Жерге-Тал айылдык кеңешинин (алкоголдук ичимдиктерди сатууга чектөө киргизүү жөнүндө) токтому

ЖЕРГЕ-ТАЛ АЙЫЛДЫК КЕӉЕШИ ТОКТОМ Депутаттардын Жерге-Тал айылдык кеңешинин ХVII сессиясы 2019-жылдын 14-февралы № 21/2 Кыргыз Республикасынын Конституциясынын 8 бөлүмүнүн 1 жана 3 пунктуна ылайык, этил спирти жана алкоголдук продукцияны өндүрүүнү жана жүгүртүүнү, алкаголдук продукцияны, сергитүүчү алкоголсуз жана алкоголу аз ичимдиктерди чекене сатууну жана керектөөнү мамлекеттик жөнгө салуу жөнүндө Кыргыз Республикасынын 2009-жылдын 13-октябрындагы № 269 Мыйзамын аткарууга алуу менен Жерге-Тал айыл өкмөтүнүн тургундарынын 2019-жылдын «25» январынын № 2 протоколунун негизинде алкоголдук ичимдиктерди сатууга чектөө киргизүү жөнүндө Жерге-Тал айылдык Кенеши токтом кылат:

1. Жерге-Тал айыл өкмөтүндөгү Чолок-Кайын, Жерге-Тал айылдарында алкоголдук ичимдиктерди сатууга чектөө киргизүү максатында Кыргыз Республикасынын 2009-жылдан 13-октябрындагы №269 мыйзамынын 8 беренесинин баардык бөлүмчөлөрүндө көрсөтүлгөн «Этил спиртинин. алкоголдуу жана спирттүү продукциялардын жүгүртүлүшүн коштоочу документтер толугу менен талап кылынсын, ушул берненин 7 бөлүгүндө көрсөтүлгөн коштоочу документтердин толук же айрымдары жок болсо. мыйзамсыз деп табылып, дүкөн ээлерине ичимдиктерди сатууга тыюу салынсын.

2. 9 берененин « Алкоголдук продукциянын түрлөрүн» сатуу боюнча баардык беренелерине ылайык. Чолок-Кайын жана Жерге-Тал айылдарында 13-берненин «Алкоголдук продукцияны. сергитүүчү алкоголсуз жана алкоголу аз ичимдиктерди дүң жана чекене сатуунун тартиби» жөнүндөгү 2 бөлүмчөсүнүн негизинде төмөндөгудөй жагдайларда:

- мечиттердин, ооруканалардын, спорттук жайлардын айланасында 200м. радиуста,

- 18 жашка чыга элек адамдарга, 9 беренеде көрсөтүлгөн спирт ичимдиктерин сатууга тыюу салынсын.

3. 14-берененин 3 бөлүмүнө ылайык. «Алкоголдук продукцияларды саткан жерлерге 18 жашка толбогон адамдарга, инсандыгын ырастоочу документтери жок адамдарга алкоголдук продукцияларды сатууга тыюу салуу жөнүндө тамеки тартуунун жана алкоголдук продукцияларды пайдалануунун зыяндуулугу жөнүндө маалыматтарды жайгаштыруу дүкөн ээленине милдеттендирилсин.

4. Токтомдун аткарылышын камсыз кылуу жана көзөмөлгө алуу Жерге-Тал айыл өкмөтүнүн башчысы Г.Учугеновага жана элдик жыйында шайланган жаштардын «демилгелүү тобунун» курамына тапшырылсын.

Төрага:

О. Чодонов