МСКнын «Кыргыз Республикасынын Финансы иинистрлигине караштуу Мамлекеттик салык кызматынын 2022-жылдын 28-мартындагы № 129 „Салык кызматынын органынын карызды өндүрүү менен байланышкан чечимдеринин жана башка документтеринин формаларын бекитүү жөнүндө“ жана 2023-жылдын 28-апрелиндеги № 101 «Кыргыз Республикасынын Салык кодексинин талаптарын ишке ашыруу боюнча чаралар жөнүндө” буйруктарына өзгөртүлөрдү киргизүү жөнүндө» буйругу

Кыргыз Республикасынын Финансы иинистрлигине караштуу Мамлекеттик салык кызматынын 2022-жылдын 28-мартындагы № 129 "Салык кызматынын органынын карызды өндүрүү менен байланышкан чечимдеринин жана башка документтеринин формаларын бекитүү жөнүндө" жана 2023-жылдын 28-апрелиндеги № 101 «Кыргыз Республикасынын Салык кодексинин талаптарын ишке ашыруу боюнча чаралар жөнүндө” буйруктарына өзгөртүлөрдү киргизүү жөнүндө

Кыргыз Республикасынын Салык кодексинин 85 жана 131-беренелеринин талаптарын ишке ашыруу максатында, Кыргыз Республикасынын Министрлер Кабинетинин 2022-жылдын 24-фeвpaлындaгы № 95 токтому (KP Министрлер Кабинетинин 2024-жылдын 27-февралындагы № 83 токтомунун редакциясында) менен бекитилген Салык постун орнотуу тартибине ылайык, буирук кылам:

1. Кыргыз Республикасынын Финансы министрлигине караштуу Мамлекеттик салык кызматынын 2022-жылдын 28-мартындагы № 129 "Салык кызматынын органынын карызды өндүрүү менен байланышкан чечимдерин жана башка документтеринин формаларын бекитүү жөнүндө" буйругуна төмөнкүдөй өзгөртүүлөр киргизилсин:

1) Салыктар, салыктык эмес кирешелер жана камсыздандыруу төгүмдөрү боюнча карызды жоюу үчүн салык постунун жыйынтыктары жөнүндө актынын (NEDOIMKA ЅТІ-037) формасы ушул буйруктун 1-тиркемесине ылайык бекитилсин;

2) 1-пункт төмөнкүдөй мазмундагы 10-пунктча менен толукталсын:

- Накталай акча каражаттарын өндүрүү жөнүндө актынын (NEDOIMKA ЅТІ-032) формасы ушул буйруктун 2-тиркемесине ылайык бекитилсин.

2. Кыргыз Республикасынын Финансы министрлигине караштуу Мамлекеттик салык кызматынын 2023-жылдын 28-апрелиндеги №101 "Кыргыз Республикасынын Салык кодексинин талаптарын ишке ашыруу боюнча чаралар жөнүндө" буйругуна төмөнкүдөй өзгөртүү киргизилсин:

— 1-пункттун 10-пунктчасы күчүн жоготту деп таанылсын.

3. Санариптик трансформациялоо башкармалыгы (А.А.Мурзакматов) insp.salyk.kg системасына жогоруда бекитилген формаларга ылайык тийиштүү өзгөртүүлөрдү киргизсин жана ушул формаларды Кыргыз Республикасынын Финансы министрлигине караштуу Мамлекеттик салык кызматынын расмий сайтына жайгаштырсын.

4. Иш кагаздар менен камсыздоо жана контролдоо бөлүмү (А.Дж.Маматбекова) ушул буйрукту иш жана аткаруу үчүн Кыргыз Республикасынын Финансы министрлигине караштуу Мамлекеттик салык кызматынын борбордук аппаратынын бардык түзүмдүк бөлүктөрүнө жана аймактык башкармалыктарына жеткирсин.

5. Ушул буйруктун аткарылышын контролдоону өзүмө калтырам.

| Төраганын м.у.а | Б.А.Алиев |