Кыргыз Республикасынын УО «Ысык-Көл облусунун Ысык-Көл районунун Кара-Ой айылындагы жер участогун мамлекеттештирүү жөнүндө» Декрети

Бишкек шаары

2010-жылдын 20-майы УӨ № 42

КЫРГЫЗ РЕСПУБЛИКАСЫНЫН УБАКТЫЛУУ ӨКМӨТҮНҮН ДЕКРЕТИ

Ысык-Көл облусунун Ысык-Көл районунун Кара-Ой айылындагы

жер участогун мамлекеттештирүү жөнүндө

Кыргыз Республикасынын Башкы прокуратурасынын 2010-жылдын 7-майын-

дагы сунушунун негизинде жана Кыргыз Республикасынын Убактылуу Өкмөтү-

нүн 2010-жылдын 7-апрелиндеги № 1 Декретине ылайык Кыргыз Республикасы-

нын Убактылуу Өкмөтү ушул Декретти кабыл алат:

1. Кыргыз Республикасынын Граждандык кодексинин 288-беренесине

ылайык Ысык-Көл облусунун Ысык-Көл районунун Кара-Ой айылында жайгашкан

жана "Инвест-Трест" жоопкерчилиги чектелген коомуна (мындан ары - "Ин-

вест-Трест" ЖЧКсы) таризделген, аянты 10 га жер участогу мамлекеттешти-

рилсин.

2. Кыргыз Республикасынын Өкмөтүнө караштуу Мамлекеттик каттоо

кызматы мамлекетештирилүүчү жер участогу үчүн "Инвест-Трест" ЖЧКсына

берилген жер участогуна жеке менчик укугу жөнүндөгү мамлекеттик актыны

жокко чыгарсын.

3. Ысык-Көл облусунун мамлекеттик администрация башчысынын - гу-

бернаторунун милдетин аткаруучу:

- мамлекеттештирилүүчү жер участогун мамлекеттик менчикке өткөрүү-

нү камсыз кылсын;

- жер участогун "Инвест-Трест" ЖЧКсынын менчигине мыйзамсыз та-

риздөөнүн кесепетинен мамлекетке келтирилген чыгымдарды эсептөөнү

жүргүзсүн;

- жер участогу үчүн төлөнгөн акча каражаттарын мамлекетке келти-

рилген чыгымды кармап калуу менен "Инвест-Трест" ЖЧКсына кайра берсин.

4. Бул Декреттин аткарылышын контролдоо Кыргыз Республикасынын

Убактылуу Өкмөтүнүн Аппарат жетекчисине жүктөлсүн.

5. Бул Декрет кол коюлган күндөн баштап күчүнө кирет.

Кыргыз Республикасынын

Убактылуу Өкмөтүнүн Төрагасы Р.Отунбаева