Кыргыз Республикасынын «»Дары-дармек каражаттары жөнүндө» Кыргыз Республикасынын Мыйзамына толуктоо жана өзгөртүүлөр киргизүү тууралу» Мыйзамы

1-берене. "Дары-дармек каражаттары жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2003-ж., № 8, 322-ст.) төмөнкүдөй толуктоо жана өзгөртүүлөр киргизилсин:

1. 4-статьяда:

статья төмөнкүдөй мазмундагы 26-бөлүк менен толукталсын: "Дары-дармек ылайыктуулугун тастыктоо - дары-дармек каражаттарынын ылайыктуулугун сертификатташтыруу жана декларациялоо формасында ишке ашырылган, коопсуздук көрсөткүчтөрү боюнча Кыргыз Республикасынын ченемдик укуктук актыларында дары-дармек каражаттарынын ылайыктуулугун тастыктоочу процедура."; 30-бөлүк алып салынсын.

2. 8-статьянын 1-бөлүгүнүн он экинчи абзацы төмөнкүдөй редакцияда берилсин:

"- Кыргыз Республикасынын аймагында дары-дармек каражаттарынын тууралыгын тастыктоо жүзөгө ашырылат.".

3. 11-статья төмөнкүдөй редакцияда берилсин:

"11-статья. Дары-дармек каражаттарынын тууралыгын тастыктоо

Дары-дармек каражаттарынын тууралыгын тастыктоо Кыргыз Республикасынын мыйзамдарында белгиленген тартипте жүзөгө ашырылат.".

4. 18-статьянын 2-бөлүгүнүн төртүнчү абзацы төмөнкүдөй редакцияда берилсин:

"- дары-дармек каражаттарды алардын коопсуздугун ырастаган сертификаты же тууралыгы жөнүндө декларациясы болгон учурда сатып өткөрүүгө;".

5. 22-статьянын төртүнчү абзацы төмөнкүдөй редакцияда баяндалсын:

"- сапатты, натыйжалуулукту жана коопсуздукту контролдоо боюнча мамлекеттик кызматты өнүктүрүү;".

2-берене. Ушул Мыйзам расмий жарыяланган күндөн баштап үч ай өткөндөн кийин күчүнө кирет. Кыргыз Республикасынын Өкмөтү өзүнүн ченемдик укуктук актыларын ушул Мыйзамга ылайык келтирсин.

Кыргыз Республикасынын Президенти

К.Бакиев