КР Өкмөтүнүн «Багып алуучу үй-бүлө жөнүндө» токтому

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ 2020-жылдын 21-декабры № 622 Багып алуучу үй-бүлө жөнүндө "Багып алуучу үй-бүлөнү түзүү тартибин жөнгө салуучу укуктук нормаларды өркүндөтүү максатында, Кыргыз Республикасынын Балдар жөнүндө кодексине жана "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Төмөнкүлөр бекитилсин:

- Багып алуучу үй-бүлө жөнүндө жобо, 1-тиркемеге ылайык;

- багып алган баланы багууга төлөмдөрдүн жана багып алуучу ата-энелердин эмгек акысынын өлчөмдөрү, 2-тиркемеге ылайык.

2. Кыргыз Республикасынын Өкмөтүнүн 2014-жылдын 4-августундагы № 439 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтомуна төмөнкүдөй өзгөртүүлөр киргизилсин:

- 1-пункту күчүн жоготту деп таанылсын;

- жогоруда аталган токтомдун тиркемеси күчүн жоготту деп таанылсын.

3. Кыргыз Республикасынын Өкмөтүнүн 2012-жылдын 1-октябрындагы № 670 "Багып алуучу (фостердик) үй-бүлө жөнүндө" токтому күчүн жоготту деп таанылсын.

4. Ушул токтом расмий жарыяланган күндөн тартып он күн өткөндөн кийин күчүнө кирет.

"Эркин Тоо" газетасынын 2021-жылдын 5-январындагы № 1 (3180) жарыяланды

Премьер-министрдин милдетин аткаруучу, биринчи вице-премьер-министр

А.Э. Новиков

2-тиркеме

Багып алган баланы багууга төлөмдөрдүн жана багып алуучу ата-энелердин эмгек акысынын ӨЛЧӨМДӨРҮ

1. Багып алган бир баланы багууга төлөмдөрдүн эсеби

Багып алган баланын жаш курагы

Эсептин формуласы (Баланын жашын эске алуу менен жашоо минимуму* х 2)

Бир айдагы суммасы (сом)

0дөн 7 жашка чейин

3751,85 сом х 2

7503,7

7ден 14 жашка чейин

4376,00 сом х 2

8752,00

14дөн 17 жашка чейин

4756,10 сом х 2

9512,2

2. Багып алуучу ата-эненин (багып алуучу үй-бүлөнүн) эмгек акысын эсептөө

Багып алуучу ата-энеге төлөөнүн өлчөмү, төмөнкүдөй бакканда:

Эсептин формуласы (эмгекке жарамдуу курактагы адамдар үчүн жашоо минимуму** х 1.5 + үстөк акы

Бир айдагы суммасы (сом)

Багып алган бир баланы (төлөмдүн базалык өлчөмү)

5553,52 сом х 1.5

8330,28

Багып алган эки баланы

үстөк акы + 10% төлөмдүн базалык өлчөмүнө

9163,28

Багып алган үч баланы

үстөк акы + 20% төлөмдүн базалык өлчөмүнө

9996, 33

Багып алган үч бала, анын ичинде бирөө майыптыгы менен

үстөк акы + 30% төлөмдүн базалык өлчөмүнө

10829,36

Багып алган үч бала, анын ичинде экөө майыптыгы

үстөк акы + 40% төлөмдүн базалык өлчөмүнө

11662,39

Багып алган үч бала майыптыгы менен

үстөк акы + 50% төлөмдүн базалык өлчөмүнө

12495,42

(*) Өткөн финансылык жылдын IV кварталына ылайык Кыргыз Республикасынын Улуттук статистика комитети белгилеген тиешелүү жаш курактагы балдар үчүн эки жашоо минимуму; (**) Өткөн финансылык жылдын IV кварталына ылайык ишке жарамдуу курактагы калк үчүн Кыргыз Республикасынын Улуттук статистика комитети белгилеген жашоо минимуму. Эмгек актыга жана башка социалдык төлөмдөргө кошумча төлөөнүн райондук коэффициенттери белгиленген бийик тоолуу жана алыскы зоналарда жашаган адамдарга, баланы багууга жана багып алган ата-энеге (ата-энесине) төлөмдөрдүн өлчөмү бул коэффициенттерди эсепке албастан эсептелет.