262-берене. Өзгөчө өндүрүш тартибинде сот тарабынан каралуучу иштер

1. Өзгөчө өндүрүш тартибинде сот төмөнкүдөй иштерди карайт:

1) юридикалык мааниси бар фактыларды аныктоо жөнүндө;

2) баланы асырап алуу жөнүндө;

3) көзөмөлчүлүктү (камкорчулукту) аныктоо жөнүндө;

4) балдарды интернат мекемелерине жөнөтүү жөнүндө;

5) жаранды дайынсыз жоголгон деп таануу же жаранды өлгөн деп жарыялоо жөнүндө;

6) жаранды аракетке жөндөмдүүлүгү чектелүү же аракетке жөндөмсүз деп таануу жөнүндө, аракетке жөндөмдүүлүгүн калыбына келтирүү тууралуу;

7) жашы жете электи аракетке толук жөндөмдүү деп таануу (эмансипация) жөнүндө;

8) кыймылдуу мүлктү ээсиз деп таануу жөнүндө жана ээсиз кыймылсыз мүлккө карата муниципалдык менчик укугун таануу жөнүндө;

9) жоголуп кеткен, көрсөтүүчүгө төлөнүүчү баалуу кагаздарга карата жана ордердик баалуу кагаздарга укукту калыбына келтирүү жөнүндө (чакыртуу өндүрүшү);

10) жаранды психиатриялык стационарга мажбурлап жаткыруу жөнүндө;

11) жоготулган сот өндүрүшүн калыбына келтирүү жөнүндө арыздар боюнча;

12) (КР 2020-жылдын 11-апрелиндеги № 39 Мыйзамына ылайык күчүн жоготту)

13) (КР 2020-жылдын 11-апрелиндеги № 39 Мыйзамына ылайык күчүн жоготту)

14) нотариустун актыларын, жасалган нотариалдык аракеттерди же аларды жасоодон баш тартууну талашуу жөнүндө арыздар боюнча.

2. Кыргыз Республикасынын мыйзамдары менен башка иштер да өзгөчө өндүрүшкө таандык кылынышы мүмкүн.

(Кыргыз Республикасынын 2020-жылдын 11-апрелиндеги № 39, 2023-жылдын 11-апрелиндеги № 85, 2026-жылдын 6-апрелиндеги № 40 Мыйзамдарынын редакцияларына ылайык)