Кызыл-Туу айылдык кеңешинин «Кызыл-Туу айыл өкмөтүнүн 2022-жылга жергиликтүү бюджетинин аткарылышы жана 2023-жылга жергиликтүү бюджетинин киреше жана чыгашаларын, 2024-2025-жылдардын долбоорлорун бекитүү жөнүндө» токтому

КЫЗЫЛ-ТУУ АЙЫЛДЫК КЕҢЕШИ ТОКТОМ

Кызыл-Туу айылдык кеңешинин VII чакырылышынын кезектеги он үчүнчү сессиясы 2023-жылдын 10-февралы № 13-5 Кызыл-Туу айыл өкмөтүнүн 2022-жылга жергиликтүү бюджетинин аткарылышы жана 2023-жылга жергиликтүү бюджетинин киреше жана чыгашаларын, 2024-2025-жылдардын долбоорлорун бекитүү жөнүндө Кызыл-Туу айыл өкмөтүнүн 2022-жылдын жергиликтүү бюджетинин аткарылышын жана 2023-жылга жергиликтүү бюджеттин киреше, чыгашаларын, 2024-2025-жылдарга бюджеттин долбоорун кароо жөнүндө айыл өкмөтүнүн финансы экономика бөлүмүнүн башчысы Г.Нуруеванын билдирүүсүнүн негизинде, айылдык кеңештин бюджеттик туруктуу комиссиясынын баяндамасын талкуулап Кызыл Туу айылдык кеңеши

ТОКТОМ КЫЛАТ:

1. Кызыл Туу айыл өкмөтүнүн 2022-жылга жергиликтүү бюджетинин аткарылышынын отчетун канааттандырарлык деп табылсын.

2. Кызыл-Туу айыл өкмөтүнүн 2023-жылда айыл өкмөтүнүн трансферттер менен кошулуп кирешелери жана чыгашаларынын көлөмү 43730,0 миң сом өлчөмүндө, анын ичинен жергиликтүү бюджеттик каражаттын көлөмү 24488,0 миң сомго, теңдөө грант эсебинен 14242,0 миң сомго, атайын каражат 5000,0 миң сомго №1,2 тиркемеге ылайык бекитилсин.

3. Кызыл Туу айыл өкмөтүнүн 2024-2025-жылдарга бюджеттин долбоорун бекитүүдө, теңдөө грантынын божомолу 2024-жылга 14242,0 миң сом эсебинде, жергиликтүү бюджет 35599,0 миң сомго, 2025-жылга тендоо грантынын божомолу 14242,0 миң сомго, жергиликтүү бюджет 38007,0 миң сом эсебинде бекитилсин.

4. Теңдөө грантынын көлөмү 14242,0 миң сом өлчөмүндө бөлүмдөр жана беренелер боюнча чыгымдар №3 тиркемеге ылайык бекитилсин жана биринчи кезекте коргоого алынган беренелерди каржылоого (эмгек акы жана социалдык фондко чегерүүгө, көмүр сатып алуу,балдардын тамак-ашына) багытталсын.

5. Атайын каражаттарды казыналык системаны аттап өтүп пайдалануусуна тыюу салынсын. Аталган тартип бузулган учурда атайын каражаттын 100 пайызы республикалык бюджеттин кирешесине алынышы эскертилсин.

6. Айыл өкмөтүндөгү балдар бакчасында тарбияланып жаткан балдардын тамак ашы үчүн ата-энелерден түшүүчү (атайын каражат) төлөмдөрү боюнча 5000,0 миң сом балдардын тамак-ашына багытталсын, казыналык система аркылуу пайдаланылсын жана жергиликтүү бюджеттен балдардын тамак ашына 2600,0 миң сом №4 тиркеменин негизинде бөлүнүп берилсин.

7. Кайра бөлүштүрүү фондунун жерлеринен түшүүчү аренда акыларды жана тамарка, унаа салыктарын өз убагында өндүрүү жагын камсыздоо өкмөт башчысына, айыл башчыларга жана салык инспекторлоруна милдеттендирилсин.

8. Жашасын айылына жаны курулган мектебине ашкана куруу үчүн 250,0 миң сом, А.Матиев мектебине кошумча имарат куруу үчүн 300,0 миң сом, К. Төрөмаматов мектебинин жылытуу системасын оңдоо үчүн 500,0 миң сом, Х. Кенжаев мектебинин айланасын тосууга 150,0 миң сом, Ж. Өмүралиев мектебинин ашканасын курууга 500,0 миң сом бөлүнсүн. Мектептерге жана бала бакчаларга кышкы жылытууга көмүр алуу үчүн 925,0 миң сом, мектептердин учурдагы ремонту үчүн 100,0 миң сом, “Алтын-уя” жана “Балапан” бала бакчаларына аренда акысына 156,0 миң сом, Таштак айылына бала бакча куруу учун документ иштерине 285,0 миң сом бөлүнсүн. Спорт мектебинде жана айылдарда спорт оюндарына, улуттук оюндарды өткөрүп туруу үчүн 500,0 миң сом акча каражаты №5 тиркемеге ылайык каралсын.

9. Айыл өкмөтүнүн 2023-жылга жаратылыш кырсыктарын алдын алуу үчүн 100,0 миң сом жана эпизотикалык фонд үчүн 60,0 миң сом өлчөмүндө акча каражаты каралсын, эгин талааларындагы арыктарды тартуу үчүн 450,0 миң сом, жана башка түрдүү чыгымдар болуп бардыгы 2430,0 миң сом бөлүнсүн. Сел каналдарды казуу үчүн 300,0 миң сом, Шатрак, Соку-Таш, Ак Терек айылдарынын жолдорун ондоого 210,0 миң сом, Каринген, Кызыл-Алма айылдарынын ички жолдорун оңдоого 100,0 миң сом, Ак-Булак айылынын жолун оңдоого 50,0 мин сом, Мундуз айылынын жолуна труба коюп оңдоо үчүн 12,0 миң сом, Бостон айылына тротуар курууга 550,0 миң сом, Жаңы-Ачы айылынын жолдорун ондоо үчүн 700,0 миң сом, Ак-Баш айылына Араб мамлекетинин жардамы менен курулуп жаткан “Бахрейн-2” шаарчасынын курулушуна айыл өкмөт тарабынан 400,0 миң сом №6 тиркеменин негизинде бөлүнүп берилсин.

10. Айыл өкмөтүнүн башчысынын унаа чыгымдары Кыргыз Республикасынын Өкмөтүнүн 2011-жылдын 30-декабрындагы №767 токтомунун негизинде жумшоосу белгиленсин жана инвестиция менен иш алып баруу үчүн башкы адиске өзүнүн жеке менчик автоунаасын айыл өкмөтүнүн жумуштарына пайдалангандыгы үчүн Кыргыз Республикасынын Өкмөтүнүн 18-сентябрь 2006-жылдагы №672 токтомунун негизинде күйүүчү май үчүн компенсация төлөнүп берилсин.

11. Айыл өкмөт башчысына, айыл өкмөт башчысынын орун басарына, айылдык кеңештин сапар чыгымдарына жана маршуруттук жол кире чыгымдары үчүн 170,0 миң сом бекитилсин.

12. Аппарат бөлүмүнө электрондук системага өткөндүгүнө байланыштуу интернет төлөмү үчүн 60,0 миң сом, мектептер, райондор, айыл башчылар менен байланышып туруу үчүн айыл өкмөт башчысына 500 сом, орун басарына 250 сом, соц.адиске 250 сом, ФЭБ бөлүм башчысына 500 сомдон уюлдук телефон чыгымдарына айына төлөп берилсин жалпы 20,0 миң сом.

13. Айыл өкмөтүндө майрамдарды, белгилүү күндөрдү жана уюштуруу иштери үчүн 595,0 миң сом бөлүнсүн, жабдууларды алуу үчүн 150,0 миң сом, кеңсе жана чарба товарларын алуу үчүн 260,0 миң сом , жашылдандыруу иштерине 220,0 мин сом №7 тиркемеге ылайык бөлүнүп берилсин.

14. Маданият бөлүмүндө жыл ичинде конкурстарды өткөрүү үчүн 50,0 миң сом, маданият уйунун ремонт жасоо иштери үчүн 700,0 миң сом №8 тиркеменин негизинде бөлүнсүн.

15. Аз камсыз болгон, турмуш шарты оор үй бүлөлөргө, мүмкүнчүлүгү чектелгендерге, карыяларга, ата энеси жок балдарга жардам берүү үчүн 870,0 миң сом, Мундуз айылында тратуар курууда тургундардын кеткен чыгымдары учун компенсация толоого 200,0 миң сом №9 тиркеменин негизинде каралсын.

16. Кыргыз Республикасынын бюджеттик кодексинин 24-беренесине ылайык айыл өкмөтүнүн резервдик фонду 780,0 миң сом өлчөмүндө белгиленсин.

17. Айыл өкмөт аймагындагы жылытуу системасы көмүр, отун менен иштөөчү мектеп, бала бакчаларга, көмүр алуу үчүн 925,0 миң сом бөлүнүп берилсин. Тиркеме №10

18. Кыргыз Республикасынын Өкмөтүнүн 2022-жылдын 30-мартындагы №185 токтомунун негизинде маданият кызматкерлерин 7 штат бирдиги кармалсын жана иштеген жылдары үчүн кошумча төлөөлөр менен айлык акылары 1474,0 миң сом, социалдык фонд чегерүүсүнө 254,3 миң сом эсебинде жана 13-сентябрь 2011-жылдын №545 токтомуна ылайык иштеген жылдары үчүн кошумча төлөөлөр №11 тиркемеге ылайык бекитилсин.

19. Башкаруу бөлүмүнүн кызматкерлеринин штат бирдиги жана эмгек акысы Кыргыз Республикасынын Өкмөтүнүн 2013-жылдын 8-июлундагы №403 токтомунун негизинде штат бирдиктери бекитилсин, Кыргыз Республикасынын Өкмөтүнүн 2022-жылдын 1-августундагы №266 токтомунун негизинде 16510 миң сомго айлык акыларына, социалдык фонд чегерүүсүнө 2037,6 миң сом эсебинде №12 тиркемеге ылайык бекитилсин.

20. Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамынын №52 беренесине ылайык айыл өкмөтүндө 16 айыл башчы штат бирдиги кармалсын жана эмгек акысы жергиликтүү бюджеттен төлөнсүн.

21. Кыргыз Республикасынын Өкмөтүнүн 2020-жылдын 5-февралындагы “Айылдык кеңештерге эмгек акы төлөө негизиндеги кызмат орундарынын тизмесин бекитүү жөнүндө ”№64 токтомунун негизинде Кызыл-Туу айылдык кеңешинин төрагасына жана жооптуу катчы кызмат орундарынын штат бирдиги кармалып, эмгек акылары Кыргыз Республикасынын Өкмөтүнүн 01.08.2022-жылдагы №266 Кыргыз Республикасынын мамлекеттик жарандык жана муниципиалдык кызматчылардын ишин баалоо жана эмгек акы төлөө шарттары жөнүндө” токтомдун негизинде айлык акысына 1017,9 миң сом, социалдык фонд чегерүүсүнө 129,4 мин сом №13 тиркемеге ылайык бекитилсин.

22. Кыргыз Республикасынын Өкмөтүнүн 2016-жылдын 7-июнундагы №386 “Жайыттар жөнүндөгү” мыйзамын ишке ашыруу боюнча токтомуна жана Кыргыз Республикасынын Бюджеттик Кодексинин 48-беренесине ылайык Жайыт пайдалануучулар комитетинин 2023-жылга чыгашалары 935,3 миң сомго бекитилсин. Жайыт жерлерди ижарага берүүдө келишим түзүү жайыт комитетине милдеттендирилсин жана социалдык фонд төлөмүн ижарачы өзү төлөөрү келишимде көрсөтүлсүн.

23. Жыл ичинде пландык көрсөткүчтөрдөн кошумча жыйналган кирешелер Кыргыз Республикасынын Бюджеттик Кодексине ылайык пайдаланылсын.

24. Жергиликтүү бюджеттин чыгымдарына өзгөртүү киргизүүгө айылдык кеңештин сессиясына сунуш берүү айыл өкмөтүнүн финасы жана экономика бөлүмүнүн башчысы Г.Нуруевага милдеттендирилсин.

25. Токтомдун аткарылышын көзөмөлдөө жана максаттуу пайдалануу айылдык кеңештин бюджеттик комиссиясына, айыл өкмөт башчысына, финансы жана экономика бөлүмүнүн башчысына жүктөлсүн.

26. Бул токтом Кызыл-Туу айыл өкмөтүнүн www.kyzyl-tuu.my1.ru расмий сайтына жарыяланган күндөн баштап күчүнө кирет.

Төрага:

Т. Джороев