95-берене. Заттар менен материалдардын өрт коркунучу тууралуу маалыматтарга коюлуучу талаптар

Заттар менен материалдарга өндүрүүчү (жабдуучу) тарабынан ошол продукциянын коопсуз колдонулушу жөнүндө маалыматты камтыган техникалык документтер иштелип чыгууга тийиш. Заттар менен материалдардын техникалык документтери (анын ичинде паспорттор, техникалык шарттар, технологиялык регламенттер) заттар менен материалдардын жарылуу-өрттөнүү жана өрт коркунучунун көрсөткүчтөрү жөнүндө маалыматты камтууга тийиш. Техникалык документтерге киргизилүүчү милдеттүү түрдөгү көрсөткүчтөр төмөнкүлөр болуп саналат:

1) газдар үчүн:

- күйгүчтүк тобу;

- өзүнөн өзү жалындоо температурасы;

- жалындын концентрациялык таралуу чектери;

2) суюктуктар үчүн:

- күйгүчтүк тобу;

- дүрт этип күйүү температурасы;

- жалындоо температурасы;

- өзүнөн өзү жалындоо температурасы;

- жалындын температуралык таралуу чектери.

3) катуу заттар үчүн:

- күйгүчтүк тобу;

- жалындоо температурасы;

- өзүнөн өзү жалындоо температурасы;

- түтүн пайда болуу коэффициенти;

- күйүү продукттарынын уулуулугунун көрсөткүчү;

4) дисперстик катуу заттар үчүн:

- күйгүчтүк тобу;

- өзүнөн өзү жалындоо температурасы;

- жалындын төмөнкү концентрациялык таралуу чектери;

- жарылуунун эң жогорку басымы;

- жарылуу басымынын көбөйүү ылдамдыгы;

- жарылуу коркунучунун индекси.

Жарылуу-өрттөнүү жана өрт коркунучу көрсөткүчтөрү жөнүндө кошумча маалыматтарды киргизүүнү продукцияны даярдоочу чечет.