# МСКнын 2025-жылдын 30-октябрындагы № 608 "Карызды өндүрүү менен байланышкан чечимдердин жана башка документтердин формаларын бекитүү жөнүндө" буйругу

- Толук аталышы: МСКнын 2025-жылдын 30-октябрындагы № 608 "Карызды өндүрүү менен байланышкан чечимдердин жана башка документтердин формаларын бекитүү жөнүндө" буйругу
- Актынын түрү: Приказ
- Номери: № 608
- Кабыл алынган күнү: 30.10.2025
- Редакциянын күнү: 30.10.2025
- Тексттин тили: кыргыз тили
- aqlex'теги барагы: <https://aqlex.ai/kg/doc/salyk-npa-153>
- Расмий булак: <https://sti.gov.kg/kenesh/153>
- Башка тилдеги тексти (Markdown): <https://aqlex.ai/doc/salyk-npa-153.md>

> Текст расмий булактын маалыматы боюнча 30.10.2025 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: МСКнын 2025-жылдын 30-октябрындагы № 608 "Карызды өндүрүү менен байланышкан чечимдердин жана башка документтердин формаларын бекитүү жөнүндө" буйругу (30.10.2025 редакциясы) - https://aqlex.ai/kg/doc/salyk-npa-153

---

| КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНЕ КАРАШТУУ МАМЛЕКЕТТИК САЛЫК КЫЗМАТЫ |  | ГОСУДАРСТВЕННАЯ НАЛОГОВАЯ СЛУЖБА ПРИ КАБИНЕТЕ МИНИСТРОВ КЫРГЫЗСКОЙ РЕСПУБЛИКИ |
| --- | --- | --- |
|  | БУЙРУК ПРИКАЗ |  |
| \_\_\_\_\_\_\_\_\_\_\_\_\_\_ 20\_\_\_-ж. / г. № \_\_\_\_\_\_\_\_\_\_ |  | г. Бишкек ш. |

Карызды өндүрүү менен байланышкан чечимдердин жана башка документтердин формаларын бекитүү жөнүндө

Кыргыз Республикасынын Министрлер Кабинетинин 2025-жылдын 19-сентябрындагы №592 “Кыргыз Республикасынын Министрлер Кабинетине караштуу Мамлекеттик салык кызматынын жана Кыргыз Республикасынын Министрлер Кабинетине караштуу Мамлекеттик бажы кызматынын маселелери жөнүндө” токтомун ишке ашыруу максатында, буйрук кылам:

1. Төмөнкүлөрдүн формалары бекитилсин:

- Салык төлөөчү тарабынан таанылган салыктар, салыктык эмес кирешелер жана камсыздандыруу төгүмдөрү боюнча карыздын аткарылышын камсыз кылуу жөнүндө кабарлоо (NEDOIMKA STI-017);

- Салык төлөөчү тарабынан таанылган салыктар, салыктык эмес кирешелер жана камсыздандыруу төгүмдөрү боюнча карыздын аткарылышын камсыз кылуу жөнүндө кабарлоо (NEDOIMKA STI-017-1);

- Салыктык төлөм талабы (NEDOIMKA STI-018);

- Салык милдеттенмесин аткаруунун жеңилдетилген режимин колдонуу жөнүндө арыз (NEDOIMKA STI-028);

- Салык постун коюу укугуна жазма буйрук (NEDOIMKA STI-035).

2. Төмөнкүлөр күчүн жоготту деп таанылсын:

- Кыргыз Республикасынын Финансы министирлигине караштуу Мамлекеттик салык кызматынын 2025-жылдын 20-июнундагы № 365 “Салык төөлөчү тарабынан таанылган салыктар, салыктык эмес кирешелер жана камсыздандыруу төгүмдөрү боюнча карызыдын аткарылышын камсыз кылуу жөнүндө кабарлоонун формасын бекитүү жөнүндө” буйругу;

- Кыргыз Республикасынын Финансы министирлигине караштуу Мамлекеттик салык кызматынын 2022-жылдын 28-мартындагы № 129 “Салык кызматынын органынын карызды өндүрүү менен байланышкан чечимдеринин жана башка документтеринин формаларын бекитүү жөнүндө” буйругунун 1-бөлүгүнүн 8-пункту;

- Кыргыз Республикасынын Финансы министирлигине караштуу Мамлекеттик салык кызматынын 2024-жылдын 1-июлундагы № 191 “Кыргыз Республикасынын Финансы министрлигине караштуу Мамлекеттик салык кызматынын 2023-жылдын 10-апрелиндеги № 85 “Салык кызматынын органынын карызды өндүрүү менен байланышкан чечимдеринин жана башка документтеринин формаларын бекитүү жөнүндө” буйругуна толуктоо киргизүү жөнүндө” буйругу;

- Кыргыз Республикасынын Финансы министирлигине караштуу Мамлекеттик салык кызматынын 2025-жылдын 2-июлундагы № 387 “Кыргыз Республикасынын Финансы министрлигине караштуу Мамлекеттик салык кызматынын 2022-жылдын 21-февралындагы № 66 буйругуна өзгөртүү киргизүү тууралуу” буйругу;

- Кыргыз Республикасынын Финансы министирлигине караштуу Мамлекеттик салык кызматынын 2025-жылдын 7-июлундагы № 399 “Кыргыз Республикасынын Финансы министрлигине караштуу Мамлекеттик салык кызматынын 2022-жылдын 21-февралындагы №66 “Салык кызматынын органынын карызды өндүрүү менен байланышкан чечимдеринин жана башка документтеринин формаларын бекитүү жөнүндө” буйругуна өзгөртүү киргизүү жөнүндө” буйругу.

3. Санариптик трансформациялоо башкармалыгы (А.О.Осмонов) бекитилген формаларды Кыргыз Республикасынын Министрлер Кабинетине караштуу Мамлекеттик салык кызматынын расмий сайтына жайгаштырсын жана аларды insp.salyk.kg тутумуна киргизүүнү камсыз кылсын.

4. Иш кагаздар менен камсыздоо жана контролдоо бөлүмү (А.Дж. Маматбекова) ушул буйрукту Кыргыз Республикасынын Министрлер Кабинетине караштуу Мамлекеттик салык кызматынын борбордук аппаратынын бардык түзүмдүк бөлүмдөрүнө жана аймактык башкармалыктарына жеткирсин.

5. Ушул буйруктун аткарылышын контролдоо Кыргыз Республикасынын Министрлер Кабинетине караштуу Мамлекеттик салык кызматынын төрагасынын орун басары А.М. Рахмановго жүктөлсүн.

Төраганын м.у.а К.А.Ысабеков