113-статья. Жумуш эмес майрам күндөрү

Кыргыз Республикасында жумуш эмес майрам күндөрү болуп төмөнкүлөр саналат: 1-январь - Жаңы жыл; 23-февраль - Ата-Журтту коргоонун күнү; 8-март - Аялдардын эл аралык күнү; 21-март - Элдик Нооруз майрамы; (алтынчы абзац КР 2012-жылдын 5-июлундагы № 97 Мыйзамына ылайык күчүн жоготту) 7-апрель - Элдик Апрель революциясы күнү; 1-май - Эмгек майрамы; 5-май - Кыргыз Республикасынын Конституциясынын күнү; 9-май - Жеңиш күнү; 31-август - Кыргыз Республикасынын Көз карандысыздыгынын күнү; 7 жана 8-ноябрь - Тарых жана ата-бабаларды эскерүү күндөрү. Ай календары боюнча аныкталуучу "Орозо айт" жана "Курман айт" мусулман майрамдары жана 7-январь - Ыйса Пайгамбардын туулган күнү (православия рождествосу) жумушчу эмес майрам күндөрү болуп саналат. Дем алыш күнүнө жана жумуш эмес майрам күнүнө туш келип калганда дем алыш күн майрамдан кийинки жумуш күнүнө которулат. Кызматкерлердин дем алыш жана жумуш эмес майрам күндөрдү рационалдуу пайдалануу үчүн Кыргыз Республикасынын Өкмөтү дем алыш күндөрү башка күндөргө которууга укуктуу. (КР 2008-жылдын 17-мартындагы № 21, 2009-жылдын 30-мартындагы № 103, 2012-жылдын 5-июлундагы № 97, 2012-жылдын 20-ноябрындагы № 185, 2016-жылдын 6-апрелиндеги № 34, 2017-жылдын 20-ноябрындагы № 190 Мыйзамдарынын редакцияларына ылайык)