1-статья. Кыргыз Республикасынын Кылмыш - жаза кодексине (Кыргыз

Республикасынын Жогорку Кењешинин Ведомосттору, 1998 — ж., № 7, 229 — ст.) төмөндөгүдөй толуктоолор киргизилсин:

1. 279 - статьянын зскертүүсү «279» деген сандан кийин «279-1»

деген сан менен толукталсын.

2. 26 - глава төмөндөгүдөй мазмундагы 279-1 - статья менен

толукталсын:

«279-1-статья. Өзгөчө баалуу дарактын түрлөрүн мыйзамсыз кыюу

(1) Өзгөчө баалуу дарактын түрлөрүн мыйзамсыз кыюу, ташуу, кайра иштетүү, сатып алуу же сатуу, - кылмыш жасоо үчүн пайдаланылган материалдарды, кайра иштетүүчү жабдууларды жана транспорт каражаттарын конфискациялоо менен эсептик көрсөөткүчтөрдүн жети жүздөн мињге чейинки өлчөмүндө айып салуу менен жазаланат. (2) Ошол эле жосун:

1) бир нече жолу,

2) адамдардын тобу тарабынан алдын ала макулдашуу боюнча,

3) ири өлчөмдө жасалганда, -

кылмыш жасоо үчүн пайдаланылган материалдарды, кайра иштетүүчү жабдууларды жана транспорт каражаттарын конфискациялоо менен үч жылдан беш жылга чейинки мөөнөткө эркиндигинен ажыратууга жазаланат. (3) Ошол эле жосун өзүнүн кызмат абалын пайдаланган адам тарабынан жасалганда, - мүлкүн конфискациялоо жана белгилүү бир кызматты ээлөө же белгилүү бир иш менен алектенүү укугунан үч жылга чейинки мөөнөткө ажыратуу менен беш жылдан жети жылга чейинки мөөнөткө эркиндигинен ажыратууга жазаланат.».