жеңилдетилген шартта узак мөөнөттүү ижарага берүүдө жана турак жайларды менчиктештирүүгө байланыштуу иш кагаздарын Мыйзамда каралган чекте даярдап берүү жана кошумча курулуштарды курууга болбой тургандыгы тууралуу түшүндүрүү иштерин жүргүзүү Нарын шаардык турак жай башкармасынын начальниги С.Орозобековго милдеттендирилсин.

7. Бул токтомдун аткарылышын көзөмөлдөө Нарын шаардык мэриясы менен бирдикте шаардык Кеңештин алдындагы муниципалдык менчик, турак жай, коммуналдык тейлөө, архитектура-курулуш, отун энергетика, транспорт, экология боюнча туруктуу комиссиясына тапшырылсын.

Нарын шаардык кеңешинин төрагасы

Э.Турсуналиев