2-берене. Ушул Мыйзамда колдонулуучу негизги түшүнүктөр

Ушул Мыйзамда төмөнкүдөй негизги түшүнүктөр колдонулат:

активдүү жаштар - өздөрүнүн демилгелерин коомдун жана мамлекеттин

кызыкчылыктарында жүзөгө ашыруучу жаш жарандар (жаштар уюмдары);

волонтердик иш-аракет - акчалай акы албастан ар кандай формада ык-

тыярдуу башталышта ишке ашырылуучу, коомдук жана мамлекеттик кызыкчы-

лыктарды канааттандырууга багытталган коомдук пайдалуу эмгектин жеке

жана юридикалык жактар тарабынан жүргүзүлүшү, анын жүрүшүндө алар би-

лим, тажрыйба, көндүм топтой алат жана өз жөндөмдүүлүктөрүн көрсөтө

алат;

мамлекеттик жаштар саясаты - жаштардын турмушта ийгиликтүү өз ор-

дун табуусу, алардын дараметин мамлекеттин кызыкчылыктарында өнүктүрүү

үчүн укуктук, экономикалык, социалдык, уюштуруучулук шарттарды түзүүгө

багытталуучу, мамлекеттик органдар жана жергиликтүү өз алдынча башкаруу

органдары жүзөгө ашыруучу чаралардын системасы;

жаш жарандар (жаштар) - Кыргыз Республикасынын 14 жаштан 28 жашка

чейинки курактагы жарандары жана жарандыгы жок адамдар;

жаш үй-бүлө - жубайлардын экөөсү тењ же болбосо бирөөсү 28 жаш ку-

рагына жете элек, никеге туруудан же болбосо тууганчылыктан улам келип

чыгуучу белгиленген өз ара укуктар жана милдеттер менен байланышкан жаш

жарандардын чөйрөсү;

жаш адис - 28 жашка толо элек, адистиги боюнча эмгек стажы 3 жыл-

дан ашпаган жаран;

жаштар уюму - катышуучуларынын (мүчөлөрүнүн) кеминде 75 пайызы жаш

жарандар болгон, иш-аракети жаштардын өнүгүшүнө, өз жолун табуусуна,

укуктарын жана кызыкчылыктарын коргоого, ошондой эле рухий жана башка

керектөөлөрүн канааттандырууга багытталган коммерциялык эмес уюм;

уюмдашпаган жаштар - коомдук пайдалуу эмгекке тартылбаган,

өздөрүндө болгон мүмкүнчүлүктөрдү жумуш иштөө, билимин жогорулатуу жана

жарандык катышуунун башка формаларын жүзөгө ашыруу аркылуу ишке киргиз-

беген жаш жарандар;

жаштардын бейформал бирикмелери - жалпы кызыкчылыктары аркылуу би-

риккен, мыйзамдарда белгиленген тартипте юридикалык жак катары каттал-

баган жаш жарандар тобу;

жаштар үчүн социалдык кызматтар - оор турмуштук кырдаалга тушуккан

жаш жарандарга жана үй-бүлөлөргө социалдык кызмат көрсөтүүлөрдү жүзөгө

ашыруучу юридикалык жактар, ошондой эле аларды жүзөгө ашырууну юридика-

лык жакты түзбөстөн туруп жүргүзүүчү жарандар;

талаптуу жаштар - чыгармачылык, интеллектуалдык жана маданий жо-

горку дараметке ээ болгон жана мындай дарамети коомдун жана мамлекеттин

өнүгүү дењгээлин жогорулатуу үчүн пайдаланыла ала турган жаш жарандар;

оор турмуштук кырдаал - жаш жарандардын жашоо-турмушун объективдүү

түрдө бузуучу жана жаш жаран төмөнкүдөй себептер боюнча өз алдынча чече

албаган жагдай:

1) ден соолук мүмкүнчүлүктөрү чектелгенден улам өзүн өзү тейлөөгө

жарамсыз болсо;

2) ата-эненин (мыйзамдуу өкүлдөрүнүн) камкордугусуз калса же

өзүнүн багуусунда, ден соолук мүмкүнчүлүктөрү чектелген адамдарды кошуп

алганда, жакын туугандары бар болсо;

3) аз камсыз болгон адам болуп саналса;

4) куралдуу жана улуттар аралык чыр-чатактардан, экологиялык жана

техногендик алааматтардан, жаратылыш кырсыктарынан запкы тарткан адам

болуп саналат;

5) качкын жана аргасыз көчкүн адам болуп саналса;

6) атайын окуу-тарбия мекемелеринде турса;

7) зордук-зомбулуктан запкы тарткан субъект болуп саналса;

8) жазык жазасын өтөгөндөн кийин социалдык адаптацияланууга

мүмкүнчүлүгү жок болсо.

Жаштардын укуктарын жана кызыкчылыктарын коргоо боюнча ыйгарым

укуктуу орган - белгиленген тартипте өзүнө берилгем ыйгарым укуктардын

чектеринде мамлекеттик жаштар саясатын жүзөгө ашыруучу мамлекеттик ор-

ган.