1-берене. Ушул Мыйзамда колдонулуучу негизги түшүнүктөр

Бул Мыйзамда төмөнкүдөй негизги түшүнүктөр колдонулат: социалдык программа (долбоор) - билим берүү, илим, маалымат, сала- маттыкты сактоо, спорт, курчап турган чөйрөнү коргоо; жаштар, демогра- фиялык, гендердик саясат; социалдык коргоо; укук коргоо иш-аракети; ма- даният жана башка социалдык маанилүү чөйрөлөр жагындагы максаттарга же- тишүүгө багытталган уюштуруучулук, экономикалык жана техникалык иш ча- ралардын жыйындысы; мамлекеттик социалдык заказ - мамлекеттик бюджеттик каражаттардын эсебинен социалдык-экономикалык милдеттерди чечүүгө жана кызмат көрсөтүүгө багытталган социалдык программаларды (долбоорлорду) жана ай- рым бир иш чараларды жүзөгө ашыруу формасы; мамлекеттик заказчы (мындан ары - заказчы) - социалдык заказды ат- карууга келишим түзүүчү жана социалдык программаларды аткаруу үчүн жо- оптуу болуучу ыйгарым укуктуу мамлекеттик органдар жана жергиликтүү өз алдынча башкаруу органдары; ыйгарым укук берилген мамлекеттик органдар - социалдык өнүгүү ма- селелери компетенциясына кирген Кыргыз Республикасынын министрликтери менен ведомстволору жана алардын аймактык түзүмдөрү; мамлекеттик социалдык заказды аткарууга конкурс (мындан ары - кон- курс) - социалдык программаны ишке ашыруунун эњ натыйжалуу ыкмалары су- нуш кылынган социалдык долбоорду сунуштаган аткаруучуну аныктоо жолу менен мамлекеттик социалдык заказды жайгаштыруунун формасы; мамлекеттик социалдык заказды аткаруучу (мындан ары - аткаруучу) - мамлекеттик социалдык заказды аткарууга заказчы менен келишим түзгөн, каттоодон өткөн коммерциялык эмес уюм (саясий партияларды, кесиптик бирликтерди жана диний уюмдарды кошпогондо); мамлекеттик социалдык заказды аткарууга келишим - социалдык чөйрөдө мамлекеттик муктаждыктарды ушул Мыйзамда жана Кыргыз Республи- касынын башка ченемдик укуктук актыларында белгиленген тартипте камсыз кылуу максатында заказчы менен аткаруучунун ортосунда түзүлгөн келишим.