Чолпон-Ата шаардык кенешинин Чолпон-Ата шаары боюнча таштандыларды ташып чыгаруу үчүн төлөмдүн ставкасын бекитүү жɵнүндɵ токтому
A question about this document?Check the chatbot’s answer against the document
The AI answers from the text of the lawThe AI answers from the current edition · free
40 AI answers a month - free. No bank card needed.
Чолпон-Ата шаардык кеңеши
XXXI чакырылышынын кезектеги XVII сессиясы ТОКТОМ
18.08.2025 ж №31/17-15
Чолпон-Ата шаары боюнча таштандыларды ташып чыгаруу үчүн төлөмдүн ставкасын бекитүү жɵнүндɵ
Кыргыз Республикасынын Салыктык эмес кирешелер жөнүндө кодексинин 74-беренесине ылайык, «Жергиликтүү мамлекеттик администрация жана жергиликтүү өз алдынча башкаруу органдары жөнүндө» мыйзамынын негизинде, Чолпон-Ата шаардык мэриясынын 2025-жылдын 24-июлундагы №01-8/1802 иш кагазынын сунушун «Экология, транспорт,курулуш, муниципалдык менчик, жерди пайдалануу маселелери боюнча” жана “Бюджет, каржы, экономика жана инвестиция тартуу,ишкердикти колдоо боюнча” биргелешкен туруктуу комиссиясынын 2025-жылдын 11-августундагы отурумунун протоколун карап чыгып, маселени талкуулап, Чолпон-Ата шаардык кеңеши,
Токтом кылат:
1. Чолпон-Ата шаардык кеңешинин 2015-жылдын 25-мартындагы №28/18-11 Токтому жана 2022-жылдын 22-февралындагы №30/9-15 Токтому жокко чыгарылсын.
2. Чолпон-Ата шаарында таштандыларды ташып чыгаруу үчүн төлөмдүн тарифтери бекитилсин:
-Жеке жана юридикалык жактарга - ишкердик жүргүзүү үчүн арналган имараттардын менчик ээлери, анын ичинде имаратты же анын бир бөлүгүн ижарага бергендер үчүн - ар бир кызматкерге 100 сом (бир эсептик көрсөткүч) өлчөмүндө;
- Мамлекеттик же муниципалдык менчиктеги имараттар үчүн - ар бир кызматкерге 100 сом (бир эсептик көрсөткүч) өлчөмүндө;
- Жеке-менчик турак жай үйлөрдөн: 18 жаштан жогорку жашаган ар бир жеке адамдан (резиденттен) жыл сайын 15 (он беш) сом өлчөмүндө.
3. Төлөмдүн суммаларын төлөө жана тиешелүү эсептөөлөрдү берүү бекитилген формага ылайык төлөөчүлөр тарабынан жыл сайын, 2025- жылдын 1-сентябрынан баштап жүргүзүлө тургандыгы белгиленсин. Мамлекеттик же муниципалдык менчикте турган имараттар үчүн салым мындай мүлк бекитилип берилген уюмдар, ишканалар жана мекемелер тарабынан төлөнөт.
4. Токтом массалык маалымат каражаттарына жарыялансын жана Кыргыз Республикасынын ченемдик-укуктук актыларынын мамлекеттик реестрине киргизүү үчүн облустук юстиция башкармалыгына жиберилсин.
5. Токтомдун аткарылышын көзөмөлдөө жагын шаардык кеңештин “Бюджет, каржы, экономика жана инвестиция тартуу, ишкердикти колдоо боюнча”туруктуу комиссиясына жүктөлсүн.
Төрага Э.Молдобеков____
Still have questions about this document?
Ask the AI - it answers from the text of the law and shows the articles.
40 AI answers a month - free. No bank card needed.