3-статья. Ветеринария жаатындагы укуктук жөнгө салуу

Ветеринария жаатындагы укуктук жөнгө салуу ушул Мыйзам, Кыргыз Республикасынын башка мыйзамдары жана ага ылайык кабыл алынуучу Кыргыз Республикасынын ветеринариялык мыйзамдарын түзгөн Кыргыз Республикасы- нын ветеринария жаатындагы ченемдик укуктук актылар менен ишке ашыры- лат. Ветеринария маселесин тейлеген ыйгарым укуктуу аткаруу бийлигинин органы, мамлекеттик ветеринарияны башкаруунун республикалык органы ушул Мыйзамда, Кыргыз Республикасынын башка мыйзамдарында каралган учурларда жана чекте, Кыргыз Республикасынын Президентинин жарлыгы жана тескеме- си, Кыргыз Республикасынын Өкмөтүнүн токтому жана тескемеси менен вете- ринария жаатындагы мамилелерди жөнгө салуучу нускамаларды, колдонмолор- ду, эрежелерди, токтомдорду, буйруктарды чыгарууга укуктуу, аларды юри- дикалык жактар жеке ишкерлер жана Кыргыз Республикасынын жарандары ат- карууга милдеттүү. Эгерде Кыргыз Республикасы ратификациялаган эл аралык келишимде ветеринариялык мыйзамдарда каралгандан башкача эрежелер белгиленсе, ан- да эл аралык келишимдин эрежеси колдонулат.