290-берене. Атмосфераны булгоо

1. Булгоочу заттарды атмосферага чыгаруунун эрежелерин атайылап же этиятсыз бузуу же орнотмолорду, курулмаларды жана башка объекттерди пайдалануудагы бузуулар этиятсыздыктан олуттуу зыян келтирсе, -

IV категориядагы белгилүү бир кызмат ордун ээлөө, же болбосо белгилүү бир иш менен алектенүү укугунан ажыратууга же IV категориядагы түзөтүү жумуштарына, же V категориядагы айып салууга, же I категориядагы эркиндигинен ажыратууга жазаланат.

2. Өзгөчө корголуучу жаратылыштык аймакта же болбосо чукул экологиялык кырдаалдагы аймакта жасалган оор зыян же болбосо олуттуу залал келтирген ошол эле жосун, ошого тете эле тазалагыч курулмалары жана түзүлүштөрү болбогон же тазалагыч курулмалары бузулган ишканаларды, рекреация объекттерин, коммуналдык жана башка жарандык жана коммерциялык объекттерди талаптагыдай эмес пайдалануу, -

IV категориядагы белгилүү бир кызмат ордун ээлөө, же болбосо белгилүү бир иш менен алектенүү укугунан ажыратуу менен VI категориядагы айып салууга же VI категориядагы айып салууга же II категориядагы эркиндигинен ажыратууга жазаланат. (КР 2020-жылдын 21-августундагы № 137 Мыйзамынын редакциясына ылайык)