2-статья. Бул Мыйзамда пайдаланылуучу негизги түшүнүктөр

Бул Мыйзамда төмөнкүдөй негизги түшүнүктөр пайдаланылат:

1) этил спирти - азыктык же азыктык эмес чийки заттан өндүрүлгөн

спирт, анын ичинде денатураланган этил спирти; этил спиртинин негизги фракциясы (спирт өндүрүшүнүн калдыктары) жана спирт - чийки заты;

2) денатураланган этил спирти (денатурат) - ушул Мыйзамда каралган

концентрацияда денатураланган заттарды камтыган этил спирти;

3) спирттүү продукция - этил спирти даяр продукциянын көлөмүнүн

1,5 пайызынан ашкан азык же азык эмес продукция;

4) спирттүү азыктык продукция - этил спирти бар, чийки азык заттан

жасалган, даяр продукциянын көлөмүнүн 1,5 пайызынан ашкан тамак-аш про- дукциясы (анын ичинде шарап материалдар, бардык эритиндилер, эмульсия- лар, суспензиялар, жүзүмдөн, мөмө-жемиштен жасалган дистилляттар (спирттүү чийки зат), коньяктын, кальвадостун, вискинин дистилляттары) (алкогол продукциядан башкалар);

5) спирттүү азыктык эмес продукция - этил спиртин, спирттүү башка

продукцияны же этил спиртинин өндүрүшүнүн спирттүү калдыктарын пайдала- нып жасалган, этил спирти даяр продукциянын көлөмүнүн 1,5 пайызынан аш- кан азыктык эмес продукция (анын ичинде денатураланган спирттүү продук- ция, спирттүү парфюмериялык-косметикалык продукция, бардык эритиндилер, эмульсиялар, суспензиялар);

6) денатураланган спирттүү продукция - ушул Мыйзамда каралган де-

натураланган заттардын концентрациясын камтыган спирттүү азыктык эмес продукция;

7) алкогол продукциясы - азыктык чийки заттан жасалган этил спир-

тин жана (же) этил спирти даяр продукциянын көлөмүнүн 1,5 пайызынан аш- кан спирттүү азыктык продукцияны пайдаланып өндүрүлгөн спирттүү азыктык продукция. Алкогол продукциясы ичүүчү этил спирти, спирттүү ичимдиктер (анын ичинде арак), шарап (анын ичинде натуралай шарап) сыяктуу түрлөр- гө бөлүнөт.

8) ичүүчү этил спирти - азыктык чийки заттан жасалып, этил спирти

даяр продукциянын көлөмүнүн 95 пайызынан ашкан жана жумшартылган суу кошулган ректификацияланган этил спирти;

9) спирт ичимдиктери - азыктык чийки заттан этил спиртин пайдала-

нып өндүрүлгөн жана (же) спирттүү азыктык продукциядан жасалган алкогол продукциясы; бул ичүүчү этил спиртине жана шарапка кирбейт;

10) суусуз (жүз пайыздуу) спирт - эсеп-кысапта колдонулуучу шарт-

туу түшүнүк;

11) этил спиртин, алкогол жана спирттүү продукцияны өндүрүү ушун-

дай - продукциянын сатуу жана киреше алуу, ошондой эле жеке муктаждык- тар үчүн жасалышы;

12) жүгүртүү - сатып алуу (анын ичинде импорт), берүү (анын ичинде

экспорт), сактоо жана чекене сатуу;

13) билдирүү - этил спиртин (анын ичинде денатуратты) жана даяр

продукциянын көлөмүнүн 60 пайызынан ашуун этил спирти бар идиштерге ку- юла элек спирттүү продукцияны сатып алгандыкты (мунун ичинде жеке мук- таждык үчүн), берип турууну ырастоочу документ, анын болушу аталган продукцияны сатып алуучу, берүүчү уюмдар үчүн милдеттүү болот.