5-берене. Укук бузуулардын алдын алуу принциптери

Укук бузуулардын алдын алуу төменкү принциптердин негизинде жүзөгө ашырылат:

1) адамдын укуктарынын жана эркиндиктеринин артыкчылыгы, укук бузуулардын алдын алуу субъекттеринин адамдын укуктарын жана эркиндиктерин камсыз кылуу үчүн жоопкерчилиги;

2) мыйзамдуулук;

3) укук бузуулардын алдын алууну жүзөгө ашырууда мамиленин системалуулугун жана бирдиктуүлүгүн камсыз кылуу;

4) укук бузуулардын алдын алууда көрүлгөн чаралардын ачык-айкындуулугу, үзгүлтүксүздүгү, ырааттуулугу, өз убагындалыгы, объективдүүлүгү, жетиштүүлүгү жана илимий негиздүүлүгү;

5) укук бузуулардын алдын алууну жүзөгө ашыруудагы компетенттүүлүк жана комплекстүүлүк;

6) укук бузуулардын алдын алуу субъекттеринин ортосундагы кызматташуу жана өз ара аракеттенүү.