КР «Коррупция жана экономика чөйрөсүндөгү кылмыштар менен натыйжалуу күрөшүүнү камсыз кылуу максатында укук коргоо органдарынын тутумун реформалоого байланыштуу айрым мыйзам актыларына өзгөртүүлөрдү киргизүү жөнүндө» Мыйзамы

1-берене. (КР 2023-жылдын 3-мартындагы № 49 Мыйзамына ылайык күчүн жоготту)

2-берене. (КР 2025-жылдын 23-январындагы № 24 Мыйзамына ылайык күчүн жоготту)

3-берене. (КР 2025-жылдын 26-июнундагы № 127 Мыйзамына ылайык күчүн жоготту)

4-берене. "Кыргыз Республикасынын жарандарынын жалпыга бирдей аскердик милдети жөнүндө, аскердик жана альтернативдик кызматтар жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2009-ж., № 2, 116-ст.) төмөнкүдөй өзгөртүүлөр киргизилсин:

1) 12-беренеде:

а) 1-бөлүгүнүн алтынчы абзацы күчүн жоготту деп таанылсын;

б) 5-бөлүгүндө "баңги заттарды контролдоо," деген сөздөр алып салынсын.

5-берене. "Аскердик наамдарды, класстык чендерди, атайын класстык чендерди жана атайын наамдарды белгилөө жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 1999-ж., № 8, 396-ст.) төмөнкүдөй өзгөртүүлөр киргизилсин:

1) 3-статьянын 1-бөлүгүнүн биринчи абзацындагы:

а) "баңгизаттарды контролдоо чөйрөсүндөгү ыйгарым укуктуу мамлекеттик орган," деген сөздөр алып салынсын;

б) "каржы полициясынын органдарынын" деген сөздөр "экономикалык кылмыштарга каршы күрөшүү боюнча органдардын" деген сөздөргө алмаштырылсын;

2) 5-статьяда:

а) "каржы полициясынын" деген сөздөр "экономикалык кылмыштарга каршы күрөшүү боюнча органдардын" деген сөздөргө алмаштырылсын;

б) "баңгизаттарды контролдоо чөйрөсүндөгү ыйгарым укуктуу мамлекеттик органынын," деген сөздөр алып салынсын;

3) 151-статья күчүн жоготту деп таанылсын;

4) тиркемесинде "Баңгизаттарды контролдоо чөйрөсүндөгү ыйгарым укуктуу мамлекеттик органдын кызматкерлеринин атайын наамдары" деген графасы алып салынсын.

6-берене. (КР 2021-жылдын 27-октябрындагы № 125 мыйзамына ылайык күчүн жоготту)

7-берене.

1. Төмөнкүлөр күчүн жоготту деп таанылсын:

1) "Кыргыз Республикасынын Банги заттарды контролдоо боюнча органы жөнүндө" Кыргыз Республикасынын 2013-жылдын 11-мартындагы № 39 Мыйзамы (Кыргыз Республикасынын Жогорку Кеңешинин Жарчысы, 2013-ж., № 3, 223 ст.);

2) "Кыргыз Республикасынын айрым мыйзам актыларына толуктоо жана өзгөртүүлөрдү киргизүү жөнүндө" Кыргыз Республикасынын 2014-жылдын 14-ноябрындагы № 152 Мыйзамынын 6-беренеси (Кыргыз Республикасынын Жогорку Кеңешинин Жарчысы, 2014-ж., № 10, 873 ст.);

3) "Кыргыз Республикасынын айрым мыйзам актыларына толуктоолорду киргизүү жөнүндө" Кыргыз Республикасынын 2015-жылдын 8-апрелиндеги № 73 Мыйзамынын 1 жана 3-беренелери (Кыргыз Республикасынын Жогорку Кеңешинин Жарчысы, 2015-ж., № 4, 348 ст.).

2. Кыргыз Республикасынын Өкмөтү ушул Мыйзам күчүнө кирген күндөн тартып алты айлык мөөнөттө ушул Мыйзамды ишке ашыруу боюнча зарыл чараларды көрсүн.

3. Ушул Мыйзам расмий жарыяланган күндөн тартып он күн өткөндөн кийин күчүнө кирет.

"Эркин Тоо" газетасынын 2017-жылдын 4-августунда № 91 (2816) жарыяланды

Кыргыз Республикасынын Президенти

А.Ш. Атамбаев

2017-жылдын 29-июнунда

Кыргыз Республикасынын Жогорку Кеңеши тарабынан кабыл алынган