Баткен шаардык кеңешинин «Баткен шаардык муниципалдык чакан каржылык агенттик ачылууга макулдук берүү жөнүндө» токтому

БАТКЕН ШААРДЫК КЕӉЕШИ ТОКТОМ Баткен шаардык Кеңешинин V чакырылышынын кезектеги ХХIV сессиясы

2016-жылдын 10-ноябры № 88 Баткен шаардык муниципалдык чакан каржылык агенттик ачылууга макулдук берүү жөнүндө Кыргыз Республикасынын «Жергиликтүү өз алдынча башкаруу органдары» жөнүндө Мыйзамынын 31-беренесинин 5;-8-пункутуна, Кыргыз Республикасынын «Микрофинансы уюмдары жөнүндө» Мыйзамына, Кыргыз Республикасынын «Банк жана банктык ишмердүүлүк жөнүндө» Мыйзамына, Кыргыз Республикасынын «Коммерциялык эмес уюмдар жөнүндө» Мыйзамына, Кыргыз Республикасынын Жергиликтүү өз алдынча башкаруунун финансылык-экономикалык негиздери жөнүндө» Мыйзамына, Кыргыз Республикасынын «Муниципалдык мүлккө менчик жөнүндө» Мыйзамына ылайык жана Баткен шаар мэриясынын алдындагы муниципалдык менчик департаментинин 2016-жылдын 10-ноябрындаг №01-22/605 катынын негизинде Баткен шаардык Кеңешинин V чакырылышынын кезектеги ХХIV сессиясы ТОКТОМ КЫЛАТ:

1. Баткен шаардык муниципалдык каржылык чакан агенттик ачылууга макулдук берилсин.

2. Баткен шаарынын 2017-жылга иш чарасына, “Муниципалдык каржылык чакан агенттик” ачууну киргизүү менен 100000 сомдук контролдук пакетин иштеп чыгуу жагы Баткен шаар мэриясына тапшырылсын.

3. Ушул токтомдун аткарылышн көзөмөлдөө жагы шаардык кеңештин төрагасынын орун басары М.Орозбаевге тапшырылсын.

Төрага

Э. Рахматов