Кыргыз Республикасынын Өкмөтүнүн «Кыргыз Республикасынын Куралдуу Күчтөрүнүн, башка аскердик түзүлүштөрүнүн, мыйзамда аскердик кызмат каралган мамлекеттик органдардын аскер кызматчыларына убактылуу турак жайды (жашоо аянтын) жалдагандыгы үчүн акчалай компенсацияны төлөө жөнүндө» токтому

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2017-жылдын 11-декабры № 800

Кыргыз Республикасынын Куралдуу Күчтөрүнүн, башка аскердик түзүлүштөрүнүн, мыйзамда аскердик кызмат каралган мамлекеттик органдардын аскер кызматчыларына жана укук коргоо органдарынын кызматкерлерине убактылуу турак жайды (жашоо аянтын) жалдагандыгы үчүн акчалай компенсацияны төлөө жөнүндө

Аскер кызматчыларына жана укук коргоо органдарынын кызматкерлерине убактылуу турак жайды (жашоо аянтын) жалдагандыгы үчүн акчалай компенсация төлөө маселелерин тартипке салуу максатында, "Аскер кызматчыларынын статусу жөнүндө" жана "Кыргыз Республикасынын укук коргоо органдарында кызмат өтөө жөнүндө" Кыргыз Республикасынын мыйзамдарына, Кыргыз Республикасынын прокуратурасы жөнүндө" Кыргыз Республикасынын конституциялык Мыйзамына, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат: (КР Өкмөтүнүн 2020-жылдын 27-январындагы № 33, 2025-жылдын 17-январындагы № 20 токтомдорунун редакцияларына ылайык)

ТОКТОМ КЫЛАТ:

1. Кыргыз Республикасынын Куралдуу Күчтөрүнүн, башка аскердик түзүлүштөрүнүн, мыйзамда аскердик кызмат каралган мамлекеттик органдардын аскер кызматчыларына жана укук коргоо органдарынын кызматкерлерине турак жайды (жашоо аянтын) убактылуу жалдагандыгы үчүн акчалай компенсация төлөө жөнүндө тиркелген жобо бекитилсин.

(КР Өкмөтүнүн 2020-жылдын 27-январындагы № 33 токтомунун редакциясына ылайык)

2. Аскер кызматчыларына/кызматкерлерге убактылуу турак жайды (жашоо аянтын) жалдагандыгы үчүн акчалай компенсация жашаган регионуна жараша иш жүзүндөгү баалар боюнча, бирок Бишкек шаарында суткасына 500 сомдон, ал эми региондордо суткасына 420 сомдон көп эмес төлөнөт.

(КР Министрлер Кабинетинин 2025-жылдын 4-апрелиндеги № 178 токтомунун редакциясына ылайык)

3. Коргоо маселелерин тескеген ыйгарым укуктуу мамлекеттик орган аскер кызматчыларынын турак жайды (жашоо аянтын) убактылуу жалдагандыгы үчүн акчалай компенсация төлөөнү аныктоо боюнча Кыргыз Республикасынын Өкмөтүнүн ыйгарым укуктарын белгилөөгө багытталган "Аскер кызматчыларынын статусу жөнүндө" Кыргыз Республикасынын Мыйзамына өзгөртүүлөрдү киргизүүлөрдү караган ченемдик укуктук актынын долбоорун белгиленген тартипте демилгелесин.

4. Ушул токтом расмий жарыяланган күндөн тартып он күн өткөндөн кийин күчүнө кирет.

5. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын коргоо, укуктук тартип жана өзгөчө кырдаалдар бөлүмүнө жүктөлсүн.

Премьер-министр

С. Исаков

Тиркеме

Кыргыз Республикасынын Куралдуу Күчтөрүнүн, башка аскердик түзүлүштөрүнүн, мыйзамда аскердик кызмат каралган мамлекеттик органдардын аскер кызматчыларына жана укук коргоо органдарынын кызматкерлерине убактылуу турак жайды (жашоо аянтын) жалдагандыгы үчүн акчалай компенсацияны төлөө жөнүндө ЖОБО

1. Ушул Жобо Кыргыз Республикасынын Куралдуу Күчтөрүнүн, башка аскердик түзүлүштөрүнүн жана мыйзамда аскердик кызмат каралган мамлекеттик органдардын аскер кызматчыларына (мындан ары - аскер кызматчылары) жана укук коргоо органдарынын кызматкерлерине (мындан ары - кызматкерлер) аларды турак жай (жашоо аянты) менен камсыздоо мүмкүн болбогон жана аскер кызматчыларынын/кызматкерлердин жана алар менен бирге жашаган үй-бүлө мүчөлөрүнүн менчигинде турак жай (жашоо аянты) жок болгон учурда убактылуу турак жайды (жашоо аянтын) жалдагандыгы үчүн акчалай компенсацияны (мындан ары - компенсация) төлөө тартибин аныктайт.

(КР Өкмөтүнүн 2020-жылдын 27-январындагы № 33 токтомунун редакциясына ылайык)

2. Аскер кызматчыларына/кызматкерлерине убактылуу турак жайды (жашоо аянтын) жалдагандыгы үчүн акчалай компенсация жашаган регионуна жараша иш жүзүндөгү баалар боюнча, бирок Бишкек шаарында суткасына 300 сомдон, ал эми региондордо суткасына 250 сомдон көп эмес төлөнөт.

Кыргыз Республикасынын Улуттук коопсуздук мамлекеттик комитетинин Чек ара кызматын кошпогондо, Кыргыз Республикасынын Улуттук коопсуздук мамлекеттик комитетинин аскер кызматчылары үчүн убактылуу турак жайды (жашоо аянтын) жалдагандыгы үчүн акчалай компенсация Бишкек шаарында суткасына 500 сом, ал эми региондордо суткасына 420 сом өлчөмүндө төлөнөт. (КР Министрлер Кабинетинин 2024-жылдын 9-августундагы № 459 токтомунун редакциясына ылайык)

3. Кыргыз Республикасынан сырткары окууга жөнөтүлгөн аскер кызматчылары/кызматкерлер жашоо аянты менен камсыз кылынбаган учурда, аларга Бишкек шаарында иш сапар учурунда төлөнүүчү суткалык чыгымдардын ченеминин 50 пайызынан ашпаган өлчөмүндө турак жайды (жашоо аянтын) убактылуу ижарага алгандыгы үчүн ай сайын акчалай компенсация төлөнөт.

(КР Өкмөтүнүн 2020-жылдын 27-январындагы № 33 токтомунун редакциясына ылайык)

4. Кыргыз Республикасынын аймагынын чектеринде кызмат өтөгөн аскер кызматчылары, укук коргоо органдарында кызмат өтөгөн кызматкерлер, ошондой эле Кыргыз Республикасынын жогорку аскердик окуу жайынын үй-бүлөлүү курсанттары (үй-бүлөлүк жатаканасы жок болсо), акчалай компенсация төлөө жөнүндө белгиленген тартипте рапорт жана төмөнкүдөй документтерди беришет:

1) аскер кызматчысы/кызматкер менен ижара берүүчүнүн турак жайды (жашоо аянтын) ижарага берүү жөнүндө келишиминин көчүрмөсү;

2) аскердик кызмат өтөгөн жери, укук коргоо органдарында кызмат өтөгөн жери, ошондой эле мурдагы аскердик кызмат өтөгөн, укук коргоо органдарында кызмат өтөгөн жери боюнча мамлекет тарабынан турак жай менен камсыз кылынбагандыгы тууралуу маалымкат;

3) кыймылсыз мүлккө укуктарды каттоо чөйрөсүндөгү ыйгарым укуктуу органдын аскер кызматчысынын аскердик кызмат өтөгөн жери боюнча, кызматкердин укук коргоо органдарында кызмат өтөгөн жери боюнча жана алар менен бирге жашаган үй-бүлө мүчөлөрүнүн менчигинде турак жайдын (жашоо аянтынын) жок экендиги тууралуу маалымкаты;

4) аскер кызматчысынын/кызматкердин үй-бүлөсүнүн курамы тууралуу маалымкат;

5) (КР Министрлер Кабинетинин 2023-жылдын 18-апрелиндеги № 212 токтомуна ылайык күчүн жоготту)

6) жеке ишкердин (ижарачынын) мамлекеттик каттоодон өткөндүгү жөнүндө күбөлүгүнүн көчүрмөсү, жашоо аянтын ижарага берген мезгили үчүн салык төлөгөндүгү тууралуу төлөө документтеринин көчүрмөсүн тиркөө менен;

7) ижарага алынган турак жайды (жашоо аянтын) комиссиялык текшерүү актысы.

(КР Өкмөтүнүн 2020-жылдын 27-январындагы № 33, КР Министрлер Кабинетинин 2023-жылдын 18-апрелиндеги № 212 токтомдорунун редакциясына ылайык)

5. Кыргыз Республикасынын чектеринен сырткары окууга жөнөтүлгөн аскер кызматчылары/кызматкерлер акчалай компенсацияны төлөө жөнүндө белгиленген тартипте рапортту төмөнкүдөй документтер менен чогу беришет:

1) окуган жеринен турак жайды (жашоо аянтын) ижарага алгандыгы тууралуу келишимдин көчүрмөсүн;

2) окуган жеринен турак жай менен камсыз кылынбагандыгы жөнүндө маалымкатты.

(КР Өкмөтүнүн 2020-жылдын 27-январындагы № 33 токтомунун редакциясына ылайык)

6. Берилген документтердин тууралыгына аскер кызматчысы/кызматкер жеке жоопкерчилик тартат.

(КР Өкмөтүнүн 2020-жылдын 27-январындагы № 33 токтомунун редакциясына ылайык)

7. Аскер кызматчыларына/кызматкерлерге акчалай компенсация турак жайды жалдоо жөнүндө келишим түзүлгөн күндөн баштап төлөнөт.

Мындай учурда аскер кызматчылары/кызматкерлер акчалай компенсацияны алуу үчүн 4 жана 5-пункттарда көрсөтүлгөн документтерди турак жайды (жашоо аянтын) ижарага алуу жөнүндө келишим түзүлгөн күндөн тартып бир айдын ичинде финансы органына тапшырышат. Документтерди берүүнүн көрсөтүлгөн мөөнөтү бузулган учурда, белгиленген өлчөмдөрдө берилген квитанциялар менен ырасталуучу анык чыгымдар боюнча келишим түзүлгөн күндөн баштап төлөнүүчү акчалай компенсация Кыргыз Республикасынын чегинен тышкары окууда жүргөн аскер кызматчыларын/кызматкерлерди кошпогондо финансы органына документтер берилген күндөн баштап төлөнөт. (КР Өкмөтүнүн 2020-жылдын 27-январындагы № 33 токтомунун редакциясына ылайык)