7-берене. Административдик сот өндүрүшүнүн негизги принциптери

1. Административдик сот өндүрүшү төмөнкүдөй негизги принциптерге негизденет:

1) судьялардын көз карандысыздыгы;

2) укуктун үстөмдүгү;

3) мыйзамдуулук;

4) бардыгынын мыйзам жана сот алдында теңдиги;

5) объективдүү иликтөө;

6) соттук териштирүүнүн айкындуулугу жана ачыктыгы;

7) соттук чечимдердин милдеттүүлүгү;

8) сот өндүрүшүнүн оозеки өтүшү.

2. Административдик сот өндүрүшүндө ошондой эле ушул берененин 1-бөлүгүндө каралбаган соттордун тажырыйбасында калыптанган жана укук теориясында өнүгүүгө ээ болгон башка принциптер колдонулат.