Таш-Көмүр шаардык мэриясынын жана шаардык мэриянын аппараты жөнүндө (Таш-Көмүр шаардык кеңешинин токтомуна ылайык) жобо

Бекитилди Таш-Көмүр шаардык депутаттар кеңешинин XXX-чакырылышынын

06.03.2023- жылдагы кезектеги

12-сессиясынын №13 токтому.

Таш-Көмүр шаардык мэриясынын жана шаардык мэриянын аппараты жөнүндө

ЖОБО

III Бөлум. Пландаштыруу

1 Бөлүм.

Жалпы жоболор

1. Таш-Көмүр шаардык мэрия (мындан нары мэрия) - шаарда жергиликтүү өз алдынча башкаруунун аткаруу органы болуп мэр башында турган мэрия эсептелет.

1.1.Жобо Кыргыз Республикасынын мыйзамдары менен жүктөлгөн милдеттерди жана функцияларды ишке ашыруу боюнча шаардык мэриянын ишин уюштуруунун тартибин аныктайт.

1.2. Бул жобо Кыргыз Республикасынын Конституциясынын, Кыргыз Республикасынын Конституциялык мыйзамынын, КР “Эмгек кодексинин”, КР “Этика кодексинин”, КР “Жергиликтүү мамлекеттик администрация жана жергиликтүү өз алдынча башкаруу органдары жөнүндөгү” мыйзамынын, КР “Мамлекеттик жарандык кызмат жана муниципалдык кызмат жөнүндөгү” мыйзамынын, КР “Иш кагаздарын жүргүзүүчү типтүү нускамасынын”, Кыргыз Республикасынын Өкмөтүнүн 2020-жылдын 30-октябрындагы № 526 "Электрондук документ жүгүртүүнүн мамлекеттик системасы" автоматташтырылган маалымат системасы жөнүндө жобону бекитүү тууралуу" токтомуна, Кыргыз Республикасынын Президентинин Жарлыктарынын, Кыргыз Республикасынын Кабинет министрлеринин токтомдорунун талаптарына ылайык иштелип чыкты.

1.3. Бул Жобо шаардык мэриянын ишин пландаштыруунун жана уюштуруунун бирдиктүү талаптарын, шаардык мэриянын иш кагаздары менен иштөө тартибин жөнгө салуучу негизги принциптерди жана эрежелерди карайт, жарандардын кайрылууларын кароонун тартибин жөнгө салат жана тиешелүү маалыматтарга жетүүнү камсыздайт.

Шаардык мэрия юридикалык жак болуп эсептелип, өзүнүн аталышы менен Кыргыз Республикасынын герби чагылдырылган мөөрүнө, штампы жана башка иш кагаздарына керектелүүчү мөөрлөрүнө, бланкаларына ээ. Таш-Көмүр шаардык мэриясынын баш ийүүсүндө ал уюштуруучу, түзүүчү жана/же анын карамагына берилүүчү уюмдар, ишканалар жана мекемелер болушу мүмкүн. Таш-Көмүр шаардык мэриясынын түзүмдүк бөлүмдөрүнө төмөндөгүлөр кирет:

1. Таш-Көмүр шаардык мэриясынын алдындагы «Муниципалдык менчик департаменти»

2. Таш-Көмүр шаардык мэриясынын алдындагы «Тазалык муниципалдык ишканасы»

3. Таш-Көмүр шаардык “Суу-чарба” ишканасы

Таш-Көмүр шаардык мэриясынын алдындагы аймактык башкармалыктарына төмөндөгүлөр кирет:

1. Шамалды-Сай шаарчалык аймактык башкармалыгы

2. Кызыл-Жар шаарчалык аймактык башкармалыгы

3. Кызыл-Алма аймактык башкармалыгы

4. Меңдигулов аймактык башкармалыгы

5. Тынчтык аймактык башкармалыгы

6. Түндүк аймактык башкармалыгы

1.4. Шаардык мэрияга жүктөлгөн милдеттерди чечүү шаардык мэриянын аппаратынын, анын түзүмдүк, аймактык бөлүмдөрүнүн иши, шаардык мэриянын туруктуу (убактылуу) комиссияларынын ишинин натыйжалары, өз ара аракеттенүү аркылуу камсыз кылынат. Жергиликтүү жамаат жана алардын бирикмелерин тартуу жана тикелей катышуу аркылуу шаардык мэриясы, шаардык кенеши, шаардын аймагындагы тиешелүү мамлекеттик органдар жана алардын аймактык бөлүмдөрү менен биргеликте жергиликтүү өз алдынча башкарууну ишке ашырат.

2.Глава. Шаардык мэриянын ишмердүүлүгүнүн жалпы принциптери

Шаардык мэриянын ишмердүүлүгү төмөндөгү принциптерге негизделет:

1) мыйзамдуулук жана социалдык адилеттүүлүккө;

2) жергиликтүү калтын укуктарын жана мыйзам тарабынан корголуучу таламдарын коргоо;

3) муниципалдык кызматкердин кесипкөйлүүлүгү, компитентүүлүгү жана өз кызматында демилгелүүлүгү;

4) жергиликтүү калктын алдында, өз функцияналдык милдетин ишке ашыруу жана өз ишинин натыйжалары үчүн жоопкерчиликте;

5) коомдук пикирди эске алуу менен ачык айкындуулук;

6) кызматтык милддеттерин аткаруу үчүн тартип жана жеке жоопкерчилик;

7)

3Глава. Шаардык мэриянын штаттык биримдиги

3.1. шаардык мэриянын штаттык биримдиги жана структурасы Кыргыз Республикасынын Өкмөтүнүн “____”____________20___ _-жылдагы №______токтомуна ылайык

Шаардык мэриянын аппаратынын структурасы. (тиркеме 2)

Штаттык биримдиги: жалпысынан 26 (жыйырма алты) кызматкер.

Мэр – 1 штат Вице-Мэр – 2 штат Аппарат жетекчи – 1 штат Бөлүм башчы – 1 штат Башкы адис – 7 штат Башкы эсепчи – 1 штат Жетектөөчү адис – 4 штат Адис – 1 штат Оператор машинист – 1 штат Жетекчинин катчысы – 1 штат Чарба башчы – 1 штат Айдоочу – 2 штат Карагул – 2 штат Тазалоочу – 1 штат

3.2.Жергиликтүү маанидеги маселелерди чечүүнүн өзгөчөлүгүнө жана артыкчылыктуулугуна таянуу менен, ошондой эле берилген мамлекеттик ыйгарым укуктарды аткаруу боюнча шаардык мэриянын милдеттерин эске алуу менен шаардык мэриянын алдында турган милдеттерди толук жана натыйжалуу аткаруу үчүн мэр, шаардык мэриянын кызмат орундарынын ортосунда милдеттерди бөлүштүрөт.

3.3. Конкреттүү кызмат орду боюнча кызматтык милдеттерге жергиликтүү маанидеги бир же бир нече маселе боюнча шаардык мэриянын маселелерин чечүү боюнча кызматтык милдеттерди камтышы мүмкүн же жергиликтүү маанидеги бир маселе боюнча шаардык мэриянын маселелерин чечүү эки же андан көп кызмат орундарынын кызматтык милдеттерине киргизилиши мүмкүн.

3.4. Шаардык мэрия, штаттык биримдике ылайык штаттык расписаниесинде каралган ар бир административдик кызмат орунуна квалификациялык талаптарын Кыргыз Республикасынын Өкмөтүнүн 2016-жылдын 29-декабрындагы № 706 сандуу токтому менен бекитилген мамлекеттик жарандык кызматтын жана муниципалдык кызматтын административдик кызмат орундарынын топторуна, типтүү квалификациялык талаптардын негизинде ыйгарым укуктуу мамлекет менен макулдашуудан кийин иштеп чыгат жана бекитет.

3.5. Шаардын мэри, Кыргыз Республикасынын Өкмөтүнүн 2016-жылдын 29-декабрындагы №706 сандуу токтому менен бекитилген муниципалдык кызматкерлердин кызматтык нускамаларын, анын ичинде квалификациялык талаптарды, кызматкердин жеке сапаттарын, кызматкердин кызматтык милдеттерин жана мамлекеттик кызматчынын жана муниципалдык кызматчынын типтүү кызматтык нускамасында каралган башка талаптарды бекитет.

4 Глава. Жергиликтүү коомчулуктун жергиликтүү өз алдынча башкарууга түздөн-түз катышуусунун формалары

4.1. Шаардык мэрия жергиликтүү өз алдынча башкаруунун аткаруу бийлигин ишке ашырууда жергиликтүү жамааттын түздөн-түз катышуусу менен ишке ашырылат:

1) коомдук жана мамлекеттик турмуштун бардык маанилүү маселелерин жана жергиликтүү маанидеги маселелерди жергиликтүү жамааттын мүчөлөрүнүн жыйындарында (чогулуштарында) талкуулоо;

2) ченем чыгаруу демилгесинин көрүнүшү аркылуу жергиликтүү курултайларга катышуу;

3) коомдук (бюджеттик) угууларга жана мыйзам тарабынан тыюу салынбаган башка формаларда жыйындарга катышуу.

4.2. жыйындарды (чогулуштарды), коомдук (бюджеттик) угууларды, жергиликтүү курултайларды уюштуруунун жана өткөрүүнүн тартиби, мониторинг топторунун ишинин тартиби, ченем чыгаруу демилгесин ишке ашыруунун тартиби, жергиликтүү жамааттын жергиликтүү өз алдынча башкаруу органдарынын маселелерин чечүүгө катышуусу Кыргыз Республикасынын тиешелүү мыйзамдары менен ишке ашырылат.

5 Глава. Шаардык мэриянын отчеттуулугу

5.1. Шаардык мэрия өз ишмердүүлүгүндө шаардык кеңешке отчет берет.

5.2. Шаардын мэри жарым жылда бир шаардык кеңешке, жалпы шаардын абалы боюнча анын ичинде жергиликтүү бюджеттин колдонушу жана аткарылышы боюнча, шаардын социалдык-экономикалык өнүгүү программасынын аткарылышы боюнча, шаардын калкынын социалдык денгээли боюнча отчет берет.

5.3. Шаардын мэри жыл сайын жергиликтүү коомчулукка аймактын социалдык-экономикалык өнүгүү программасынын аткарылышы боюнча отчетун ачык көрсөтүп, жыйын өткөрүп турат.

5.4. Шаардын мэри мыйзамдын же келишимдин негизинде аларга өткөрүлүп берилген мамлекеттик ыйгарым укуктардын аткарылышы үчүн тиешелүү мамлекеттик органдарга отчет берет.

5.5. Шаардын мэри Кыргыз Республикасынын мыйзамдарынын талаптарын, Президенттин жана Министрлер Кабинетинин ченемдик укуктук актыларын же берилген мамлекеттик ыйгарым укуктарды аткарбагандыгы же талаптагыдай аткарбагандыгы үчүн Кыргыз Республикасынын мыйзамдарына ылайык жоопкерчилик тартат

6 Глава. Жергиликтүү өз алдынча башкаруунун социалдык-экономикалык өнүгүү программасы

6.1. Шаардын мэри жергиликтүү калктын артыкчылыктуу муктаждыктарын эске алуу менен иштелип чыккан жергиликтүү калктын социалдык-экономикалык өнүгүүсүнүн программасынын долбоорун шаардык кеңештин бекитүүсүнө киргизет, аны шаардык кеңеш кечиктирбестен бекиткенден кийинки, шаардын мэри аймакта жер жерлерде. социалдык-экономикалык өнүктүрүү программасынын долбоору боюнча коомдук угууларды өткөрөт.

6.2. Зарыл болгон учурда мыйзам талабына ылайык социалдык-экономикалык өнүгүү программасына өзгөртүулөр киргизилиши мүмкүн.

6.3. Жергиликтүү бийликтин социалдык-экономикалык өнүктүрүү программасы – аймакты жана жергиликтүү калкты социалдык-экономикалык өнүктүрүү боюнча шаардык мэрия тарабынан белгилүү бир мезгилге пландаштырылган иш-чаралардын комплекстүү тутуму, ошондой эле бул иш-чараларды ишке ашыруунун каражаттары, ресурстук колдоонун булактарын жана көлөмүн көрсөтүү менен жана конкреттүү өлчөнгөн индикаторлордо чагылдырылган, күтүлүүчү натыйжалар

6.4. Программа жергиликтүү бюджеттин каражаттарын тескөөнүн негизи болуп кызмат кылат, алдыдагы мезгилге фискалдык саясаттын негиздерин аныктайт жана шаардык мэрияга жана шаардык кеңештерге жергиликтүү бюджеттин келечектеги чыгашаларынын багыттарын түзүүгө мүмкүндүк берет.

6.5. Социалдык-экономикалык өнүгүү программасы өзүнө төмөндөгүлөрдү камтыйт:

1) Кыргыз Республикасынын социалдык-экономикалык өнүгүүсүнүн болжолун эске алуу менен шаардын социалдык-экономикалык болжол;

2) Таш-Көмур шаарынын өнүгүү максатына, жергиликтүү калктын социалдык-экономикалык жашоо шартынын талабынын алкагында жетүү көрсөтүлөт;

3) Таш-Көмүр шаарын жана жергиликтүү жамаатты өнүктүрүү максаттарына жетүү боюнча иш-чаралардын жылдык планын жергиликтүү коомчулукка ачык маалымдоо;

4) ресурстук компонент анын ичинде бюджеттик жана бюджеттен тышкаркы ресурстар болуп эсептелет;

5) шаардын жана жергиликтүү жамааттын өнүгүү максаттарына жетүү үчүн мониторинг жана баалоо планы;

6) калктын катышуусу менен жергиликтүү жамааттын артыкчылыктуу керектөөлөрүн аныктоонун натыйжалары.

6.6. Эгерде социалдык-экономикалык өнүгүүнүн болжолдуу өнүктүрүү программасы жана өнүктүрүү программасын ишке ашыруу боюнча иш-чаралардын планы, жергиликтүү бюджеттердин долбоорлорун түзүү, кароо, бекитүү процессинде ресурстардын жана чыгымдардын болжолдору өзгөртүүлөргө жана толуктоолорго муктаж болгон учурда, толуктоолор жана кошумчалар тактоого жатат.

7Глава. Шаардык мэриянын ишин пландаштыруу

7.1. Шаардык мэриянын ишин пландаштыруу шаардык мэрияга жүктөлгөн милдеттерди аткарууну уюштуруучулук жактан камсыз кылуунун негизги каражаттарынын бири болуп саналат.

7.2. Шаардык мэрия өз ишин ________________ жылга түзүлгөн иш планына ылайык уюштурат:

7.3. Шаардык мэриянын иш планы жергиликтүү маанидеги маселелерди чечүү жана Кыргыз Республикасынын мыйзамдарында белгиленип берилген мамлекеттик ыйгарым укуктарды аткаруу үчүн төмөндө бекитилген документтердин негизинде түзүлөт:

1) Жергиликтүү коомчулукту социалдык-экономикалык өнүктүрүүнүн жана калкты социалдык жактан коргоонун программалары;

2) Мамлекеттик жана муниципалдык тармактагы программалар, стратегиялар жана өнүктүрүү пландары;

3) Жергиликтүү жамааттын жана жергиликтүү өз алдынча башкаруу органдарынын биргелешкен иш пландары;

4) Жергиликтүү кенештин келерки жылга иш планына.

7.4. Шаардык мэрияга жүктөлгөн милдеттерди талаптагыдай аткаруу максатында шаардык мэриянын иш планы келерки жылдын бюджетинин долбоору жана кийинки жылдарга болжолдор менен бирге, ошондой эле бюджеттен тышкаркы каржылоо булактарын эске алуу менен түзүлөт.

7.5. Шаардык мэриянын иш планы келерки жылдын башталышына 20 жумушчу күндөн кечиктирбестен шаардын мэри тарабынан бекитилет.

7.6. Шаардык мэриянын келерки жылга бекитилген иш планына жыл ичине өзгөртүү же толуктоо киргизүү мүмкүнчүлүгү жокко чыкпайт.

7.7. Бекитилген иш планы 10 календардык күндүн ичинде шаардык мэриянын расмий сайтына жарыяланууга тийиш. Эгерде шаардык мэриянын расмий сайты жок болсо, анда иш планы шаардык кеңеш тарабынан аныкталган атайын көрүү жерлеринде (такталар, маалымат стенддеринде) же басма сөз басылмаларынын ичинен шаардык кеңеш тарабынан аныкталган тиешелүү басма сөз басылмаларында жарыяланат.

8 Глава. Муниципалдык кызматкердин ишин пландаштыруу жана анын ишмердүүлүгүнө баа берүү

8.1. Шаардык мэриянын иш планына ылайык шаардык мэриянын түзүмдүк бөлүмдөрүнө жана муниципалдык кызматкерлерге (мындан ары - кызматкер) кварталдык иш пландары түзүлөт, келерки жылдын 20 жумушчу күнүнөн кечиктирбестен.

1) Аймактык башкармалыктардын башчылары тарабынан өздөрүнүн кызматтык милдетине жараша бир жылдык иш планын түзүү жана шаардын мэри аркылуу бекиттирүү;

2) Шаардык мэриянын түзүмдук бөлумдөрүнүн жетекчиси тарабынан өздөрүнүн кызматтык милдетине жараша бир жылдык иш планын түзүү жана шаардын мэри аркылуу бекиттирүү;

3) Шаардык мэриясынын аппаратынын бир жылдык иш планын шаардык мэриянын аппарат жетекчиси тарабынан иштеп чыгуу жана бекиттирүү;

8.2. Кызматкердин иш планы квартал сайын түздөн-түз жетекчиси (бөлүмдүн башчысы, шаардын мэринин орун басары секторуна жараша) менен бирге түзүлөт жана шаардын мэринин орун басары же шаардын мэри тарабынан кызматкерлердин ортосундагы милдеттердин бөлүштүрүлүшүнө ылайык (кызматкердин функционалдык милдетинин алкагында) бекитилет.

8.3. Кызматкердин кварталдык иш планын түзүүнүн, бекитүүнүн, отчет берүүнүн, баа берүүнүн тартиби, жылдык баа берүүнүн тартиби, ошондой эле кызматкер кварталдык же жылдык баалоо менен макул болбогон учурда апелляциялык тартипте, Кыргыз Республикасынын Өкмөтүнүн 2017-жылдын 1-мартындагы №131 токтому (Кыргыз Республикасынын Министрлер Кабинетинин 2022-жылдын 29-августундагы №474 токтму менен өзгөртүү киргизилген) менен бекитилген “Кыргыз Республикасынын мамлекеттик кызматчыларынын жана муниципалдык кызматчыларынын ишин баалоо тартиби жөнүндө” жобонун негизинде комиссияга кайрылууга укуктуу.

8.4. Кызматкерлер тарабынан функционалдык милдеттерине жараша кварталдык иш пландардын аткарылышын жалпы контролдоо түздөн-түз шаардын мэрине, аппарат жетекчисине жана мэрдин орун басарына жүктөлөт, ошондой эле кызматкерлер шаардын мэрине мезгил-мезгили менен аткарылган иштер жөнүндө маалымат берип турат.

9Глава. Шаардык мэриянын чечимдери.

9.1. Шаардык мэриянын компетенциясына кирген маселелер боюнча чечимдери, эгерде актынын өзүндө башкача каралбаса, шаардын мэри кол койгон күндөн тартып күчүнө кирүүчү токтомдор жана буйруктар түрүндө кабыл алынат.

9.2. Шаардык мэриянын токтому – шаардык мэриянын компетенциясына кирген маселелер боюнча, ченемдик укуктук актылардын негизинде жана аларды аткаруу максатында шаардын мэри тарабынан кабыл алынуучу укуктук акт.

9.3. Шаардык мэриянын буйругу – шаардын мэри тарабынан өзүнүн ыйгарым укуктарынын чегинде ыкчам, уюштуруу жана кадр маселелери боюнча кабыл алынуучу уюштуруу-башкаруучулук мүнөздөгү укуктук акт болуп саналат.

9.4. Чыгарылган актылар өзгөртүлүшү, толукталышы мүмкүн. Ошондой эле чыгарылган актылар тиешелүү мыйзамдардын талабына туура келбеген учурда, жүйөлүү негиздерге ылайык жокко чыгарылышы же күчүн жоготту деп таанылышы мүмкүн. (күчүн жоготуу жана жокко чыгаруу маселеси, мыйзам талабына ылайык мамлекеттик катоодон өткөндөргө жайылтылбайт)

9.5. Шаардын мэри кол койгон актылар (токтомдор, кадр маселеси боюнча чыгарылган буйруктар) Кыргыз Республикасынын мыйзамдарында белгиленген тартипте сот тарабынан жараксыз деп табылышы мүмкүн.

9.6. Шаардык мэриянын өзүнүн ыйгарым укуктарынын чегинде чыгарылган актылары шаардын аймагында милдеттүү түрдө аткарылууга тийиш (мекемелердин менчигинин түрүнө карабай).

10 Глава. Иш кагаздарын жүргүзүүдө мамлекеттик (расмий) тилди колдонуу

10.1.Шаардык мэрияда иш кагаздарын жүргүзүү мамлекеттик тилде, зарыл болгон учурда расмий тилде жүргүзүлөт. Бухгалтердик, статистикалык, финансылык жана техникалык документтерди киргизүү мамлекеттик же расмий тилдерде жүргүзүлөт. Шаардын мэри өз кызматкерлерине мамлекеттик тилди үйрөнүүгө шарт түзүп берүүсү зарыл.

10.2. Шаардын аймагында расмий иш-чаралар: жергиликтүү курултайлар, чогулуштар (жыйындар), коомдук угуулар, мэрдин жыйындары, сүйлөшүүлөр жана башка иш-чаралар мамлекеттик тилде өткөрүлөт.

10.3. Жарандар шаардык мэрияга мамлекеттик, расмий же Кыргыз Республикасынын элдеринин каалаган башка тилинде кайрылууга укуктуу. Жарандардын жазуу жүзүндөгү кайрылууларына жооптор кайрылуунун тилинде берилет. Эгерде кайрылуунун тилинде жооп берүү мүмкүн болбосо Кыргыз Республикасынын мамлекеттик же расмий тили колдонулат.

10.4. Шаардык мэриянын компетенциясына кирген маселелер боюнча чечимдери (токтом, буйруктар) мамлекеттик тилде, зарыл болгон учурда расмий тилде кабыл алынат. Мамлекеттик тилдеги документ түп нуска болуп эсептелет.

10.5. Мекемелер, уюмдар жана жарандар менен кат алышуу мамлекеттик тилде, ал эми зарыл болгон учурда расмий тилде жүргүзүлөт.

11 Глава. Шаардык мэрияда иш кагаздарын жүргүзүү жана иш кагаздары менен иштөө тартибин киргизүү

11.1. Кыргыз Республикасынын Өкмөтүнүн 2020-жылдын 3-мартындагы №120 сандуу токтому менен бекитилген Кыргыз Республикасында иш кагаздарын жүргүзүү боюнча типтүү нускамага, электрондук форматта ведомстволор аралык документ жүгүртүүнү Типтүү нускамага жана Кыргыз Республикасынын Өкмөтүнүн 2020-жылдын 30-октябрындагы № 526 "Электрондук документ жүгүртүүнүн мамлекеттик системасы" автоматташтырылган маалымат системасы жөнүндө жобону бекитүү тууралуу" токтомуна ылайык, шаардык мэриянын иш кагаздарын аткаруусу камсыздалат.

11.2. Шаардык мэрияда иш кагаздарын жүргүзүү ошону менен бирге ЭДСде штаттык расписание боюнча шаардык мэриянын жалпы бөлүмүнүн башкы адиси тарабынан жүргүзүлөт.

11.3. Тиешелүү кызматкер кызматынан бошотулган учурда, документтерди кийинки кызматкерге өткөрүү жана өткөрүп берүү актысы менен жүргүзүлөт, документтер толук эместиги аныкталган учурда тиешелүү иш чаралар көрүлөт.

11.4. Кирүүчү документтерди иштеп чыгуу:

11.4.1. Электрондук документтер ЭДСте түзүлөт, иштелип чыгат жана сакталат. Эсепке алуу бирдиги болуп ЭДСте катталган электрондук документ саналат. Электрондук документтерди кабыл алуу, иштеп чыгуу, алдын ала кароо жана каттоо иш кагаздарын жүргүзүү кызматы тарабынан ушул Типтүү нускамага ылайык жалпы негиздерде ишке ашырылат. ЭДС аркылуу мекемеге түшкөн электрондук документтер автоматташтырылган режимде баштапкы иштеп чыгуудан өтөт жана ал түшкөн электрондук документтин реквизиттерин: каттоо датасын, электрондук документти жиберген мекеменин аталышын, электрондук документтин кыскача мазмунун, электрондук документке кол койгон адамдын фамилиясын, инициалдарын, электрондук документке коюлган электрондук колтамганы текшерүүнү камтыйт. Кагаз түрүндө түшкөн документтер сканерлөөчү түзүлүштү колдонуу менен сканерленүүгө тийиш жана PDF форматындагы кагаз документтин электрондук сүрөтү болуп кайра түзүлөт, андан кийин ЭДСке жүктөлөт. Автоматташтырылган режимде электрондук документтин реквизиттерин жана бүтүндүгүн текшерүү аяктагандан кийин мекеменин иш кагаздарын жүргүзүү кызматынын кызматкери мекеменин жетекчилиги тарабынан милдеттүү каралышын талап кылуучу жана түзүмдүк бөлүмдөргө жана жооптуу аткаруучуларга түздөп-түз жиберилүүчү документтерге бөлүштүрүү максатында түшкөн электрондук документти алдын ала карайт.

11.4.2. Кечиктирилгис чараларды көрүүнү талап кылган документтер тез арада катталып, шаардын мэрине жана шаардык кеңештин төрагасына компетенциясына жараша, алар жокто алардын орун басарларына же жооптуу катчыга билдирилет. Шашылыш учурларда жетекчилик жок болгон учурда токтоосуз каралууга тийиш болгон документтер алар жөнүндө кийин жетекчиликке отчет берүү менен аткаруучуларга өткөрүлүп берилиши мүмкүн.

11.4.3. Дароо кароону талап кылбаган документтер алдын ала кароодон жана каттоодон өткөндөн кийин каттоодон өткөн күнү жетекчиликке чечүүгө жиберилет.

11.4.4. Жетекчилик аткаруучуну функционалдык милдетине жараша (маселе боюнча аткаруучуларды) дайындайт, иш-чараларды белгилейт жана аларды ишке ашыруунун мөөнөтүн көрсөтөт.

11.4.5. Көрсөтмө кызмат орду боюнча бирдей болгон эки же андан көп кызматкерге берилген учурларда, көрсөтмөдө биринчи көрсөтүлгөн адам негизги аткаруучу болуп саналат. Ага кызматкерлердин функционалдык милдетине жараша, биргелешип аткаруучуларды чакыруу жана алардын ишин координациялоо укугу берилет.

11.5. Чыгыш иш кагаздарын иштеп чыгуу:

11.5.1. ЭДСте төмөнкүдөй чыгыш электрондук документтер катталууга тийиш:

1) келип түшкөн электрондук документтерге жооп катары даярдалган документтер;

2) мекеменин түзүмдүк бөлүмүнүн, мекеменин жетекчисинин же анын орун басарынын демилгеси боюнча даярдалган документтер (демилгеленген).

3) Мекеменин тууралоосуна жараша кол коюлган электрондук жооп дарек ээсине төмөнкүдөй жиберилиши мүмкүн:

4) мекеменин иш кагаздарын жүргүзүү кызматы тарабынан жиберүүнү ырастабастан;

5) мекеменин иш кагаздарын жүргүзүү кызматы тарабынан жиберүүнү ырастагандан кийин.

6) Иш кагаздарын жүргүзүү кызматынын электрондук документти жиберүүсүн ырастоо зарылдыгы болгондо документтин талаптарга ылайык таризделгени текшерилет: документтин форматы туура экени, электрондук колтамганын шайкештиги, белгиленген тиркемелердин болушу, даректердин туура көрсөтүлгөнү. Дал келбестиктер табылган учурда иш кагаздарын жүргүзүү кызматы документти жеткире иштеп чыгуу үчүн кайтарып берүү мүмкүнчүлүгүнө ээ.

7) Автоматташтырылган режимде кол коюлган документке чыгыш каттоо номери ыйгарылат жана кечиктирилбестен дарек ээсине жиберилет.

8) Электрондук документ дарек ээсине түшкөн учурда жиберүүчү жеткирилгендиги жөнүндө электрондук белгини алат.

Ушул учурдан тартып электрондук документ дарек ээси тарабынан алынды деп эсептелинет.

9) Аткарылган электрондук документтер көктөмөлөрдүн номенклатурасына ылайык көктөмөлөргө системалаштырылат.

Көктөмөлөрдүн номенклатурасын түзүүдө көктөмө электрондук түрдө жүргүзүлөрү көрсөтүлөт.

11.6. Иш кагаздарын аткарылышын текшерүүнү уюштуруу:

11.6.1. Айрым чечимдерди кабыл алууну, аткарууну жана аларга жоопторду даярдоону талап кылган эң маанилүү документтер аткарылышы контролдонууга тийиш.

11.6.2. Эгерде жетекчиликтин токтомунда "шашылыш" деп көрсөтүлсө, документ үч жумушчу күндүн ичинде берилет. "Өтө шашылыш" деген көрсөтмөнү камтыган көрсөтмө эки жумушчу күндүн ичинде аткарылууга тийиш.

11.6.3. Документтер документтин текстинде же жетекчиликтин токтомунда көрсөтүлгөн мөөнөттө аткарылат. Чечимди же жоопту талап кылган документтер, жарандардын кайрылууларын кошпогондо, белгиленген мөөнөтсүз отуз күндүн ичинде аткарылат. Жарандардын кайрылууларына жана каттарга жооптор 14 жумушчу күндүн ичинде, зарыл болгон учурда кошумча мөөнөткө узартуу менен берилет.

11.6.4. Документ боюнча чечим кабыл алынып, зарыл маалыматтар берилсе, дарек ээсине жооп берилсе же шаардын мэринин токтому менен аткаруу актысы түзүлсө, аткарылды деп эсептелет жана контролдон чыгарылат.

11.6.5. Даярдалган документ бардык тиркелген материалдар менен, жетекчиликтин контролдон алуу жөнүндө корсотмосу же "ишке киргизүү" жөнүндө чечими менен иш кагаздарын жүргүзүүчүгө өткөрүлүп берилет архивге киргизүү максатында.

11.6.6. Шаардын мэринин орун басары, иш кагаздарын жүргүзүүчү муниципалдык кызматкерлер тарабынан иш кагаздары, жарандардын каттары жана кайрылуулары менен иштөөдө аткаруу тартибин бузуу фактылары аныкталган учурда шаардын мэрине протоколдук түрдө сунуш берүүгө укуктуу.

11.6.7. 1) Электрондук документтер алар аткарылгандан кийин кагаз түрүндөгү ушундай документтер үчүн архив иши чөйрөсүндөгү Кыргыз Республикасынын мыйзамдарында каралган ведомстволук сактоо мөөнөтүнүн чегинен ашпаган мезгил аралыгында ЭДСте ведомстволук сакталууга тийиш.

2) Убактылуу сактоо мөөнөтүндөгү электрондук документтер (10 жылга чейин) тийиштүү электрондук документтерде түзүлгөн электрондук колтамгалардын бир убакта сакталышын камсыздоо менен алар түзүлгөн, жиберилген же алынган форматта сакталат.

3) 10 жылдан ашык сактоо мөөнөтүндөгү, анын ичинде туруктуу сактоо мөөнөтүндөгү бардык электрондук документтер электрондук документтерди архивдик сактоо мүмкүнчүлүгүн камсыздоо үчүн Portable Document Format (PDF/A1, PDF/A2, PDF/А3, PDF/A4) форматында түзүлүүгө тийиш.

4) Туруктуу сактоо мөөнөтүндөгү электрондук документтер милдеттүү түрдө кагаз түрүндө кайталанат.

5) Электрондук документтин жиберүүчүсү электрондук формадагы документтин кагаз түрүндөгү документке шайкештигине жооптуу.

6) Электрондук документтердин сактоо мөөнөтү аяктагандан кийип аларды жок кылууга бөлүү жөнүндө мекеменин жетекчиси тарабынан бекитилген актынын негизинде аталган электрондук көктөмөлөр (электрондук документтер) сактоо мөөнөтүн көрсөтүү менен башкаруу документтеринин тизмегине ылайык автоматташтырылган режимде жок кылынууга тийиш.

12 Глава. Шаардык мэриянын ЭДСте электрондук документтер менен иштөөнүн өзгөчөлүктөрү

Электрондук документтер ЭДСте түзүлөт, иштелип чыгат жана сакталат. Эсепке алуу бирдиги болуп ЭДСте катталган электрондук документ саналат.

12.1. Электрондук документтерди кабыл алуу, иштеп чыгуу, алдын ала кароо жана каттоо иш кагаздарын жүргүзүү кызматы тарабынан ушул Типтүү нускамага ылайык жалпы негиздерде ишке ашырылат.

12.2. ЭДС аркылуу мекемеге түшкөн электрондук документтер автоматташтырылган режимде баштапкы иштеп чыгуудан өтөт жана ал түшкөн электрондук документтин реквизиттерин: каттоо датасын, электрондук документти жиберген мекеменин аталышын, электрондук документтин кыскача мазмунун, электрондук документке кол койгон адамдын фамилиясын, инициалдарын, электрондук документке коюлган электрондук колтамганы текшерүүнү камтыйт.

12.3. Кагаз түрүндө түшкөн документтер сканерлөөчү түзүлүштү колдонуу менен сканерленүүгө тийиш жана PDF форматындагы кагаз документтин электрондук сүрөтү болуп кайра түзүлөт, андан кийин ЭДСке жүктөлөт.

12.4. Автоматташтырылган режимде электрондук документтин реквизиттерин жана бүтүндүгүн текшерүү аяктагандан кийин мекеменин иш кагаздарын жүргүзүү кызматынын кызматкери мекеменин жетекчилиги тарабынан милдеттүү каралышын талап кылуучу жана түзүмдүк бөлүмдөргө жана жооптуу аткаруучуларга түздөп-түз жиберилүүчү документтерге бөлүштүрүү максатында түшкөн электрондук документти алдын ала карайт.

Электрондук документтерди алдын ала кароо алар түшкөн күнү жүргүзүлөт. Электрондук документ иш убактысынан тышкары түшкөн учурда, кийинки иш күнү каралат.

12.5. Алдын ала кароонун жүрүшүндө мекеменин иш кагаздарын жүргүзүү кызматынын кызматкери түшкөн электрондук документтерди кароодон төмөнкү учурларда баш тартат:

1) электрондук документ дареги боюнча түшпөгөндө;

2) электрондук документке кол коюуга ыйгарым укуктуу болуп саналбаган адамдын электрондук колтамгасы менен электрондук документке кол коюлганда;

3) документте көрсөтүлгөн тиркемелер жок болгондо;

4) документ туура эмес таризделгенде жана ушул Типтүү нускаманын 16-пунктунун 2-пунктчасынын талаптарына шайкеш келбегенде.

12.6. Алдын ала кароону ийгиликтүү жүргүзгөндөн кийин мекеменин иш кагаздарын жүргүзүү кызматынын кызматкери түшкөн электрондук документти ЭДСте каттайт, андан кийин электрондук документке ЭДСте автоматташтырылган режимде кириш каттоо номери ыйгарылат.

Электрондук документке кириш каттоо номери ыйгарылгандан кийин ЭДСте электрондук документтин кириш каттоо номерин, каттоо датасын, жөнөтүүчү (аткаруучу/аткаруучулар жана электрондук документке кол койгон адам) жөнүндө маалыматтарды көрсөтүү менен автоматташтырылган режимде карточка түзүлөт. Документтерди эсепке алууну системалаштыруу жана камсыздоо үчүн кириш каттоо номерин ыйгарууда Кыргыз Республикасынын Улуттук статистика комитети тарабынан бекитилүүчү Башкаруу органдарынын мамлекеттик классификатору колдонулат.

12.7. Катталган электрондук документтер ЭДС аркылуу төмөнкүлөргө жиберилет:

1) резолюция жазуу зарыл болгон учурда - мекеменин жетекчисине же тейлөөчү орун басарына;

2) жетекчинин резолюциясы жок аткаруу же кароо зарыл болгон учурда - түзүмдүк бөлүмдөргө же жооптуу кызматкерге;

3) резолюциянын долбоорун даярдоо зарыл болгон учурда -түзүмдүк бөлүмдөргө же жооптуу кызматкерге.

12.8. Электрондук документти кароонун жыйынтыгы боюнча мекеменин жетекчиси же тейлөөчү орун басары электрондук резолюцияны жазат, анда мекемеде электрондук документтин аткарылышын уюштурууга жооптуу адам аныкталат жана зарыл болгон учурда кош аткаруучулар, ошондой эле электрондук документти аткаруунун мөөнөтү аныкталат.

Электрондук документти аткаруунун мөөнөтү кагаз түрүндөгү документтерди аткаруунун мөөнөтүнө окшош белгиленет.

12.9. Аткарууну талап кылбаган маалыматтык-аналитикалык мүнөздөгү электрондук документтер түшкөндө аткаруу мөөнөтү белгиленбеши мүмкүн. Мында кызматкерлер ЭДСте документ менен таанышкандыгы жөнүндө белги коюшат.

12.10. Электрондук резолюция төмөнкүдөй реквизиттерден турат: электрондук документтин аткарылышын уюштурууга жооптуу адамдын фамилиясы, инициалдары, кош аткаруучулардын фамилиясы, инициалдары, электрондук резолюциянын мазмуну, аткаруу мөөнөтү, резолюциянын авторунун кызмат орду, фамилиясы, инициалдары жана электрондук колтамгасы.

Электрондук резолюциянын үлгүсү 32-тиркемеде берилди.

12.11. Электрондук резолюцияга ылайык жыйынтыктоого жооптуу адам жана кош аткаруучулар катарында аныкталган кызматкерлерге электрондук документтер ЭДС аркылуу түшөт.

12.12. Электрондук документти жыйынтыктоого жооптуу адам же кош аткаруучу болуп мекеменин түзүмдүк бөлүмүнүн жетекчиси аныкталган учурда, зарылдыгына жараша ал электрондук документти аткарууга өзү жетектеген бөлүмдүн кызматкерлерин кошот. Ошондой эле түзүмдүк бөлүмдөрдүн жетекчилери өздөрү жетектеген бөлүмдүн кызматкеринин бирине жыйынтыктоону тапшыра алышат.

12.13. Жыйынтыктоого жооптуу адам жана кош аткаруучулар электрондук документтин талаптагыдай аткарылышы үчүн бирге жооп беришет.

Электрондук документти аткаруу жыйынтыктоого жооптуу адамдын жана кош аткаруучулардын зарыл маалыматты топтоосун жана иштеп чыгуусун, жыйынтыктоого жооптуу адамдын келип түшкөн электрондук документке акыркы жоопту даярдоосун, аны тариздөөнү, макулдашууну, ЭДС аркылуу мекеменин жетекчисине же анын орун басарына кол коюу үчүн жиберүүнү карайт.

12.14. Электрондук документти аткаруунун жүрүшүндө жыйынтыктоого жооптуу адам жана/же кош аткаруучу электрондук документке өздөрүнүн комментарийлерин кошо алышат.

12.15. Электрондук документтерди аткаруу мөөнөтүн узартуу жетекчинин көрсөтмөсү боюнча же ушул мөөнөттү белгилеген авторлордун - мекемелердин уруксаты менен жүргүзүлөт.

12.16. ЭДСте электрондук документтердин аткарылышын эсепке алуу жана контролдоо жыйынтыктоо үчүн жооптуу адамга жана кош аткаруучуларга тиешелүү түстүү белги берүү аркылуу автоматташтырылган режимде жүргүзүлөт.

12.17. Түшкөн электрондук документке жооптун долбоору ЭДС аркылуу мекеменин жетекчисине же анын орун басарына кол коюуга жиберүүнүн алдында жыйынтыктоого жооптуу адам тарабынан анын талаптарга ылайык түзүлгөндүгү жана таризделгендиги, ошондой эле зарыл тиркемелердин болушу текшерилет.

12.18. Түшкөн электрондук документке жооп катары даярдалган электрондук документти макулдашуу жана кол коюу үчүн электрондук колтамга колдонулат.

12.19. ЭДСте издөө системасын түзүүнүн негизи болуп документтерди каттоо саналат.

12.20. ЭДСте конкреттүү документти издөө же материалдарды чогултуу документтердин түрдүү параметрлери боюнча, анын ичинен документтердин реквизиттери, түрлөрү, маршруту, мазмуну, маселелердин мүнөзү, жиберүүчүлөр жана даректер, аткаруучулар жана башкалар боюнча жүргүзүлөт.

12.21. ЭДС ар башка мекемелердин ортосунда электрондук документтер менен алмашуу мүмкүндүгүн берет. Мекемелер ченемдик укуктук актылардын долбоорлорун, каттарды, жарандардын арыздарын/кайрылууларын, аналитикалык мүнөздөгү маалыматтык документтерди бири-бирине жибере алышат.

13 Глава. Шаардык кенештин токтомдорун каттоо жана жарыялоо

13.1. Шаардык мэриянын аппарат жетекчиси шаардык кеңештин, маселе боюнча баяндамачы менен бирдикте шаардык кеңештин токтому кабыл алынган күндөн тартып 5 жумушчу күндүн ичинде тариздейт.

13.2. Документти (токтомду) түзүүдө грамматикалык өзгөртүүлөрдү кошпогондо, ага өзгөртүүлөрдү киргизүүгө жол берилбейт. Кабыл алынган токтомдун мазмунуна өзгөртүүлөрдү киргизген адамдар документти бурмалоо үчүн Кыргыз Республикасынын мыйзамдарына ылайык жоопкерчиликке тартылышат.

13.3. Шаардык кеңештин төрагасы шаардык кеңеш тарабынан кабыл алынган токтомдун долбоорун четке кагууга укуксуз жана кабыл алынган күндөн тартып 5 жумушчу күндүн ичинде ага кол коет.

13.4. Шаардык кеңештин токтомдору күчүнө кириши үчүн расмий жарыяланууга тийиш

13.5. Шаардык кеңештин токтомун расмий жарыялоо мамлекеттик же расмий тилдерде жүргүзүлөт. Мамлекеттик же аскердик сырды камтыган токтомдорду кошпогондо, токтомдорду толук эмес баяндап жарыялоого жол берилбейт.

13.6. Шаардык кенештин чечими атайын басылмаларда жана сайттарда жарыяланган күн, жарыяланды деп эсептелинет.

V. Мэриянын алдындагы комиссиялар, жыйындар жана текшерүүлөрдү жүргүзүүнүн тартиби

14 Глава. Шаардык мэриянын алдындагы туруктуу (убактылуу) комиссиялар жана башка комиссиялар

14.1. Шаардык мэрия Кыргыз Республикасынын мыйзамдары менен өзүнө жүктөлгөн функцияларды жана ыйгарым укуктарды ишке ашыруунун алкагында шаардык мэриянын алдында туруктуу (убактылуу) комиссияларды түзөт (1-тиркеме).

14.2. Шаардык мэриянын туруктуу (убактылуу) комиссияларынын функциялары жана милдеттери шаардык мэриянын же шаардык кеңештин башчысы тарабынан бекитилүүчү бул комиссиялар жөнүндө жободо же тиешелүү ченемдик укуктук актыларда аныкталат.

14.3. Туруктуу (убактылуу) комиссиялардын ишин уюштуруу жана координациялоо алардын ортосундагы милдеттердин бөлүштүрүлүшүнө ылайык шаардын мэри же анын орун басары тарабынан ишке ашырылат.

14.4. Туруктуу (убактылуу) комиссиялардын жыйналыштарында протоколдор жүргүзүлөт, коюлган маселелерди кароонун натыйжалары боюнча чечимдер же корутундулар кабыл алынат.

14.5. Туруктуу (убактылуу) комиссиялардын жыйналыштары, эгерде туруктуу (убактылуу) комиссиялардын позициясында же башка ченемдик укуктук актыларда башкача каралбаса, комиссиялардын мүчөлөрүнүн көпчүлүгүнүн катышуусу менен өткөрүлөт.

14.6. Туруктуу (убактылуу) комиссиялардын протоколдорунан, чечимдеринен, корутундуларынан үзүндүлөр кызыкдар жактарга берилет.

14.7. Шаардык мэрия Кыргыз Республикасынын мыйзамдарынын талаптарын аткаруу максатында муниципалдык кызматкерди мамлекеттик органдар тарабынан түзүлгөн комиссиялардын ишине катышууга жиберет .

15 Глава. Шаардык мэриянын жыйындары

15.1. Шаардын мэринин же анын орун басарынын демилгеси боюнча жумушчу жыйындар өткөрүлүшү мүмкүн. Отурумдун датасы жана убактысы, ошондой эле жыйналыштын күн тартиби чогулуштун демилгечиси тарабынан аныкталат.

15.2. Шаардын мэри өз ыйгарым укуктарынын алкагында пландуу жана пландан тышкаркы жыйындарды өткөргөнгө толук укугу бар.

15.3. Пландуу жолугушуулар белгиленген аралыкта, ошол эле убакта, кызматкерлердин белгилүү курамы менен, туруктуу күн тартиби менен өткөрүлөт: мезгилдин жыйынтыгы, аткарылган иштердин жыйынтыгын угуу, учурдагы иштер боюнча маалымат алмашуу, милдеттерди аныктоо, алдыдагы мезгилдин милдеттерин, ресурстарды жана милдеттерди бөлүштүрүү, өз ара аракеттенүүнү координациялоо жана башкалар.

15.4. Пландан тышкаркы жолугушуулар күтүлбөгөн, өзгөчө жана башка кечиктирилгис кырдаалдарда өткөрүлөт.

15.5. Шаардык мэриянын жыйналышын шаардын мэри, ал эми ал жок болгон учурда анын орун басары алып барат.

15.6. Жыйынга шаардык мэриянын аппаратынын кызматкерлери, зарыл болгон учурда шаардык мэриянын башка кызматкерлери катышат. Шаардык мэриянын бардык кызматкерлерин жана кызматкерлеринин катышуусунун зарылдыгы болбосо, жыйынга шаардык мэриянын айрым кызматкерлери гана чакырылышы мүмкүн, алардын тизмеси чогулушту өткөрүүнүн демилгечиси тарабынан аныкталат.

Зарыл болгон учурда жыйналышка мамлекеттик органдардын, мекемелердин, ишканалардын аймактык бөлүмдөрүнүн жетекчилери (өкүлдөрү) жана каралып жаткан маселелерге түздөн-түз тиешеси бар башка адамдар чакырылышы мүмкүн

15.7. Жыйын аркылуу төмөнкү милдеттер чечилет:

1) шаардын мэринин, шаардык кеңештин, мамлекеттик органдардын башка жогору турган кызмат адамдарынын чечимдеринин жана тапшырмаларынын, ошондой эле пландаштырылган иш-чаралардын аткарылышын контролдоо;

2) кабыл алынган чечимдердин аткарылышынын даражасын жана сапатын, аткаруу тартибин сактоону жыйынтыктоо, баалоо;

3) конкреттүү маселе боюнча маалыматтарды чогултуу, алмашуу жана маалыматтарды жалпылоо, алар боюнча катышуучулардын жана аткаруучулардын көз караштарын тактоо;

4) иштин абалы, кызматкерлердин тапшырмаларды жана кварталдык иш пландарын аткаруунун жүрүшү жөнүндө учурдагы маалыматтарды ыкчам алуу;

5) оперативдүү чечимдерди кабыл алуу жана аткаруучуларга жаңы милдеттерди коюу;

6) аткаруучулардын маалымдуулугун же квалификациясын жогорулатуу максатында аларга жүктөлгөн милдеттерге ылайык түшүндүрүү (нускоочу, тааныштыруу) иштерин (аппарат жетекчи тарабынан) жүргүзүү;

7) координациялоо, бөлүмдөрдүн өз ара аракеттенүүсүн камсыз кылуу;

8) жеке жана юридикалык жактардан келип түшкөн кайрылууларды талкуулоо, аткарылышын контролдоо;

9) шаардык мэриянын учурдагы ишмердүүлүгүнө оңдоолорду киргизүү, иш процессин жакшыртуу.(аппарат жетекчиси тарабынан)

15.8. Шаардык мэриянын жыйналышында кабыл алынган чечимдер жана тапшырмалар протокол менен таризделет, зарыл болгон учурда тиешелүү мыйзам актылары менен таризделет. Актылар жана протоколдор аппараттын жалпы бөлүмүнүн башкы адиси тарабынан түзүлөт жана шаардын мэрине же төрагалык кылуучунун кол коюусуна чогулуш өткөрүлгөн күндөн кийинки жумуш күнүнөн кечиктирбестен берилет. Актынын же протоколдун көчүрмөсү конкреттүү көрсөтмөлөрдү жана аткаруу мөөнөттөрүн көрсөтүү менен төрагалык кылуучу бекиткенден кийин 2 жумушчу күндүн ичинде аткаруучуларга аткаруу үчүн жиберилет.

16 Глава. Шаардык мэриянын жыйындарынын, шаардык мэриянын туруктуу (убактылуу) комиссияларынын жыйналыштарынын протоколдору

16.1. Шаардык мэриянын жыйналышынын, шаардык мэриянын туруктуу (убактылуу) комиссияларынын, жумушчу топторунун жыйналыштарынын протоколдору протоколдордун, баяндамалардын тезистеринин, маалымкаттардын, корутундулардын жана чечимдердин долбоорлорунун (токтом, буйрук) негизинде түзүлөт.

16.2. Протоколдордун көчүрмөлөрү зарыл болгон учурда бөлүштүрүү индексине ылайык кызыкдар мекемелерге жана кызмат адамдарына жөнөтүлөт. Көрсөтүлгөн маселени кароону даярдаган бөлүмдүн жооптуу аткаруучусу тарабынан түзүлөт жана кол коет. Протоколдордун көчүрмөлөрү мөөр менен күбөлөндүрүлөт.

16.3. Кабыл алынган чечимдердин, протоколдордун көчүрмөлөрү аткаруучуларга жеткирилет, алар мөөр менен күбөлөндүрүлөт.

16.4. Чогулуштарда, сессияларда кабыл алынган чечимдердин жана тапшырмалардын аткарылышын контролдоо жооптуу аткаруучулар тарабынан камсыз кылынат жана баяндалат.

16.5. Протоколдор мамлекеттик тилде зарыл болгон учурда расмий тилде даярдалат.

17 Глава. Шаардык мэриянын ишин текшерүүнүн тартиби жана текшерүүнү каттоо китепчеси

17.1. Шаардык мэриянын ишин текшерүүнү жүргүзүүнүн тартиби «Жергиликтүү өз алдынча башкаруу органдарынын ишине текшерүү жүргүзүүнүн тартиби жөнүндө» Кыргыз Республикасынын Мыйзамында белгиленген тартипте жүзөгө ашырылат.

17.2. Текшерүүлөрдү каттоо китеби жана андагы каттоо тартиби Кыргыз Республикасынын тиешелүү мыйзамдары менен бекитилген формада жана тартипте жүргүзүлөт.

17.3. Ыйгарым укуктуу мамлекеттик органдын кызмат адамын, шаардык мэриянын ишин текшерүү башталганга чейин шаардык мэриянын аппарат жетекчиси текшерүүлөрдү каттоо китебине каттатууга милдеттүү.

17.4. Текшерүүлөрдү каттоо китебинде ыйгарым укуктуу мамлекеттик органдын кызмат адамы каттоо китебине төмөндөгүлөрдү көрсөтөт:

1) ыйгарым укуктуу органдын аталышын;

2) текшерүү күнүнүн датасын жана аяктаган күндүн датасын;

3) текшерүүнүн негизин жана предметин;

4) текшерүү жүргүзүүчүнүн аты жөнү жана ээлеген кызматы;

5) текшерүү учурунда алган документтердин же документтердин копияларынын аталыштары жана тизмеси.

17.5. Текшерүү китебине катталбастан шаардык мэриянын ишин текшерүүгө жол берилбейт. Текшерүүнү каттоо китепчесин шаардык мэриядан алып коюуга тыюу салынат. Зарыл болгон учурда шаардык мэриянын текшерүүнү катоо китепчесинин күбөлөндүрүлгөн көчүрмөсүн бере алат.

17.6. «Жергиликтүү өз алдынча башкаруу органдарынын ишин текшерүүлөрдү жүргүзүүнүн тартиби жөнүндө» Кыргыз Республикасынын Мыйзамына ылайык пландуу, пландан тышкаркы, контролдук текшерүүлөрдү жана кайра текшерүүлөрдү жүргүзүү ыйгарым укуктуу мамлекеттик органдар укуктуу,

VI Раздел. Жарандардын кайрылуулары менен иштөө

18 Глава. Жарандардын кайрылууларын кароонун тартиби

18.1. Шаардык мэрияга келип түшкөн жарандардын кайрылуулары (сунуштар, арыздар, даттануулар), чет өлкөлүк жарандардын, жарандыгы жок адамдардын кайрылуулары жана аларды кароонун натыйжалары боюнча жооптор катталууга тийиш.

18.2. Жарандардын кайрылууларын каттоо автордук алфавиттин биринчи тамгасы жана катар номери менен таризделет жана чыгуучу каттын номерине жооп берүүдө ЭДС аркылуу номер ыйгарылат.

18.3. Резолюция менен таризделген каттар шаардын мэринин кароосуна жана аткаруучуну аныктоого ЭДСаркылуу жөнөтүлөт.

18.4. Шаардык кеңешке келген жарандардын кайрылууларын ЭДС аркылуу шаардык кеңештин төрагасына өткөрүлүп берилет.

18.5. Катты кароо бир нече аткаруучуга жүктөлгөн учурда макулдашууну биринчи кезекте көрсөтүлгөн аткаруучу ишке ашырат. Ошондой эле маалыматты жалпылайт жана катты кароонун жыйынтыгы боюнча акыркы жоопту даярдайт, аны кароого катышкан бардык аткаруучулар бекитет.

18.6. Жазуу жүзүндөгү даттануу ал катталган күндөн тартып 14 календардык жумушчу күндүн ичинде каралат.

18.7. Эгерде жарандардын кайрылуулары боюнча маселени чечүү үчүн атайын текшерүү (экспертиза) зарыл болсо жана чара көрүү үчүн кошумча материалдар талап кылынса, жарандардын кайрылууларын кароонун мөөнөттөрү, өзгөчө учурларда, шаардын мэри тарабынан 30 календарлык күндөн ашык эмес убакка узартылышы мүмкүн. Арыз ээсине жазуу жүзүндө билдирүү менен.

18.8. Жарандардын кайрылууларын кабыл алуу, каттоо жана аткаруу мөөнөттөрүн контролдоо иш кагаздарын жүргүзүүчү кызматкер тарабынан жүзөгө ашырылат. (жалпы бөлүмдүн башкы адиси, жетектөөчү адистери тарабынан функционалдык милдеттеринде көрсөтүлгөн тартипте)

18.9. Жазуу жүзүндөгү кайрылуулар каралып, аларда коюлган маселелер боюнча зарыл чаралар көрүлүп, жарандарга белгиленген мөөнөттө жазуу жүзүндө жооптор берилсе чечилди деп эсептелет.

18.10. Жамааттык кайрылууга жооп, эгерде текстте башкача каралбаса, кайрылууда биринчи көрсөтүлгөн жарандын дареги боюнча жөнөтүлөт.

18.11. Жарандардын кайрылуулары менен иштөө аяктагандан кийин жооптун түп нускасы кайрылуунун авторуна жөнөтүлөт, жооптун көчүрмөсү катчыда калат, зарыл болгон учурда жооптун бир нускасы аткаруучуда сакталышы мүмкүн.

18.12. Календардык жыл ичинде автор бир эле маселени кайра-кайра көтөргөн каттар катталган учурда, “кайталап” деген белги менен маалымат базасына киргизилет.

18.13. Эгерде алар боюнча текшерүүнүн толук материалдары болсо жана мыйзамдарда жана ушул Жободо белгиленген тартипте жарандарга жооптор берилсе, жаңы жүйөлөр же жаңыдан ачылган жагдайлар келтирилбеген кайталанган кайрылуулар (оозеки, жазуу жүзүндөгү же электрондук түрдө) каралбайт, ал жөнүндө арыз ээсине билдирилет. Кайталанган кайрылууларды изилдөөдө аларга мурунку кайрылууларды кароонун материалдары тиркелет.

18.14. Эгерде кайрылуунун тексти окууга мүмкүн болбосо, анда бул кайрылууну карап жаткан адам арыз ээсин (эгерде арыз ээсинин аты-жөнүн жана почта дарегин окууга мүмкүн болсо) кайрылуунун маңызын жана аргументтерин тактоого чакырат. Эгерде даттанууну карап жаткан адам арыз ээси менен байланышпаса, даттанууну андан ары кароо токтотулат, бул жөнүндө арыз ээсине жазуу жүзүндө билдирилет.

18.15. Жооп жөнөтүлүүгө тийиш болгон фамилиясы жана почта дареги (жашаган жери) көрсөтүлбөгөн жарандын жазуу жүзүндөгү кайрылуусу анонимдүү деп таанылат жана кароого жатпайт.

18.16. Соттун чечимине даттанылган даттануу бул соттун чечимине даттануунун тартибин түшүндүрүү менен даттанууну жөнөткөн жаранга кайтарылып берилет.

18.17. Календардык жыл аяктагандан кийин иш кагаздарын жүргүзүүчүнүн карамагында турган каттардын бардык материалдары делолорго түзүлөт жана архивдик сактоого берилет, анда 3 жыл сакталат.

18.18. Жазуу жүзүндөгү кайрылуулардын материалдары жана жарандардын арыздарына жана кайрылууларына архивден жооптор алардын суроо-талаптары боюнча иш кагаздарын жүргүзүүчү тарабынан берилет.

18.19. Жарандардын арыздарын жана даттанууларын кароонун белгиленген тартиби тиешелүү адистер тарабынан бузулган учурда алар Кыргыз Республикасынын мыйзамдарына ылайык жоопкерчиликке тартылат.

19 Глава. Жарандардын электрондук кайрылуулары менен иштөөнүн өзгөчөлүктөрү

19.1. Шаардык мэриянын расмий электрондук дарегине (расмий веб-сайтына, почтасына) келип түшкөн электрондук кайрылуулар катчы тарабынан катталууга тийиш. Жарандардын келип түшкөн кайрылуулары алар катталган күндөн тартып 14 күндүн ичинде каралат.

19.2. Ушул Жобонун 18.7-пунктунда каралган учурларда электрондук арызды кароо мөөнөтү узартылышы мүмкүн, бирок 30 календардык күндөн ашпоого тийиш. Бул боюнча чечим шаардын мэри тарабынан кабыл алынат жана арыз ээсине жазуу жүзүндө (электрондук) кабарланат.

19.3. Жаран өзүнүн электрондук кайрылуусунда электрондук кайрылуу жөнөткөн шаардык мэриянын же шаардык кеңештин атын, же болбосо шаардын мэринин, шаардык кеңештин төрагасынын фамилиясын, атын, атасынын атын көрсөтүүгө милдеттүү. Ошондой эле анын фамилиясы, аты, атасынын аты (бар болсо), байланыш телефону (үй, мобилдик же жумуш), жашаган жеринин дареги кайрылуунун маңызын көрсөтүүсү шарт.

19.4. Электрондук кайрылууга электрондук документтердин көчүрмөлөрүн, анын ичинде сканерленген көчүрмөлөрүн, электрондук файлдар (электрондук документтер, фото жана видеоматериалдар) жайгаштырылган интернет даректерин (ссылкаларын) тиркөөгө жол берилет.

19.5. Аткаруучу электрондук кайрылууну алгандан кийин 3 жумушчу күндүн ичинде жаранга анын кайрылуусунун кароого кабыл алынгандыгы жөнүндө электрондук билдирүү жөнөтөт, анда келип түшкөн датасы жана убактысы, ыйгарылган кириш номери жана тиешелүү маалымдама телефондору же баш тартуунун себептерин негиздөө менен кароодон баш тартуу көрсөтүлөт. Андан ары электрондук кайрылуу басып чыгарылат жана аны менен мындан аркы иштөө белгиленген мыйзамд талабына ылайык жүргүзүлөт.

19.6. Электрондук кайрылууну кароонун жүрүшүндө электрондук кайрылууну кабыл алган аткаруучу электрондук кат алышуу же кайрылууда көрсөтүлгөн телефон номерине чалуу аркылуу кайрылуунун маңызын тактоого укуктуу.

19.7. Электрондук жооптон тышкары аткаруучу жаранга кат жүзүндө жооп да жөнөтөт.

20Глава. Жарандарды жеке кабыл алуу

20.1. Арыздардын маңызы боюнча чечим кабыл алууга ыйгарым укук берилген шаардын мэри жана шаардык мэриянын аппаратынын кызматкерлери бекитилген график боюнча жарандарды жеке кабыл алууну жүргүзүшөт.

20.2. Жарандарды кабыл алуу графиги шаардык мэриянын расмий сайтында жарыяланат же шаардык мэриянын маалымат стенддеринде жайгаштырылат, ошондой эле шаардын мэринин жана кызматкерлердин иш бөлмөсүнүн эшигине илинет.

20.3. Жарандарды жеке кабыл алууда оозеки кайрылууда айтылган маселени жеке кабыл алууда чечүү мүмкүн болбосо, кайрылуу жаран тарабынан жазуу жүзүндөгү (же электрондук) түрдө берилиши мүмкүн, кайрылуу мыйзам жана ушул Жобонун талабына ылайык катталып кайтарым байланыш болууга жатат.

20.4. Эгерде кайрылууда аларды чечүү айыл шаардын мэринин же шаардык мэриянын жооптуу кызматкеринин компетенциясына кирбеген суроолор болсо, жаранга кайда жана кандай тартипте кайрылуусу керектиги боюнча түшүндүрмө берилет.

20.5. Жеке кабыл алууда жаранга кайрылууда коюлган суроолордун маңызы боюнча жооп берилсе, кайрылууну андан ары кароодон баш тартылышы мүмкүн.

20.6. Кезексиз кабыл алууга алыскы аймактардан келген жарандар, I жана II топтогу майыптар, Экинчи дүйнөлүк согуштун ардагерлери, шаардык кеңештин депутаттары укуктуу. Баш тартууга жол берилбейт.

21 Глава. Шаардык мэрия жана шаардык кеңеш тарабынан сакталган маалыматка жетүүнү камсыз кылуу

21.1. Шаардык мэриянын, шаардык кеңештин иши ачык, айкын жана маалыматка жеткиликтүү болушу шарт.

21.2. Шаардык мэриянын, шаардык кеңештин карамагындагы маалыматтарды берүү «Кыргыз Республикасынын мамлекеттик органдарынын жана жергиликтүү өз алдынча башкаруу органдарынын карамагындагы маалыматтарга жетүү жөнүндө» Кыргыз Республикасынын Мыйзамына ылайык ишке ашырылат.

21.3. Шаардык мэрия маалымат менен камсыз кылуунун негизги жолдору болуп төмөндөгүлөр саналат:

1) тиешелүү материалдарды, маалыматтарды жайылтуу жана жарыялоо;

2) жеке жана юридикалык жактарга алардын суроо-талаптарынын негизинде маалымат берүү;

3) шаардык мэриянын жана шаардык кенештин иши жонундо маалыматтарды жарыялоо;

4) шаардык мэриянын жана шаардык кенештин иш кагаздарына жана материалдарына түз жетүүнү камсыз кылуу;

5) шаардык кеңештин ачык сессияларына, шаардык кеңештин жана шаардык мэриянын туруктуу (убактылуу) комиссияларынын жыйналыштарына түз кирүүнү камсыз кылуу.

22Глава. Шаардык мэриянын жана шаардык кенештин козомолго алынган маалыматтын ачыкка чыгаруунун ыкмалары

22.1. Шаардык мэриянын жана шаардык кеңештин иши жөнүндө маалыматтарын жарыялоо үчүн жергиликтүү өз алдынча башкаруу органдарынын сайтына жайгаштырылат. Бул үчүн шаардык кеңеш менен шаардык мэриянын сайты болуусу зарыл

22.2. Шаардык мэрия өзүнүн иши жана шаардык кеңештин иши жөнүндө маалыматты калкка маалымдоо үчүн Кыргыз Республикасынын мыйзамдарында тыюу салынбаган башка ыкмаларды колдонууга укуктуу. Маалыматка жетүүнүн ыкмаларынын бирин берүү кандайдыр бир башка юридикалык ыкма менен маалымат берүүдөн баш тартуу үчүн негиз боло албайт.

23 Глава. Жарандардын кайрылууларынын мазмунуна ылайык маалымат берүү тартиби

23.1. Жеке жана юридикалык жактардын арыз кайрылуулары төмөндөгү тартипте болушу мүмкүн:

1) ооз эки жана телефон аркылуу;

2) жазуу жүзүндөгү арыз кайрылуулар түз жөнөтүү, почта, курьер аркылуу же электрондук байланыш каналдары аркылуу берилген суроо-талап болушу мүмкүң.

23.2. Суроо-талапка жооп суроо-талап жөнөтүлгөн формада канааттандырылат. Шаардык мэрияда жайгашкан документ мамлекеттик тилде болгондуктан, зарыл болгон учурда кайрылуу кайсыл тилде келсе ошол тилде жооп кайтарылат.

23.3. Жазуу жүзүндөгү кайрылууга жооп даярдоо 2 жуманын ичинде жүргүзүлөт. Суроо-талапка жооп берүү мөөнөтүн эсептөө, суроо-талап келип түшкөн жана катталган күндөн тартып башталат жана автор суроо-талапка жоопту почта бөлүмүнө, жеке өзүнө же анын курьерине же өкүлүнө жөнөткөн күнү аяктайт, же электрондук байланыш каналдары аркылуу жөнөтүлгөн күнү.

23.4. Эгерде 2 жуманын ичинде суроо-талапка жооп даярдоого мүмкүн болбосо, бул кечиктирүүнүн себебин көрсөтүү менен суроо-талапты жөнөткөн адамга билдирүү жеткирилет. Узартылган мөөнөт 2 жумадан ашпашы керек. Суроо-талапка белгиленген мөөнөттө жооп бербөө же жооп берүүнүн мөөнөтүн узартуу жөнүндө билдирбөө суроо-талапка жооп берүүдөн баш тартуу катары эсептелет.

(Эскертүү: Жазуу жүзүндөгү кайрылуунун формасы жана мазмуну, жазуу жүзүндөгү суроо-талапты кароонун жана канааттандыруунун тартиби, маалымат берүү менен байланышкан чыгымдар, ошондой эле суроо-талап боюнча маалымат берүүдөн баш тартуунун негиздери Кыргыз Республикасынын «Кыргыз Республикасынын мамлекеттик органдарынын жана жергиликтүү өз алдынча башкаруу органдарынын карамагында турган маалыматтарга жетүү жөнүндө»Мыйзамы менен аныкталат ).

24 Глава. Шаардык мэриянын, шаардык кеңештин маалымат тизмесин коомчулукка жарыялоо

Шаардык мэрия жыл сайын жеткиликтүү түрдө обзорлордо (маалымат такталарында), өзүнүн расмий сайтында шаардык мэриянын жана шаардык кеңештин иши жөнүндө төмөндөгү маалыматтарды жарыялайт:

1) өздөрүнүн функцияларын жана милдеттерин, ыйгарым укуктарын, милдеттерин жана бекитилген жергиликтүү бюджетти;

2) шаардык мэрия тарабынан көрсөтүлүүчү муниципалдык жана башка кызматтардын тизмеси жана сүрөттөлүшү;

3) суроо-талаптарды же даттанууларды кароонун жана канааттандыруунун тартиби, ошондой эле өтүнүчтү, даттанууну же арыз берүүчүлөрдүн башка аракеттерин кароонун болжолдуу үлгүсү;

4) шаардык мэриянын аппаратынын кызматкерлеринин ыйгарым укуктарын жана милдеттерин баяндоо жана алар тарабынан чечимдерди кабыл алуу тартиби;

5) шаардык кеңештин депутаттарынын ыйгарым укуктарынын жана милдеттерин, шаардык кеңештин түзүмүн, туруктуу комиссиялардын мүчөлөрүнүн укуктарын жана милдеттерин жана алар тарабынан чечимдерди кабыл алуу тартибин баяндоо;

6) шаардык мэриянын, шаардык кеңештин өз функцияларын аткаруусу жөнүндө маалыматтарды камтыган устав, жобо, нускамалар;

7) жергиликтүү маанидеги маселелерди чечүүгө жарандардын катышуусунун механизмдери же тартиби;

8) шаардык мэрияга, шаардык кеңешке келип түшкөн жарандардын жана уюмдардын кайрылуулары боюнча жалпыланган маалымат, мындай кайрылууларды кароонун жыйынтыгы жана көрүлгөн чаралар жөнүндө;

9) мамлекеттик маалыматтык системалардын, маалымат банктарынын, шаардык мэрия тарабынан башкаруучу реестрлердин тизмелери, ошондой эле жарандарга жана уюмдарга көрсөтүлүүчү маалыматтык ресурстардын жана кызмат көрсөтүүлөрдүн тизмелери;

10) шаардык мэрия, шаардык кеңеш жана анын туруктуу комиссиялары тарабынан уюштурулган расмий иш-чаралар, анын ичинде шаардык кеңештин сессиялары, шаардык кеңештин туруктуу (убактылуу) комиссияларынын жыйналыштары, шаардык мэриянын туруктуу (убактылуу) комиссияларынын жыйналыштары жөнүндө маалымат; чогулуштар (чогулуштар), коомдук (бюджеттик) угуулар, жергиликтүү курултайлар;

11) шаардык мэрия, шаардык кеңеш тарабынан уюштурулган расмий иш-чараларда кабыл алынган чечимдер жөнүндө маалымат;

12) шаардык мэриянын, шаардык кеңештин жана анын туруктуу (убактылуу) комиссияларынын тиешелүү жылга иш пландары;

13) социалдык-экономикалык өүгүү программаларынын максаттары, аткарылыш мөөнөттөрү, ишке ашыруу жана келечектеги үмүтү ишке ашыруудагы каржылоонун объему;

14) жергиликтүү бюджеттин аткарылышы жөнүндөгү маалыматтар;

15) шаардык мэриянын катышуусу менен жүргүзүлүүчү долбоорлорго жана иш-чараларга техникалык жардам (жардам) каражаттарынын чыгымдалышы жөнүндө маалымат;

16) кырдаалдын жана жергиликтүү жамааттын социалдык-экономикалык өнүгүүсүнүн динамикасын мүнөздөгөн негизги көрсөткүчтөр жөнүндө маалымат;

17) шаардын аймагындагы рассмий статистикалык маалымат;

18) шаардык мэрия же шаардык мэриянын алдында түзүлгөн тиешелүү комиссиялар өткөргөн ачык конкурстар, аукциондор, тендерлер жана башка иш-чаралар жөнүндө төмөндөгү маалыматтар:

- аларды өткөрүүнүн тартиби;

- жеке жана юридикалык жактардын аларга катышуунун тартиби;

- составы конкурсных комиссий;

- конкурстук комиссиялардын протоколдору;

- кабыл алынган чечимдерге даттануунун тартиби;

19) Кыргыз Республикасынын мыйзамдарында белгиленген тартипте арыздардын, бланктардын, кайрылуулардын формалары ;

20) шаардык мэрига жүргүзүлгөн текшерүүлөрдүн жыйынтыктары жөнүндө, ошондой эле аныкталган мыйзам бузууларды четтетүү боюнча алар тарабынан көрүлгөн чаралар жөнүндө маалымат;

21) Калкты жана аймактарды өзгөчө кырдаалдардан коргоонун абалы, алардын коопсуздугун камсыз кылуу боюнча көрүлгөн чаралар, болжолдонгон жана келип чыгуучу өзгөчө кырдаалдар, калкты алардан коргоонун ыкмаларын жана каражаттары жөнүндө маалыматтар, ошондой эле мыйзамдар менен белгиленген шаардык мэрия тарабынан жарыялоого тийиш болгон башка маалыматтар;

22) аталган шаардык мэрияга жарандарды муниципалдык кызматка кабыл алуу жөнүндө маалымат:

- жарандарды муниципалдык кызматка кабыл алуунун тартиби;

- муниципалдык кызамтта муниципалдык бош кызмат орундарынын тизмеси;

- муниципалдык бош кызмат ордуна квалификациялык талаптар;

- муниципалдык бош кызмат ордуна откорулуучу конкурстун шарттары;

23) шаардык мэриянын, шаадык кеңештин депутаттарынын башка мамлекеттик органдар жана жергиликтүү өз алдынча башкаруу органдары, коомдук бирикмелер, саясий партиялар, кесиптик бирликтер жана башка уюмдар, анын ичинде эл аралык уюмдар менен өз ара аракеттенүүсү жөнүндө маалыматтар;

24) шаардын мэри жөнүндө, шаардык кеңештин депутаттары жөнүндө маалыматтар (фамилиясы, аты жана атасынын аты, өмүр баяны - көрсөтүлгөн адамдар менен макулдашуу боюнча);

25) шаардык мэриянын аппаратынын бекитилген түзүмү жана жалпы штаттык саны жөнүндө, алардын түзүмдүк бөлүмдөрүнүн милдеттери жана функциялары жөнүндө маалымат, почта даректери, маалымдама кызматтарынын телефондору жана дарек реквизиттери, анын ичинде электрондук почта дареги;

26) шаардык мэрияга баш ийген түзүмдүк бөлүмдөр жөнүндө маалыматтар: түзүмдүк бөлүмдөрдүн тизмеси, алардын почталык-юридикалык даректери, телефондору, алар аткарган милдеттердин жана функцияларынын сыпаттамасы, аларды түзүү, кайра уюштуруу жана жоюу жөнүндө, алардын кызматкерлеринин саны, негизги иштеринин аткарылышы, көрсөткүчтөр;

27) шаардык мэриянын иш аракетине катышкан эл аралык уюмдардын тизмеси;

28) шаардык мэриянын, шаардык кеңештин депутаттарынын эл аралык инвестицияларды жана эл аралык кызматташтык программаларын ишке ашырууга катышуусунун жыйынтыктары жөнүндө маалымат.

29) кезекке тургандаргандарга жер участогун берүү жөнүндө маалымат жана жеке турак жай куруу үчүн жер алуу үчүн жарандардын тизмелери;

25 Глава. Жарандардын документтерге, материалдарга, шаардык мэриянын, шаардык кеңештин, ошондой эле алардын туруктуу (убактылуу) комиссияларынын жыйналыштарына жеткиликтүүлүгүн камсыз кылуу

25.1. Шаардык мэриянын, шаардык кеңештин жана алардын туруктуу (убактылуу) комиссияларынын документтери жана материалдары менен түздөн-түз таанышуу:

1) рассмий маалымат фонддору;

2) маалымат базалары.

25.2. Шаардык мэриянын туруктуу (убактылуу) комиссияларынын жыйналыштары (жыйындары), ошондой эле шаардык кеңештин сессиялары жана шаардык кеңештин туруктуу (убактылуу) комиссияларынын жыйналыштары жабык жыйналыштарды кошпогондо, коомчулук үчүн ачык өткөрүлөт.

25.3. Чогулуштардын ачыктыгы тиешелуу чогулуштарга, чогулуштарга катышууга каалоосун билдирген жарандардын келуу мумкунчулугу менен кепилденет.

25.4. Кыргыз Республикасынын тиешелүү мыйзамдары менен чектөө койулган маалыматтар гана жабык чогулуштарда өткөрүлөт, маалыматтардын жайылып кетүүсүн алдын алуу максатында.

26 Глава. Маалыматтарга жетүүгө чектөө койуу

26.1. Мамлекеттик сырга кирген маалыматтарды, ошондой эле купуя маалыматтарды тааныган, жеткиликтүүлүгү чектелген маалыматтарды кошпогондо, шаардык мэриянын, шаардык кеңештин карамагындагы маалыматтарга жетүү үчүн кандай гана болбосун чектөөлөргө тыюу салынат.

26.2. Маалыматтардын мамлекеттик сырга тиешелүүлүгү "Кыргыз Республикасынын мамлекеттик сырларын коргоо жөнүндө" мыйзамына ылайык жүзөгө ашырылат.

26.3. Жашыруун маалыматты камтыган маалыматтар:

1) кызамттык сырдуулук (документы служебного пользования - ДСП),

2) башка адамдардын мыйзам тарабынан корголуучу сырларын камтыган маалыматтар.

27 Глава. Жобонун талаптарын бузгандык үчүн жоопкерчилик

27.1. Жобо бардык муниципалдык кызматкерлер жана шаардык мэриянын аппаратынын башка кызматкерлери тарабынан милдеттүү түрдө аткарылууга тийиш. Ушул Жобонун талаптарынын аткарылышын контролдоо шаардын мэринин, анын орун басары жана/же жооптуу катчы тарабынан жүзөгө ашырылат..

27.2. Жобонун талаптарынын сакталышын камсыз кылуу, иш кагаздарын жана материалдарды сапаттуу жана өз убагында даярдоо, ошондой эле шаардык мэриянын аппаратында документтердин эсебин алуу жана сакталышы үчүн жоопкерчилик аткаруучуларга жүктөлөт.

27.3. Ушул Жобонун талаптарынын өз убагында жана талаптагыдай аткарылышын мэрдин орун басары, аппарат жетекчиси көзөмөлгө алат.

27.4. Ушул Жобонун талаптарын аткарбагандыгы жана бузгандыгы үчүн шаардык мэриянын аппаратынын кызматкерлери жана шаардын аймагындагы ведомстволордун жетекчилери, аймактык башкармалыктардын башчылары, аткаруучулар мыйзамда белгиленген тартипте жеке жоопкерчилик тартышат.

28 Глава. Тартиптик жаза колдонуу жана кызматтык териштирүү

28.1. Кызматкер дисциплинардык укук бузуу жазаса, кызматкер дисциплинардык жоопкерчиликке тартылат.

28.2. Кызматкерге дисциплинардык жаза шаардын мэри тарабынан тартиптик жорук жасоо фактысы аныкталган же ырасталган учурларда гана берилет.

28.3. Тартиптик жорук жасоо фактысын аныктоо же ырастоо үчүн шаардын мэри өз демилгеси боюнча, этика же тартиптик комиссиянын сунушу боюнча же кызматкердин өзүнүн демилгеси боюнча дайындалган кызматтык териштирүү жүргүзүлүшү мүмкүн.

28.4. Кызматкер тарабынан жасалган тартип бузуу жөнүндө маалымат жалпыга маалымдоо каражаттарында жарыяланган учурларда кызматтык териштирүү жеке жана юридикалык жактардын кайрылууларынын негизинде да жүргүзүлүшү мүмкүн

28.5. Ички териштирүү шаардын мэринин буйругу менен шаардык мэриянын алдындагы тартиптик комиссия тарабынан жүргүзүлөт.

28.6. Кызматтык териштирүүнүн токтотулушунун негиздери:

1) кызматкердин жасаган жоругун же күнөөсүн толук, ачык моюнга алуусу - фактылар чындыкка дал келген учурда;

2) тартиптик жоопкерчиликке тартуу мөөнөтү аяктаганда;

3) жасалган укук бузуудан кылмыштын же администрациялык укук бузуунун белгилери табылса, материалдарды тиешелүү мамлекеттик органга өткөрүп берүү менен.

28.7. Кызматкер тарабынан жүктөлгөн милдеттерди аткарбагандыгы же талаптагыдай аткарбагандыгы, этикалык нормаларды сактабагандыгы, кызыкчылыктардын кагылышы жөнүндө мыйзамдарды бузгандыгы үчүн ага тартиптик жазалардын төмөнкү түрлөрү колдонулат:

1) эскертүү;

2) сөгүш;

3) кызмат ордунан бошотуу;

28.8. Тартиптик жазалар тартип бузуу аныкталгандан кийин дароо, бирок ал жасалган күндөн тартып 6 айдан кечиктирилбестен колдонулат. Кызматкер өзүнө жүктөлгөн милдеттерди аткарбагандыгы же талаптагыдай аткарбагандыгы үчүн бир гана тартиптик жаза колдонулушу мүмкүн. (КР Эмгек кодексин эске алуу менен, КР Мамлекеттик жарандык кызмат жана муниципалдык кызмат жөнүндөгү мыйзамына ылайык)

28.9. Кызматкерде жоюлбаган же алынбаган тартиптик жазасы бар болсо, кызмат ордунан жогорулатышы мүмкүн эмес, ошондой эле кызматкер кызмат ордунда бир жылдан ашык иштеген бирок, аттестациядан өтпөгөн же төмөн балл алган кызматкерди кызмат ордунан жогорулатуу, кошумча сый акы берүү мүмкүн эмсе.

Эскертүү: Аттестация боюнча Кыргыз Республикасынын Президентинин 31.05.2021-жылдагы №169 сандуу Указы милдеттүү аткарууга жатат.

28.10. Тартиптик жаза колдонуу жөнүндө шаардын мэринин буйругу чыккан күндөн тартып 3 жумушчу күндүн ичинде кызматкерге тааныштырылат. Эгерде кызматкер көрсөтүлгөн буйрукка кол коюудан баш тартса, тиешелүү акт түзүлөт.

28.11. Тартиптик жаза ал колдонулган күндөн тартып 1 жыл бою күчүндө болот. Эгерде ушул мезгилдин ичинде кызматкер жаңы тартиптик жазага тартылбаса, анда ал тартиптик жазасы жок болду деп эсептелет. Эгерде кызматкерге жыл ичинде бир нече ирет тартиптик чара колдонулса анда тартиптик комиссиянын сунушунун негизиде гана жоюлат.

28.12. Шаардын мэри тартиптик жазаны жогоруда көрсөтүлгөн мөөнөт өткөнгө чейин, бирок жаза колдонулган күндөн тартып 6 айдан эрте эмес, ошондой эле баалоонун жыйынтыгы боюнча же тартиптик комиссиянын сунушунун негизинде алып салууга укуктуу.

28.13. Тартиптик жазаны колдонуу жөнүндө чечимге кызматкер 2 айдын ичинде ыйгарым укуктуу мамлекеттик органга, ал эми ыйгарым укуктуу мамлекеттик органдын чечими менен макул болбогон учурда - сот тартибинде даттанылышы мүмкүн.

.

28.14. Тартиптик жаза колдонуу жөнүндө шаардык мэриянын буйругунун күбөлөндүрүлгөн көчүрмөсү кызматкерге ал кабыл алынгандан кийин 3 жумушчу күндүн ичинде берилет.

28.15. Кызматтык териштирүүнү жүргүзүүнүн тартиби Кыргыз Республикасынын мыйз талаптарында көрсөтүлгөн тартипте жүргүзүлөт.

Эскертүү: Кыргыз Республикасынын Эмгек кодексинин талаптарына негиз кызматкерге функционалдык милдетинен тышкары кошумча буйрук берүүгө же кошумча иш жүктөөгө тиешелүү мыйзамдар жол бербейт.

29 Глава. Эмгек өргүү

29.1. Шаардык мэриянын кызматкерлерине жыл сайын акы төлөнүүчү өргүү берилет.

29.2. Кызматкерге, кызматкерге шаардык мэрияда үзгүлтүксүз 11 ай иштегенден кийин, иштеген биринчи жылы үчүн өргүүдөн пайдалануу укугу келип чыгат.

29.3. Үзгүлтүксүз иштеген 11 айлык мөөнөт аяктаганга чейин кызматкердин каалоосу боюнча акы төлөнүүчү өргүү төмөндүгү шарттарда берилүүгө тийиш:

1) аялдар - декреттик өргүүгө чейин же андан кийин дароо;

2) 18 жашка толо элек кызматкерлерге;

3) толук эмес иштеген жумушчулар, эгерде негизги жумуш орду боюнча эмгек өргүүсү толук эмес жумуш убактысынын 11 айга чейинки мезгилине туура келсе;

4) 3 айга чейинки баланы (балдарды) асырап алган кызматкерлер;

29.4. Экинчи жана андан кийинки иштеген жылдары үчүн өргүү ушул уюмда белгиленген жыл сайын төлөнүүчү өргүүлөрдү берүү тартибине ылайык жумушчу жылынын каалаган убагында берилиши мүмкүн.

29.5. Жыл сайын өргүү берүүнүн ырааттуулугу шаардык мэриянын кызматчыларынын өз ара макулдашуусу боюнча жумуштун нормалдуу жүрүшүн жана кызматкерлердин эс алуусу үчүн жагымдуу шарттарды камсыз кылуу зарылдыгын эске алуу менен шаардын мэри тарабынан бекитилет.

29.6. Өргүүлөрдүн графиги ар бир календардык жыл үчүн календардык жыл башталганга чейин 2 жумадан кечиктирбестен түзүлөт жана кызматкерлер менен макулдашылат, маалымдалат.

29.7. Эмгек мамилелерин жана аларга тикелей байланышкан башка мамилелерди жөнгө салуу Кыргыз Республикасынын Эмгек кодекси жана эмгек укугунун ченемдерин камтыган башка ченемдик укуктук актылар менен ишке ашырылат.

30 Глава. Жумуш убактысы

30.1. Шаардык мэрияда жумуш убактысы жумасына 40 саат, белгиленген беш күндүк иш жумасына 2 күн эс алуу менен.

30.2. Белгиленген жумуш убактысынан тышкаркы жумуштар кызматкердин демилгеси боюнча да (толук эмес жумуш убактысы) , иш берүүчүнүн демилгеси боюнча да (кошумча иштөө) Кыргыз Республикасынын эмгек мыйзамдарында белгиленген тартипте жүргүзүлүшү мүмкүн.

30.3. Иш берүүчүнүн демилгеси боюнча дем алыш жана жумуш эмес майрам күндөрү жумушка чакыртуу тараптардын макулдашуусу боюнча кызматкерге эки эселенген өлчөмдөн кем эмес акчалай компенсациялануу менен ишке ашыртылат.

30.4. Иштин башталышы жана аяктоо убактысы, шаардык мэриянын кызматкерлеринин эс алуусу үчүн тыныгуу төмөнкүдөй белгиленет:

1) жумуш убактысынын башталышы – 08. 30минутада;

2) түштөнүү –12 00 - 13.00.

3) жумуш убактысынын аякташы – 17.30 минутада;

4) майрам күндөрүнүн алдынкы күндөрүндөгү жумуш убактысынын аякташы – 16. 30 минута.

30.5. Кызматкердин функционалдык милдеттеринин аткарылышы жана жумуш убактысына келиши жана жумуш убактысанан кетишинин көзөмөлү шаардык мэриянын аппарат жетекчиси көзөмөлдөйт.

30.6. Шаардын мэринин жана анын орун басарынын макулдугу менен жумуш саатында кызматтык муктаждыкка байланыштуу кызматтык иштери боюнча же жүйөлүү себептердин негизиде жумуш ордунда болбошу мүмкүң.

30.7. Шаардын мэринин орун басарлары кызматтык иштери боюнча же жүйөлүү себептер боюнча мэрдин макулдугу менен гана жумуш ордунда жок болушу мүмкүн.

Тиркеме №1

Шаардык мэриянын алдындагы туруктуу (убактылуу) комиссиянын тизмеси

Шаардык мэрия Кыргыз Республикасынын мыйзамдары менен өзүнө жүктөлгөн функцияларды жана ыйгарым укуктарды ишке ашыруунун алкагында шаардык мэриянын алдында төмөнкү туруктуу (убактылуу) комиссияларды түзөт.

Административдик укук бузуулар боюнча комиссия Бош административдик, муниципалдык кызмат ордуна талапкерлерди тандоо боюнча конкурстук комиссия

Муниципалдык кызматкердин ишин баалоо боюнча комиссия

Муниципалдык кызматкердин ишин баалоо боюнча талаштуу маселелерди кароо боюнча апелляциялык комиссия

Муниципалдык кызматкердин этика боюнча комиссиясы

Тартиптик комиссия

Мамлекеттик сатып алуулар боюнча конкурстук комиссия

Муниципалдык жер участокторуна менчик же ижара укугун берүү боюнча жер комиссиясы

Муниципалдык менчиктин объектилерин менчиктештирүү, пайдаланууга жана ижарага берүү боюнча комиссия

Курулуш жана жерди пайдалануу боюнча комиссия

Жеке турак жай үйүн куруу үчүн жер участогун берүү боюнча комиссиясы

Турак-жай-курулуш кооперативдерине жер участокторун беруу боюнча комиссия

Турак жай комиссиясы

Социалдык маселелер боюнча комиссия

Балдар иштери боюнча комиссиялары ж.б.

Таш-Көмүр шаардык мэриясынын башкы адис-юристи

Ж.Зарлыкова