Аккаунтту тууралаңыз

Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Мисалы:

ИздөөПостановление

КР Өкмөтүнүн «Кыргыз Республикасынын Эмгек жана социалдык өнүктүрүү министрлигинин алдындагы „Көндүмдөрдү өнүктүрүү фонду“ мекемесин түзүү жөнүндө» токтому

Постановление2020-жылдын 13-ноябры, № 550Күчүн жоготкон

КР Министрлер Кабинетинин 2026-жылдын 2-июнундагы № 383 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2020-жылдын 13-ноябры № 550 Кыргыз Республикасынын Эмгек, социалдык камсыздоо жана миграция министрлигине караштуу"Көндүмдөрдү өнүктүрүү фонду" мекемесин түзүү жөнүндө

Кыргыз Республикасынын жарандарынын иш менен камсыз болуусун, ишканаларынын өндүрүмдүүлүгүн жана атаандаштыкка жөндөмдүүлүгүн жогорулатуу, ошондой эле 2017-жылдын 13-декабрындагы Кыргыз Республикасынын Өкмөтү менен Азия өнүктүрүү банкынын ортосундагы Гранттык макулдашууга (№ 0552-KGZ-(SF) ылайык кабыл алынган милдеттенмелерди аткаруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Эмгек, социалдык камсыздоо жана миграция министрлигине караштуу "Көндүмдөрдү өнүктүрүү фонду" мекемеси түзүлсүн.

(КР Министрлер Кабинетинин 2021-жылдын 17-декабрындагы № 318 токтомунун редакциясына ылайык )

2. Кыргыз Республикасынын Эмгек жана социалдык өнүктүрүү министрлигинин алдындагы "Көндүмдөрдү өнүктүрүү фонду" мекемесинин уставы 1-тиркемеге ылайык бекитилсин.

3. Кыргыз Республикасынын Эмгек жана социалдык өнүктүрүү министрлиги белгиленген тартипте ушул токтомдон келип чыгуучу зарыл чараларды көрсүн.

4. (КР Министрлер Кабинетинин 2022-жылдын 1-августундагы № 434 токтомуна ылайык күчүн жоготту)

5. (КР Министрлер Кабинетинин 2023-жылдын 13-декабрындагы № 675 токтомуна ылайык күчүн жоготту)

6. Кыргыз Республикасынын Президентинин жана Өкмөтүнүн Иш башкармасы Кыргыз Республикасынын Эмгек, социалдык камсыздоо жана миграция министрлигине караштуу"Көндүмдөрдү өнүктүрүү фонду" мекемесинин иштөөсү үчүн коммуналдык жана эксплуатациялык чыгымдарды төлөө шарттарында жай берсин.

(КР Министрлер Кабинетинин 2021-жылдын 17-декабрындагы № 318 токтомунун редакциясына ылайык )

7. Кыргыз Республикасынын Эмгек жана социалдык өнүктүрүү министрлиги Кыргыз Республикасынын Эмгек жана социалдык өнүктүрүү министрлигинин алдындагы "Көндүмдөрдү өнүктүрүү фонду" мекемесинин ишин каржылоону тиешелүү жылга карата бекитилген каражаттардын чегинде жүргүзсүн.

8. Ушул токтом расмий жарыяланган күндөн тартып жети жумуш күн өткөндөн кийин күчүнө кирет.

"Эркин Тоо" газетасынын 2020-жылдын 24-ноябрындагы № 96 (3168) жарыяланды

9. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык өнүктүрүү бөлүмүнө жүктөлсүн.

Премьер-министрС.Н. Жапаров
2-тиркеме
"234-тиркеме

Кыргыз Республикасынын Эмгек жана социалдык өнүктүрүү министрлигинин алдындагы "Көндүмдөрдү өнүктүрүү фонду" мекемесинин кызматкерлеринин кызматтык маянасынын өлчөмдөрү

№Кызмат орундарынын аталышыКызматтык маянанын өлчөмдөрү (сом менен)
1Аткаруучу директор23000
2Эмгек рыногу боюнча адис22000
3Окутуу боюнча адис22000
4Каржылоо боюнча адис22000
5Бишкек шаары боюнча координатор18000
6Баткен облусу боюнча координатор18000
7Жалал-Абад облусу боюнча координатор18000
8Ысык-Көл облусу боюнча координатор18000
9Нарын облусу боюнча координатор18000
10Ош облусу боюнча координатор18000
11Талас облусу боюнча координатор18000
12Чүй облусу боюнча координатор18000

Эскертүү:

1) ушул тиркеменин 1-4-позицияларында каралган кызматкерлердин эмгек акысын каржылоо 2022-жылдын 31-декабрына чейин Азия өнүктүрүү банкынын гранттык каражаттарынын эсебинен "Секторду өнүктүрүү программасы: Инклюзивдүү өсүү үчүн көндүмдөр" долбоорунун алкагында жана андан ары 2023-жылдын 1-январынан тартып атайын каражаттардын эсебинен жүргүзүлөт;

2) ушул тиркеменин 5-12-позицияларында каралган кызматкерлердин эмгек акысын каржылоо 2022-жылдын 1-январынан тартып атайын каражаттардын эсебинен жүргүзүлөт.".

ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Документтин байланыштары

шилтеме берет: 5 · цитата келтиргендер: 5 · байланышкандар: 2

Цитата келтиргендер (5)

Шилтеме берет (5)

5 ичинен 4 көрсөтүлдү. Толук тизме - шилтемелер панелинде.

Байланышкан документтер (2)

Булактын (cbd.minjust.gov.kg) маалыматы боюнча, кайсы акт кайсыга шилтеме берери көрсөтүлбөйт.