60-берене

1. Жогорку Кеңеш өз курамынан Жогорку Кеңештин Төрагасын жана анын

орунбасарларын шайлайт.

2. Жогорку Кеңештин Төрагасы:

1) Жогорку Кеңештин жыйналыштарын алып барат;

2) Жогорку Кеңештин жыйналыштарында каралуучу маселелерди даярдоо-

го жалпы жетекчилик кылат;

3) Жогорку Кеңеш кабыл алган актыларга кол коет;

4) Кыргыз Республикасында жана андан тышкаркы жерлерде Жогорку Ке-

ңештин атынан чыгат, Жогорку Кеңештин Президент, Өкмөт, мамлекеттик бийликтин аткаруу жана сот бутактары, жергиликтүү өзалдынча башкаруу органдары менен өзара байланышын камсыз кылат;

5) Жогорку Кеңештин Аппаратынын ишине жалпы жетекчиликти ишке ашы-

рат жана контролдук кылат;

6) Жогорку Кеңештин ишин уюштуруу боюнча Жогорку Кеңештин Регла-

ментинде ага жүктөлгөн дагы башка ыйгарым укуктарды ишке ашырат.

3. Жогорку Кеңештин Төрагасы Жогорку Кеңештин депутаттарынын жалпы

санынын көпчүлүк добушу менен жашыруун добуш берүү аркылуу шайланат. Төрага Кыргыз Республикасынын Жогорку Кеңешине отчет берет жана Жогорку Кеңештин депутаттарынын жалпы санынын үчтөн экисинен кем эмес көпчүлүк добуш менен кабыл алынган Жогорку Кеңештин чечими боюнча кайра чакыртып алынышы мүмкүн.

4. Жогорку Кеңештин Төрагасынын орунбасарлары жашыруун добуш берүү

менен шайланат, Төраганын тапшырмасы боюнча анын айрым милдеттерин ат- карат жана Төрага жок учурда аны алмаштырат. Жогорку Кеңештин Төрагасы- нын орунбасарлары Жогорку Кеңештин Регламентинде каралган тартипте кай- ра чакыртып алынат.