КР Өкмөтүнүн «Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин штаттык санын оптималдаштыруу жөнүндө» токтому

КР Министрлер Кабинетинин 2021-жылдын 6-августундагы № 116 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ 2020-жылдын 13-марты № 154 Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин штаттык санын оптималдаштыруу жөнүндө "Айлана-чөйрөнү коргоо жөнүндө" Кыргыз Республикасынын Мыйзамынын 35-беренесине, Кыргыз Республикасынын Граждандык кодексинин 96-98-беренелерине, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Ушул токтомдун 1-тиркемесинде аталган Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин Жаратылышты коргоо жана токой тармагын өнүктүрүүнүн республикалык жана жергиликтүү фонддору жоюлсун жана Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин борбордук аппаратына 7 штаттык бирдиги финансылык, материалдык-техникалык каражаттары менен, аймактык башкармалыктарга 7 штаттык бирдиги өткөрүп берилсин.

2. Кыргыз Республикасынын Өкмөтүнүн 2011-жылдын 22-августундагы № 473 "Кыргыз Республикасынын министрликтеринин, администрациялык ведомстволорунун жана башка мамлекеттик органдарынын штаттык санынын чеги жөнүндө" токтомуна төмөнкүдөй өзгөртүү киргизилсин:

жогоруда аталган токтомдун 1-тиркемесинде:

- 14-пунктундагы "56", "1737" жана "132" деген цифралар тиешелүү түрдө "63", "1723" жана "139" деген цифралар менен алмаштырылсын.

3. (КР Министрлер кабинетинин 2021-жылдын 19-майындагы № 11 токтомуна ылайык пункту күчүн жоготту)

4. Кыргыз Республикасынын Өкмөтүнүн 2015-жылдын 7-апрелиндеги № 201 "Жаратылышты коргоо жана токой тармагын өнүктүрүүнүн республикалык жана жергиликтүү фонддорунун, токой жана аңчылык чарбаларынын, мамлекеттик жаратылыш коруктарынын жана мамлекеттик жаратылыш парктарынын кызматкерлерине эмгек акы төлөөнүн шарттары жөнүндө" токтомуна төмөнкүдөй өзгөртүүлөр киргизилсин:

- аталышындагы жапа преамбуладагы "Жаратылышты коргоо жана токой тармагын өнүктүрүүнүн республикалык жана жергиликтүү фонддорунун, токой" деген сөздөр "Токой" деген сөз менен алмаштырылсын;

- 1-пунктунда:

төртүнчү жана бешинчи абзацтары күчүн жоготту деп таанылсын; алтынчы абзацындагы "Жаратылышты коргоо жана токой тармагын өнүктүрүүнүн республикалык жана жергиликтүү фонддорунун," деген сөздөр алып салынсын; жетинчи абзацындагы "Жаратылышты коргоо жана токой тармагын өнүктүрүүнүн республикалык жана жергиликтүү фонддорунун," деген сөздөр алып салынсын. 2-пунктунун биринчи абзацындагы, 3, 3-1 жана 4-пункттарындагы "Жаратылышты коргоо жана токой тармагын өнүктүрүүнүн республикалык жана жергиликтүү фонддорунун, токой" деген сөздөр "Токой" деген сөз менен алмаштырылсын; жогоруда аталган токтомдун 1-1 жана 2-1-тиркемелери күчүн жоготту деп таанылсын; жогоруда аталган токтомдун 4-тиркемесинде:

- аталышындагы "Жаратылышты коргоо жана токой тармагын өнүктүрүүнүн республикалык жана жергиликтүү фонддорунун, токой" деген сөздөр "Токой" деген сөз менен алмаштырылсын;

жогоруда аталган токтом менен бекитилген Жаратылышты коргоо жана токой тармагын өнүктүрүүнүн республикалык жана жергиликтүү фонддорунун, токой жана аңчылык чарбаларынын, мамлекеттик жаратылыш коруктарынын жана мамлекеттик жаратылыш парктарынын кызматкерлеринин эмгек стажын белгилөөнүн тартиби жөнүндө жободо:

- аталышындагы жана 1-пунктундагы "Жаратылышты коргоо жана токой тармагын өнүктүрүүнүн республикалык жана жергиликтүү фонддорунун, токой" деген сөздөр "Токой" деген сөз менен алмаштырылсын;

- 2-пунктунда:

экинчи-төртүнчү абзацтарындагы "Жаратылышты коргоо жана токой тармагын өнүктүрүүнүн республикалык жана жергиликтүү фонддорунда," деген сөздөр алып салынсын; бешинчи абзацы күчүн жоготту деп таанылсын;

- расмий тилдеги тексттин 5-пунктундагы "Республиканского и местных фондов охраны природы и развития лесной отрасли," деген сөздөр алып салынсын.

5. Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттиги белгиленген тартипте:

1) бир айлык мөөнөттө түзүмүн жана штаттык санын ушул токтомго ылайык келтирсин;

2) жоюу комиссиясы түзүлсүн жана үч айлык мөөнөттө ушул токтомдун 1-тиркемесинде аталган мамлекеттик мекемелерди жоюу жол-жобосун жүргүзсүн;

3) ушул токтомдон келип чыгуучу башка чараларды көрсүн.

6. Төмөнкүлөр күчүн жоготту деп таанылсын:

1) Кыргыз Республикасынын Өкмөтүнүн 2012-жылдын 12-июнундагы № 400 "Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин Жаратылышты коргоо жана токой тармагын өнүктүрүүнүн республикалык фонду жөнүндө жобону бекитүү тууралуу" токтому;

2) Кыргыз Республикасынын Өкмөтүнүн 2012-жылдын 9-октябрындагы № 696 "Кыргыз Республикасында жаратылышты коргоо жана токой тармагын өнүктүрүүнүн республикалык жана жергиликтүү фонддорун түзүү жана каражаттарын пайдалануу жөнүндө жобону бекитүү тууралуу" токтому;

3) "Кыргыз Республикасынын Өкмөтүнүн 2012-жылдын 9-октябрындагы № 696 "Кыргыз Республикасында жаратылышты коргоо жана токой тармагын өнүктүрүүнүн республикалык жана жергиликтүү фонддорун түзүү жана каражаттарын пайдалануу жөнүндө жобону бекитүү тууралуу" токтомуна толуктоолорду киргизүү жөнүндө" Кыргыз Республикасынын Өкмөтүнүн 2016-жылдын 16-сентябрындагы № 493 токтому;

4) Кыргыз Республикасынын Өкмөтүнүн 2018-жылдын 22-январындагы № 44 "Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө" токтомунун 2, 3 жана 8-пункттары.

7. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын агроөнөр жай комплекси жана экология бөлүмүнө жүктөлсүн.

8. Ушул токтом расмий жарыяланган күндөн тартып он беш күн өткөндөн кийин күчүнө кирет.

"Эркин Тоо" газетасынын 2020-жылдын 3-апрелиндеги № 32 (3104) жарыяланды

Премьер-министр

М.Д. Абылгазиев

1-тиркеме

Жоюлуучу мамлекеттик мекемелердин тизмеси

1. Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин Жаратылышты коргоо жана токой тармагын өнүктүрүүнүн республикалык фонду, жайгашкан дареги: Бишкек ш., Горький көч., 142.

2. Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин Чүй-Бишкек-Талас жаратылышты коргоо жана токой тармагын өнүктүрүүнүн жергиликтүү фонду, жайгашкан дареги: Бишкек ш., Медеров көч., 42.

3. Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин Ысык-Көл - Нарын жаратылышты коргоо жана токой тармагын өнүктүрүүнүн жергиликтүү фонду, жайгашкан дареги: Чолпон-Ата ш., Совет көч., 2.

4. Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин Ош-Баткен жаратылышты коргоо жана токой тармагын өнүктүрүүнүн жергиликтүү фонду, жайгашкан дареги: Өш ш., Курманжан-Датка көч., 130.

5. Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин Жалал-Абад жаратылышты коргоо жана токой тармагын өнүктүрүүнүн жергиликтүү фонду, жайгашкан дареги: Жалал-Абад ш., Осмонов көч., 130.

2-тиркеме

"2-тиркеме

Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин башкаруу схемасы