43-статья. Аргасыз жер которуучулардын алардын ден соолугуна жана мүлкүнө келтирилген зыяндарды калыбына келтирүү укуктары

1. Ушул Мыйзамдын 33, 35 жана 37-статьяларында көрсөтүлгөн жарандардын категориялары өздөрүнүн саламаттыгына жана мүлкүнө келтирилген зыяндарды Кыргыз Республикасынын Министрлер Кабинети аныктаган өлчөмдө калыбына келтирүүгө укуктуу.

2. Ушул Мыйзамдын 34-статьясында көрсөтүлгөн экологиялык кырсыктын натыйжасында жапа чегишкен экологиялык жер которуучулар жана жарандар өмүрүнүн акырына чейин милдеттүү адистешкен медициналык байкоодо турууга жатат. Бул жарандарга медициналык жардамдарды көрсөтүү жана аларга диспансердик байкоо жүргүзүү, ошондой эле диспансердик жардамдарды көрсөтүүнүн жана жүргүзүүнүн тартиби Кыргыз Республикасынын Министрлер Кабинетинин ыйгарым укуктуу органдары аныктаган тизмедеги саламаттыкты сактоо мекемелери тарабынан жүзөгө ашырылат.

3. Ушул статьяда көрсөтүлгөн экологиялык же табигый кырсыкка байланыштуу себептерден улам ооруп калган же майыптык алган жарандарды тактоо медициналык-социалдык эксперттик комиссиялар (МСЭК), Кыргыз Республикасынын Министрлер Кабинетинин ыйгарым укуктуу башка органдары тарабынан ишке ашырылат. Экологиялык же табигый кырсыктан жапа чеккендердин таптакыр же убактылуу ишке жарамсыздыгын көрсөтүлгөн комиссиялар мындай байланыштар болбогон учурда табылды деп белгилейт.

4. Көрсөтүлгөн медициналык-социалдык эксперттик комиссиялардын (МСЭК) чечимдери канааттандырбаган жарандар ишти кайталап кароо өтүнүчү менен Республикалык медициналык-социалдык эксперттик комиссияга экологиялык же табигый кырсыктан улам ооруп калгандыгына жана майыптыгына байланыштуу себептерди белгилөө үчүн кайрылууга укуктуу.

(Кыргыз Республикасынын 2002-жылдын 16-октябрындагы № 144, 2016-жылдын 22-июлу № 131, 2024-жылдын 15-февралындагы № 47 Мыйзамдарынын редакцияларына ылайык) Эскертүү: Кыргыз Республикасынын 2024-жылдын 15-февралындагы № 47 Мыйзамы менен киргизилген өзгөртүүлөр, эч кандай сөз тиешелүү жөндөмөлөрдөгү формаларын каралган эмес.