Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 50 жообу - акысыз.

Мисалы:

ИздөөЗакон

КР «Медиация жөнүндө» Кыргыз Республикасынын Мыйзамынын кабыл алыиышына байланыштуу айрым мыйзам актыларына өзгөртүүлөрдү киргизүү тууралуу» Мыйзамы

Закон2022-жылдын 6-июну, № 41Күчүндө

КЫРГЫЗ РЕСПУБЛИКАСЫНЫН МЫЙЗАМЫ 2022-жылдын 06-июну № 41 «Медиация жөнүндө» Кыргыз Республикасынын Мыйзамынын кабыл алыиышына байланыштуу айрым мыйзам актыларына өзгөртүүлөрдү киргизүү тууралуу (КР 2025-жылдын 23-январындагы № 24 Мыйзамынын редакциясына ылайык) 1- берене

Кыргыз Республикасынын Граждандык кодексинин I белүгүнө (Кыргыз Республикасынын Жогорку Кеңешинин Ведомосттору, 1996-ж., № 6, 80-ст.) төмөнкүдөй өзгөртүү киргизилсин: 218-статьянын биринчи бөлүгү төмөнкүдөй редакцияда баяндалсын: «Доонун эскирүү мөөнөтүнүн өтүшү төмөнкүлөр аркылуу үзгүлтүккө учурайт:

1) белгиленген тартипте доо коюу;

2) милдеттүү адамдын карызды же башка милдеттенмелерди таануусун күбөлөндүрүүчү аракеттерди жасашы;

3) медиация чөйрөсүндөгү мыйзамдарга ылайык соттон тышкаркы тартипте, медиация аркылуу талаш-тартышты жөнгө салууга тараптардын өз ара макулдугу.».

2- берене

Кыргыз Республикасынын Үйбүлө кодексине (Кыргыз Республикасынын Жогорку Кеңешинин Жарчысы, 2004-ж., № 1, 1-ст.) төмөнкүдөй өзгөртүү киргизилсин:

21-статья

21-статья төмөнкудөй мазмундагы экинчи бөлүк менен толукталсын «Жашы жете элек жалпы балдары жок, эмгекке жарамдуу жана аракетке жөндөмдүү жубайлар медиация чөйрөсүндөгү мыизамдарга ылайык медиация жол-жоболорун жүргүзүү аркылуу алардын жалпы мүлкүн бөлүү жөнүндө талаш-тартыштарды өз ара макулдашуу менен чечүүгө укуктуу.».

3- берене (КР 2025-жылдын 23-январындагы № 24 Мыйзамына ылайык күчүн жоготту)

4- берене

«Мамлекеттик жарандык кызмат жана муниципалдык кызмат жөнүндө» Кыргыз Республикасынын Мыйзамына («Эркин-Тоо» газетасы, 2021-жылдын 2-ноябры, № 113-114) төмөнкүдөй өзгөртүү киргизилсин: 15-берененин 1 -бөлүгү төмөнкүдөй мазмундагы 17-пункт менен толукталсын: «17) медиатор катары иш жүргүзүүгө.».

5- берене

«Кыргыз Республикасынын Адвокатурасы жана адвокаттык иш жөнүндө» Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2014-ж., № 7, 711 -ст.) төмөнкүдөй өзгөртүүлөр киргизилсин: 25-берененин 2-бөлүгүндө:

а) 2-пунктунун «в» пунктчасы «тергөөчү,» деген сөздөн кийин «медиатор,» деген сөз менен толукталсын;

б) бөлүк төмөнкүдөй мазмундагы 6-пункт менен толукталсын:

«6) эгерде ал ушул иш боюнча медиация тараптарынын бирине юридикалык жардам көрсөтүп жатса же мурда көрсөткөн болсо, медиатор катары чыгууга.».

6- берене

Ушул Мыйзам расмий жарыяланган күндөн тартып он куң өткөндөн кийин күчүнө кирет. “Эркин-Тоо” газетасынын 2022-жылдын 10-июнундагы № 51 санында жарыяланган

Кыргыз Республикасынын Президенти

С.Н. Жапаров

Кыргыз Республикасынын Жогорку Кеңеши тарабынан кабыл алынган

2022-жылдын 21-апрелинде

ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 50 жообу - акысыз.

Документтин байланыштары

шилтеме берет: 6 · цитата келтиргендер: 6 · байланышкандар: 2

Цитата келтиргендер (6)

Шилтеме берет (6)

Байланышкан документтер (2)

Булактын (cbd.minjust.gov.kg) маалыматы боюнча, кайсы акт кайсыга шилтеме берери көрсөтүлбөйт.

2 ичинен 1 көрсөтүлдү. Толук тизме - шилтемелер панелинде.