1-берене

"Сугат айдоо жерлерин жарактуу жерлердин башка категорияларына жана түрлөрүнө которууга (трансформациялоого) мораторий киргизүү жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2009-ж., № 7, 767-ст.) төмөнкүдөй өзгөртүү киргизилсин: 1-беренеде: 2-бөлүгү "Сугат айдоо жерлерин" деген сөздөрдөн кийин "бонитетинин балы 40тан төмөн көп жылдык мөмө-жемиш дарактары өстүрүлгөн жерлерге, ошондой эле" деген сөздөр менен толукталсын; 3-бөлүгү "жерлер" деген сөздөн кийин "жерлердин башка категорияларына которулушу же" деген сөздөр менен толукталсын; берене төмөнкүдөй мазмундагы 4-бөлүк менен толукталсын: "Ушул берененин 2-бөлүгүнө ылайык Айыл чарбасына жарактуу жерлердин мамлекеттик фондунун сугат айдоо жерлерин көп жылдык мөмө-жемиш дарактары өстүрүлгөн жерге, жерлердин түрлөрүнө которууга жол берилбейт.".