1-берене

Кыргыз Республикасынын Суу кодексине (Кыргыз Республикасынын Жогорку Кеңешинин Жарчысы, 2005-ж., № 4, 62-ст.) төмөнкүдөй өзгөртүүлөр киргизилсин:

1) 62-статьяда:

а) статья "муз даярдоо" деген сөздөрдөн мурда "Давыдов жана Лысый мөңгүлөрүндөгү иш-аракеттерди кошпогондо," деген сөздөр менен толукталсын;

б) төмөнкүдөй мазмундагы 2 жана 3-бөлүктөр менен толукталсын:

"Ушул алып таштоолор Давыдов жана Лысый мөңгүлөрүнө мурунку таасир этүүлөргө жайылтылбайт. Ушул сыяктуу иш-аракеттерди жүзөгө ашыруу мүмкүнчүлүгү жөнүндө корутунду көз карандысыз экспертизанын натыйжаларын эске алуу менен, ыйгарым укуктуу орган тарабынан кабыл алынат.";

2) 67-статьянын 2-пунктунун биринчи абзацында "Агым" деген сөздөн мурда "Ушул Кодекстин 62-статьясында каралган учурларды кошпогондо," деген сөздөр менен толукталсын.