# Кыргызстан менен Монголиянын ортосундагы Өткөрүп берүү жөнүндө келишим ратификацияланды - Толук аталышы: Кыргызстан менен Монголиянын ортосундагы Өткөрүп берүү жөнүндө келишим ратификацияланды - Актынын түрү: Закон - Кабыл алынган күнү: 16.03.2026 - Редакциянын күнү: 16.03.2026 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 16.03.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргызстан менен Монголиянын ортосундагы Өткөрүп берүү жөнүндө келишим ратификацияланды (16.03.2026 редакциясы) - https://aqlex.ai/kg/doc/president-40165 --- Кыргыз Республикасынын Президенти Садыр Жапаров “2025-жылдын 21-июлунда Бишкек шаарында кол коюлган Кыргыз Республикасы менен Монголиянын ортосундагы Өткөрүп берүү жөнүндө келишимди ратификациялоо тууралуу” Кыргыз Республикасынын Мыйзамына кол койду. Мыйзам 2026-жылдын 19-февралында Кыргыз Республикасынын Жогорку Кеңеши тарабынан кабыл алынган. Мыйзамдын максаты 2025-жылдын 21-июлунда Бишкек шаарында кол коюлган Кыргыз Республикасы менен Монголиянын ортосундагы Өткөрүп берүү жөнүндө келишим (мындан ары – Келишим) күчүнө кириши үчүн зарыл болгон мамлекеттик ички жол-жоболорду Кыргыз Республикасы тарабынан аткаруу болуп саналат. Келишимде өткөрүп берүү өтүнүчтөрүн тапшыруу жана кароо тартиби, баш тартуу негиздери, убактылуу камакка алуу, транзит маселелери жана кылмыш-жаза сот өндүрүшүнүн процесси кайсы стадияда жүрүп жатканына жараша өтүнүчтөрдү аткаруунун өзгөчөлүктөрү каралган. Келишим өз ара аракеттенүүнү өнүктүрүүгө жана өркүндөтүүгө, эл аралык кылмыш-жаза-укуктук чөйрөдөгү кызматташуунун натыйжалуулугун жогорулатууга, ошондой эле кылмышкерлерди экстрадициялоо жаатындагы кызматташууну чыңдоого багытталган. Мыйзам расмий жарыяланган күндөн тартып он күн өткөндөн кийин күчүнө кирет.