Кыргыз Республикасынын Өкмөтүнүн 2008 жылдын № 168-р (Кыргыз Республикасында 2010-жылга чейин мамлекеттик башкарууну децентралдаштыруу жана жергиликтүү өз алдынча башкарууну өнүктүрүү» Улуттук стратегиясын ишке ашыруунун алдынча башкарууну өнүктүрүү жөнүндө) буйругу

КР Өкмөтүнүн 2011-жылдын 28-мартындагы № 85-б буйругуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2008-жылдын 25-апрели № 168-б (КР Өкмөтүнүн 2009-жылдын 15-январындагы № 11-б, 2009-жылдын 12-августундагы № 439-б буйруктарынын редакцияларына ылайык)

"Кыргыз Республикасында 2010-жылга чейин мамлекеттик башкарууну децентралдаштыруу жана жергиликтүү өз алдынча башкарууну өнүктүрүү" Улуттук стратегиясы жөнүндө" Кыргыз Республикасынын Президентинин 2002-жылдын 17-декабрындагы Жарлыгы менен бекитилген "Кыргыз Республикасында 2010-жылга чейин мамлекеттик башкарууну децентралдаштыруу жана жергиликтүү өз алдынча башкарууну өнүктүрүү" Улуттук стратегиясын андан ары ишке ашыруу максатында:

1. "Кыргыз Республикасында 2010-жылга чейин мамлекеттик башкарууну децентралдаштыруу жана жергиликтүү өз алдынча башкарууну өнүктүрүү" Улуттук стратегиясын ишке ашыруу боюнча ушул буйрукка тиркемеге ылайык курамда Координациялык кеңеш (мындан ары - Координациялык кеңеш) түзүлсүн.

2. Координациялык кеңеш "Кыргыз Республикасында 2010-жылга чейин мамлекеттик башкарууну децентралдаштыруу жана жергиликтүү өз алдынча башкарууну өнүктүрүү" Улуттук стратегиясын ишке ашыруунун алкагында 2008-2010-жылдарга Иш-чаралардын планынын жана Координациялык кеңеш жөнүндө жобонун долбоорлорун бир айлык мөөнөттө иштеп чыксын жана белгиленген тартипте Кыргыз Республикасынын Өкмөтүнүн кароосуна киргизсин.

3. Координациялык кеңештин иш-аракетин уюштуруучулук жана методикалык жактан камсыздоо Кыргыз Республикасынын Жергиликтүү өз алдынча башкаруу иштери боюнча улуттук агенттигине (макулдашуу боюнча) жана Кыргыз Республикасынын Өкмөтүнүн Аппаратынын уюштуруу-инспектордук иштер жана региондук мониторинг бөлүмүнө жүктөлсүн.

Премьер-министр

И.Чудинов

Кыргыз Республикасынын Өкмөтүнүн 2009-жылдын 12-августундагы № 439-б буйругуна тиркеме

"Кыргыз Реепубликасында 2010-жылга чейин мамлекеттик башкарууну децентралдаштыруу жана жергиликтүү өз алдынча башкарууну өнүктүрүү" Улуттук стратегиясын ишке ашыруу боюнча Координациялык кеңештин КУРАМЫ (КР Өкмөтүнүн 2009-жылдын 12-августундагы № 439-б буйругунун редакциясына ылайык)

Айтмурзаев Н.Т. - Кыргыз Республикасынын Өкмөтүнүн Аппарат жетекчиси - министр, Координациялык кеңештин төрагасы, Бакиров Ж.Ж. - Кыргыз Республикасынын Президентинин Администрациясынын уюштуруу иштери жана мамлекеттик башкаруу саясаты бөлүмүнүн башчысынын орун басары, Координациялык кеңештин төрагасынын орун басары (макулдашуу боюнча); Бакиров М.С. - Кыргыз Республикасынын Жергиликтүү өз алдынча башкаруу иштери боюнча улуттук агенттигинин директору, Координациялык кеңештин төрагасынын орун басары (макулдашуу боюнча); Аалиев А.К. - Кыргыз Республикасынын Экономикалык өнүгүү жана соода министрлигинин статс-катчысы; Асанакунов Б.Д. - Кыргыз Республикасынын Муниципалитеттер ассоциациясынын директору (макулдашуу боюнча); Байжуманов Д.Б. - Кыргыз Республикасынын Улуттук статистика комитетинин төрагасынын биринчи орун басары (макулдашуу боюнча); Бейшенкулов Б.Т. - Кыргыз Республикасынын Өкмөтүнүн Аппаратынын уюштуруу-инспектордук иштер жана региондук мониторинг бөлүмүнүн башчысы; Ералиев Н.К. - Кыргыз Республикасынын Өкмөтүнүн Аппаратынын финансы жана кредит саясаты бөлүмүнүн башчысынын орун басары; Жумашев С.С. - Кыргыз Республикасынын Өкмөтүнө караштуу Кыймылсыз мүлккө укуктарды каттоо боюнча мамлекеттик агенттиктин директорунун орун басары; Иминов М.С. - Кыргыз Республикасынын Өкмөтүнүн Аппаратынын укуктук камсыздоо жана кадрдык кызмат бөлүмүнүн башчысы; Карашев А.А. - Ош облусунун мамлекеттик администрация башчысы - губернатор; Кенжебаев Д.Б. - Кыргыз Республикасынын айыл, суу чарба жана кайра иштетүү өнөржай министринин орун басары; Кожошев А.О. - Кыргыз Республикасынын финансы министринин орун басары; Мамбеталиев М.К. - Кыргыз Республикасынын Эмгек жана социалдык өнүктүрүү министрлигинин статс-катчысы; Олейниченко А.П. - Чүй облусунун Аламүдүн районунун Ленин айылдык округунун башчысы (макулдашуу боюнча); Салымбеков А.М. - Кыргыз Республикасынын Жогорку Кеңешинин Региондук өнүктүрүү жана жергиликтүү өз алдынча башкаруу боюнча комитетинин төрагасы (макулдашуу боюнча); Салянова А.Ж. - Кыргыз Республикасынын Юстиция министрлигинин статс-катчысы; Есеналиев М.К. - Кыргыз Республикасынын Жергиликтүү өз алдынча башкаруу иштери боюнча улуттук агенттигинин юридикалык бөлүмүнүн башчысы, Координациялык кеңештин жоопту катчысы (макулдашуу боюнча).

Кыргыз Республикасынын Өкмөтүнүн Аппарат жетекчиси - министр Н.Айтмурзаев