1-берене

"Этил спиртин жана алкоголдук продукцияны өндүрүүнү жана жүгүртүүнү мамлекеттик жөнгө салуу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2009-ж., № 9, 856-ст.) төмөнкүдөй өзгөртүүлөр киргизилсин:

1. 7-беренеде:

2-бөлүгүнүн сегизинчи абзацы төмөнкүдөй редакцияда баяндалсын: "- Кыргыз Республикасынын Салык кодексине ылайык акциздик салыкты төлөө менен лицензия алган күндөн тартып он эки айдын ичинде 200,0 миң далдан кем эмес этил спиртин өндүрүүнү камсыз кылуу. Этил спиртин өндүрүү боюнча ушул талап алкоголдук жана азыктык продукцияларды чыгаруу менен байланышпаган, этил спиртин медициналык, ветеринариялык, техникалык жана башка максаттарда пайдалануучу атайын керектөөчүлөр жана субъекттер үчүн арналган этил спиртин өндүрүүгө жайылтылбайт."; 3-бөлүгүнүн алтынчы абзацы төмөнкүдөй редакцияда баяндалсын: "- Кыргыз Республикасынын Салык кодексине ылайык акциздик салыкты төлөө менен лицензия алган күндөн тартып он эки айдын ичинде 50,0 миң далдан кем эмес арак өндүрүүнү камсыз кылууну.".

2. 13-берененин 2-бөлүгүнүн экинчи абзацында "100 метр радиустагы" деген сөздөр алып салынсын.