14-статья. Экологиялык коопсуздукту камсыз кылуу жаатындагы

социалдык стандарттар

Экологиялык коопсуздукту камсыз кылуу жаатындагы социалдык стан-

дарттар төмөнкүлөрдүн белгиленишин караштырат:

- айлана-чөйрөнүн сапат нормативдер тутумун;

- жарандарга айлана-чөйрөнүн абалы жөнүндө так маалымат берүү тар-

тибин;

- экологиялык коопсуздук бузулган учурда жарандардын ден соолугуна

же мүлкүнө келтирилген зыяндын ордун толтуруу тартибин.

Айлана-чөйрөнүн сапат нормативдер тутуму төмөнкүлөрдү өзүнө кам-

тыйт:

- атмосфералык абада, сууда, кыртышта жана жер астында зыяндуу

заттардын концентрациясынын жол берилген акыркы чегинин нормативдерин;

- жараксыз жана зыяндуу калдык заттардын жол берилген чегинин нор-

мативдерин;

- радиациялык таасирдин жол берилген чегинин нормативдерин;

- айлана-чөйрөгө оордук келтирүү дењгээлинин жол берилген чегинин

нормативдерин;

- санитардык жака коргоо зоналарынын нормативдерин;

- пайдаланылып жаткан жаратылыш ресурстарына стандарттарды;

- дүрүлдөө, дирилдөө, электр магнит талааларынын термелүү жана

башка зыяндуу таасиринин дењгээлдеринин жол берилген чегинин норматив-

дерин;

- айыл чарбасында химикаттарды колдонуунун жол берилген чегинин

нормативдерин;

- тамак-аш азыктарындагы химиялык концентрациялардын, уулуу, кан-

церогендик заттардын жана биологиялык кошулмалардын жол берилген чеги-

нин нормативдерин.

Экологиялык коопсуздукту камсыз кылуу жаатындагы стандарттар "Ай-

лана-чөйрөнү коргоо жөнүндө" Кыргыз Республикасынын Мыйзамы менен бел-

гиленет. Айлана-чөйрөнүн сапат нормативдери айлана-чөйрөнү коргоонун

ыйгарым укуктуу мамлекеттик органы тарабынан иштелип чыгат жана Кыргыз

Республикасынын Өкмөтү белгилеген тартипте бекитилет.