8-берене. Мамлекеттик-жеке өнөктөштүк жөнүндө макулдашуунун

тараптарынын укуктук мамилелеринин өзгөчөлүктөрү

1. Кыргыз Республикасынын Конституциясынан, улуттук коопсуздук,

саламаттыкты сактоо жана курчап турган чөйрөнү коргоо маселелери менен

байланышкан Кыргыз Республикасынын мыйзамдарынан тышкары Кыргыз Респуб-

ликасынын мыйзамдарына өзгөртүүлөр же толуктоолор киргизилген учурда

жеке өнөктөштөр мамлекеттик-жеке өнөктөштүк жөнүндө макулдашуу күчүндө

турган бүткүл мөөнөт ичинде алар үчүн кыйла жагымдуу шартты тандап алу-

уга укуктуу.

2. Өкмөт жана/же аткаруу бийлигинин жергиликтүү органдары мамле-

кеттик-жеке өнөктөштүк жөнүндө макулдашуунун шарттары боюнча укуктук

мамилелерди жөнгө салуу боюнча төмөнкү мыйзамдардын чегинде каралгандан

башкача милдеттенмелерди өзүнө албайт:

- укук тартибин жана коомдук коопсуздукту коргоо жөнүндө;

- мамлекеттин коопсуздугун камсыз кылуу жөнүндө;

- жер, жаратылыш ресурстары жана жаратылышты коргоо жөнүндө;

- жарандардын ден соолугун коргоо жөнүндө;

- калктын санитардык-эпидемиологиялык тазалыгы жөнүндө;

- коргонуу, мобилизациялык даярдык жана мобилизациялык ресурстар

жөнүндө.

Өкмөттүн жана/же аткаруу бийлигинин жергиликтүү органынын милдет-

тенмелери эл аралык келишимдердин негизинде Кыргыз Республикасы өзүнө

алган милдеттенмелерге карама-каршы келбеши керек.

3. Өкмөттүн, аткаруу бийлигинин жергиликтүү органынын мамлекет-

тик-жеке өнөктөштүк жөнүндө макулдашуунун чегинде өндүрүлгөн товарларды

(иш, кызмат көрсөтүүнү) сатып өткөрүүгө катышуусунун шарттары, ошондой

эле тийиштүү товарларды (иш, кызмат көрсөтүүнү) керектөөчүлөрдүн алдын-

дагы, ошондой эле жеке өнөктөштүн контрагенттеринин алдындагы жоопкер-

чилиги мамлекеттик-жеке өнөктөштүк жөнүндө макулдашуу менен аныкталат.

4. Мамлекеттик-жеке өнөктөштүк жөнүндө макулдашууну жүзөгө ашыруу-

нун чегинде байкоочулар кењешин түзүү каралган, анын иш тартиби тарап-

тардын макулдашуусу боюнча аныкталат.

5. Мамлекеттик-жеке өнөктөштүктүн чегинде долбоорду жүзөгө ашыруу

менен байланышкан иш ар жылы тышкы аудиттен өткөрүлөт.

6. Мамлекеттик-жеке өнөктөштүк жөнүндө макулдашуунун шарттары бо-

юнча акча каражаттарын төгүү (төлөө) боюнча Өкмөттүн, аткаруу бийлиги-

нин жергиликтүү органынын милдеттенмелерин камсыз кылган каражаттар ти-

йиштүү жылга мамлекеттик бюджетте жана кийинки эки жылга божомолдоодо

каралууга тийиш.