4-берене

Кыргыз Республикасынын Граждандык кодексинин I бөлүгүнө (Кыргыз Республикасынын Жогорку Кеңешинин Ведомосттору, 1996-ж., № 6, 80-ст.) төмөнкүдөй өзгөртүүлөр киргизилсин:

1. Кодекстин I бөлүгүнүн бүткүл тексти боюнча, 73, 74-статьяларды, 78-статьянын 1-бөлүгүн, 79-статьяны кошпогондо, ар түрдүү жөндөмө жана сандык формалардагы "Үй-бүлөнү жана балдарды колдоо боюнча бөлүм" деген сөздөр тиешелүү жөндөмө жана сандык формалардагы "балдарды коргоо боюнча ыйгарым укуктуу мамлекеттик органдын аймактык бөлүмү" деген сөздөргө алмаштырылсын.

2. 66-статьянын 1-бөлүгүндө "нике жана үй-бүлө жөнүндөгү мыйзамдар" деген сөздөр "ушул Кодекс жана Кыргыз Республикасынын Балдар жөнүндө Кодекси" деген сөздөргө алмаштырылсын.

3. 69-статьянын аталышы жана 1-бөлүгү төмөнкүдөй редакцияда баяндалсын:

"69-статья. Кыргыз Республикасынын Өкмөтү тарабынан ыйгарым укук берилген балдарды коргоо боюнча мамлекеттик орган Кыргыз Республикасынын Өкмөтү тарабынан ыйгарым укук берилген балдарды коргоо боюнча мамлекеттик орган жана анын аймактык бөлүмдөрү балдарды коргоо боюнча ыйгарым укуктуу орган болуп саналат.".

4. 70-статьянын 1-бөлүгүнүн биринчи абзацы төмөнкүдөй редакцияда баяндалсын:

"1. Камкордукка алуучу жана көзөмөлдүк кылуучу балдарды коргоо боюнча ыйгарым укуктуу мамлекеттик органдын аймактык бөлүмүнө жаранга камкордукка алуучу же көзөмөлдүк кылуучу белгилөөнүн зарылчылыгы жөнүндө белгилүү болгон учурдан тартып бир айдын ичинде камкордукка же көзөмөлдүккө муктаж адамдын жашаган жери боюнча балдарды коргоо боюнча ыйгарым укуктуу мамлекеттик органдын аймактык бөлүмүнүн корутундусу боюнча сот тарабынан дайындалат. Көңүл бурууга татыктуу жагдайлар болгондо камкордукка алуучу жана көзөмөлдүк кылуучу камкордукка алуучунун (көзөмөлдүк кылуучунун) жашаган жери боюнча дайындалышы мүмкүн. Эгерде камкордукка алынуучу же көзөмөлдүк кылынуучу адамга бир айдын ичинде камкордукка алуучу же көзөмөлдүк кылуучу дайындалбаса, анын убактылуу милдеттери балдарды коргоо боюнча ыйгарым укуктуу мамлекеттик органдын аймактык бөлүмүнө жүктөлөт.".

5. 73-статьянын 1-бөлүгүндө "Үй-бүлөнү жана балдарды колдоо боюнча бөлүм" жана "Бөлүм" деген сөздөр тиешелүүлүгүнө жараша "балдарды коргоо боюнча ыйгарым укуктуу органдын аймактык бөлүмү" жана "Бөлүм" деген сөздөргө алмаштырылсын.

6. 74-статьяда:

1-бөлүктүн биринчи жана экинчи абзацтарында "Үй-бүлөнү жана балдарды колдоо боюнча бөлүм" деген сөздөр "Сот" деген сөзгө алмаштырылсын. 3-бөлүк төмөнкүдөй редакцияда баяндалсын: "3. Камкордукка алуучу же көзөмөлдүк кылуучу өздөрүнө жүктөлгөн милдеттерди талаптагыдай аткарбаган учурда, анын ичинде камкордукка алуу же көзөмөлдүк кылуу ишин керт башынын кызыкчылыгына пайдаланганда же камкордукка алган адамды кароосуз жана зарыл жардамсыз калтырган учурда, сот камкордукка алуучуну же көзөмөлдүк кылуучуну бул милдеттерди аткаруудан четтетиши жана күнөөлүүнү мыйзамда белгиленген жоопкерчиликке тартышы мүмкүн.".

7. 78-статьянын 1-бөлүгүнүн биринчи абзацында "Үй-бүлөнү жана балдарды колдоо боюнча бөлүмү" деген сөздөр жана "Бөлүм" деген сөз тиешелүүлүгүнө жараша "Балдарды коргоо боюнча ыйгарым укуктуу органдын аймактык бөлүмү" жана "Бөлүм" деген сөздөргө алмаштырылсын.

8. 79-статьянын 2-бөлүгүндө "Үй-бүлөнү жана балдарды колдоо боюнча бөлүмү" деген сөздөр "Балдарды коргоо боюнча ыйгарым укуктуу органдын аймактык бөлүмү" деген сөздөргө алмаштырылсын.